Khutbah Jumat Bahasa Madura: Amalan ben Kautamaan Areh Asyurok e Bulen Muharrom

Khutbah Jumat bahasa Madura ini mengajak kepada para jamaah untuk terus memaksimalkan semua waktu yang ada, khususnya di awal bulan Muharram yang sangat dimuliakan dalam Islam. Semua umat Islam sudah seharusnya memaksimalkan semua kesempatan ini dengan benar, agar menjadi awal tahun yang berkah, dengan harapan bisa menjadikan bulan-bulan berikutnya juga berkah.

Naskah khutbah Jumat berikut ini dengan judul, “Khutbah Jumat Bahasa Madura: Kautama’an Areh Asyurok e Bulen Muharrom.” Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat! 

---

Khutbah I

اَلْحَمْدُ لِلهِ الَّذِيْ جَعَلَ شَهْرَ الْمُحَرَّمِ غُزَّةَ وَجْهِ الْعَامِ، وَأَجْزَلَ فِيْهِ الْفَضَائَلَ وَالْاِنْعَام، وَفَضَّلَ أَيَّامَهُ عَلَى سَائِرِ الْأَيَّامِ، وَدَبَّرَ الْأَكْوَانَ بِحِكْمَتِهِ الْبَالِغَةِ فَلاَ تُحِيْطُ بِكُنْهِ حَقِيْقَتِهِ الْأَفْهَامُ، وَجَدَّدَ الْأَعْوَامَ فَكَانَتْ عِبْرًا جَلِيَّةً لِمَنْ يَتَدَبَّرُهَا مِنَ الْأَنَامِ، وَافْتَتَحَهَا بِالْمُحَرَّمِ الْحَرَامِ الْمُعَظَّمِ فِي الْجَاهِلِيَّةِ وَالْاِسْلاَمِ. وَالصَّلَاةُ وَالسَّلَامُ عَلَى سَيِّدِنَا مُحَمَّدٍ اَلْمَبْعُوْثِ عَلَى جَمِيْعِ الْأَنَامِ، وَعَلَى أَلِهِ وَأَصْحَابِهِ هُدَاةِ الْأَنَامِ وَمَصَابِيْحِ الظَّلَامِ

أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ، اِلَهٌ تَفَرَّدَ بِالْكَمَالِ وَالتَّمَامِ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ أَفْضَلُ مَنْ صَلَّى وَصَامَ. أَمَّا بَعْدُ: فيا عباد الله أُوْصِيْكُمْ وَاِيَايَ أولا بِتَقْوَى اللهِ تعالى وَطَاعَتِهِ بِامْتِثَالِ أَوَامِرِهِ وَاجْتِنَابِ نَوَاهِيْهِ. قَالَ اللهُ تَعَالَى فِي الْقُرْاَنِ الْكَرِيْمِ: يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلاً سَدِيداً يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزاً عَظِيماً

Ma’asyiral Muslimin jamaah Jumat se e molje aki sareng Alloh

Ngireng kuleh sareng ajunan sadejeh amojih tor a syukkur dek ajunan epon Alloh swt, kalaben ma istiqomah alafad aki al-hamdulillahi rabbil ‘alamin, atas sadejeh nikmat se ampon e parengaki sareng ajunan epon Alloh dek kuleh ajunan sadejeh, khusus epon nikmat Islam sareng nikmat sehat, saenggenah bisa nyebeb aki along-polong e kakdintoh masjid kalaben tojjoen se padeh, enggi kakdintoh ngalakonih sholat Jumat. Mugeh-mugeh ibedeh kakdintoh kataremah sareng ajunan epon Alloh.

Sholawet sareng salam nyatoreh atoraki kalaben istiqomah dek ajunan epon se muljeh, panutan manussah sadejeh, enggi kakdintoh Nabi Muhammad saw, kalaben pamaosan allahumma shalli ‘ala Muhammad wa ‘ala alih wa sahbih, se ampon ngangkak derejet manussah deri kebuduen se sanget petteng ben jeu deri cahaya hideyeh, menuju tempat se sanget agung enggi kakdintoh agemah Islam, sareng sadejeh keluarga, para sohabet, sareng se istikomah ngireng lampanah kanjeng nabi.

Selanjut epon, melalui mimber se sanget muljeh kakdintoh, abdinah selaku khotib ngajek dek abek dibik, keluarga, sareng sadejeh para jamaah se hadir delem pelaksanaan sholat Jumat kakdintoh, untuk teros usaha delem aningkat aki ketakwaan dek ajunan epon Alloh. Sebeb hanya kalaben takwa kakdintoh, kuleh sareng ajunan sadejeh bisa salamet mulai deri dunnyah kantos akherat, ben mugeh-mugeh Islam sareng iman kakdintoh bisa ebektah sareng kuleh sampean sampe wefat. Amin.

Ma’asyiral Muslimin jamaah Jumat se e molje aki sareng Alloh

Bulen Muharrom kakdintoh aropa aki bulen se sangat muljeh delem agemah Islam. Sadejeh ibede sareng amal pekus se e kalakoh e delem bulen kakdintoh pekal e tikel aki genjerennah sareng Alloh. Milanah deri nikah, sanget ontong oreng se bisa aguna aki bulen nikah kalaben sampornah, ben sapelik epon, sanget rogi oreng se yak-nyia aki bulen se sanget muljeh kakdintoh.

Sala sittung tandeh bahwa bulen Muharrom kakdintoh sanget muljeh enggi kakdintoh keistiqomaan Rasululloh delem ngalakonih pasah ketika ampon dek bulen kakdintoh, bahkan sala sittung haditsseh nyebut aki jhek pasah se paleng muljeh saamponnah bulen Romadon nikah bulen Muharrom,

أَفْضَلُ الصَّلَاةِ بَعْدَ الْفَرِيضَةِ قِيَامُ اللَّيْلِ وَأَفْضَلُ الصِّيَامِ بَعْدَ رَمَضَانَ الْمُحَرَّمُ

Arte epon, “Paleng utamanah sholat salestarenah sholat fardho, enggi kakdintoh ibede e wektoh malem. Ben paleng utamanah pasah sa amponah Romadon enggi kakdintoh apasah e bulen Muharrom.” (HR an-Nasa’i).

Selaen apasah, jugen bennyak amal ibede sareng kapekusen se sangat e anjuraki e bulen kakdintoh, khusus epon ketika ampon masok dek areh Asyurok akadih areh samangken kakdintoh, di antaranah enggi mabennyak asadeka khusus epon dek keluarga, kakdintoh bisa e amal aki kalaben alebbi ih belenjeh se biasah. Delem sala sittung hadit epon, Rasulullah adebu:

مَنْ وَسَّعَ عَلىَ عِيَالِهِ فِي النَّفَقَةِ يَوْمَ عَاشُوْرَاءَ وَسَّعَ اللهُ عَلَيْهِ سَائِرَ سَنَتِهِ

Arte epon, “Paserah oreng se majember dek kaluarganah delem abalenjeh e areh Asyurok, maka Alloh pekal majember sakarenah taonnah.” (HR Ibnu Mas’ud).

Ma’asyiral Muslimin jamaah Jumat se e molje aki sareng Alloh

Salaen melebbi tor majember kaluarganah delem urusen belenjeh, e areh Asyurok kakdintoh kuleh sareng panjennengan sadejeh jugen sanget e anjur aki untuk ebelenjeih anak jetem bek ngusap dek seranah. Nikah aropa aki sala sittung amalan se sanget sae untuk e lakonih sareng kuleh ajunan sadejeh e areh kakdintoh. Delem ketab Tanbihul Ghafilin bi Ahaditsi Sayyidil Anbiya wal Mursalin kakdintoh e debut aki:

مَنْ مَسَحَ يَدَهُ عَلىَ رَأْسِ يَتِيْمٍ يَوْمَ عَاشُوْرَاءَ رَفَعَ اللهُ تَعَالىَ لَهُ بِكُلِّ شَعْرَةٍ دَرَجَةً

Arte epon, “Paserah oreng se ngusap dek seranah anak jetem e areh Asyurok, maka Alloh pekal ngangkak derejetteh kakdintoh, delem setiap sittung obuk nikah sittung derejet.”

Se e maksod ngusap dek seranah anak jetem enggi kakdintoh tak coma ngusah meloloh, namun majember ben mapunga anak jetem, baik kalaben cara apareng obeng, apareng de’eren, apareng rasoen, sareng se laen epon se bisa mapunga ben ma senneng anak jetem. Maka nikah genjerennah sanget rajeh, enggi kakdintoh pekal e angkak derejetteh sareng ajunan epon Alloh.

Milanah deri kakdintoh, ngireng guna aki wektoh se bedeh kakdintoh kalaben ongguen. Nyatoreh jhek yak-sia aki sadejeh kesempatan se e parengaki sareng Alloh sopajeh eguna aki kalaben sampornah tor sae, kalaben areppen mugeh-mugeh bisa mondut kaontongan delem areh se moljeh kakdintoh.

Ma’asyiral Muslimin jamaah Jumat se e molje aki sareng Alloh

Sadejeh artah ben dunnya se e infak aki ben e sadeka aki kakdintoh sareng Alloh pekal egente’eh se lebbi sae. Ngireng kuleh sareng ajunan sadejeh tak usa kabeter, karena Alloh swt kakdintoh ampon neges aki delem Al-Qur’an,

وَمَا أَنْفَقْتُمْ مِنْ شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ

Arte epon, “Ben panapa ah saos se sampean infak aki, Alloh pekal agente’eh ben Alloh kakdintoh se apareng rizki se paleng sae.” (QS Saba’ [34]: 39).

Ma’asyiral Muslimin jamaah Jumat se e molje aki sareng Alloh

Panapah se ampon ejellasaki gellek kakdissah, aropa aki sala sittung pengingat dek kuleh sareng panjennengan sadejeh, sopajeh onggu-onggu delem ajelenaki areh Asyurok kakdintoh kalaben sae ben pender, sadejeh amalan kakdintoh elakonih sopajeh ngaolle sadejeh kautamaennah. Hal kakdintoh tettih areppen kuleh sareng panjennengan sadejeh untuk aningkat aki amal ibede sareng amal kapekusen.

Sakakdinoh bedenah khutbah Jumat kaleben tema amalan sareng keutamaan areh Asyurok e bulen Muharrom kakdintoh. Mugeh-mugeh bedenah khutbah kakdintoh bisa apektah manfaat tor barokah dek kuleh sareng ajunan sadejeh, serta bisa tettih panyebeb untuk bisa ningkat aki ibedeh ben ketakwaan dek ajunan epon Alloh swt. Amin ya rabbal alamin.

بَارَكَ اللهُ لِيْ وَلَكُمْ فِيْ هَذَا الْيَوْمِ الْكَرِيْمِ، وَنَفَعَنِيْ وَاِيَاكُمْ بِمَا فِيْهِ مِنَ الصَّلَاةِ وَالصَّدَقَةِ وَتِلَاوَةِ الْقُرْاَنِ وَجَمِيْعِ الطَّاعَاتِ، وَتَقَبَّلَ مِنِّيْ وَمِنْكُمْ جَمِيْعَ أَعْمَالِنَا إِنَّهُ هُوَ الْحَكِيْمُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، اِنَّهُ هُوَ الْغَفُوْرُ الرَّحِيْمُ

Khutbah II

اَلْحَمْدُ لِلهِ حَمْدًا كَمَا أَمَرَ. أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ، اِلَهٌ لَمْ يَزَلْ عَلَى كُلِّ شَيْءٍ وَكِيْلًا. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَحَبِيْبُهُ وَخَلِيْلُهُ، أَكْرَمِ الْأَوَّلِيْنَ وَالْأَخِرِيْنَ، اَلْمَبْعُوْثِ رَحْمَةً لِلْعَالَمِيْنَ. اللهم صَلِّ وَسَلِّمْ عَلَى سَيِّدِنَا مُحَمَّدٍ وَعَلىَ أَلِهِ وَأَصْحَابِهِ وَمَنْ كَانَ لَهُمْ مِنَ التَّابِعِيْنَ، صَلَاةً دَائِمَةً بِدَوَامِ السَّمَوَاتِ وَالْأَرْضِيْنَ.

أَمَّا بَعْدُ: فَيَا أَيُّهَا الْحَاضِرُوْنَ اتَّقُوا اللَّهَ حَقَّ تُقَاتِهِ وَذَرُوْا الْفَوَاحِشَ مَا ظَهَرَ مِنْهَا وَمَا بَطَنَ. وَحَافِظُوْا عَلَى الطَّاعَةِ وَحُضُوْرِ الْجُمْعَةِ وَالْجَمَاعَةِ وَالصَّوْمِ وَجَمِيْعِ الْمَأْمُوْرَاتِ وَالْوَاجِبَاتِ. وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ بِنَفْسِهِ. وَثَنَى بِمَلَائِكَةِ الْمُسَبِّحَةِ بِقُدْسِهِ. إِِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً.

اللهم صَلِّ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ فِيْ العَالَمِيْنَ اِنَّكَ حَمِيْدٌ مَجِيْدٌ. اللهم اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اَلْأَحْيَاءِ مِنْهُمْ وِالْأَمْوَاتِ. اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَةً وَمِنْ بُلْدَانِ الْمُسْلِمِيْنَ عَامَةً، اِنَّكَ عَلَى كُلِّ شَيْءٍ قَدِيْرٌ

عِبَادَ اللهِ، اِنَّ اللهَ يَأْمُرُكُمْ بِالْعَدْلِ وَالْاِحْسَانِ وَاِيْتَاءِ ذِيْ الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذْكُرُوْا اللهَ الْعَظِيْمَ يَذْكُرُكُمْ وَلَذِكْرُ اللهِ أَكْبَرُ

Sunnatullah, Pengajar di Pondok Pesantren Al-Hikmah Darussalam Durjan Kokop Bangkalan Jawa Timur.