Khutbah Jumat Bahasa Madura: Natah Taon Baru Sopajeh lebbi Sae

Khutbah Jumat bahasa Madura ini mengajak para jamaah untuk melakukan evaluasi atas segala capaian ibadah yang pernah kita lakukan selama satu tahun, untuk dijadikan cerminan dan referensi di tahun berikutnya. Dengan harapan, bisa menjadi perantara untuk semakin optimis dalam berusaha dan berupaya dalam meningkatkan kualitas dan kuantitas ibadah dan ketaatan.

Teks khutbah Jumat berikut ini dengan judul, “Khutbah Jumat Bahasa Madura: Natah Taon Baru Sopajeh lebbi Sae.” Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat!

Khutbah I

بِسْمِ اللَّهِ الرَّحْمَنِ الرَّحِيمِ الْحَمْدُ لِلَّهِ الَّذِي وَفَّقَنَا لِأَدَاءِ أَفْضَلِ الطَّاعَاتِ، وَوَفَّقَنَا عَلَى كَيْفِيَّةِ اكْتِسَابِ أَكْمَلِ السَّعَادَاتِ، وَهَدَانَا إِلَى قَوْلِنَا: أَعُوذُ بِاللَّهِ مِنَ الشَّيْطَانِ الرَّجِيمِ مِنْ كُلِّ الْمَعَاصِي وَالْمُنْكَرَاتِ، بِسْمِ اللَّهِ الرَّحْمنِ الرَّحِيمِ نَشْرَعُ فِي أَدَاءِ كُلِّ الْخَيْرَاتِ وَالْمَأْمُورَاتِ. وَالصَّلَاةُ عَلَى مُحَمَّدٍ الْمُؤَيَّدِ بِأَفْضَلِ الْمُعْجِزَاتِ وَالْآيَاتِ، وَعَلَى آلِهِ وَصَحْبِهِ بِحَسَبِ تَعَاقُبِ الْآيَاتِ وَسَلِّمْ تَسْلِيمًا

أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ دَائِمُ الْمُلْكِ وَالسُّلْطَانِ، وَمُبْرِزُ كُلِّ مَنْ سِوَاهُ مِنَ الْعَدَمِ اِلَى الْوِجْدَانِ، عَالِمُ الظَّاهِرِ وَمَا انْطَوَى عَلَيْهِ الْجَنَانِ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَخِيْرَتُهُ مِنْ نَوْعِ الْاِنْسَانِ، نَبِيٌّ رَفَعَ اللهُ بِهِ الْحَقَّ حَتَّى اتَّضَحَ وَاسْتَبَانَ. صَلَّى اللهُ عَلَيْهِ وَعَلَى أَلِهِ وَأَصْحَابِهِ أَهْلِ الصِّدْقِ وَالْاِحْسَانِ. أَمَّا بَعْدُ، أَيُّهَا الْاِخْوَانُ أُوْصِيْكُمْ وَاِيَايَ بِتَقْوَى اللهِ وَطَاعَتِهِ، بِامْتِثَالِ أَوَامِرِهِ وَاجْتِنَابِ نَوَاهِيْهِ. قَالَ اللهُ تَعَالَى فِيْ كِتَابِهِ الْكَرِيْمِ: هُوَ الَّذِي أَنْزَلَ السَّكِينَةَ فِي قُلُوبِ الْمُؤْمِنِينَ لِيَزْدَادُوا إِيمَاناً مَعَ إِيمَانِهِمْ

Ma’asyiral Muslimin jamaah Jumat se e molje aki sareng Alloh

Pojih sareng syukkur Alhamdulillah ngireng ator aki dek ajunan epon Alloh swt, atas sadejeh nikmat sareng papareng epon se tak kebitong jumlanah, khususseh nikmah sehat sareng Islam se cekkak delem ateh kuleh sampean sadejeh kakdintoh, saenggenah bisa teros istiqomah delem ngalaksana aki sholat Jumat. Mugeh-mugeh ibede kakdintoh tettih amal se kataremah sareng ajunan epon Alloh, saengge bisa tettih amal se bisa epeketah dek akherat.

Sholawet sareng salam mugeh-mugeh teros kaatorah dek ajunan epon se muljeh, patunan manussah sadejeh, enggi kakdintoh dek ajunan epon Nabi Muhammad saw, allahumma shalli ‘ala Muhammad wa ‘ala alih wa sahbih, se ampon ngangkak derejet manussah deri kebuduen se sanget petteng ben jeu deri cahaya hideyeh, menuju tempat se sanget agung enggi kakdintoh agemah Islam, sareng sadejeh keluarga, para sohabet, sareng se istikomah ngireng lampanah kanjeng nabi.

Selanjut epon, melalui mimber se sanget muljeh kakdintoh, abdinah selaku khotib ngajek dek abek dibik, keluarga, sareng sadejeh para jamaah se hadir delem pelaksanaan sholat Jumat kakdintoh, untuk teros usaha delem aningkat aki ketakwaan dek ajunan epon Alloh. Sebeb hanya kalaben takwa kakdintoh, kuleh sareng ajunan sadejeh bisa salamet mulai deri dunnyah kantos akherat, ben mugeh-mugeh Islam sareng iman kakdintoh bisa ebektah sareng kuleh sampean sampe wefat. Amin.

Ma’asyiral Muslimin jamaah Jumat se e molje aki sareng Alloh

Saat samangken kuleh sareng ajunan sadejeh ampon masok dek taon baru, enggi kakdintoh taon baru hijriyah. Delem nyambut sareng araya aki taon anyar kakdintoh sobung amal sareng kalakoan se lebbi sae untuk elakonih salaen teros usaha untuk natah sataoh kaadek kakdintoh sopajeh tettih taon se lebbi sae deri taon-taon sabellummah. Sebeb, manussah se sae kakdintoh enggi se selalu usaha untuk teros masae masa depan epon.

Natah sadejeh kalakoan se pekal ekalakoh e taon se baru kakdintoh aropa aki sala situung usaha kuleh sareng ajunan sadejeh sopajeh se tak sae bisa sae, ben se sae bisa lebbi sae. Milanah deri nikah, Alloh swt delem Al-Qur’an kakdintoh maemut dek sadejeh manussah untuk teros natah masa depannah nikah sopajeh teros sae. Delem Al-Qur’an Alloh neges aki:

يَا أَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ

Artinya, “Wahai oreng-oreng se beriman! Bertakwalah dek ajunan epon Alloh tor hendaklah sadejeh oreng mertela aki panapah se ampon ekalakoh untuk areh pagik (akhirat), ben bertakwalah dek ajunan epon Alloh. Sungguh, Allah Mahateliti dek sadejeh se sampean lakonih.” (QS. Al-Hasyr [59]: 18).

Ayet kakdintoh ngajek dek kuleh sareng panjennengan sadejeh untuk merhati aki hal-hal penting se pekal e pektah menuju akherat. Hal kakdintoh tak bisa terlaksana manabi tak kuleh sareng panjennengan nikah tak bisa natah taon kakdintoh sopajeh lebbi sae. Milanah deri nikah, spirit ayet kakdintoh ngajek dek kuleh sareng panjennengan sadejeh untuk natah masa depan sopajeh lebi sae deri taon-taon sebelum epon.

Ma’asyiral Muslimin jamaah Jumat se e molje aki sareng Alloh

Oreng-oreng se teros usaha untuk natah masa depannah sopajeh lebbi sae, kalaben teros aningkat aki sadejeh ketaatan tor amal pekus kakdintoh pekal ngaolle belesen se sanget rajeh deri ajunan epon Alloh swt, enggi kakdintoh soargeh sareng sadejeh kanikmatan se ampon tersedia e delem epon. Milanah deri nikah, Alloh ngajeh dek sadejeh manussah untuk teros aningkat aki sadejeh ibedeh tor amal pekus selama bedeh e dunnyah. Delem Al-Qur’an Alloh adebu:

لِلَّذِينَ أَحْسَنُوا الْحُسْنَى وَزِيَادَةٌ وَلَا يَرْهَقُ وُجُوهَهُمْ قَتَرٌ وَلَا ذِلَّةٌ أُولَئِكَ أَصْحَابُ الْجَنَّةِ هُمْ فِيهَا خَالِدُونَ

Artinya, “Begi oreng-oreng se ngalakonih kapekusen, bedeh genjeren se paleng sae (soargeh) sareng tambaan epon (nikmah bisa ningaleh dek ajunan epon Alloh). Tor pekal ngagungih paraopen se tak tertutup kalaben abuh celleng, tor tak delem kabedeen se enah. Mereka kakdissah se pekal ngennengih soargeh, mereka pekal langgeng e delem epon.” (QS Yunus [10]: 26).

Ayet kakdintoh maemot dek kuleh sareng panjennengan sadejeh tentang pentingah aningkat aki sadejeh amal ibedeh tor amal kapekusen delem setiap arenah. Milanah deri kakdintoh, ngireng bedenah taon se baru kakdintoh pedih awel se sae tor pekus, kalaben cara teros ningkat aki sadejeh kapekusen ben kasaean untuk memulai awel taon kalaben sae.

Ma’asyiral Muslimin jamaah Jumat se e molje aki sareng Alloh

Mulai pegik dimen kakdintoh Rasululloh selalu maemot dek kuleh sareng panjennengan sadejeh untuk terus usaha delem aningkat aki sadejeh kapekusen tor kasaean, bahkan bisa tergolong oreng-oreng se rogi manabi areh-areh se bedeh nikah tak eguna aki kalaben sae, ben tadeh amal pekus se tettih tamba an. Delem sala sittung hadits epon, Rasulullah adebut:

مَنْ اِسْتَوَى يَوْمَاهُ فَهُوَ مَغْبُوْنٌ وَمَنْ كَانَ آَخِرُ يَوْمَيْهِ شَرًّا فَهُوَ مَلْعُوْنٌ وَمَنْ لَمْ يَكُنْ فِي الزِّيَادَةِ فَهُوَ فِي النُّقْصَانِ وَمَنْ كَانَ فِي النُّقْصَانِ فَالْمَوْتُ خَيْرٌ لَهُ وَمَنْ اِشْتَاقَ إِلَى الْجَنَّةِ سَارَعَ فِي الْخَيْرَاتِ

Arte epon, “Paserah saos se duek arenah (samangken sareng areh berik) nikah padeh, maka kaiyeh termasok oreng se rogi. Paserah saos se duek areh terakhirreh nikah lebbih jubek, maka kaiyeh termasok oreng se e laknat. Paserah saos se tadek peningkatan, maka kaiyeh delem wektoh pengurangan. Paserah saos se bedeh delem pengurangan, maka mateh lebi pekus untuk abek eng. Sebeb, oreng se kerrong dek soargeh pekak cepat-cepat delem ngalakonih kapekusen.” (HR ad-Dailami).

Ma’asyiral Muslimin jamaah Jumat se e molje aki sareng Alloh

Delem natah taon baru sopajeh lebbi sae kakdintoh, tak cokop begi kuleh sareng panjennengan sadejeh coma ngandal aki ngalakonih amal ibede tanpa ajeuih sadejeh larangan-larangan epon. Milanah deri kakdintoh, sadejeh manussah nikah etuntut sopajeh ajeuih sadejeh larangan-larangan delem Islam, akadih ngalakonih maksiat, otabeh ngalakonih sadejeh kalakoan se bisa ngudang pendunah Alloh.

Sebeb, terkadeng kalakoan maksiat sekalipun kenik kakdintoh bisa nyebeb aki Alloh dukah. Hal kakdintoh akadih se ampon e debu aki sareng Sayyid Ali Zainal Abidin delam ketab al-Fushulul Ilmiah wa Ushulul Hikamiyah, enggi kakdintoh:

اِنَّ اللهَ أَخْفَى رِضَاهُ فِيْ طَاعَتِهِ، وأَخْفَى سُخْطَهُ فِيْ مَعْصِيَتِهِ، وأَخْفَى أَوْلِيَاءَهُ فِيْ عِبَادِهِ

Arte epon, “Saonggunah Alloh kakdintoh arahasia aki karidhoennah delem ketaatan (se elakonih sareng kabulenah), arahasia aki kemurkaennah delem maksiat-maksiat epon, tor arahasia aki kekasih-kekasinah di antara kabulehnah.”

Maksod epon, Alloh kakdintoh arahasia aki rihdonah delem ketaatan kakdintoh sopajeh kuleh sareng panjennengan sadejeh tak aremeh aki dek kapekusen akadih panapaah saos. Sakakdintoh jugen, Alloh kakdintoh arahasia aki dukanah atas maksiat se e lakonih manussah, sopajeh kuleh sareng sampean sadejeh tak ngalak gempang delem ngalakonih kajubek en.

Ma’asyiral Muslimin jamaah Jumat se e molje aki sareng Alloh

Panapah se ampon edebu aki gellek kakdissah, aropa aki sala sittung pengingat dek kuleh sareng panjennengan sadejeh, sopajeh bedenah taon baru kakdintoh bisa tettih ajang untuk natah masa depan sopajeh lebbi sae deri taon-taon sebelum epon. Hal kakdintoh tettih areppen kuleh sareng panjennengan sadejeh untuk aningkat aki amal ibede sareng amal kapekusen.

Sakakdinoh bedenah khutbah Jumat kaleben tema natah taon baru sopajeh lebbi sae. Mugeh-mugeh bedenah khutbah kakdintoh bisa apektah manfaat tor barokah dek kuleh sareng ajunan sadejeh, serta bisa tettih panyebeb untuk bisa ningkat aki ibedeh ben ketakwaan dek ajunan epon Alloh swt. Amin ya rabbal alamin.

بَارَكَ اللهُ لِيْ وَلَكُمْ فِيْ هَذَا الْيَوْمِ الْكَرِيْمِ، وَنَفَعَنِيْ وَاِيَاكُمْ بِمَا فِيْهِ مِنَ الصَّلَاةِ وَالصَّدَقَةِ وَتِلَاوَةِ الْقُرْاَنِ وَجَمِيْعِ الطَّاعَاتِ، وَتَقَبَّلَ مِنِّيْ وَمِنْكُمْ جَمِيْعَ أَعْمَالِنَا إِنَّهُ هُوَ الْحَكِيْمُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، اِنَّهُ هُوَ الْغَفُوْرُ الرَّحِيْمُ

Khutbah II

اَلْحَمْدُ لِلهِ حَمْدًا كَمَا أَمَرَ. أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ، اِلَهٌ لَمْ يَزَلْ عَلَى كُلِّ شَيْءٍ وَكِيْلًا. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَحَبِيْبُهُ وَخَلِيْلُهُ، أَكْرَمِ الْأَوَّلِيْنَ وَالْأَخِرِيْنَ، اَلْمَبْعُوْثِ رَحْمَةً لِلْعَالَمِيْنَ. اللهم صَلِّ وَسَلِّمْ عَلَى سَيِّدِنَا مُحَمَّدٍ وَعَلىَ أَلِهِ وَأَصْحَابِهِ وَمَنْ كَانَ لَهُمْ مِنَ التَّابِعِيْنَ، صَلَاةً دَائِمَةً بِدَوَامِ السَّمَوَاتِ وَالْأَرْضِيْنَ.

أَمَّا بَعْدُ: فَيَا أَيُّهَا الْحَاضِرُوْنَ اتَّقُوا اللَّهَ حَقَّ تُقَاتِهِ وَذَرُوْا الْفَوَاحِشَ مَا ظَهَرَ مِنْهَا وَمَا بَطَنَ. وَحَافِظُوْا عَلَى الطَّاعَةِ وَحُضُوْرِ الْجُمْعَةِ وَالْجَمَاعَةِ وَالصَّوْمِ وَجَمِيْعِ الْمَأْمُوْرَاتِ وَالْوَاجِبَاتِ. وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ بِنَفْسِهِ. وَثَنَى بِمَلَائِكَةِ الْمُسَبِّحَةِ بِقُدْسِهِ. إِِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً.

اللهم صَلِّ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ فِيْ العَالَمِيْنَ اِنَّكَ حَمِيْدٌ مَجِيْدٌ. اللهم اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اَلْأَحْيَاءِ مِنْهُمْ وِالْأَمْوَاتِ. اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَةً وَمِنْ بُلْدَانِ الْمُسْلِمِيْنَ عَامَةً، اِنَّكَ عَلَى كُلِّ شَيْءٍ قَدِيْرٌ

عِبَادَ اللهِ، اِنَّ اللهَ يَأْمُرُكُمْ بِالْعَدْلِ وَالْاِحْسَانِ وَاِيْتَاءِ ذِيْ الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذْكُرُوْا اللهَ الْعَظِيْمَ يَذْكُرُكُمْ وَلَذِكْرُ اللهِ أَكْبَرُ

Sunnatullah, Pengajar di Pondok Pesantren Al-Hikmah Darussalam Durjan Kokop Bangkalan Jawa Timur.