Khutbah Jumat Bahasa Madura: Ontong Dunnyah Akherat Kalaben Ibede

Kesuksesan selama ini sering kita artikan dengan kekayaan dan bergelimang harta, semua kebutuhan dunianya terpenuhi, dan keinginannya tercapai. Namun banyak yang tidak kita sadari bahwa ada kesuksesan yang jauh lebih penting dari semua itu, yaitu kesuksesan urusan akhirat. Karena itu, Al-Qur’an memberikan tips dan cara bagi kita semua untuk bisa meraih dua kesuksesan tersebut.

Naskah khutbah Jumat berikut ini dengan judul, “Khutbah Jumat Bahasa Madura: Ontong Dunnyah Akherat Kalaben Ibede.” Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat!

---

Khutbah I

إنَّ الحَمْدَ لِلهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَتُوْبُ إِلَيْهِ وَنَتَوَكَّلُ عَلَيْهِ، وَنَعُوْذُ بِهِ مِن شُرُورِ أنفُسِنَا وَمِنْ سيئاتِ أعْمَالِنا. مَنْ يَهْدِهِ اللهُ فَلاَ مُضِلَّ لَهُ، ومن يُضْلِلْ فَلا هَادِي لَهُ. أَشْهَدُ أنْ لا إلَهَ إلا اللهُ وَحْدَهُ لا شَرِيكَ لَهُ، لَهُ الْمُلْكُ وَلَهُ الْحَمْدُ، أَنْزَلَ الْقُرْآنَ هُدًى لِلْعَالَمِيْنَ وَشِفَاءً لِلْقُلُوْبِ، وَمَوْعِظَةً لِلْبَشَرِيَّةِ جَمِيْعًا، وَجَعَلَهُ نُوْرًا لِكُلِّ إِنْسَانٍ ضَلَّ عَنِ الطَّرِيْقِ. وأشهدُ أنَّ مُحَمَّدًا عبْدُهُ ورَسُولُهُ. اَللّٰهُمَّ صَلِّ عَلَى سَيِّدِنَا مُحَمَّدٍ وَعَلىَ أَلِهِ وَأَصْحَابِهِ وَسَلِّمْ تَسْلِيْمًا كَثِيْراً

أَمَّا بَعْدُ: فَيَا عِبَادَ اللهِ أُوْصِيْكُمْ وَاِيَايَ أَوَّلاً بِتَقْوَى اللهِ تعالى وَطَاعَتِهِ بِامْتِثَالِ أَوَامِرِهِ وَاجْتِنَابِ نَوَاهِيْهِ. قَالَ اللهُ تَعَالَى فِي الْقُرْاَنِ الْكَرِيْمِ: قَدْ أَفْلَحَ الْمُؤْمِنُونَ * الَّذِينَ هُمْ فِي صَلاتِهِمْ خَاشِعُونَ * وَالَّذِينَ هُمْ عَنِ اللَّغْوِ مُعْرِضُونَ. وَ قَالَ أَيْضًا: يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلاً سَدِيداً يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزاً عَظِيماً

Ma’asyiral Muslimin jamaah Jumat se e molje aki sareng Alloh

Alhamdulillahi rabbil alamin, sadejeh pojih kakdintoh kagungan epon gusteh Alloh swt. Tung-sittungah pangiran se wejib untuk esembe sareng kuleh panjennengan sadejeh. Ngireng atoraki pojien epon dek ajunan Alloh, karena ampon apareng sadejeh nikmat dek sadejeh manussah, khusus epon nikmat Islam sareng nikmat sehat, saenggenah bisa teros istiqomah delem ngalaksana aki ibede sholat Jumat. Mugeh-mugeh ibedeh kakdintoh bisa tettih ibede se kataremah sareng ajunan epon Alloh.

Sholawet sareng salam ngireng ator aki dek panutan ben idola sadejeh manussah, enggi kakdintoh Nabi Muhammad saw, kalaben pamaosen allahumma shalli ‘alâ Muhammad wa ‘alâ alih wa sahbih, se ampon nyalamet aki sadejenah makhlok kakdintoh deri enanah kebudeun ben kajubek en, menuju muljenah elmoh pangataoh ben katakween. Mugeh-mugeh Alloh nipe aki kasalametten ben kasaean dek keluarganah, sohabetteh, sareng sadejeh ummatteh. Amin.

Selanjut epon, kuleh selaku khotib delem sholat Jumat areh samangken kakdintoh ngajek dek abdinah pribadi, sadejeh keluarga, tor khususseh sadejeh jemaah se hadir delem pelaksanaan sholat Jumat mangken, untuk teros aningkat aki keimanan sareng katakween dek ajunan epon Alloh swt, karena hanya kalaben duwek modal kaiyeh kuleh sareng sampean sadejeh bisa salamet e dunnyah sareng aheratteh. Hal kakdintoh kalerressen sareng se ampon edebu aki delem Al-Qur’an, enggi kakdintoh:

وَتَزَوَّدُوا فَإِنَّ خَيْرَ الزَّادِ التَّقْوَى وَاتَّقُونِ يَا أُولِي الأَلْبَابِ

Artinya, “Gibe’eh sanguh, karena saonggunah paling pekusseh sanguh enggi kakdintoh takwe. Ben takwe’eh dek Sengkok wahai oreng-oreng se andik akal sehat." (QS Al-Baqarah [2]: 197).

Ma’asyiral Muslimin jamaah Jumat se e molje aki sareng Alloh

Kuleh sareng sampean sadejeh kakdintoh etettiyaki sareng Alloh tojjuen epon sopajeh ibedeh. Oreng-oreng se tak poron untuk ngalakonih ibede kakdintoh ampon kaluar deri tojjuen pokok e tettiyakinah manussah, enggi kakdintoh ibede. Milanah deri nikah, ampon sapatotteh kuleh sampean sadejeh nikah nommbu aki kesadaran jhek ibede nikah sangat penting. Milanah dari nikah, Alloh swt negges aki delem Al-Qur’an,

وَمَا خَلَقْتُ الْجِنَّ وَالْأِنْسَ إِلَّا لِيَعْبُدُونِ

Artinya, “Engkok tak atettiyaki jin sareng manussah tadek laen selaen sopajeh kappi jiah ibede dek sengkok.” (QS Adz-Dzariat, [51]: 56).

Delem ayet se laen Alloh jugen negges aki,

وَمَا أُمِرُواْ إِلاَّ لِيَعْبُدُواْ إِلَهًا وَاحِدًا لاَّ إِلَهَ إِلاَّ هُوَ سُبْحَانَهُ عَمَّا يُشْرِكُونَ

Artinya, “Padahal kappi hanya e parenta makle tak nyakutonih Pangiran Se Maha Esa; tadek Pangiran selaen Alloh. Maha Socceh Alloh deri apah se manussah sakuto aki.” (QS At-Taubah [9]: 31).

Duwek ayet e attas kakdintoh ajellasaki jhek sadejeh manussah nikah e tettiyaki sopajeh ibede dek ajunan epon Alloh, tunduk dek parenta epon, tor ajeuih dek sadejeh larangennah. Milanah deri nikah, sadejeh katentoan se ampon e tettep aki sareng Alloh kakdintoh aropa aki kawejiben se tak olle e tina aki sareng manussah.

Ma’asyiral Muslimin jamaah Jumat se e molje aki sareng Alloh

Oreng-oreng se ampon bisa ngalaksana aki ibede kalaben sampornah tor istiqomah, baik delem ngalakonih kawejiben otabeh ajeuih larangan nikah esebbut oreng se ontong (muflih). Sebeb, okoran ontong sareng punten delem Al-Qur’an kakdintoh ketika manussah ampon bisa ajelenaki sadejeh ibede ben ajeuih larangan. Berkaitan kalaben kakdintoh, Alloh adebu delem Al-Qur’an:

قَدْ أَفْلَحَ الْمُؤْمِنُونَ * الَّذِينَ هُمْ فِي صَلاتِهِمْ خَاشِعُونَ * وَالَّذِينَ هُمْ عَنِ اللَّغْوِ مُعْرِضُونَ * وَالَّذِينَ هُمْ لِلزَّكَاةِ فَاعِلُونَ * وَالَّذِينَ هُمْ لِفُرُوجِهِمْ حَافِظُونَ * إِلا عَلَى أَزْوَاجِهِمْ أوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ * فَمَنِ ابْتَغَى وَرَاء ذَلِكَ فَأُوْلَئِكَ هُمُ الْعَادُونَ * وَالَّذِينَ هُمْ لأمَانَاتِهِمْ وَعَهْدِهِمْ رَاعُونَ * وَالَّذِينَ هُمْ عَلَى صَلَوَاتِهِمْ يُحَافِظُونَ

Artinya, “Onngu sangat ontong oreng-oreng se iman, enggi kakdintoh oreng se khusuk delem sholatteh, ben oreng se majeu abek eng deri kalakoan tak agunah, ben oreng se majer zekat, ajegeh dek kamaloennah, kecuali dek bininah otabeh dek budak ang se e kaandik; maka saonggunah kappi tak e cella. Tapeh sapah peih se nyareh selaen ajuah (zina, ben salaennah), maka kappi jiah oreng se ngalebetih bêtes. Ben sangat ontong oreng se ajegeh amanah ben jenjinah, tor ajegeh sholatteh.” (QS Al-Mu’minun [23]: 1-5).

Ahubungan sareng ayet e attas kakdintoh, Syekh Dr. Wahbah bin Musthafa az-Zuhaili delem ketab tafsir al-Munir ajellasaki maksod deri debunah pangiran kaiyeh. Pertama, se emaksod kalaben oreng mukmin enggi kakdintoh oreng se apender aki Allah sareng panapah se etoron aki dek Rosululloh, baik aropah aqidah, kanabbiyen, areh apa jegenah manussah, tor areh pembalasan.

Kaduwek, oreng-oreng se khusuk (khasi’un), enggi kakdintoh oreng se aromasah rende ben enah e ajunan epon Allah, sareng takok dek Alloh. Katellok, ajeuih perkarah-perkarah se tadek gunanah (mu’ridun), enggi kakdintoh oreng-oreng se ajeuih setiap kalakoan se tak ageduen nilai kapekusen sakonik, oreng kaiyeh fokus ngalakonih kapekusen epending se tadek manfaatteh.

Kaempak, oreng se ngaluar aki zekat, baik aropah zekat wejib otabeh sonnat, se kakdimmah tojjuennah enggi kakdintoh sama-sama untuk aperse aki artah. Delem ayet e attas kaiyeh Alloh nyebut aki zekat saamponnah khusuk, tojjuen epon enggi kakdintoh sopajeh ibedenah manussah nikah bisa sampornah kalaben ngalakonih ibedeh beden ben ibede artah.

Kalemak, ajegeh kamaloan (hafizun li furujihim), enggi kakdintoh oreng-oreng se ajegeh kamaloennah deri setiap se e larang, baik aropah zina otabeh aneng-senneng sareng se laen (masturbasi-onani). Kaennem, ajegeh dek amanah sareng jenjih, baik dek ajunan epon Alloh khususseh, akdih katentoan syareat, otabeh dek manussah akadih titipen artah, jenjih, sareng se laen. Kapettok, oreng se ajegeh sholat, enggi kakdintoh oreng se ngalakonih sholat sesuai kalaben wektonah, ben selalu istiqomah delem wektonah kaiyeh.

Ma’asyiral Muslimin jamaah Jumat se e molje aki sareng Alloh

Panapah se ampon ejellasaki e attas kakdintoh, aropa aki sala sittung pengingat dek kuleh sareng sampean sadejeh sopaeh tak hanya nabeng kaontongan dunnyah, tapeh jugen nabeng kaontongan akherat. Milanah deri nikah, khotib ma emot pole takok deri kuleh sampean sadejeh bedeh se ampon kalep.

Sakakdinoh bedenah khutbah Jumat tentang ngaolle kaontongan dunnyah akherat kakdintoh. Mugeh-mugeh bedenah khutbah kakdintoh bisa apektah manfaat tor barokah dek kuleh sareng ajunan sadejeh, serta bisa tettih panyebeb untuk bisa ningkat aki ibedeh ben ketakwaan dek ajunan epon Alloh swt. Amin ya rabbal alamin.

بَارَكَ اللهُ لِيْ وَلَكُمْ فِيْ هَذَا الْيَوْمِ الْكَرِيْمِ، وَنَفَعَنِيْ وَاِيَاكُمْ بِمَا فِيْهِ مِنَ الصَّلَاةِ وَالصَّدَقَةِ وَتِلَاوَةِ الْقُرْاَنِ وَجَمِيْعِ الطَّاعَاتِ، وَتَقَبَّلَ مِنِّيْ وَمِنْكُمْ جَمِيْعَ أَعْمَالِنَا إِنَّهُ هُوَ الْحَكِيْمُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، اِنَّهُ هُوَ الْغَفُوْرُ الرَّحِيْمُ

Khutbah II

اَلْحَمْدُ لِلهِ حَمْدًا كَمَا أَمَرَ. أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ، اِلَهٌ لَمْ يَزَلْ عَلَى كُلِّ شَيْءٍ وَكِيْلًا. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَحَبِيْبُهُ وَخَلِيْلُهُ، أَكْرَمِ الْأَوَّلِيْنَ وَالْأَخِرِيْنَ، اَلْمَبْعُوْثِ رَحْمَةً لِلْعَالَمِيْنَ. اَللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلىَ أَلِهِ وَأَصْحَابِهِ وَمَنْ كَانَ لَهُمْ مِنَ التَّابِعِيْنَ، صَلَاةً دَائِمَةً بِدَوَامِ السَّمَوَاتِ وَالْأَرْضِيْنَ.

أَمَّا بَعْدُ: فَيَا أَيُّهَا الْحَاضِرُوْنَ اتَّقُوا اللَّهَ حَقَّ تُقَاتِهِ وَذَرُوْا الْفَوَاحِشَ مَا ظَهَرَ مِنْهَا وَمَا بَطَنَ. وَحَافِظُوْا عَلَى الطَّاعَةِ وَحُضُوْرِ الْجُمْعَةِ وَالْجَمَاعَةِ وَالصَّوْمِ وَجَمِيْعِ الْمَأْمُوْرَاتِ وَالْوَاجِبَاتِ. وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ بِنَفْسِهِ. وَثَنَى بِمَلَائِكَةِ الْمُسَبِّحَةِ بِقُدْسِهِ. إِِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً.

اللهم صَلِّ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ فِيْ العَالَمِيْنَ اِنَّكَ حَمِيْدٌ مَجِيْدٌ. اللهم اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اَلْأَحْيَاءِ مِنْهُمْ وِالْأَمْوَاتِ. اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَةً وَمِنْ بُلْدَانِ الْمُسْلِمِيْنَ عَامَةً، اِنَّكَ عَلَى كُلِّ شَيْءٍ قَدِيْرٌ

عِبَادَ اللهِ، اِنَّ اللهَ يَأْمُرُكُمْ بِالْعَدْلِ وَالْاِحْسَانِ وَاِيْتَاءِ ذِيْ الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذْكُرُوْا اللهَ الْعَظِيْمَ يَذْكُرُكُمْ وَلَذِكْرُ اللهِ أَكْبَرُ

Sunnatullah, Pengajar di Pondok Pesantren Al-Hikmah Darussalam Durjan Kokop Bangkalan Jawa Timur.