Khutbah Jumat Bahasa Madura: Ningkat Aki Katakween ben Ngaolle Manfaatteh 

Khutbah Jumat Bahasa Madura ini mengajak kepada para jamaah untuk terus meningkatkan keimanan dan ketakwaan kepada Allah swt dengan cara istiqamah dalam mengerjakan semua kewajiban-kewajiban dan tanggung jawab yang telah ditetapkan kepadanya. Selain itu juga mengajak para jamaah untuk terus berupaya mendapatkan manfaat-manfaat ketakwaan, yang di antaranya adalah memiliki derajat yang tinggi, baik di sisi manusia maupun di sisi Allah swt.

Naskah khutbah Jumat berikut ini berjudul, “Khutbah Jumat Bahasa Madura: Ningkat Aki Katakween ben Ngaolle Manfaatteh.” Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat! 

---

Khutbah I

اَلْحَمْدُ لِلهِ الَّذِيْ جَعَلَ شَهْرَ الْمُحَرَّمَ غُزَّةَ وَجْهِ الْعَامِ، وَأَجْزَلَ فِيْهِ الْفَضَائَلَ وَالْاِنْعَام، وَفَضَّلَ أَيَّامَهُ عَلَى سَائِرِ الْأَيَّامِ، وَدَبَّرَ الْأَكْوَانَ بِحِكْمَتِهِ الْبَالِغَةِ فَلاَ تُحِيْطُ بِكُنْهِ حَقِيْقَتِهِ الْأَفْهَامُ، وَجَدَّدَ الْأَعْوَامَ فَكَانَتْ عِبْرًا جَلِيَّةً لِمَنْ يَتَدَبَّرُهَا مِنَ الْأَنَامِ، وَافْتَتَحَهَا بِالْمُحَرَّمِ الْحَرَامِ الْمُعَظَّمِ فِي الْجَاهِلِيَّةِ وَالْاِسْلاَمِ. وَالصَّلَاةُ وَالسَّلَامُ عَلَى سَيِّدِنَا مُحَمَّدٍ اَلْمَبْعُوْثِ عَلَى جَمِيْعِ الْأَنَامِ، وَعَلَى أَلِهِ وَأَصْحَابِهِ هُدَاةِ الْأَنَامِ وَمَصَابِيْحِ الظَّلَامِ

أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ، اِلَهٌ تَفَرَّدَ بِالْكَمَالِ وَالتَّمَامِ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ أَفْضَلُ مَنْ صَلَّى وَصَامَ. أَمَّا بَعْدُ: فيا عباد الله أُوْصِيْكُمْ وَاِيَايَ أولا بِتَقْوَى اللهِ تعالى وَطَاعَتِهِ بِامْتِثَالِ أَوَامِرِهِ وَاجْتِنَابِ نَوَاهِيْهِ. قَالَ اللهُ تَعَالَى فِي الْقُرْاَنِ الْكَرِيْمِ: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

Ma’asyiral Muslimin jamaah Jumat se e molje aki sareng Alloh

Alhamdulillahi robbil alamin atas sadejeh nikmat se ampon e parengaki dek kuleh sadejeh sareng ajunan epon Alloh swt, khusus epon nikmat Islam sareng iman, saenggenah kuleh bisa teros istiqomah delem ngalakonih ibedeh, ataqorrub, tor amunajet dek ajunan epon Alloh. Mogeh-mogeh Islam sareng iman kakdintoh bisa teros cekkak delem atenah kuleh sadejeh untuk bisa e pektak kantos alam kobur, saenggeh bisa mateh delem kabedeen husnul khotimah.

Sholawet sareng salam nyatoreh atoraki kalaben istiqomah dek ajunan epon se muljeh, panutan manussah sadejeh, enggi kakdintoh Nabi Muhammad saw, kalaben pamaosan allahumma shalli wa salim ‘ala Muhammad wa ‘ala alih wa sahbih, se ampon ngangkak derejet manussah deri kebuduen se sanget petteng ben jeu deri cahaya hideyeh, menuju tempat se sanget agung enggi kakdintoh agemah Islam, sareng sadejeh keluarga, para sohabet, sareng se istikomah ngireng lampanah kanjeng nabi.

Saamponnah amojih dek ajunan epon Alloh tor asholawet dek ajunan epon kanjeng nabi, kuleh selaku khotib delem sholat Jumat samangken ngajek dek abdinah pribadi, sadejeh keluarga, tor khususseh sadejeh jemaah se hadir delem pelaksanaan sholat Jumat kakdintoh, untuk terus aningkat aki keimanan sareng katakween dek ajunan epon Alloh swt, karena hanya kalaben duwek modal kaiyeh kuleh sareng sampean sadejeh bisa salamet baik e dunnyah maupun kantos aherat.

Ben kalaben takwe jugen, maka kuleh sareng ajunan sadejeh bisa epa polong sareng oreng-oreng se muljeh munggu ajunan epon Alloh, sebeb hakekat deri kamuljeen kakdintoh okorennah kalaben takwe, manabi bisa takwe maka moljeh, manabi tak bisa takwe maka tak bisa esebbut oreng moljeh. Kakdintoh ampon e teges aki delem Al-Qur’an, enggi kakdintoh:

إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ

Arte epon, “Saonggunah se paleng moljeh antara kakeh e ajunan epon Alloh enggi kakdintoh oreng se paleng takwe. Saonggunah, Alloh Maha Ngaoningin, Maha Ngasteteh.” (QS Al-Hujurat [49]: 13).

Selaen ayet kaiyeh, dimen kakdintoh manussah pelean sareng manussah panutan, enggi kakdintoh gusteh kanjeng Nabi Muhammad, ampon mareng bucoran dek kuleh sadejeh ketika e pareksanih tentang oreng se paleng bennyak masok soargeh, lantas nabi nikah ajeweb jhek se paleng bennyak delem soargeh enggi kakdintoh oreng-oreng se takwe. Delem sala sittung hadits epon e sebut aki,

سُئِلَ رَسُوْلُ اللهِ عَنْ أَكْثَرِ مَا يُدْخِلُ النَّاسَ اَلْجَنَّةَ؟ قَالَ: تَقْوَى اللهِ وَحُسْنُ الْخُلُقِ

Arte epon, “Rasulullah pernah e pareksanih tentang kalakoan se paleng bennyak nyebeb aki masok soargeh. Nabi ajeweb: enggi kakdintoh takwe dek ajunan epon Alloh tor ngagungih akhlak se sae.” (HR Abu Hurairah).

Ma’asyiral Muslimin jamaah Jumat se e molje aki sareng Alloh

Untuk bisa tettih manussah se takwe, se paleng penting kakdintoh kuleh sareng ajunan sadejeh perloh oning sadejeh sebeb ketakween kaiyeh. Kalaben ngaoningih, maka sadejeh bisa lebbi gempang untuk bisa tettih oreng-oreng se takwe. E bebe kakdintoh aropa aki sebeb-sebeb takwe se bisa kuleh sareng ajunan sadejeh lakonih, akadih se ampon e jellasaki sareng Syekh Hasan delem ketab Taisirul Khalaq fi ‘Ilmil Akhlak, yaitu:

Pertama, Ngakoeh Enanah Abek

Sebeb pertama se bisa e lakonih sareng kuleh ajunan sadejeh untuk aningkat aki katakween enggi kakadintoh ngakonih bahwa sadejeh kakdintoh aropa aki oreng-oreng se enah, sementara Alloh kakdintoh aropa aki Dzet Se Sanget Muljeh tor Kobesah. Kalaben cara kakdintoh, maka tak sapantesseh manussah se enah nikah untuk amaksiat den Dzet se Koboesah tor Moljeh, karena sadejenah takdir kakdintoh ampon bedeh delem kakobesaan epon.

Kaduwek, Emot dek Sadejeh Kapekusennah Alloh

Panyebeb katakween se kapeng duwek enggi kakdintoh selalu usaha untuk teros emot dek sadejeh kapekusen se ampon Alloh swt parengai dek sadejeh manussah. Alloh delem apareng anugerah sareng nikmat kakdintoh tak pernah le-mile antara se taat sareng se ahli maksiat, sadejeh nikah padeh e pamiloh. Kalaben emot dek hal kakdintoh, rajeh areppen gempang untuk sokkor tor tak pekal ingkar dek sadejeh nikmat se ampon e kaolle.

Katellok, Emot dek Mateh

Salaen duwek sebeb e attas, bedeh se tak kala penting se bisa sadejeh manussah nikah laonih untuk ningkat aki katakween, enggi kakdintoh emot dek mateh. Oreng kakdintoh manabi emot dek mateh, maka pekal odik e dunnyak lebbi tengateh, lebbi istiqomah delem ngalaksana aki kaweiben, ajeuih sadejeh larangan, untuk epatettih modal dek akherat.

Selaen tellok perkarah penyebab takwe kaiyeh, sadejeh kakdintoh jugen perloh emot bahwa sa amponnah mateh hanya bedeh duwek tempat se pekal e tetti aki roma tor peristirahaten kuleh sadejeh, enggi kakdintoh soargeh sareng narakah. Oreng se takwe pekal e pa istirahat delem soargeh, sementara se tak takwe pekal bedeh e delem narakah se possak kalaben seksah. Nikah akasih se ampon epa emot sareng Syekh Hasan, enggi kakdintoh:

وَأَنَّهُ لَيْسَ أَمَامَهُ اِلَّا الْجَنَّةُ أَوْ النَّارُ بَعَثَهُ ذَلِكَ اِلَى الْأَعْمَالِ الصَّالِحَةِ. وَمِنَ الْأَعْمَالِ الصَّالِحَةِ مُسَاعَدَةُ الْمُسْلِمِيْنَ وَالنَّظْرُ اِلَيْهِمْ بِعَيْنِ الْعَطْفِ وَالرَّحْمَةِ

Arte epon, “Ben saonggunah, tadek tempat e adek eng manussah kecuali soargeh sareng nerakah. Kalaben emot dek takwe, maka pekal tombu semangat untuk ngalakonih kalakoan-kalakoan se sae. Ben di antara kalakoan sae kakdintoh enggi ngalaonih kapekusen untuk umat Islam, sareng mendang sadejeh nikah kalaben pandangan niser.”

Ma’asyiral Muslimin jamaah Jumat se e molje aki sareng Alloh

Terdapat bennyak manfaat se bisa e kaolle sareng kuleh ajunan sadejeh se bisa takwe dek ajunan epon Alloh, di antaranah enggi kakdintoh bisa ngaolle manfaat e dunnyah, ben bisa ngaolle manfaat e akherat.

Manfaat e dunnyak enggi kakdintoh kalaben tengginah derejet munggu manussah, eanggeh pekus, ben e hormat sareng oreng laen. Hal kakdintoh karena oreng se takwe nikah pekal e mulje aki oreng se lebbi ngudeh ben eka punga sareng oreng se lebbi seppo, serta oreng se ngagungih akal kakdintoh pekal anilai jhek oreng atakwe kakdintoh lebbi layak untuk e mulje aki.

Sementara manfaat e akherat enggi kakdintoh pekal salamet deri nerakah, ben pekal masok dek soargeh, ben se terpenting deri sadejenah enggi kakdintoh firman Alloh, bahwa Alloh pekal sareng oreng-oreng se takwe ben se ngalakonih kapekusen. Delem Al-Qur’an e teges aki:

إِنَّ اللّهَ مَعَ الَّذِينَ اتَّقَواْ وَّالَّذِينَ هُم مُّحْسِنُونَ

Artinya, “Saonggunah, Alloh kakdintoh asareng oreng-oreng se takwe ben oreng-oreng se ngalakonih kapekusen.” (QS An-Nahl [16]: 128).

Ma’asyiral Muslimin jamaah Jumat se e molje aki sareng Alloh

Panapah se ampon ejellasaki kakdissah, aropa aki sala sittung pengingat untuk mut-ngimutih kuleh sareng panjennengan sadejeh, sopajeh teros usaha untuk aningkat aki keimanan sareng katakween, enggi kakdintoh kalaben ngalakonih sadejeh kawejiben ben kalakoan se e nilai sae.

Sakakdinoh bedenah khutbah Jumat tentang takwe sareng manfaat-manfaatteh. Mugeh-mugeh bedenah khutbah kakdintoh bisa apektah manfaat tor barokah dek kuleh sareng ajunan sadejeh, serta bisa tettih panyebeb untuk bisa ningkat aki ibedeh ben ketakwaan dek ajunan epon Alloh swt. Amin ya rabbal alamin.

بَارَكَ اللهُ لِيْ وَلَكُمْ فِيْ هَذَا الْيَوْمِ الْكَرِيْمِ، وَنَفَعَنِيْ وَاِيَاكُمْ بِمَا فِيْهِ مِنَ الصَّلَاةِ وَالصَّدَقَةِ وَتِلَاوَةِ الْقُرْاَنِ وَجَمِيْعِ الطَّاعَاتِ، وَتَقَبَّلَ مِنِّيْ وَمِنْكُمْ جَمِيْعَ أَعْمَالِنَا إِنَّهُ هُوَ الْحَكِيْمُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، اِنَّهُ هُوَ الْغَفُوْرُ الرَّحِيْمُ

Khutbah II

اَلْحَمْدُ لِلهِ حَمْدًا كَمَا أَمَرَ. أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ، اِلَهٌ لَمْ يَزَلْ عَلَى كُلِّ شَيْءٍ وَكِيْلًا. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَحَبِيْبُهُ وَخَلِيْلُهُ، أَكْرَمِ الْأَوَّلِيْنَ وَالْأَخِرِيْنَ، اَلْمَبْعُوْثِ رَحْمَةً لِلْعَالَمِيْنَ. اللهم صَلِّ وَسَلِّمْ عَلَى سَيِّدِنَا مُحَمَّدٍ وَعَلىَ أَلِهِ وَأَصْحَابِهِ وَمَنْ كَانَ لَهُمْ مِنَ التَّابِعِيْنَ، صَلَاةً دَائِمَةً بِدَوَامِ السَّمَوَاتِ وَالْأَرْضِيْنَ.

أَمَّا بَعْدُ: فَيَا أَيُّهَا الْحَاضِرُوْنَ اتَّقُوا اللَّهَ حَقَّ تُقَاتِهِ وَذَرُوْا الْفَوَاحِشَ مَا ظَهَرَ مِنْهَا وَمَا بَطَنَ. وَحَافِظُوْا عَلَى الطَّاعَةِ وَحُضُوْرِ الْجُمْعَةِ وَالْجَمَاعَةِ وَالصَّوْمِ وَجَمِيْعِ الْمَأْمُوْرَاتِ وَالْوَاجِبَاتِ. وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ بِنَفْسِهِ. وَثَنَى بِمَلَائِكَةِ الْمُسَبِّحَةِ بِقُدْسِهِ. إِِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً.

اللهم صَلِّ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ فِيْ العَالَمِيْنَ اِنَّكَ حَمِيْدٌ مَجِيْدٌ. اللهم اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اَلْأَحْيَاءِ مِنْهُمْ وِالْأَمْوَاتِ. اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَةً وَمِنْ بُلْدَانِ الْمُسْلِمِيْنَ عَامَةً، اِنَّكَ عَلَى كُلِّ شَيْءٍ قَدِيْرٌ

عِبَادَ اللهِ، اِنَّ اللهَ يَأْمُرُكُمْ بِالْعَدْلِ وَالْاِحْسَانِ وَاِيْتَاءِ ذِيْ الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذْكُرُوْا اللهَ الْعَظِيْمَ يَذْكُرُكُمْ وَلَذِكْرُ اللهِ أَكْبَرُ

Sunnatullah, Pengajar di Pondok Pesantren Al-Hikmah Darussalam Durjan Kokop Bangkalan Jawa Timur.