Khutbah Jumat Bahasa Madura: Nyukkurih Nikmat Kemerdekaan 

Setiap manusia memiliki kemerdekaan tersendiri yang pada hakikatnya tidak jauh beda dengan kemerdekaan suatu negara, yaitu terbebas dari segala belenggu nafsu yang tercela, sebagaimana negara yang terbebas dari belenggu penjajahan.

Naskah khutbah Jumat berikut ini berjudul, “Khutbah Jumat Bahasa Madura: Nyukkurih Nikmat Kemerdekaan.” Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat!

---

Khutbah I

إنَّ الحَمْدَ لِلهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَتُوْبُ إِلَيْهِ وَنَتَوَكَّلُ عَلَيْهِ، وَنَعُوْذُ بِهِ مِن شُرُورِ أنفُسِنَا وَمِنْ سيئاتِ أعْمَالِنا. مَنْ يَهْدِهِ اللهُ فَلاَ مُضِلَّ لَهُ، ومن يُضْلِلْ فَلا هَادِي لَهُ. أَشْهَدُ أنْ لا إلَهَ إلا اللهُ وَحْدَهُ لا شَرِيكَ لَهُ، لَهُ الْمُلْكُ وَلَهُ الْحَمْدُ، أَنْزَلَ الْقُرْآنَ هُدًى لِلْعَالَمِيْنَ وَشِفَاءً لِلْقُلُوْبِ، وَمَوْعِظَةً لِلْبَشَرِيَّةِ جَمِيْعًا، وَجَعَلَهُ نُوْرًا لِكُلِّ إِنْسَانٍ ضَلَّ عَنِ الطَّرِيْقِ. وأشهدُ أنَّ مُحَمَّدًا عبْدُهُ ورَسُولُهُ صَلىَّ اللهُ عَلَيْهِ وَعَلىَ آلِهِ وَأَصْحَابِهِ وَسَلَّمَ تَسْلِيْمًا كَثِيْراً

أَمَّا بَعْدُ: فَيَا عِبَادَ اللهِ أُوْصِيْكُمْ وَاِيَايَ أَوَّلاً بِتَقْوَى اللهِ تعالى وَطَاعَتِهِ بِامْتِثَالِ أَوَامِرِهِ وَاجْتِنَابِ نَوَاهِيْهِ. قَالَ اللهُ تَعَالَى فِي الْقُرْاَنِ الْكَرِيْمِ: رَبِّ اجْعَلْ هَذَا بَلَداً آمِناً وَارْزُقْ أَهْلَهُ مِنَ الثَّمَرَاتِ مَنْ آمَنَ مِنْهُمْ بِاللَّهِ وَالْيَوْمِ الآخِرِ. وَ قَالَ أَيْضًا: مَا يَفْعَلُ اللَّهُ بِعَذَابِكُمْ إِنْ شَكَرْتُمْ وَآمَنْتُمْ وَكَانَ اللَّهُ شَاكِراً عَلِيماً

Ma’asyiral Muslimin jamaah Jumat se e molje aki sareng Alloh

Kalaben tettih pembuka, ngireng kuleh sareng panjennengan sadejeh asyukkur dek ajunan epon Alloh swt atas sadejeh nikmat tor papareng dek sadejeh manussah, kalaben abiasa agi adebu alhamdulillah alladzi lil a’mailis shalih, khusus epon nikmat kemerdekaan Republik Indonesia se ampo nomor 78 taon. Kalaben areppen bedenah upacara kakdintoh kuleh bisa semakin asyukkurih nikmat agung deri pengiran kakdintoh.

Sholawet sareng salam nyatoreh atoraki kalaben istiqomah dek ajunan epon se muljeh, panutan manussah sadejeh, enggi kakdintoh Nabi Muhammad saw, kalaben pamaosan allahumma shalli wa salim ‘ala Muhammad wa ‘ala alih wa sahbih, se ampon ngajer aki dek sadejeh manussah pentinggah nombu aki sifat nasionalisme. Mugeh-mugeh Alloh swt apareng kasalametten tor kasaean dek keluarganah, sohabetteh, sareng sadejeh ummatteh.

Sateros epon, saamponnah amojih dek ajunan epon Alloh tor asholawet dek ajunan epon Rosululloh, kuleh selaku khotib delem sholat Jumat samangken ngajek dek abdinah pribadi, sadejeh keluarga, tor khususseh sadejeh jemaah se hadir delem pelaksanaan sholat Jumat kakdintoh, untuk terus aningkat aki keimanan sareng katakween dek ajunan epon Alloh swt, karena hanya kalaben duwek modal kaiyeh kuleh sareng sampean sadejeh bisa salamet baik e dunnyah maupun kantos aherat. Hal kakdintoh kalerressen sareng debunah Alloh delem Al-Qur’an, enggi kakdintoh:

وَتَزَوَّدُوا فَإِنَّ خَيْرَ الزَّادِ التَّقْوَى وَاتَّقُونِ يَا أُولِي الأَلْبَابِ

Artinya, “Gibe’eh sanguh, karena saonggunah paling pekusseh sanguh enggi kakdintoh takwe. Ben takwe’eh dek Sengkok wahai oreng-oreng se andik akal sehat. (QS Al-Baqarah [2]: 197).

Ma’asyiral Muslimin jamaah Jumat se e molje aki sareng Alloh

Kuleh sareng sampean sadejeh e saat samangken ampon lestareh araya aki kemerdekaan Republik Indonesia e omor ka pettong polo belluk taon, kalaben tema “Terus Melaju untuk Indonesia Maju”. Sala sittung perayaan se selalu e laksana aki tiap taon sakalean, kalaben tojjuen untuk numbu aki sikap nasionalisme tor untu ngennang sadejeh perjuangan oreng lambek se ampon ajuang aki Indonesia kakdintoh.

Ngireng syukkurih sareng kuleh sadejeh nikmat sareng anugerah paleng agung se e parengaki sareng gusteh Alloh untuk bengsah Indonesia se aropa aki kemerdekaan kakdintoh. Kalaben merdeka, maka sadejeh kelakoan sadejeh masyarakat bisa elaksana aki kalaben tenang tor sae, tak kaburuh tor tak takok pekal bedeh oreng laen se aganggu.

Kalaben asyukkur, mogeh-mogeh pangeran teros ajegeh dek nagerenah kuleh sareng sampean sadejeh kakdintoh, hal kakdintoh akdih se ampon e jenji aki delem Al-Qur’an Alloh adebu:

وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ

Arte epon, “Ben engak ah ketika Pangirannah kakeh ngumum aki, ‘Saonggunah mun kakeh asyukkur, maka yektenah Engkok pekal namba (nikmat) ka kakeh, tetapeh mun kakeh ingkar (ka tang nikmat), maka pasteh bekal Engkok seksah kalaben seksah se berrek.” (QS Ibrahim [14]: 7).

Ma’asyiral Muslimin jamaah Jumat se e molje aki sareng Alloh

Sala sittung cara untuk asyukkurih kemerdekaan enggi kakdintoh kalaben teros ngabdi ben abekteh dek nagereh tercinta kakdintoh kalaben ngalakonih sadejeh kalakoan se anilai manfaat ben ma ro’om dek Indonesia kakdintoh, cara enggi kalaben teros madelem elmuh ben a ngaoning, sopajeh nagereh kakdintoh tettih nagereh se bisa ngasel aki manussah hebat tor berbakat.

Hal kakdintoh akadih se ampon e debu aki sareng Syekh Muhammad Bakri as-Shiddiqi asy-Syafi’i delem ketab Dalilul Falihin li Thuruqi Riyadlis Shalihin, enggi kakdintoh:

يَنْبَغِي لِكَامِلِ الْإِيْمَانِ أَنْ يُعَمَّرَ وَطَنَهُ بِالْعَمَلِ الصَّالِحِ وَالْإِحْسَانِ

Arte epon, “Ampon sakotunah begi oreng-oreng se sampornah imannah untuk abangun nagerenah kalaben kalakoan-kalakoan pender tor pekus.”

Anapah kuleh sareng sampean mik e pakon abangun nagereh kalaben ngalakonih kapekusen, enggi kakdintoh tadek laen sopajeh Indonesia kakdintoh tettih nagereh se makmur tor sae ben kasaean bisa tettih simbol bengsah kakdintoh. Sebeb, manabi sittung bengsah ampon e hiasih kalaben kasaean, maka insyaalloh pekal tettih se lakar sae. Cara kakdintoh saonggunah se paleng sae untuk nyukkurih nikmat kemerdekaan kakdintoh.

Ma’asyiral Muslimin jamaah Jumat se e molje aki sareng Alloh

Selanjut epon, selaen ajegeh untuk mempertahan aki kemerdekaan bengsah Indonesia kakdintoh, kuleh sareng panjennengan sadejeh jugen e parenta untuk ajegeh kemerdekaan abek dibik, se sering e jajah sareng hawa nafso, pekkeran sering e jajah sareng ambisi ben ka serakaan untuk bisa ngaolle hal-hal se tak amanfaat, beden e settir sareng pangaterro se tak sae. Milanah deri nikah, kuleh sareng ajunan sadejeh e parenta untuk amerdika aki abek dibik.

Sala sittung carah untuk ajegeh kamerdikaan abek enggi kakdintoh kalaben teros naremah dek sadejeh se ampon e pasteh dek kuleh sampean sadejeh. Panapah se ampon e takdir sareng Alloh nyatoreh taremah kalaben lapang dedeh, ben panapah se gitak e parengaki tak perloh untuk rakus tor serakah dek oreng laen.

Hal kakdintoh kalerressen sareng panapah se ampon e debu aki sareng Syekh Zakaria al-Anshori delem ketab al-Ghararul Bahiyyah fi Syarhil Bahjah al-Wardiyyah, kalaben ngutip sala sittung syi’ir se patot untuk erenungih areng-sareng. Delem ketab kaiyeh e sebut aki:

الْعَبْدُ حُرٌّ إنْ قَنِعْ وَالْحُرُّ عَبْدٌ إنْ طَمِعْ فَاقْنَعْ وَلَا تَطْمَعْ فَمَا شَيْءٌ يَشِينُ سِوَى الطَّمَعْ

Arte epon, “Seorang budak kakdintoh layak untuk esebbut merdikah manabi ampon bisa naremah dek apah se bedeh, ben oreng merdikah nikah layak esebbut budak manabi angkarah dek panapah se e kaandik oreng laen. Maka taremah panapah se bedeh, ben jhek angkarah, karena tadek sepat se paleng jubek salaen sepat angkarah.”

Ma’asyiral Muslimin jamaah Jumat se e molje aki sareng Alloh

Panapah se ampon ejellasaki kakdissah, aropa aki sala sittung pengingat dek kuleh sareng sampean sadejeh untuk mut-ngimutih betapa pentingah nikmat kemerdekaan kakdintoh, saenggeh kuleh sareng sampean wejib untuk nyukkurih nikmah agung kintoh, ben mugeh-mugeh kemerdekaan kakdintoh bisa teros e kaandik sareng kuleh sampean sadejeh, tak hanya merdikah nagerenah tapeh juga beden ben jiwanah.

Sakakdinoh bedenah khutbah Jumat tentang nyukkurih nikmat agung kemerdekaan kakdintoh. Mugeh-mugeh bedenah khutbah kakdintoh bisa apektah manfaat tor barokah dek kuleh sareng ajunan sadejeh, serta bisa tettih panyebeb untuk bisa ningkat aki ibedeh ben ketakwaan dek ajunan epon Alloh swt. Amin ya rabbal alamin.

بَارَكَ اللهُ لِيْ وَلَكُمْ فِيْ هَذَا الْيَوْمِ الْكَرِيْمِ، وَنَفَعَنِيْ وَاِيَاكُمْ بِمَا فِيْهِ مِنَ الصَّلَاةِ وَالصَّدَقَةِ وَتِلَاوَةِ الْقُرْاَنِ وَجَمِيْعِ الطَّاعَاتِ، وَتَقَبَّلَ مِنِّيْ وَمِنْكُمْ جَمِيْعَ أَعْمَالِنَا إِنَّهُ هُوَ الْحَكِيْمُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، اِنَّهُ هُوَ الْغَفُوْرُ الرَّحِيْمُ

Khutbah II

اَلْحَمْدُ لِلهِ حَمْدًا كَمَا أَمَرَ. أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ، اِلَهٌ لَمْ يَزَلْ عَلَى كُلِّ شَيْءٍ وَكِيْلًا. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَحَبِيْبُهُ وَخَلِيْلُهُ، أَكْرَمِ الْأَوَّلِيْنَ وَالْأَخِرِيْنَ، اَلْمَبْعُوْثِ رَحْمَةً لِلْعَالَمِيْنَ. اللهم صَلِّ وَسَلِّمْ عَلَى سَيِّدِنَا مُحَمَّدٍ وَعَلىَ أَلِهِ وَأَصْحَابِهِ وَمَنْ كَانَ لَهُمْ مِنَ التَّابِعِيْنَ، صَلَاةً دَائِمَةً بِدَوَامِ السَّمَوَاتِ وَالْأَرْضِيْنَ.

أَمَّا بَعْدُ: فَيَا أَيُّهَا الْحَاضِرُوْنَ اتَّقُوا اللَّهَ حَقَّ تُقَاتِهِ وَذَرُوْا الْفَوَاحِشَ مَا ظَهَرَ مِنْهَا وَمَا بَطَنَ. وَحَافِظُوْا عَلَى الطَّاعَةِ وَحُضُوْرِ الْجُمْعَةِ وَالْجَمَاعَةِ وَالصَّوْمِ وَجَمِيْعِ الْمَأْمُوْرَاتِ وَالْوَاجِبَاتِ. وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ بِنَفْسِهِ. وَثَنَى بِمَلَائِكَةِ الْمُسَبِّحَةِ بِقُدْسِهِ. إِِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً.

اللهم صَلِّ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ فِيْ العَالَمِيْنَ اِنَّكَ حَمِيْدٌ مَجِيْدٌ. اللهم اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اَلْأَحْيَاءِ مِنْهُمْ وِالْأَمْوَاتِ. اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَةً وَمِنْ بُلْدَانِ الْمُسْلِمِيْنَ عَامَةً، اِنَّكَ عَلَى كُلِّ شَيْءٍ قَدِيْرٌ

عِبَادَ اللهِ، اِنَّ اللهَ يَأْمُرُكُمْ بِالْعَدْلِ وَالْاِحْسَانِ وَاِيْتَاءِ ذِيْ الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذْكُرُوْا اللهَ الْعَظِيْمَ يَذْكُرُكُمْ وَلَذِكْرُ اللهِ أَكْبَرُ

Sunnatullah, Pengajar di Pondok Pesantren Al-Hikmah Darussalam Durjan Kokop Bangkalan Jawa Timur.