Ibnu Athoillah dalam kitab Al-Hikam mengisyaratkan bahwa amal yang dilakukan seorang hamba pada hakikatnya adalah sebuah pertolongan Allah. Maka mestinya kita tidak merasa bangga dengan amal yang telah diperbuat. Sebab pada dasarnya, ketaatan yang dilakukan semata karena dianugerahinya daya dan kekuatan dari Allah sehingga tak sepantasnya menuntut pahala dari-Nya.

 

Naskah khutbah Jumat berikut ini dengan judul, “Khutbah Jumat Bahasa Sunda: Hakekat Amal Manusa numutkeun Ibnu Athoillah”. Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat! (Redaksi)

 

Khutbah I

 

اَلْحَمْدُ ِللهِ الَّذِيْ تَفَرَّدَ بِجَلَالِ مَلَكُوْتِهِ، وَتَوَحَّدَ بِجَمَالِ جَبَرُوْتِهِ وَتَعَزَّزَ بِعُلُوِّ أَحَدِيَّتِهِ، وَتَقَدَّسَ بِسُمُوِّ صَمَدِيَّتِهِ، وَتَكَبَّرَ فِي ذَاتِهِ عَنْ مُضَارَعَةِ كُلِّ نَظِيْرٍ، وَتَنَزَّهَ فِي صِفَائِهِ عَنْ كُلِّ تَنَاهٍ وَقُصُوْرٍ، لَهُ الصِّفَاتُ الْمُخْتَصَّةُ بِحَقِّهِ، وَالآيَاتُ النَّاطِقَةُ بِأَنَّهُ غَيْرُ مُشَبَّهٍ بِخَلْقِهِ 

 

أَشْهَدُ أَن لَا إِلَهَ إِلَّا اللهّ وَحْدَهُ لَا شَرِيْكَ لَهُ، شَهَادَةَ مُوْقِنٍ بِتَوْحِيْدِهِ، مُسْتَجِيْرٍ بِحَسَنِ تَأْيِيْدِهِ. وَأَشْهَدُ أَنَّ سَيِّدِنَا مُحَمَّداً عَبْدُهُ الْمُصْطَفَى، وَأَمِيْنُهُ الْمُجْتَبَي وَرَسُوْلُهُ الْمَبْعُوْثُ إِلَى كَافَةِ الْوَرَى، اَللَّهُمَّ صَلِّ عَلَى عَبْدِكَ وَرَسُوْلِكَ مُحَمّدٍ وَعَلَى آلِهِ وَأَصْحَابِهِ الْبَرَرَةِ الْكِرَامِ، وَسَلَّمَ تَسْلِيْمًا كَثِيْرًا

 

أَمَّا بَعْدُ: أَيُّهَا النَّاسُ، اِتَّقُوا اللهَ وَاعْبُدُوْهُ، فَإِنَّ اللهَ خَلَقَكُمْ، قَالَ اللهُ تَعَالَى: ﴿ وَمَا أُمِرُوا إِلَّا لِيَعْبُدُوا اللَّهَ مُخْلِصِيْنَ لَهُ الدِّينَ حُنَفَاءَ وَيُقِيمُوا الصَّلَاةَ وَيُؤْتُوا الزَّكَاةَ ۚ وَذَٰلِكَ دِينُ الْقَيِّمَةِ﴾ صَدَقَ اللهُ الْعَظِيْمِ وَصَدَقَ رَسُوْلُهُ الْحَبِيْبُ الْكَرِيْمُ وَنَحْنُ عَلَى ذَلِكَ مِنَ الشَّاهِدِيْنَ وَالشّاكِرِيْنَ وَالْحَمْدُ للهِ رَبِّ الْعَالَمِيْنَ

 

Hadirin anu dimulyakeun ku Alloh

Tipayun, hayu urang sami-sami manjatkeun puji kalih syukur ka Alloh Robbun Gofur, Dzat anu parantos ngalimpahkeun rupi-rupi ni’mat ka urang sadayana. Solawat miwah salam mugia salamina dilimpahkeun ka Baginda Alam, ya’ne Kangjeng Nabi Muhammad oge ka kulawargina, para sahabatna, tabi’in kalih tabia’atna, dugika ka urang sadayana salaku umatna. 

 

Sateuacan ngalajengkeun khutbah, sakumaha biasa khotib seja ngadugikeun wasiat takwa khusus ka diri khotib pribadi, umum ka ahli jumah sadayana. Sabab, ukur katakwaan sareng kaimanan anu janten ukuran kamulyaan hiji hamba di payuneun Pangerannana. 

 

Hadirin anu dimulyakeun ku Alloh

Ibnu Athoillah dina kitab Hikam-na parantos ngisyaratkeun yen ma’rifat, katauhidan, sareng kumaulana hiji abdina Alloh di antarana tiasa diukur ku sakumaha totalitas anjeunna nyarande ka Alloh. Dikiatan ku Ibnu Abbad dina syarahna, yen ari nyarande ka Alloh eta sifat jalma-jalma anu ma’rifat sareng ngaesakeun Alloh. 

 

Sementara ari nyarande ka salian ti Allah eta sifat jalma-jalma anu can ma’rifat sareng can ngaesakan Alloh. Bentuk “salian ti Alloh” teh mungkin elmu, amal, kaayaan spiritual, sareng sajabina. Langkung paosna tingal Syarah kitab Hikam kagungan Ibnu Abbad kaca 89. 

 

Abdi Alloh anu tos ma’rifat sareng nauhid mah bakal salilana neuteup Alloh di luhur amparan muqorobah sareng musyahadah manehna. Anjeuna ‘fana’, hartosna lebur sareng kakawasaan Alloh sahingga teu ningal deui nanaon dina dirina anging Alloh.   

 

Nyakitu keneh nalika tisoledat kana hiji pagawean salah, anjeuna ukur ningal eta pagawean salaku katangtuan Alloh sareng papasten-Na keur dirina, anu nyimpen hikmah sareng kedah disadarkeun yen dirina sanes abdi Alloh anu dima’sum sareng dijaga tina dosa, sahingga kedah geuwat diomean bari sapapaosna waspada supaya teu tisoledat deui kana kasalahan anu sarupa.    

 

Salajengna, nalika aya hiji kataatan atawa kasadaran dina dirina, abdina Alloh mah teu ningal eta salaku kaunggulan jeung kakuatan diri. Sabab eta samata-mata daya sareng kakuatan Alloh. Sahingga diri manehna tetep tenang sareng panceg dina jalurna takdir-takdir Alloh.  

 

Hate manehna tetep tenang dina pancaran cahaya-Na. Keur dirina teu aya bedana antara dua kaayaan: hade atawa goreng, gampang atawa susah. Pasalna, anjeuna titeuleum kana samudera katauhidan. Khauf alias rasa sieun sareng raja’ alias rasa miharep manehna tetap stabil sareng jalan babarengan. 

 

Teu kurang saeutik-eutik acan rasa sieun manehna sanajan kamaksiatan tos dijauhan. Oge teu kurang saeutik-eutik acan harepan maranehna sanajan amal hade tos dilakukeun. Teu kurang saeutik-eutik acan rasa sieun maranehna sanajan kataatan tos dilaksanakeun. Teu kurang saeutik-eutik acan harepan maranehna sanajan kasalahan pernah dilakukeun. Kitu pisan maksud sareng tujuan anu dikedalkeun dina unteyan hikmah Ibnu Athoillah di handap ieu.

 

مِنْ عَلَامَاتِ الاِعْتِمَادِ عَلَى الْعَمَلِ نُقْصَانِ الرَّجَاءِ عِنْدَ وُجُوْدِ الزَّلَلِ

 

Hartosna, “Salah sawios ciri gumantung kana amal nyaeta kurangna harepan nalika gagal.”   

 

Pensyarah kitab Mahasinul-Majalis, Ibnu al-Arif ash-Shanhaji, nguningakeun yen jalma-jalma anu tos dugi kana tingkatan ma’rifat mah bakal salilana sasarengan sareng Alloh sabab ngagaduhan kayakinan ukur Mantenna anu ngatur sagala urusan. Nalika lahir hiji kataatan tina dirina, anjeuna moal rek nungtut pahala sabab dirina teu ningal tos migawe eta kataatan. Nyakitu deui amal ibadah dirina can tangtu ditarima ku Alloh. Nyakitu keneh nalika lahir hiji kasalahan diri, anjeuna buburu ngomeannana sabab hukuman geus ditetepkeun keur jalma anu salah. 

 

Dosa tetep dosa anu kudu ditebus sareng ditobatan. Anjeuna teu ningal sasaha salian ti Alloh, imma dina kaayaan sulit atanapi gampang, dina kaayaan taat atawa laley. Anjeuna tetap sareng Alloh. Pandangan dirina museur ka Alloh. Kasieun dirina ukur kana kawasa-Na. Harepan manehna teu aya deui anging ti hoyong deukeut sareng Mantenna. 

 

Hadirin anu dimulyakeun ku Alloh

Sedengkeun jalma-jalma anu teu acan ma’rifat masih tetep nisbatkan amal perbuatan teh ka dirina. Teu saeutik di antara maranehna anu nungtut bagian tina amal kahadean dirina sabab maranehna masih keneh nyarande kana amal perbuatan sareng ngarasa jongjon kana kaayaan spiritual anu tos dihontal. Nyakitu deui nalikan tigebrus kana kasalahan, maka harepan maranehna kana rohmat Alloh jadi kurang. 

 

Nalika migawe kataatan maka kasieun maranehna jadi kurang. Tah eta teh bukti maranehna acan tajrid alias leupas tina sabab jeung masih kahalangan tina cahaya ma’rifat ka Alloh. Maka sing saha wae anu ningal pertanda ieu dina dirina, maka kedah uninga kana posisi sareng martabatna. Sahingga ulah rek kaleuleuwihan ngaku tos ngabogaan pangkat jeung kadudukan khusus salaku jalma anu tos caket sareng Alloh, tapi pek aku diri jalma anu masih keneh awam sareng jauh ka Alloh. 

 

Nanging, peryogi oge dipahami yen ngalangkungan petikan hikmah di luhur, sanes hartos Syekh Ibnu Athoillah hoyong nyurutkan sumangat kana amal sareng ibadah urang, tapi saleresna mah sabalikna. Anjeuna teu kirang-kirang ngadorong urang ningkatkeun kualitas sareng kuantitas amal ibadah. Anjeuna justru hoyong ngalihkan gumantungna urang, nu asalna gumantung ka salian ti Alloh jadi gumantung ka Alloh, rohmat sareng karunia-Na. 

 

Ku hal sakitu, jalma-jalma anu salah sareng anu milampah dosa masih tetep bisa miharep kana rohmat sareng pitulung Alloh. Aranjeuna masih tiasa neuteup kana pidawuh-Na anu nganyatakeun:

 

قُلْ يٰعِبَادِيَ الَّذِيْنَ اَسْرَفُوْا عَلٰٓى اَنْفُسِهِمْ لَا تَقْنَطُوْا مِنْ رَّحْمَةِ اللّٰهِ ۗاِنَّ اللّٰهَ يَغْفِرُ الذُّنُوْبَ جَمِيْعًا ۗاِنَّهُ هُوَ الْغَفُوْرُ الرَّحِيْمُ

 

Hartosna, “Dugikeun (Muhammad), ‘He hamba-hamba Kaula anu ngaleuwihan batas kana diri maranehna sorangan, ulah rek putus asa tina rohmat Alloh. Saenya-enyana Alloh teh maha ngahampura dosa-dosa sadayana. Sabab Mantenna Dzat anu maha ngahampura sareng maha mikanyaah,’” (QS. az-Zumar [39]: 53). 

 

Lamun seug ditalungtik, ranggeuyan hikmah Syekh Ibnu Athoillah di luhur teh mangrupakeun intisari tina pidawuh Kangjeng Rosul:

 

لَنْ يُدْخِلَ أحدكم الجَنَّةَ بعمله ، قَالُوا: وَلاَ أَنْتَ يَا رَسُولَ اللَّهِ؟ قَالَ: وَلاَ أَنَا، إِلَّا أَنْ يَتَغَمَّدَنِي اللَّهُ بِفَضْلٍ وَرَحْمَةٍ

 

Hartosna, “Moal rek asup surga salah saurang di antara aranjeun ku amalna. Teras Kangjeng Nabi ditaros para sahabat, Kalebet salira panginten, Pangersa? Mantena ngawaler, Kalebet kaula, kecuali Alloh nyimutan ku anugrah sareng rohmat,” (HR Bukhari Muslim).

 

Syekh Ibnu Athoillah nekenkeun pentingna nyandar ka Alloh sabab sanes mustahil, jalma anu awalna bangga kana amal kataatanna bakal gampang tigebrus kana rasa takabur jeung sombong. Ngarasa diri geus pang hadena. Akibatna, gampang ngaledek batur, gampang nyalahkeun nu salah. Bahkan gampang nyalahkan amaliyah batur, sareng sajabina.

 

Walhasil, ulah rek bangga ku sabab urang geus migawe amal hade. Sabab anu bawa urang kana amal sanes daya sareng kakuatan urang, tapi hidayah sareng pitulung Alloh. Nyakitu deui anu nganteurkeun hiji hamba ka surga, sanes amal tapi rido sareng rohmat-Na.

 

 بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ

 

Khutbah II

 

اَلْحَمْدُ لِلّٰهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا، اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ أَجْمَعِيْنَ

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ

 

اَللّٰهُمَّ اغْفِرْلَنَا وَلِوَالِدَيْنَا وَارْحَمْهُمَا كَمَا رَبَّيَانَا صِغَارًا، اَللّهُمَّ إِنَّا نَسْأَلُكَ إِيْمَانًا كَامِلاً وَيَقِيْنًا صَادِقًا وَرِزْقًا وَاسِعًا وَقَلْبًا خَاشِعًا وَلِسَانًا ذَاكِرًا وَحَلاَلاً طَيِّبًا وَ توبة نَصُوْحًا. اَللّهُمَّ إِنَّا نَسْأَلُكَ مُوْجِبَاتِ رَحْمَتِكَ وَعَزَائِمَ مَغْفِرَتِكَ وَالسَّلاَمَةَ مِنْ كُلِّ إِثْمٍ وَالْغَنِيْمَةَ مِنْ كُلِّ بِرٍّ وَالْفَوْزَ بِالْجَنَّةِ وَالنَّجَاةَ مِنَ النَّارِ. رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

 

عِبَادَ اللهِ، إِنَّ اللهَ يَأْمُرُ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

Ustadz M Tatam Wijaya, Penyuluh dan Petugas KUA Sukanagara-Cianjur, Jawa Barat.