Khutbah Jumat Bahasa Sunda: Sagigireun Ngalap Ni’mat, Ulah Poho Hisab Akherat

Selaku umat yang beriman, kita diperingatkan agar tidak terlena dengan kehidupan dunia. Justru kita harus pandai menjadikan kehidupan sementara ini sebagai sarana meraih kebahagiaan akhirat. Jangan terlena dengan nikmat dunia, karena ada nikmat yang jauh lebih besar. Jangan lupa bahwa nikmat yang diberikan kepada kita kelak akan ditanya dan dipertanggungjawabkan.

 

Maka dari itu, pada pembahasan khutbah kali ini akan diuraikan apa saja yang akan dipertanggungjawabkan di akhirat? Pertanyaan apa saja yang harus kita jawab kelak? Bagaimana mempersiapkannya?

 
Untuk mencetak, silahkan download di bagian atas atau bawah naskah khutbah ini. Semoga bermanfaat!

 

Khutbah I:

 

إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَمِن سَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ ، أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن، قَالَ اللهُ تَعَالَى فِي الْقُرْآنِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ، يَاأَيّهَا الّذَيْنَ آمَنُوْا اتَّقُوا اللهَ حَقَّ تُقَاتِهِ وَلاَ تَمُوْتُنّ إِلَّا وَأَنْتُمْ مُسْلِمُوْنَ، وَقَالَ، أَلْهَاكُمُ التَّكَاثُرُ ، حَتَّى زُرْتُمُ الْمَقَابِرَ ، كَلَّا سَوْفَ تَعْلَمُونَ ، ثُمَّ كَلَّا سَوْفَ تَعْلَمُونَ ، كَلَّا لَوْ تَعْلَمُونَ عِلْمَ الْيَقِينِ ، لَتَرَوُنَّ الْجَحِيمَ ، ثُمَّ لَتَرَوُنَّهَا عَيْنَ الْيَقِينِ ، ثُمَّ لَتُسْأَلُنَّ يَوْمَئِذٍ عَنِ النَّعِيمِ ، صَدَقَ اللهُ الْعَظِيْمُ، أَمَّا بَعْدُ

 

Hadirin sidang jumah rohimakumulloh 
Teu aya kalimat anu pang sae-saena anu kedah dikedalkeun ku urang sadayana di danget ieu anging Alhamdulillah. Puji syukur kanu Alloh Robbun Gofur. Dzat anu maha nyipta sareng ngatur sadayana alam. Dzat anu teu weleh-weleh maparin ni’mat ka urang dugika waktos ieu pisan, terutami ni’mat taufiq sareng hidayah. Sahingga urang tiasa kempel di tempat anu mulya ieu dina raraga turut tumut kana salah sawios parentah-Na nyaeta solat jumah berjamaah.

 

Solawat sareng anu utama mugia tetep dilimpahkeun ka panutan alam, yakne Kangjeng Nabi Muhammad saw. anu diutus janten rohmat ka sadayana alam. Solawat sareng salam oge mugia dilimpahkeun ka para sahabatna, para tabiin, sareng para tabi tabiin, dugika urang sadayana anu ngarep-ngarep syafaatna di yaomil jaza.

 

Hadirin sadayana
Sateu acan ngalajengkeun ieu khutbah, sakumaha biasa, khotib bade wasiat khusus ka diri pribadi, umum ka sadayana sidang jumah, hayu urang sami-sami ningkatkeun kaimanan sareng katakwaan, wireh takwa mangrupakeun pang sae-saena bekel lumampah mayunan kahirupan dunya sareng akherat. Takwa nu janten benteng urang sadayana dina raraga ngajalankeun paranteh Alloh sareng nebihan sagala rupi panyegah-Na. Mugia urang sadayana sing diwuwuh taufik sareng hidayah ku Alloh swt. dina sagala laku lampah urang sadayana.

 

Sidang jumah anu mulya
Sakumaha ayat anu diaos khotib di luhur, Allah parantos nemrakkeun sifat umum manusa kalebet urang sadayana. Naon sifat umumna manusia teh? Nyaeta laley jeung poho. Laley ngajalankeun parentah Alloh. Laley kana peringatan Alloh. Laley kana teguran Alloh. Maranehna sibuk nguruskeun perkara dunya dugika poho kana perkara akherat. Maranehna sibuk ngumpul-ngumpul dunya dugika poho kana hisaban sareng pertangung-jawaban di payuneun Alloh. Kitu sakumaha unggel ayatna.

 

أَلْهَاكُمُ التَّكَاثُرُ، حَتَّى زُرْتُمُ الْمَقَابِرَ

 

Hartosna, “Ari paloba-loba raja kaya dunya teh eta tos ngalaleykeun aranjeun, dugika aranjeun asup kana jero kubur.” (QS. a-Takatsur [102]: 1-2).

 

Tah ngalangkungan ieu ayat, Alloh saleresna parantos maparin pepeling ka urang sadayana, yen urang ulah laley teuing ku perkara dunya dugika poho pibekeleun urang mayunan kahirupan akherat. Hartos sanes urang ulah milari harta jeung dunya barana, nanging urang kedah emut, yen milari dunya kedah sesuai sareng jalan anu ditunjukkeun ku Alloh, tos kenging dunya kedah dianggo syukur ku urang di jalan Alloh, oge tong hilap saalit seueurna harta urang bakal dipertanggung-jawabkeun di payuneun Alloh.

 

Urang sing emut, kaayaan urang di payunen Alloh dina poe kiamah, sakumaha anu parantos didugikeun ku Kangjeng Rosul.

 

لاَ تَزُولُ قَدَمُ ابْنِ آدَمَ يَوْمَ القِيَامَةِ مِنْ عِنْدِ رَبِّهِ حَتَّى يُسْأَلَ عَنْ خَمْسٍ، عَنْ عُمُرِهِ فِيمَ أَفْنَاهُ، وَعَنْ شَبَابِهِ فِيمَ أَبْلاَهُ، وَمَالِهِ مِنْ أَيْنَ اكْتَسَبَهُ وَفِيمَ أَنْفَقَهُ، وَمَاذَا عَمِلَ فِيمَا عَلِمَ

 

Hartosna, “Moal ngeser lengkah bani Adam dina poe kiamah di payuneun pangerannana dugika ditaros ihwal lima perkara. Kahiji, ihwal umurna. Dipake naon eta umur? Kadua ihwal kangoraannana. Dianggo naon eta kangoraan diseepkeun? Katilu sareng kaopatna ihwal hartana. Timana eta harta dikengingkeun sareng dianggo naon eta harta? Kalima, ihwal naon anu dipigawe sesuai sareng elmu anu dipibogana?” (HR. at-Tirmidzi).

 

Kitu geuning pertarosan anu bakal dipayunan ku urang sadayana. Matak hayu atuh urang emut deui ku urang. Hartosna urang teh sanes teu kenging gaduh harta jeung raja kaya. Nanging ulah resep jeung katungkul teuing ku ngumpul-ngumpulna, bari poho kana hak-hakna eta harta, sumawona bari poho di akherat kana hisabanna. Urang di dunya teh moal lila, pasti aya akhirna. Pasti bakal aya maot anu nungtungan eta kahirupan dunya. Sakaligus maot anu jadi awal pertangung-jawaban urang di alam akherat. Hanjakal, kalolobaan nana jalma teh poho dugika palebah dinya. 

 

Matak tong heran, teu sauetik jalma anu mabok ku dunya, poho kana cara ngala dunya anu dipika rido pangeran, teu ningali halal jeung haram. Tah cara anu saperti kitu teh teu sae mungguh agama jeung aturan pangeran. 

 

Hadirin sidang Jumah sadayana 
Jadi cindekna urang teh ulah jongjon teuing sabab bakal ditanya lima perkara tadi. Kira-kira lamun ditanya lima perkara tadi, naha urang parantos siap kanggo ngajawabna? Lamun umur urang dianggo taat mah, gampang pisan ngajawabna. Tapi sabaliknya geura bayangkeun ku urang lamun umur dianggo ma’siat atanapi doraka nukang nongong ka pangeran, bade kumaha urang ngajawab? Teu acan deui pertanyaan anu sanesna, nyaeta perihal kangoraan, amal soleh, harta, oge ni’mat-ni’mat anu sanesna. Leres sakumaha pidawuh Alloh, tiap ni’mat bakal ditaroskeun:

 

ثُمَّ لَتُسْأَلُنَّ يَوْمَئِذٍ عَنِ النَّعِيمِ

 

Hartosna, “Saterasna, anjeun pasti bakal ditanya dina eta poe ihwal kani’matan (anu mewah di dunia).” (at-Taktsur [102]: 8).

 

Khusus kanggo urusan harta mah pertarosan nana oge dua rupa, nyaeta ti mana harta urang dikengingkeun, oge dianggo naon eta harta? Sedengkeun ngawaler pertanyaan Alloh moal aya nu tiasa dibuni-buni. Beda nalika urang mayunan pertarosan jalma. Nu goreng bisa disumputkeun. Sedengkeun di payuneun Alloh mah, benten deui. Malah sadayana anggota badan tiasa nyarios ngaku kana amal perbuatan masing-masing.

 

Kitu pisan pidawuh Alloh dina Al-Quran.

 

الْيَوْمَ نَخْتِمُ عَلى أَفْواهِهِمْ وَتُكَلِّمُنا أَيْدِيهِمْ وَتَشْهَدُ أَرْجُلُهُمْ بِما كانُوا يَكْسِبُونَ

 

Hartosna, “Dina poe ieu, kaula ngonci kana baham-baham aranjeun, oge bakal nyarios leungeun-leungeun aranjeun, suku-suku aranjeun bakal masihan kasaksian kana naon wae anu parantos ku aranjeun diusahakeun.” (QS. Yasin  [36]: 65). 

 

Ku hal sakitu, salaku umat muslim anu iman ka Alloh, urang ulah pere-pere merhatikeun naon wae anu tos ku urang diperbuat kanggo poe isuk. Hartosna poe akherat. Naha urang tos bener-bener nyiapkeun nana? Naha urang bener-bener ngajalankeun parentah Alloh sareng nyingkahan panyegahna? Lamun urang leres-leres hoyong salamet, hayu urang persiapkeun akherat ti ayeuna keneh. Tong ngadago isukan atawa pageto. Sabab umur urang sadayana can tangtu dugika isuk atawa pageto. Hartos urang ulah nunda tobat jeung taat ka Alloh. Salagi aya waktu, pidamel ayeuna. Salagi sehat lakonan ayeuna. Hayu regepkeun dawuhan Alloh dina Al-Quran. 

 

يا أَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ 

 

Hartosna, “He jalma-jalma anu iman, kudu tarakwa anjeun ka Alloh, oge tiap jalma merhatikeun naon wae anu tos dilakukeun keur poe isuk di akherat?”  (QS. al-Hasyr [59]: 18).  

 

Matak urang kedah apik jeung taliti dina sagala laku lampah urang, bisi nyengsar tina aturan Alloh, kedah ati-ati dina kasab oge milari pangupah jiwa, kedah bener-bener nyukuran kana ni’mat, sabab yakin jeung tetela naon anu dipimilik ku urang, ni’mat naon anu dilimpahkeun ka urang, bakal disidang di payuneun Alloh. Supaya urang teu beurat, matak urang ulah gagabah oge emut kana hisaban Alloh. Emut harta mah halalna bakal dihisab, haramna bakal disiksa.

 

Pantes, Nabi Suleman paling lami dihisabna di akherrat, sabab paling seueur hartana. Cacak-cacak dianggo taat ka Alloh, Nabi Sulaeman lami hisabna. Komo meureun lamun jalma jiga urang. Gagabah dina milari harta, teras syukurna oge kadang teu cocok sareng kahoyong Alloh.

 

Intina mah ulah rek kajongjonan. Tuturkeun aturan Alloh, lamun urang hoyong hidup bagja dunya sareng akherat. Infakkeun harta urang di jalan anu dipika rido Alloh. Manfaatkeun ni’mat sakumaha kahoyong anu masihan ni’mat. Ulah mungpang kana larangan Alloh lamun urang alim mayunan siksa Mantenna. Mugia urang dipaparin taufiq sareng hidayah kanggo ngarandapan kahirupan anu leres-leres dipika rido ku Alloh.  Amin ya robbal alamin.

 

Khutbah II

 

اَلْحَمْدُ لِلَّهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا .. وَصَلَّى الله عَلَى سَيِّدَنَا وَمَوْلَانَا مُحَمَّدٍ وَعَلَى آلِهِ وَصَحْبِهِ وَسَلَّمَ

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِوَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتْ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ

 

اللَّهُمَّ إِنَّا نَعُوذُ بِكَ مِنْ عَذَابِ جَهَنَّمَ وَنَعُوذُ بِكَ مِنْ عَذَابِ الْقَبْرِ وَنَعُوذُ بِكَ مِنْ فِتْنَةِ الْمَسِيحِ الدَّجَّالِ وَنَعُوذُ بِكَ مِنْ فِتْنَةِ الْمَحْيَا وَالْمَمَاتِ، اللَّهُمَّ إِنَّا نَعُوذُ بِكَ مِنْ الْهَمِّ وَالْحَزَنِ وَنَعُوذُ بِكَ مِنْ الْعَجْزِ وَالْكَسَلِ وَ نَعُوذُ بِكَ مِنْ الْجُبْنِ وَالْبُخْلِ وَنَعُوذُ بِكَ مِنْ غَلَبَةِ الدَّيْنِ وَقَهْرِ الرِّجَالِ  رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

 

عِبَادَ اللهِ، إِنَّ اللهَ يَأْمُرُكُمْ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

Ustadz M Tatam Wijaya, Penyuluh dan Petugas KUA Sukanagara-Cianjur, Jawa Barat.