Khutbah Jumat Bahasa Madura: Bulen Molod Wektonah Nyonto Akhlakkeh Nabi 

Materi khutbah Jumat Bahasa Madura ini mengingatkan kembali perihal pentingnya mengisi bulan Rabiul Awal yang diyakini sebagai bulan kelahiran Nabi Muhammad, sebagai momentum untuk meneladani segala perbuatan dan perilaku nabi selama hidup di dunia. Sebagai umatnya, kita semua patut untuk mengingat keluhuran dan kemuliaan akhlaknya, untuk kemudian bisa kita teladani bersama.

Naskah khutbah Jumat berikut ini berjudul: “Khutbah Jumat Bahasa Madura: Bulen Molod Wektonah Nyonto Akhlakkeh Nabi..” Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat!

---

Khutbah I

إنَّ الحَمْدَ لِلهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَتُوْبُ إِلَيْهِ وَنَتَوَكَّلُ عَلَيْهِ، وَنَعُوْذُ بِهِ مِن شُرُورِ أنفُسِنَا وَمِنْ سيئاتِ أعْمَالِنا. مَنْ يَهْدِهِ اللهُ فَلاَ مُضِلَّ لَهُ، ومن يُضْلِلْ فَلا هَادِي لَهُ. أَشْهَدُ أنْ لا إلَهَ إلا اللهُ وَحْدَهُ لا شَرِيكَ لَهُ، لَهُ الْمُلْكُ وَلَهُ الْحَمْدُ، أَنْزَلَ الْقُرْآنَ هُدًى لِلْعَالَمِيْنَ وَشِفَاءً لِلْقُلُوْبِ، وَمَوْعِظَةً لِلْبَشَرِيَّةِ جَمِيْعًا، وَجَعَلَهُ نُوْرًا لِكُلِّ إِنْسَانٍ ضَلَّ عَنِ الطَّرِيْقِ. وأشهدُ أنَّ مُحَمَّدًا عبْدُهُ ورَسُولُهُ. اَللَّهُمَّ صَلِّ عَلَى سَيِّدِنَا مُحَمَّدٍ وَعَلىَ آلِهِ وَأَصْحَابِهِ وَسَلِّمَ تَسْلِيْمًا كَثِيْراً

أَمَّا بَعْدُ: فَيَا عِبَادَ اللهِ أُوْصِيْكُمْ وَاِيَايَ أَوَّلاً بِتَقْوَى اللهِ تعالى وَطَاعَتِهِ بِامْتِثَالِ أَوَامِرِهِ وَاجْتِنَابِ نَوَاهِيْهِ. قَالَ اللهُ تَعَالَى فِي الْقُرْاَنِ الْكَرِيْمِ: لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيراً

Ma’asyiral Muslimin jamaah Jumat se e molje aki sareng Alloh

Alhamdulillahi robbil alamin, atas sadejeh nikmat sareng papareng deri ajunan epon Alloh swt, khusus epon aropa aki nikmat sehat sareng iman se teros netep e delem ateh, mogeh-mogeh teros tamba sae sampek mateh. Sholawet sareng salam ngireng atoraki dek ajunan epon gusteh Nabi Muhammad saw. Mugeh-mugeh Alloh nipe aki kasalametten ben kasaean dek keluarganah, sohabetteh, sareng sadejeh ummatteh. Amin.

Selanjut epon, ngireng kuleh sareng ajunan sadejeh kuat aki iman sareng takwe dek ajunan epon Alloh swt, kalaben teros ningkat aki sadejeh amal ibede ben kapekusen se bisa e lakonih untuk teros aningkat aki iman kakdintoh. Sebeb, iman sareng takwe aropa aki sala sittung sanguh se paleng sae untuk epektah dek akherat, hal kakdintoh akdih se ampon eteges aki delem Al-Qur’an, enggi kakdintoh:

وَتَزَوَّدُوا فَإِنَّ خَيْرَ الزَّادِ التَّقْوَى وَاتَّقُونِ يَا أُولِي الأَلْبَابِ

Arte epon, “Gibe’eh sanguh, karena saonggunah paling pekusseh sanguh enggi kakdintoh takwe. Ben takwe’eh dek Sengkok wahai oreng-oreng se andik akal sehat. (QS Al-Baqarah [2]: 197).

Ma’asyiral Muslimin jamaah Jumat se e molje aki sareng Alloh

Kuleh sareng panjennengan sadejeh saat samangken ampon bedeh e delem bulen Robiul Awel, sala sittung bulen se tettih sakseh nyatah lahirreh manussah paleng muljeh, enggi kakdintoh gusteh Kanjeng Nabi Muhammad saw. E delem bulen kakdintoh nabi sareng panutan kuleh panjennengan e lahir aki dek alam dunnyah.

Maka ampon sapatotteh begi sadejeh umat Islam kakdintoh untuk araya aki sareng anumbu aki rasa seneng delem atenah, sepoajeh bisa tettih jelen untuk bisa semakin cinta tor estoh dek ajunan epon gusteh Rosululloh.

Delem nyambut tor araya aki bulen se ekenal kalaben mulod kakdintoh, tadek se lebbi patot tor lebbi sae begi kuleh ajunan sadejeh salaen niroh ben nyonto sadejeh se ampon e kalakoh sareng ajunan epon gusteh Rosululloh. Sebeb, beliau nikah aropa aki contoh kasampornaan se paleng sae, penunton kaodik en se sampornah, hal kakdintoh kalerressen sareng se ampon e teges aki delem Al-Qur’an, Allah swt berfirman:

وَإِنَّكَ لَعَلَى خُلُقٍ عَظِيمٍ

Arte epon, “Ben saonggunah sampenah panikah lakar onggu-onggu ngagungih pakerteh se luhur.” (QS Al-Qalam [68]: 4).

Delem ayet se laen kakdintoh jugen e teges aki, Alloh swt berfirman:

لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيراً

Arte epon, “Sungguh, lakar bedeh delem jiwanah Rosululloh jiah suri teladan se sae begi kakeh, (enggi kakdintoh) begi oreng se ngarep (rahmat) Alloh ben (kadetengan) areh Kiamat ben bennyak engak dek Alloh.” (QS Al-Ahzab [33]: 21).

Ma’asyiral Muslimin jamaah Jumat se e molje aki sareng Alloh

Sadejeh kaodik en ben panapah se e kalakoh Rosululloh wektoh odik e dunnyah kakdintoh tettih contoh se koduh e teroh sareng kuleh ben ajunan sadejeh. Tadek se parloh e ragu aki kapenderennah, karena hakekatteh panapah se e kalakoh sareng gusteh kanjeng nabi nikah aropa aki bentuk perwujudan deri panapah se bedeh delem Al-Qur’an.

Akhlak tor panemmuh se sanget sae untuk e teroh sareng sadejeh manussah nikah di antaranah, Rosululloh panikah tak pernah ngalakonih kalakoan dengkih dek oreng laen. Rosululloh jugen tak pernah reng-cerrengan, ben tak pernah males dek panapah se e lakonih oreng laen dek abek eng, bahkan beliau nikah nyaporah dek sadejeh kasala’an oreng laen.

Hal kakdintoh kalerressen sareng sala sittung riweyet se ajellasaki tentang potret akhlak nabi se sanget muljeh. Delem riweyet Imam Tirmidzi, se asomber deri Abdulloh al-Jedeli e sebut aki, jhek delem sittung wektoh Abdulloh al-Jedeli nikah mareksanih tentang akhlakkeh nabi, kemudian Sayyideh Aisyah ajeweb:

سَأَلْتُ عَائِشَةَ عَنْ خُلُقِ رَسُوْلِ اللهِ فَقَالَتْ لَمْ يَكُنْ فَاحِشًا وَلَا مُتَفَحِّشًا، وَلَا صَخَّابًا فِي الْأَسْوَاقِ، وَلَا يَجْزِي بِالسَّيِّئَةِ السَّيِّئَةَ، وَلَكِنْ يَعْفُو وَيَصْفَحُ

Artinya, “Abdinah (Abdulloh al-Jadali) pernah mareksanih dek Sayyidah Aisyah tentang akhlakkeh Rosululoh, maka Sayyideh Aisyah ajeweb: Rosululloh benne manussah se dengkih ben ngalakonih kalakoan dengkih. Nabi tak pernah acerreng e pasar, nabi jugen tak males kajube’en kalaben kajube’en se laen, namun nyaporah ben lapang dedeh.” (HR at-Tirmidzi).

Kasaean akhlak Rosululloh kakdintoh tak hanya e geressah sareng keluarganah saos, tapeh sadejeh masyarakat Arab nikah jugen ngarassa aki, hal kakdintoh kalerressen e wektoh Ka’beh nikah pekal e pa beccek. E wektoh pembangunan ampon depak dek Hajer Aswed, pemuka Arab nikah acek-cok tentang paserah oreng se layak untuk nyabek Hajer Aswed nikah dek tempat se awel.

Cek-cok teros alanjut sampe pekal tettiyeh tokar antar pemuka masyarakat Arab kakdintoh. Namun akherrah, Abu Umayyah bin al-Mughirah mataber sittung solusi sopajeh se nyabek kakdintoh oreng pertama se masok dek labengah Masjidil Haram. Kalerressen, se masok pertama nikah ternyata Rosululloh saw. Delem wektoh panikah, sadejeh oreng Arab langsung adebu akadih se ejellasaki sareng Syekh Shafiyurrahman al-Mubarakfuri delem keta bar-Rahikul Makhtum, 

وَشَاءَ اللهُ أَنْ يَكُوْنَ ذَلِكَ رَسُوْلُ اللهِ، فَلَمَّا رَأَوْهُ هَتَفُوْا هَذَا الْأَمِيْنُ، رَضِيْنَاهُ هَذَا مُحَمَّدٌ.

Arte epon, “Atas kasokan epon gusteh Alloh, ternyata oreng pertama se masok nikah Roslulloh. Masyarakat Arab langsung ngucak: ariyah al-amin (oreng se sanget jujur ben e parcajeh), kami rela ajiah se nyabek, ajiah adalah Muhammad.”

Nikah aropa aki sala sittung akhlakkeh nabi se sanget muljeh. Kaleben akhlak tor panemmuh se sae, nabi bisa ma ambu cek-cok antara masyarakat Arab kakdintoh. Milanah deri panikah, ngireng bulen mulod kakdintoh tetti aki momentum untuk saleng niroh ben nyunto dek sadejeh se kalakoh sareng gusteh nabi.

Ma’asyiral Muslimin jamaah Jumat se e molje aki sareng Alloh

Sakakdinoh bedenah khutbah Jumat tentang atettiyaki momentum bulen mulod sebagai ajang untuk nyunto ben niroh nabi. Mugeh-mugeh bedenah khutbah kakdintoh bisa apektah manfaat tor barokah dek kuleh sareng ajunan sadejeh, serta bisa tettih panyebeb untuk bisa ningkat aki ibedeh ben ketakwaan dek ajunan epon Alloh swt. Amin ya rabbal alamin.

بَارَكَ اللهُ لِيْ وَلَكُمْ فِيْ الْقُرْأَنِ الْعَظِيْمِ، وَنَفَعَنِيْ وَاِيَاكُمْ بِمَا فِيْهِ مِنَ الأَيَاتِ وَالذِّكْرِ الْحَكِيْمِ، وَتَقَبَّلَ مِنِّيْ وَمِنْكُمْ جَمِيْعَ أَعْمَالِنَا إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، اِنَّهُ هُوَ الْغَفُوْرُ الرَّحِيْمُ

Khutbah II

اَلْحَمْدُ لِلهِ حَمْدًا كَمَا أَمَرَ. أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ، اِلَهٌ لَمْ يَزَلْ عَلَى كُلِّ شَيْءٍ وَكِيْلًا. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَحَبِيْبُهُ وَخَلِيْلُهُ، أَكْرَمِ الْأَوَّلِيْنَ وَالْأَخِرِيْنَ، اَلْمَبْعُوْثِ رَحْمَةً لِلْعَالَمِيْنَ. اللهم صَلِّ وَسَلِّمْ عَلَى سَيِّدِنَا مُحَمَّدٍ وَعَلىَ أَلِهِ وَأَصْحَابِهِ وَمَنْ كَانَ لَهُمْ مِنَ التَّابِعِيْنَ، صَلَاةً دَائِمَةً بِدَوَامِ السَّمَوَاتِ وَالْأَرْضِيْنَ.

أَمَّا بَعْدُ: فَيَا أَيُّهَا الْحَاضِرُوْنَ اتَّقُوا اللَّهَ حَقَّ تُقَاتِهِ وَذَرُوْا الْفَوَاحِشَ مَا ظَهَرَ مِنْهَا وَمَا بَطَنَ. وَحَافِظُوْا عَلَى الطَّاعَةِ وَحُضُوْرِ الْجُمْعَةِ وَالْجَمَاعَةِ وَالصَّوْمِ وَجَمِيْعِ الْمَأْمُوْرَاتِ وَالْوَاجِبَاتِ. وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ بِنَفْسِهِ. وَثَنَى بِمَلَائِكَةِ الْمُسَبِّحَةِ بِقُدْسِهِ. إِِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً.

اللهم صَلِّ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ فِيْ العَالَمِيْنَ اِنَّكَ حَمِيْدٌ مَجِيْدٌ. اللهم اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اَلْأَحْيَاءِ مِنْهُمْ وِالْأَمْوَاتِ. اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَةً وَمِنْ بُلْدَانِ الْمُسْلِمِيْنَ عَامَةً، اِنَّكَ عَلَى كُلِّ شَيْءٍ قَدِيْرٌ

عِبَادَ اللهِ، اِنَّ اللهَ يَأْمُرُكُمْ بِالْعَدْلِ وَالْاِحْسَانِ وَاِيْتَاءِ ذِيْ الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذْكُرُوْا اللهَ الْعَظِيْمَ يَذْكُرُكُمْ وَلَذِكْرُ اللهِ أَكْبَرُ

Sunnatullah, Pengajar di Pondok Pesantren Al-Hikmah Darussalam Durjan Kokop Bangkalan Jawa Timur