Khutbah

Khutbah Jumat Bahasa Sunda: Sasih Muharram sareng Hakekat Hijrah

NU Online  ·  Kamis, 10 Juli 2025 | 20:00 WIB

Khutbah Jumat Bahasa Sunda: Sasih Muharram sareng Hakekat Hijrah

Ilustrasi Muharram. (Foto: NU Online)

Muharram adalah bulan yang dimuliakan Allah, banyak mengandung keutamaan dan peristiwa sejarah, serta menjadi bulan pertama dalam kalender Hijriah. Seiring dengan datangnya bulan Muharram tahun 1447 Hijriah, selayaknya kita memetik keutamaan dan merenungi peristiwa penting di dalamnya. Salah satunya adalah peristiwa hijrah Rasulullah dari Mekah ke Madinah yang perlu kita petik pelajaran dan menerapkan nilai-nilai hijrah dalam kehidupan sekarang ini.

 

Khutbah Jumat Sunda kali ini berjudul, “Khutbah Jumat Bahasa Sunda: Sasih Muharram sareng Hakekat Hijrah.” Untuk mencetak silahkan klik fitur download warna merah (pada tampilan desktop) di bagian atas naskah khutbah ini. Semoga bermanfaat!

 

Khutbah I

 

اَلْحَمْدُ لِلّٰهِ الْمُنْعِمِ عَلَى مَنْ أَطَاعَهُ وَاتَّبَعَ رِضَاهُ، الْمُنْتَقِمِ مِمَّنْ خَالَفَهُ وَعَصَاهُ، أَشْهَدُ أَنْ لَا إِلٰهَ إِلَّا اللهُ وَحْدَهُ لاَشَرِيْكَ لَهُ شَهَادَةَ عَبْدٍ لَمْ يَخْشَ إِلَّا اللهَ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِي اخْتَارَهُ اللهُ وَاصْطَفَاهُ. اَللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ وَمَنْ وَالَاهُ

 

أمَّا بَعْدُ، فَيَاعِبَادَ الرَّحْمٰنِ، فَإنِّي أُوْصِيْكُمْ وَنَفْسِي بِتَقْوَى اللهِ المَنَّانِ، الْقَائِلِ فِي كِتَابِهِ الْقُرْآنِ: أَعُوْذُ بِاللهِ مِنَ الشَّيْطَانِ الرَّجِيْمِ ، بِسۡمِ ٱللَّهِ ٱلرَّحۡمَٰنِ ٱلرَّحِيمِ ، اِنَّ عِدَّةَ الشُّهُوْرِ عِنْدَ اللّٰهِ اثْنَا عَشَرَ شَهْرًا فِيْ كِتٰبِ اللّٰهِ يَوْمَ خَلَقَ السَّمٰوٰتِ وَالْاَرْضَ مِنْهَآ اَرْبَعَةٌ حُرُمٌۗ ، صَدَقَ اللهُ الْعَظِيْمُ

 

Sidang Jumah rohimakumulloh 

Puji sareng syukur sapapaosna hayu urang haturkeun ka Alloh swt. Sholawat miwah salam mugia salamina dikucurkeun ka panutan urang sadaya, nyaeta Kangjeng Nabi Muhammad saw, oge kulawargi, para sahabat, para tabiin, tug dugika urang sadayana salaku umatna.

 

Teu hilap sateu acan ngalajengkeun ieu khutbah, khotib seja umajak ka sadaya ahli Jumah, hayu urang sami-sami ngandelan kaimanan tur katakwaan ka Alloh swt. Rehing teu aya bekel anu pang saena kanggo urang ngabakti oge napak dina jalan Alloh anging katakwaan ka Mantenna.

 

Sidang Jumah rohimakumulloh 

Sakali deui urang ngucap syukur Alhamdulillah ka Alloh swt, wireh urang sadayana parantos dipaparinan panjang yuswa sahingga didugikeun deui kana tahun anu enggal nyaeta tahun 1447 H. Mugia wae kasaean urang dina tahun anu tos kalangkung sing natrat di payuneun Alloh swt. kalayan sagala rupi kalepatan urang dihapunten ku Mantenna. Teu hilap urang munajat, mugi-mugi taun anu bakal dongkap urang sadaya dipaparin yuswa anu barokah, dipaparin kasehatan, kalayan diwuwuh ku taufiq sareng hidayah ku Alloh swt.

 

Sakumaha kauninga yen tahun 1447 H ieu dibuka ku sasih Muharram. Salah sawios sasih anu mulya, disandingkeun sareng tilu sasih mulya sanesna, nyaeta Dzulhijjah, Dzulhijjah, sareng Rojab. Kamulyaan sasih Muharram sareng tilu sasih sanesna ieu parantos diuningakeun ku Alloh dina Al-Quran:

 

اِنَّ عِدَّةَ الشُّهُوْرِ عِنْدَ اللّٰهِ اثْنَا عَشَرَ شَهْرًا فِيْ كِتٰبِ اللّٰهِ يَوْمَ خَلَقَ السَّمٰوٰتِ وَالْاَرْضَ مِنْهَآ اَرْبَعَةٌ حُرُمٌۗ

 

Hartosna, "Saenya-enyana bilangan bulan di payuneun Alloh eta aya dua belas bulan, dina katangtuan Alloh dina waktu Mantenna nyiptakeun langit sareng bumi, di antarana opat bulan haram," (QS. At-Taubah: 36).

 

Sanes kanten kalebet sasih anu dimulyakeun ku Alloh dina Al-Quran, sasih Muharram oge leubeut pisan ku kautamaan sanesna, di antawisna nyaeta:

 

Kahiji, ditikel-tikelna ganjaran kasaean. Sakumaha diuningakeun ku Imam Al-Ghazali dina kitab Ihya Ulumiddin, Jilid I, kacac 215, dina ieu sasih urang dianjurkeun pisan nyeueurkeun kasaean, oge nebihan sagala rupi padamelan zholim sareng dosa. Anapon bentuk kasaeannana tiasa mangrupikeun ibadah spiritual atanapi ibadah sosial. Di antawisna ku nyeueurkeun netepan sunat, saum sunat, ngaos Al-Quran, sedekah, atanapi santunan ka murangkalih yatim sareng du’afa.

 

Sanaos saum Asyuro parantos kalangkung, tapi urang masih keneh tiasa ngalaksanakeun saum sunnah sanesna. Salah sawios kautamaan saum sunnah dina ieu sasih, diuningakeun ku Kangjeng Rosul dina hadits riwayat Imam Muslim:


 
أَفْضَلُ الصِّيَامِ بَعْدَ رَمَضَانَ شَهْرُ اللَّهِ الْمُحَرَّمُ

 

Hartosna, “Puasa anu paling utama saparantos puasa Ramadhan nyaeta puasa dina bulan Alloh, Muharram,” (HR. Muslim).

 

Marakna saum sunnah dina sasih Muharram, utamina dina dintenan Asyuro, dijelaskeun ku Imam Ibnu Katsir dina kitab Al-Bidayah wan Nihayah, jilid I, kaca 273. Dicarioskeun nalika ngawitan sumping ka Madinah, Kangjeng Rosul saw. ningal umat Yahudi saraum Asyura mangrupikeun wujud syukur kana disalametkeunna  Nabi Mus, maka  kangjeng Rosul saw teras nganyatakeun yen umat Islam langkung hak kanggo turut kana sunnah Nabi Musa, sahingga mantenna oge nganjurkeun saum dina eta dinten.

 

Kadua, patali sareng kajantenan sejarah. Utamina dina kaping 10 Muharram anu sok biasa disebat dintenan Asyuro. Dina eta dinten seueur pisan kajantenan penting, di antawisna disalametkeunnana Nabi Musa sareng kaumnya tina udagan Raja Fir'aun, disalametkeunnana rombongan Nabi Nuh a.s. sareng kaumna tina kapal, dikaluarkeunnana Nabi Yunus a.s. tina beuteung lauk anu ngaleglegna, ditampina taubat Nabi Adam, Salametna Nabi Ibrahim tina seuneu Raja Namrud, sareng sajabina.

 

Kajantenan anu teu eleh pentingna nyaeta hijrah atanapi ngalihna Kangjeng Rosul saw ti Mekkah ka Madinah. Sakaligus eta kajantenan teh janten titi mangsa dikawitanna etangan taun Hijriah. Tah, dina taun ayeuna teh urang ningcak kana taun 1447 Hijriah.

 

Ku hal sakitu, ku dongkapna taun anyar hijriah ieu, sakedahna urang oge ngiring hijrah. Nanging tangtosna, sanes hijrah sapertos Kangjeng Rosul, ngalihna padumukan ti Mekkah ka Madinah, tapi urang mah hijrah atanapi ngalih tina awon kana sae, tina kedul kana getol, tina ma’siat kana to’at, tina poho ka Alloh kana eling ka Alloh, sareng sajabina.  Tah eta hakekat oge nilai-nilai hijrah anu ku urang tiasa diterapkeun ku urang sadayana.

 

Sagigireun ti eta, urang oge kedah syukur kana sagala rupi ni’mat anu anu tos dipaparinkeun ka urang sadaya dina taun-taun kapengker. Nyakitu keneh urang kedah tafakur tur muhasabah, yen ku dongkapna taun anyar sareng nambihna yuswa urang di alam dunya, ternyata umur urang gumelar di alam dunya teh teh beuki ngirangan.

 

Gambarannana, lamun urang dipaparin jatah yuswa ku Alloh 10 tahun deui, maka ku dongkapna taun anu anyar, yuswa urang kantun 9 taun deui. Lamun jatah yuswa urang 5 taun deui, ku dongkapna taun anyar, maka yuswa urang ukur 4 taun deui. Kitu saterasna.

 

Nu matak ulah rek kajongjonan, poho kana pangbalikan, hirup seueur ngudag-ngudag kani’matan dunya, bari notolerkeun kahirupan akherat. Di dunya sagala direumpak, poho kana walesan akherat. Di dunya poho kana parentah Alloh, di akherat hayong uih ka Alloh. Di dunya terus-terusan mumpang kana larangan Alloh, tapi di akherat hayang salamet. Tah urang ulah digika sapertos kitu.

 

Numawi, hayu urang ngalih atanapi hijrah tina teu ngawaro Alloh, kana tumut tur seueur eling ka Gusti Alloh. Malah mandar urang sadayana, kenging rohmat ridho Mantenna. Amin ya robbal alamin.


     
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَّلَ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمُ

 

Khutbah II

 

 اَلْحَمْدُ ِللّٰهِ رَبِّ الْعَالَمِيْنَ، أَشْهَدُ أَنْ لَاإِلَهَ إِلَّا اللهُ وَحْدَهُ لَاشَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. فَيَاعِبَادَ اللهِ اِتَّقُوْا اللهَ حَقَّ تُقَاتِهِ وَلَا تَمُوْتُنَّ إِلَّا وَأَنْتُمْ مُسْلِمُوْنَ

 

قَالَ اللهُ تَعَالىَ فِيْ كِتَابِهِ اْلعَظِيْمِ، إِنَّ اللهَ وَمَلاَئِكَتَهُ يُصَلُّوْنَ عَلىَ النَّبِيِّ، يَا أَيُّهَا الَّذِيْنَ أَمَنُوْا صَلُّوْا عَلَيْهِ وَسَلِّمُوْا تَسْلِيْمًا، اَللَّهُمَّ صَلِّ وَسَلِّمْ عَلىَ سَيِّدِنَا مُحَمَّدٍ وَعَلىَ اَلِهِ وَأًصْحَابِهِ أَجْمَعِيْنَ وَالتَّابِعِيْنَ وَتَابِعِ التَّابِعِيْنَ وَمَنْ تَبِعَهُمْ بِإِحْسَانٍ إِلىَ يَوْمِ الدِّيْنِ. وَعَلَيْنَا مَعَهُمْ بِرَحْمَتِكَ يَا اَرْحَمَ الرَّاحِمِيْنَ

 

اَللَّهُمَّ اغْفِرْ لِلْمُسْلِمِيْنَ وَاْلمُسْلِمَاتِ وَاْلمُؤْمِنِيْنَ وَاْلمُؤْمِنَاتِ، اَلْأَحْيَاءِ مِنْهُمْ وَاْلأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ يَا قَاضِيَ اْلحَاجَاتِ، اَللّهُمَّ إِنَّا نَسْأَلُكَ إِيْمَانًا كَامِلًا وَيَقِيْنًا صَادِقًا وَرِزْقًا وَاسِعًا وَقَلْبًا خَاشِعًا وَلِسَانًا ذَاكِرًا وَحَلَالًا طَيِّبًا وَتَوْبَةً نَصُوْحًا. اَللّهُمَّ إِنَّا نَسْأَلُكَ مُوْجِبَاتِ رَحْمَتِكَ وَعَزَائِمَ مَغْفِرَتِكَ وَالسَّلاَمَةَ مِنْ كُلِّ إِثْمٍ وَالْغَنِيْمَةَ مِنْ كُلِّ بِرٍّ وَالْفَوْزَ بِالْجَنَّةِ وَالنَّجَاةَ مِنَ النَّارِ، رَبَّنَا أَتِنَا فِي الدُّنْيَا حَسَنَةً وَفِي اْلآخِرَةِ حَسَنَةً وَقِنَا عَذَابَ النَّارِ

 

عِبَادَ اللهِ إِنَّ اللهَ يَأْمُرُ بِالْعَدْلِ وَاْلإِحْسَانِ وَإِيْتَاءِ ذِي اْلقُرْبىَ وَيَنْهىَ عَنِ اْلفَحْشَاءِ وَاْلمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوْا اللهَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

M Tatam Wijaya, Penyuluh dan Petugas KUA Sukanagara-Cianjur, Jawa Barat.