Khutbah Jumat Bahasa Sunda: 3 Tetenger Hirup Manusia di Alam Dunya 

Kehidupan di dunia bersifat sementara dan penuh ujian, sehingga manusia harus memperkuat iman dan ketakwaan kepada Allah. Malaikat Jibril pernah berpesan kepada Rasulullah saw dan umatnya tentang 3 hal, yaitu setiap manusia akan menghadapi kematian, segala yang dicintai akan berpisah, dan semua amal perbuatan akan mendapat balasan.

 

Maka khutbah Jumat ini berjudul, “Khutbah Jumat Bahasa Sunda: 3 Tetenger Hirup Manusia di Alam Dunya”. Untuk mencetak khutbah ini, silakan klik fitur download berwarna merah di atas atau bawah artikel ini (pada tampilan desktop). Semoga bermanfaat!

 

Khutbah I

 

اَلْحَمْدُ للهِ الّذِي أَنْعَمَ عَلَيْنَا وَهَدَانَا إِلَى دِيْنِ الْإِسْلَامِ، اَللَّهُمَّ صَلِّ وَسَلِّمْ عَلَى سَيِّدِنَا وَمَوْلَانَا مُحَمَّدٍ النَّبِيِّ الْأُمِّيِ الَّذِيْ دَعَانَا إِلَى دِيْنِ الْمَلِكِ الْعَلَّامِ، وَعَلَى آلِهِ وَأَصْحَابِهِ صَلَاةً وَسَلَامًا دَائِمَيْنِ مُتَلَازِمَيْنِ عَلى مَمَرِّ الدُّهُوْرِ وَالْأَيَّامِ، أَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيْكَ لَهُ شَهَادَةً تُنْجِي قَائِلَهَا مِنْ أَهْوَالِ يَوْمِ الزِّحَامِ، وَأَشْهَدُ أَنَّ مُحَمّدًا عَبْدُهُ وَرَسُوْلُهُ سَيِّدُ الْأَنَامِ

 

أَمَّا بَعْدُ، فَيَا أَيُّهَا الْحَاضِرُوْنَ، أُوْصِيُكُمْ عِبَادَ اللهِ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ وَأَحُثُّكُمْ وَإِيَّايَ عَلَى طَاعَةِ اللهِ وَعَلَى طَاعَةِ رَسُوْلِهِ فِي كُلِّ وَقْتٍ لَعَلَّكُمْ تُقْلِحُوْنَ، قَالَ اللهُ تَعَالَى فِي الْقُرْآنِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ، بِسْمِ اللهِ الرَّحْمَنِ الرَّحِيْمِ،‌ كُلُّ ‌مَنْ ‌عَلَيْها فَانٍ، وَيَبْقَى وَجْهُ رَبِّكَ ذُو الْجَلالِ وَالْإِكْرامِ

 

Sidang Jumah Anu dimulyakeun ku Alloh  

Sugrining puji anu sampurna sareng pangalem anu sagemlengna eta tetep kagungan Alloh, anu mika welas ka abdi-abdina, anu ngaluhurkeun darajat anu bakti ka Anjeunna. Sholawat sareng salam anu utami mugia tetep dilimpahkeun ka pang afdol-afdolna nabi, nyaeta Kangjeng Nabi Muhammad saw. miwah ka kulawargina, ka para sahabatna, ka tabi’in tabiatna, dugika urang sadayana salaku umatna.

 

Teu hilap, ngalangkungan mimbar anu mulya ieu, khotib seja ngadugikeun kagegelan wasiat ka sadayana ahli Jumah, khusus ka diri pribadi, sumangga urang sasarengan ngiatkeun wangunan kaimanan sareng katakwaan ka Alloh swt, margi takwa mangrupikeun pang sae-saena bekel urang napak dina perjalanan Alloh sareng uih ka Mantenna.

 

Sidang Jumah Anu dimulyakeun ku Alloh,

Salah sawios ayat Al-Quran anu dikapayunkeun ku khotib dina muqodimah tadi nguningakeun:

 

كُلُّ ‌مَنْ ‌عَلَيْها فَانٍ ، وَيَبْقَى وَجْهُ رَبِّكَ ذُو الْجَلالِ وَالْإِكْرام

 

Hartosna, “Sadayana anu aya di muka bumi bakal ruksak. Nanging, Dzat Pangeran anjeun anu gaduh kaagungan sareng kamulyaan nu bakal abadi,” (QS. Ar-Rahman [55]: 26-27).

 

Jelas kadangu tur kahartos ku urang sadayana, oge eta pisan anu kedah janten kayakinan sareng tetenger keur urang salaku makhluk anu kumelenang di alam dunya. Dina waktu anu tos ditangtoskeun urang bakal ruksak oge uih ka akherat. Janten atuh rugi kacida lamun urang poho kana tetenger ieu.

 

Kalih ti eta, tetenger ieu teh parantos dikiatkeun ku wasiat Malaikat Jibril ka Kangjeng Rosul, sakumaha anu dina hadits:

 

جَاءَ جِبْرِيلُ إِلَى النَّبِيِّ صلى الله عليه وسلم، فَقَالَ:يَا مُحَمَّدُ، ‌عِشْ ‌مَا ‌شِئْتَ فَإِنَّكَ مَيِّتٌ، وَأَحْبِبْ مَنْ أَحْبَبْتَ فَإِنَّكَ مَفَارِقُهُ، وَاعْمَلْ مَا شِئْتَ فَإِنَّكَ مَجْزِيٌّ بِهِ

 

Hartosna, “Hiji waktos, Malaikat Jibril sumping ka Kangjeng Nabi saw., teras sasauran, “He Muhammad, prak hirup anjeun sasuka anjeun, ngan sing emut saenya-enyana anjeun bakal maot. Oge prak pikacinta jalma anu dipikacinta ku anjeun, ngan sing emut saenya-enyana anjeun teh bakal pisah jeung manehna. Oge prak pigawe sakadaek anjeun, ngan sing emut anjeun bakal dibere palesan ku sabab eta pagawean,” (HR. Ath-Thabrani).

 

Sidang Jumah anu dimulyakeun ku Alloh,  

Janten numutkeun eta hadits, urang salaku manusia anu kumelenang di alam dunya, gaduh tilu tetenger.  Kahiji, urang menang hirup sakarepna, ngan ulah hilap ruh urang bakal pisah jeung jasad urang. Maot pingaraneunnana. Numutkeun kahayang nafsu mah memang urang hoyong sagenahna hirup teh. Hayang sadaekna jeung hayang salila-lilana. Nanging sakumaha urang resep sareng sakumaha betah di alam dunya, keukeuh dina waktuna mah urang bakal disapih ku maot oge kudu balik ka akherat.

 

Hal ieu oge luyu sareng katerangan ayat anu nguningakeun:

 

كُلُّ نَفْسٍ ذَاۤىِٕقَةُ الْمَوْتِۗ ثُمَّ اِلَيْنَا تُرْجَعُوْنَ

 

Hartosna, “Satiap anu bernyawa pasti bakal ngasaan kamatian,” (QS. Al-Ankabut [29]: 27).

 

Kadua, urang meunang mikacinta saha wae, oge mikacinta naon wae, ngan ulah hilap urang bakal pisah sareng anu dipikacinta. Sidik jeung tetela, perkara anu dipika cinta teh koncina lamun teu ditingalkeun ku urang, bakal ningalkeun urang. Teu aya bejana, jalma Islam mah maot nyandak raja kaya jeung dunya barana. Keukeuh we nu dicandak mah amal kahadean. Matak teu salah Al-Quran nyebatkeun, harta jeung anak katurunan teh ukur perhiasan tur kaendahan dunya, sedengkeun nu leuwih alus balesannana di payuneun Alloh mah nyaeta amal-amal anu soleh.

 

اَلْمَالُ وَالْبَنُوْنَ زِيْنَةُ الْحَيٰوةِ الدُّنْيَاۚ وَالْبٰقِيٰتُ الصّٰلِحٰتُ خَيْرٌ عِنْدَ رَبِّكَ ثَوَابًا وَّخَيْرٌ اَمَلًا

 

Hartosna, “Harta jeung anak turunan eta teh perhiasan kahirupan dunya, sedengkeun amal kahadean anu abadi (pahalana) eta teh leuwih hade balesanna di payuneun Pangeran anjeun sarta leuwih alus keur jadi harepan,” (QS. Al-Kahfi [18]: 46).

 

Katilu, urang meunang midamel naon wae, nanging sing emut urang bakal kenging balesan tina eta padamelan. Hartosna, urang teh teu tiasa samena-mena nalika gumelar di alam dunya teh. Sabab, urang baris mempertanggung-jawabkeun padamelan urang. Terutami padamelan awon urang. Ceuk nafsu mah memang urang hoyong sadaek-daek, tapi sing emut kana balukarna, nyaeta kaadilan sareng balesan ti Alloh swt. Saalit kumaha kasaean sareng kaawonan urang, tinangtos bakal ditingalikeun ka urang oge bakal kenging walesan anu satimpal.

 

Hayu urang sami kupingkeun ayat anu nguningakeun hal ieu:

 

فَمَن يَعْمَلْ مِثْقَالَ ذَرَّةٍ خَيْرًا يَرَهُ،  وَمَنْ يَعْمَلْ مِثْقَالَ ذَرَّةٍ شَرًّا يَرَهُ

 

Hartosna, “Sing saha-saja anu midamel kasaean najan sebeurat siki sasawi, maka manehna bakal ningal (balesan)-nana. Oge sing saha-saha anu midamel kajahatan najan sabeurat siki sasawi, maka manehna bakal ningal (balesan)-nana,” (QS. Az-Zalzalah [99]: 7-8).

 

Sidang Jumah anu dimulyakeun ku Alloh

Ku hal sakitu, kade urang hilap kana ieu tilu tetenger. Sabab, ieu pisan nu janten panduan urang ngalengkah jeung napak di jalan Pangeran. Tujuanna supaya urang kenging kabagjaan dunya  rawuh akherat.

 

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمُ

 

Khutbah II

 

اَلْحَمْدُ لِلَّهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لَا إِلَهَ إِلَّا اللهُ وَحْدَهُ لَاشَرِيْكَ لَهُ، إِيَّاهُ نَعْبُدُ وَإِيَّاهُ نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا، اَللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ أَجْمَعِيْنَ

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ اَللّهُمَّ إِنَّا نَسْأَلُكَ إِيْمَانًا كَامِلاً وَيَقِيْنًا صَادِقًا وَرِزْقًا وَاسِعًا وَقَلْبًا خَاشِعًا وَلِسَانًا ذَاكِرًا وَحَلَالًا طَيِّبًا وَتَوْبَةً نَصُوْحًا. اَللّهُمَّ إِنَّا نَسْأَلُكَ مُوْجِبَاتِ رَحْمَتِكَ وَعَزَائِمَ مَغْفِرَتِكَ وَالسَّلاَمَةَ مِنْ كُلِّ إِثْمٍ وَالْغَنِيْمَةَ مِنْ كُلِّ بِرٍّ وَالْفَوْزَ بِالْجَنَّةِ وَالنَّجَاةَ مِنَ النَّارِ. رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

 

عِبَادَ اللهِ، إِنَّ اللهَ يَأْمُرُ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

M Tatam Wijaya, Penyuluh dan Petugas KUA Sukanagara-Cianjur, Jawa Barat.