Khutbah

Khutbah Jumat Bahasa Sunda: Sabab-Sabab Tenang jeung Legana Hate

Kam, 4 Mei 2023 | 16:00 WIB

Khutbah Jumat Bahasa Sunda: Sabab-Sabab Tenang jeung Legana Hate

Ilustrasi khatib. (Foto: NU Online/Mahbib)

Bersih dan lapangnya hati merupakan sebab keselamatan serta kebahagiaan dunia dan akhirat. Oleh sebab itu, pada khutbah ini akan diuraikan sebab-sebab meraih kelapangan hati. Terlebih tenang dan lapangnya hati merupakan dambaan setiap muslim. Lantas apa saja sebab-sebab dimaksud?

 

Semoga kita semua termasuk orang-orang yang memiliki hati bersih dan memperoleh kelapangan hati. Untuk mencetak, silahkan klik download di atas atau di bawah naskah khutbah ini.

 

Khutbah I

 

اَلْحَمْدُ للهِ الَّذِي شَرَحَ صُدُوْرَ الْمُوَفَّقِيْنَ بِأَلْطَافِ بِرِّهِ وَآلَائِهِ، وَنُوْرِ بَصَائِرِهِمْ بِمُشَاهَدَةِ حُكْمِ شَرْعِهِ وَبَدِيْعِ صَنْعِهِ وَمُحْكَمِ آيَاتِهِ، وَأَلْهَمَهُمْ كَلِمَةَ التَّقْوَى، وَكَانُوا أَحَقَّ بِهَا وَأَهْلَهَا، فَسُبْحَانَهُ مَنْ إِلَهٌ عَظِيْمٌ، وَتَبَارَكَ مَنْ رَبٌ وَاسِعٌ كَرِيْمٌ، وَأَشْهَدُ أَن لَا إِلَهَ إِلَّا اللهُ وَحْدَهُ لَا شَرِيْكَ لَهُ، فِي أَسْمَائِهِ، وَصِفَاتِهِ، وَأَفْعَالِهِ، وَخَيْرَاتِهِ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، أَشْرَفُ رُسُلِهِ وَخَيْرِ بَرِيَاتِهِ، اَللَّهُمَّ صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ فِي غَدَوَاتِ الدَّهْرِ وَرُوحَاتِهِ. قَالَ اللهُ تَعَالَى فِي الْقُرْآنِ الْكَرِيْمِ وَهُوَ أَصْدَقُ الْقَائِلِيْنَ أَعُوْذُ بِاللهِ مِنَ الشَّيْطَانِ الرَّجِيْمِ ، أَلَا بِذِكْرِ اللَّهِ تَطْمَئِنُّ الْقُلُوبُ،  وَقَالَ النَّبيُّ صَلَّى اللهِ علَيْهِ وَسَلَّمَ ، مَنْ كَانَ فِي حَاجَةِ أَخِيهِ، كَانَ اللهُ عَزَّ وَجَلَّ فِي حَاجَتِهِ، وَمَنْ فَرَّجَ عَنْ مُسْلِمٍ كُرْبَةً، فَرَّجَ اللهُ عَزَّ وَجَلَّ عَنْهُ بِهَا كُرْبَةً مِنْ كُرَبِ يَوْمِ الْقِيَامَةِ  ،صَدَقَ اللهُ الْعَظِيْمُ وَصَدَقَ رَسُوْلُهُ الْحَبِيْبُ الْكَرِيْمُ وَنَحْنُ عَلَى ذَلِكَ مِنَ الشَّاهِدِيْنَ وَالشَّاكِرينَ وَالْحَمْدُ للهِ رَبِّ الْعَالَمِيْنَ، أَمَّا بَعْدُ

 

Hadirin sidang Jumah anu mulya 
Langkung ti payun hayu urang sami-sami manjatkeun puji sareng syukur ka Alloh Robbul Gofur. Dzat anu teu liren-liren ngalimpahkeun ni’mat ka urang sadayana, kalebet ni’mat taufik sareng hidayah-Na. Sahingga dina waktos anu mulya ieu, urang sadayana tiasa ngalaksanakeun salah sawios parentah-Nya, nyaeta solat Jumat berjamaah.

 

Solawat sareng salam anu sampurna mugi salamina dicurahkeun ka Panutan Alam, nyaeta Kangjeng Nabi Muhammad saw. Solawat sareng salam oge mugi dicurahkeun ka para sahabatna, para tabi’in, tabi’ tabi’in, dugika urang sadayana salaku umatna. Mudah-mudahan urang sadayana kenging taufiq hidayah kanggo tumut kana ajaran mantenna kalayan di akherat kenging syafaatna. Amin ya robbal alamin.

 

Sidang Jumah rohimakumulloh,
Sateuacan ngalajengkeun ieu khutbah, sakumaha biasa, khotib seja wasiat khusus ka diri pribadi umum ka hadirin sadayana, hayu urang sami-sami ningkatkeun kaimanan sareng katakwaan ka Alloh swt. Sabab, takwa teh pang hade-hadena bekel urang, terutami bekel mayunan kahirupan lana akherat tea anu disebat alam panjang poe padang nagara tanjung sampurna.

 

Salajengna kedah kauninga ku urang yen kabagjaan dunya jeung akherat teh gumantung kana sehatna hate, sedengkeun sehatna hate gumantung kana rupa-rupa perkara. Di antarana pinuhna hate ku kayakinan sareng kaimanan ka Alloh, euyeubna hate ku rupa-rupa sifat pinunjul, sareng bersihna hate tina rupa-rupa panyawat sareng sifat tercela.

 

Hayu urang sami-sami titenan salah sawios pidawuh Alloh dina Al-Quran anu mangrupikeun petikan doa Nabi Ibrahim:


  
وَلا تُخْزِنِي يَوْمَ يُبْعَثُونَ ، يَوْمَ لا يَنْفَعُ مالٌ وَلا بَنُونَ ، إِلاَّ مَنْ أَتَى اللَّهَ بِقَلْبٍ سَلِيمٍ

 

Hartosna, “(He Pangeran abdi), ulah ngahinakeun ka abdi dina poe maranehna dihudangkeun. Nyaeta poe nalika teu guna deui harta jeung anak turunan, kecuali jalma anu madep ka Allah kalayan nyandak hate anu salamet (beresih),” QS. as-Syu’ara [26]: 87-89).

 

Tah ngalangkungan eta ayat tetela pisan yen nu salamet di akherat teh nyaeta jalma anu nyandak hate anu beresih. Sanes kanten janten modal keur ngahontal kabagjaan akherat, hate anu beresih oge janten sarana keur ngahontal caang jeung legana hate anu janten modal keur ngahontal kabagaan dunya anu keur dirandapan.

 

Tah ku hal sakitu, hayu urang paluruh naon wae perkara anu matak nganteurkeun kana caang jeung legana hate teh. Sakumaha anu parantos dirangkum ku para ulama, saeutikna aya 5 perkara anu matak nganteurkeun kana legana hate:

 

1. Taat ka Alloh sareng ka rosul-Na 
Hadirin kaom Muslimin rohimakumulloh, taat ka Alloh mangrupakeun salah sawios sifat jalma anu iman jeung takwa ka Alloh. Sedengkeun jalma anu iman jeung takwa ka Alloh bakal dipika cinta ku Alloh. Naon sagala masalahna bakal dibere jalan kaluar. Oge jalan rezekina bakal dibukakeun ku Alloh, malahan tina jalan anu teu disangka-sangka. Tah eta sadayana sabab keur bungah, caang jeung legana hate.

 

Hayu urang regepkeun dawuhan Alloh dina Al-Quran.

 

وَمَنْ يَتَّقِ اللَّهَ يَجْعَلْ لَهُ مَخْرَجًا ، وَيَرْزُقْهُ مِنْ حَيْثُ لَا يَحْتَسِبُ 

 

Hartosna, ”Sing saha-saha jalma anu takwa ka Alloh, maka Allah bakal ngajadikeun jalan kaluar ke manehna, oge bakal maparin rezeki ka anjeuna tina jalan anu teu disangka-sangka,” (QS. ath-Thalaq [65]: 2-3).

   

2. Eling ka Alloh 
Salajengna, sabab legakeun hate teh nyaeta manteng eling ka Alloh anu maha nyiptakeun. Sanes kanten janten sabab lungsurna katengtereman sareng katenangan hate, dzikir ka Alloh oge janten sabab salametna urang tina ngareumpak larangan Alloh. Nalika urang geus sapek-pekkeun ngareumpak larangan Alloh, urang bakal emut deui kana cegahan-Nana. Urang kaburu sieun ka Anjeunnna. Tah justru eta pisan urang pentingna emut sapapaosna ka Alloh dina sagala rupi kaayaan. Ari eling ka Allohna mah bade ngalangkungan lisan, atanapi ngalangkungan hate. Langkung sae deui urang emut ka Alloh teh nya lisan nya hate. Jaminan keur jalma eling ka Alloh, tos jelas dina Al-Quran:

 

أَلَا بِذِكْرِ اللَّهِ تَطْمَئِنُّ الْقُلُوبُ
 

Hartosna, “Sing uninga, yen ku eling ka Alloh hate aranjeun bakal tengtrem,” (QS. ar-Ra’du [13]: 28). 

 

3. Tobat sareng Sumerah Diri ka Alloh 
Tiap jalma tangtosna ngagaduhan dosa. Ubarna nyaeta tobat sanduk-sanduk ka Alloh. Ibarat urang tos bobolokot kotor terus mandi. Tah eta gambaran jalma anu tobat ka Alloh. Ningal hambana anu tobat, Alloh kalintang bingahna. Oge sagigireun ti tobat, lamun urang hayang tenang hate teh nyaeta sumerah kana naon nu janten papasten Alloh. Saena atanapi gorengna. Nanging, sing yakin, sagala rupa perkara anu datang ti Alloh, pasti sae. Goreng soteh di payunen paningal urang. Mungguh Alloh mah, sakali deui, teu aya gorengna. Teras kumaha deuih jaminan Allah keur jalma anu tawekal atawa sumerah diri ka Alloh? Dina Al-Quran parantos ditetelakeun:  

 

وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ

 

Hartosna, “Sing saha-saha jalma anu tawakal ka Alloh, maka Alloh bakal nyukupkeun (kaperluan)-na.” (QS. ath-Thalaq [65]: 2-3).

 

Walhasil, dina sagala rupa perkara urang kedah tumarima kana papasten Alloh. Rezeki urang bade seueur saalit kedah bersyukur ka Alloh. Sabadana ikhtiar anu maksimal, urang kedah sumerah ka Alloh. Pokona dina sagala widang urang kedah gumantung ka Alloh. Lamun urang atos kitu, tangtu hate urang bakal tenang jeung lega. Sing emut anu matak nyumpekkeun hati teh nyaeta totojrokna hate urang sorangan. Bingungna urusan sadayana diemutan ku urang, teu dipasrahkeun ka Alloh.  Teu narimana hate kana papasten Alloh. Teu syukurna hate ka Alloh. Nu akibatna urang ngarandapan karugian. Di dunya teu syukur, teu kaburu ibadah, oge di akherat teu kenging rido Alloh. Kacida rugina.  

 

4. Nungtut Elmu Alloh
Sidang Jumah anu mulya, peryogi kauninga ku urang sadayana, yen nyiar elmu teh kalebet sabab tenang jeung caangna hate tina poekna kabodoan. Ku hal sakitu, urang ulah pere tina nyiar elmu Alloh. Katambih nyiar elmu teh mangrupakeun kawajiban urang paripaos ti mimiti diais nepika dipais harti lebet liang kubur. Sabab, elmu teh cahaya anu bakal nganteurkeun pemilikna kana jalan kasalametan.

 

Hadirin sadayana,
5. Tulung tinulung jeung Mere Mangfaat ka Papada Jalma 
Sakumaha hadis anu tos didugikeun di awal khutbah, yen jalma anu nulungan bubutuh batur, maka bakal ditulungan deui bubutuhna ku Alloh. Sing saha-saha jalma anu nulungan kasusah hiji jalma, maka bakal ditulungan kasusahna ku Alloh dina poe kiamah. Nya ieu pisan anu matak ngondang kabungah hate urang. Bayangkeun ku urang, nalika keur bingung urang aya nu nulungan. Tah batur oge moal beda ti kitu. Bakal bungah hatena, gumbira atina, nalika ku urang dibantu bubutuhna, nalika ditulungan kasusahna. Kitu pisan dawuhan Kangjeng Rosul dina hadisna. 

 

مَنْ كَانَ فِي حَاجَةِ أَخِيهِ، كَانَ اللهُ عَزَّ وَجَلَّ فِي حَاجَتِهِ، وَمَنْ فَرَّجَ عَنْ مُسْلِمٍ كُرْبَةً، فَرَّجَ اللهُ عَزَّ وَجَلَّ عَنْهُ بِهَا كُرْبَةً مِنْ كُرَبِ يَوْمِ الْقِيَامَةِ  

 

Hartosna, “Jalma anu nulungan kana bubutuh batur, maka bakal ditulungan bubutuhna ku Alloh. Sing saha-saha jalma anu nulungan kasusah hiji muslim, maka bakal digampangkeun salah sahiji kasusahna ku Alloh dina poe kiamah.” (HR. Ahmad).  

 

Ku hal sakitu, urang ulah pere nyieun kahadean sareng tulung tinulung ka batur. Sabab, kahadean eta anu bakal balik ka urang. Pek tulungan batur, sabab Alloh bakal nulungan ka urang nalika butuh. Mudah-mudahan urang kalebet jalma anu iman jeung takwa oge nu resep tutulung ka batur. Mudah-mudahan di akherat urang kalebet jalma anu bakal ngawaris surga Firdaus salami-lamina. Amin ya robbal alamin

 

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ

 

Khutbah II:

 

اَلْحَمْدُ لِلَّهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا .. وَصَلَّى الله عَلَى سَيِّدَنَا وَمَوْلَانَا مُحَمَّدٍ وَعَلَى آلِهِ وَصَحْبِهِ وَسَلَّمَ

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِوَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتْ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ

 

اللَّهُمَّ إِنَّا نَعُوذُ بِكَ مِنْ عَذَابِ جَهَنَّمَ وَنَعُوذُ بِكَ مِنْ عَذَابِ الْقَبْرِ وَنَعُوذُ بِكَ مِنْ فِتْنَةِ الْمَسِيحِ الدَّجَّالِ وَنَعُوذُ بِكَ مِنْ فِتْنَةِ الْمَحْيَا وَالْمَمَاتِ، اللَّهُمَّ إِنَّا نَعُوذُ بِكَ مِنْ الْهَمِّ وَالْحَزَنِ وَنَعُوذُ بِكَ مِنْ الْعَجْزِ وَالْكَسَلِ وَ نَعُوذُ بِكَ مِنْ الْجُبْنِ وَالْبُخْلِ وَنَعُوذُ بِكَ مِنْ غَلَبَةِ الدَّيْنِ وَقَهْرِ الرِّجَالِ ، رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

 

عِبَادَ اللهِ، إِنَّ اللهَ يَأْمُرُكُمْ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

Ustadz M Tatam Wijaya, Penyuluh dan Petugas KUA Sukanagara-Cianjur, Jawa Barat.