Khutbah Jumat Madura: Pentingah Nombu Aki Rassah Punga atas Lahirreh Nabi

Materi khutbah Jumat bahasa Madura ini mengajak kepada kita semua untuk kembali berbahagia atas karunia dan rahmat dari Allah yang telah diberikan kepada kita semua, khususnya rahmat diutusnya nabi sekaligus rasul terbaik kepada kita semua, yaitu Nabi Muhammad saw, yang dilahirkan pada bulan Rabiul Awal. Maka sudah sepantasnya bagi kita semua untuk berbahagia dan bergembira atas kelahiran tersebut.

Naskah khutbah Jumat berikut ini berjudul: “Khutbah Jumat Madura: Pentingah Nombu Aki Rassah Punga atas Lahirreh Nabi.” Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat!

---

Khutbah I

إنَّ الحَمْدَ لِلهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَتُوْبُ إِلَيْهِ وَنَتَوَكَّلُ عَلَيْهِ، وَنَعُوْذُ بِهِ مِن شُرُورِ أنفُسِنَا وَمِنْ سيئاتِ أعْمَالِنا. مَنْ يَهْدِهِ اللهُ فَلاَ مُضِلَّ لَهُ، ومن يُضْلِلْ فَلا هَادِي لَهُ. أَشْهَدُ أنْ لا إلَهَ إلا اللهُ وَحْدَهُ لا شَرِيكَ لَهُ، لَهُ الْمُلْكُ وَلَهُ الْحَمْدُ، أَنْزَلَ الْقُرْآنَ هُدًى لِلْعَالَمِيْنَ وَشِفَاءً لِلْقُلُوْبِ، وَمَوْعِظَةً لِلْبَشَرِيَّةِ جَمِيْعًا، وَجَعَلَهُ نُوْرًا لِكُلِّ إِنْسَانٍ ضَلَّ عَنِ الطَّرِيْقِ. وأشهدُ أنَّ مُحَمَّدًا عبْدُهُ ورَسُولُهُ. اَللَّهُمَّ صَلِّ عَلَى سَيِّدِنَا مُحَمَّدٍ وَعَلىَ آلِهِ وَأَصْحَابِهِ وَسَلِّمَ تَسْلِيْمًا كَثِيْراً

أَمَّا بَعْدُ: فَيَا عِبَادَ اللهِ أُوْصِيْكُمْ وَاِيَايَ أَوَّلاً بِتَقْوَى اللهِ تعالى وَطَاعَتِهِ بِامْتِثَالِ أَوَامِرِهِ وَاجْتِنَابِ نَوَاهِيْهِ. قَالَ اللهُ تَعَالَى فِي الْقُرْاَنِ الْكَرِيْمِ: لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيراً. وَقَالَ أَيْضًا: قُلْ بِفَضْلِ اللّهِ وَبِرَحْمَتِهِ فَبِذَلِكَ فَلْيَفْرَحُواْ هُوَ خَيْرٌ مِّمَّا يَجْمَعُونَ

Ma’asyiral Muslimin jamaah Jumat se e molje aki sareng Alloh

Sebagai pamukkak delem ngalaksana aki khotbe Jumat e siang areh kakdintoh, ngireng kuleh sareng panjennengan sadejeh amujih tor asyukkur dek ajunan epon Alloh atas sadejeh nikmat se eparengaki dek sadejeh manussah kakdintoh, khusus epon nikmat sehat sareng iman se teros netep e delem ateh, mogeh-mogeh teros tamba sae sampek mateh. Sholawet sareng salam ngireng atoraki dek ajunan epon gusteh Nabi Muhammad saw. Mugeh-mugeh Alloh nipe aki kasalametten ben kasaean dek keluarganah, sohabetteh, sareng sadejeh ummatteh. Amin.

Selanjut epon, ngireng kuleh sareng ajunan sadejeh kuat aki iman sareng takwe dek ajunan epon Alloh swt, kalaben teros ningkat aki sadejeh amal ibede ben kapekusen se bisa e lakonih untuk teros aningkat aki iman kakdintoh. Sebeb, iman sareng takwe aropa aki sala sittung sanguh se paleng sae untuk epektah dek akherat, hal kakdintoh akdih se ampon eteges aki delem Al-Qur’an, enggi kakdintoh:

وَتَزَوَّدُوا فَإِنَّ خَيْرَ الزَّادِ التَّقْوَى وَاتَّقُونِ يَا أُولِي الأَلْبَابِ

Arte epon, “Gibe’eh sanguh, karena saonggunah paling pekusseh sanguh enggi kakdintoh takwe. Ben takwe’eh dek Sengkok wahai oreng-oreng se andik akal sehat." (QS Al-Baqarah [2]: 197).

Ma’asyiral Muslimin jamaah Jumat se e molje aki sareng Alloh

Saat samangken kuleh sareng panjennengan sadejeh bedeh e delem sittung bulen se sanget muljeh, enggi kakdintoh bulen Robiul Awwel se e kennal kalaben bulen mulod. Delem bulen kakdintoh kalerressen sareng areh e lahir akinah gusteh sareng panutan sadejeh umat Islam, enggi kakdintoh Nabi Muhammad saw.

Maka ampon sawajarrah kuleh sareng sampean nikah punga tor asyukkur dek ajunan epon Alloh atas rahmat se paleng agung nikah, enggi kakdintoh aropa aki lahirreh nabi se bisa mektah sadejeh manussah menuju kasaean ben kasalametten, mulai deri dunnyah kantos akherat. Parenta punga atas rahmat Allaoh kakdintoh akasih se ampon e tegges agi delam Al-Qur’an, enggi kakdintoh:

قُلْ بِفَضْلِ اللّهِ وَبِرَحْمَتِهِ فَبِذَلِكَ فَلْيَفْرَحُواْ هُوَ خَيْرٌ مِّمَّا يَجْمَعُونَ

Arte epon, “Nguca’ ah kakeh (Muhamad), ‘Kalaben paparengah Alloh ben rahmat epon, ampon sakodunah kappi manussah jiah punga. Ajiah lebbi sae deri panapah se manussah kompol aki.” (QS Yunus [10]: 58).

Bedenah ayet kakdintoh, marenta aki dek kuleh sareng sampean sadejeh untuk punga kalaben bedenah rahmat tor paparengah Alloh. Nah, rahmat se paleng sae ben se paleng sampornah e dunnyah kakdintoh aropa aki e utusseh Nabi Muhammad saw dek alam dunnyah, akadih se ampon e teges aki delam Al-Qur’an, enggi kakdintoh:

وَمَا أَرْسَلْنَاكَ إِلا رَحْمَةً لِّلْعَالَمِينَ

Arte epon, “Ben Kami tak ngutus dek kakeh (Muhammad) selain sopajeh (tettih) rahmat dek sadejeh alam.” (QS Al-Anbiya’ [21]: 107).

Milanah deri panikah, samangken nikah kuleh sareng sampean sadejeh bedeh e bulen se kalerressen apereng kalaben areh e lahir akinah Nabi Muhammad, maka ampon sakodunah punga dek kalahiren kakdintoh. Punga dek kalahirennah nabi nikah aropa aki parenta deri Alloh, karena kautussen nabi nikah aropa aki rahmat dek kuleh sareng sampean, serta sadejeh alam dunnyah panikah.

Ma’asyiral Muslimin jamaah Jumat se e molje aki sareng Alloh

Salaen punga tor asyukkur atas kalahiren Nabi Muhammad, kuleh sareng sampean sadejeh jugen koduh punga karena ampon e takdir tettih ummatteh. Tettih ummatteh Nabi Muhammad nikah aropa aki nikmat paleng rajeh se e taremah sareng sadejeh umat Islam. Kalaben tettih umatteh Nabi Muhammad, maka secara tidak langsung tettih umat se paleng muljeh alebbi ih umat nabi se laen.

Kalerressen sareng penjelasen panikah, Imam al-Bushiri delem ketab burdeh epon adebu:

لَمَّا دَعَا اللهُ دَاعِيْنَا لِطَاعَتِهِ * بِأَكْرَمِ الرَّسْلِ كُنَّا أَكْرَمَ الْأُمَمِ

Arte epon, “Maka ketika Alloh nikah manggil dek nabi panoddu kuleh sadejeh karena ketaatannya dek ajunan epon Alloh kalaben panngilen utusen paleng muljeh, maka secara otomatis ummatteh nikah jugen umat se paleng muljeh jugen.”

Milanah deri panikah, kuleh sareng sampean sadejeh koduh asyukkur tor pa punga, karena ampon e takdir sareng Alloh tettih ummatteh Nabi Muhammad. Nabi se paleng muljeh tor paleng sampornah. Sadejeh tengkanah nikah chek saenah, tor debu-debunah nikah chek pekusseh. Lahir tettih umat Nabi Muhammad nikah aropa aki nikmat se paleng agung se tadek pending epon.

Tapeh parloh eka oningih jugen, jhek punga anikah tak cokop sebagai modal untuk mapunga Nabi Muhammad. Kuleh sareng sampean sadejeh panikah koduh ngireng dek sadejeh lampanah nabi, mulai dari tengkanah, akhlakkeh, debu-debunah, sareng sadejeh se e conto aki sareng gusteh nabi selama bedeh e dunnyak kakdintoh. 

Ma’asyiral Muslimin jamaah Jumat se e molje aki sareng Alloh

Sakakdinoh bedenah khutbah Jumat bahasa Madureh tentang pentingah nombu aki rassah punga delem ateh kaleben bedenah kelahiran epon Nabi Muhammad kakdintoh. Mugeh-mugeh bedenah khutbah kakdintoh bisa apektah manfaat tor barokah dek kuleh sareng ajunan sadejeh, serta bisa tettih panyebeb untuk bisa ningkat aki ibedeh ben ketakwaan dek ajunan epon Alloh swt. Amin ya rabbal alamin.

بَارَكَ اللهُ لِيْ وَلَكُمْ فِيْ الْقُرْأَنِ الْعَظِيْمِ، وَنَفَعَنِيْ وَاِيَاكُمْ بِمَا فِيْهِ مِنَ الأَيَاتِ وَالذِّكْرِ الْحَكِيْمِ، وَتَقَبَّلَ مِنِّيْ وَمِنْكُمْ جَمِيْعَ أَعْمَالِنَا إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، اِنَّهُ هُوَ الْغَفُوْرُ الرَّحِيْمُ

Khutbah II

اَلْحَمْدُ لِلهِ حَمْدًا كَمَا أَمَرَ. أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ، اِلَهٌ لَمْ يَزَلْ عَلَى كُلِّ شَيْءٍ وَكِيْلًا. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَحَبِيْبُهُ وَخَلِيْلُهُ، أَكْرَمِ الْأَوَّلِيْنَ وَالْأَخِرِيْنَ، اَلْمَبْعُوْثِ رَحْمَةً لِلْعَالَمِيْنَ. اللهم صَلِّ وَسَلِّمْ عَلَى سَيِّدِنَا مُحَمَّدٍ وَعَلىَ أَلِهِ وَأَصْحَابِهِ وَمَنْ كَانَ لَهُمْ مِنَ التَّابِعِيْنَ، صَلَاةً دَائِمَةً بِدَوَامِ السَّمَوَاتِ وَالْأَرْضِيْنَ.

أَمَّا بَعْدُ: فَيَا أَيُّهَا الْحَاضِرُوْنَ اتَّقُوا اللَّهَ حَقَّ تُقَاتِهِ وَذَرُوْا الْفَوَاحِشَ مَا ظَهَرَ مِنْهَا وَمَا بَطَنَ. وَحَافِظُوْا عَلَى الطَّاعَةِ وَحُضُوْرِ الْجُمْعَةِ وَالْجَمَاعَةِ وَالصَّوْمِ وَجَمِيْعِ الْمَأْمُوْرَاتِ وَالْوَاجِبَاتِ. وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ بِنَفْسِهِ. وَثَنَى بِمَلَائِكَةِ الْمُسَبِّحَةِ بِقُدْسِهِ. إِِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً.

اللهم صَلِّ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ فِيْ العَالَمِيْنَ اِنَّكَ حَمِيْدٌ مَجِيْدٌ. اللهم اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اَلْأَحْيَاءِ مِنْهُمْ وِالْأَمْوَاتِ. اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَةً وَمِنْ بُلْدَانِ الْمُسْلِمِيْنَ عَامَةً، اِنَّكَ عَلَى كُلِّ شَيْءٍ قَدِيْرٌ

عِبَادَ اللهِ، اِنَّ اللهَ يَأْمُرُكُمْ بِالْعَدْلِ وَالْاِحْسَانِ وَاِيْتَاءِ ذِيْ الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذْكُرُوْا اللهَ الْعَظِيْمَ يَذْكُرُكُمْ وَلَذِكْرُ اللهِ أَكْبَرُ

Sunnatullah, Pengajar di Pondok Pesantren Al-Hikmah Darussalam Durjan Kokop Bangkalan Jawa Timur.