Khutbah Jumat Bahasa Minang: Manjago Tali Pasaudaraan di Tangah Parbedaan 

Saat ini kita berada di penghujung bulan Syawwal, yaitu bulan peningkatan. Karena seharusnya kualitas ketakwaan umat Islam mengalami peningkatan setelah menjalani rangkaian ibadah puasa. Di samping meningkatkan kualitas takwa hikmah puasa yang tidak kalah penting adalah bimbingan untuk menjalin ikatan persaudaraan satu sama lain. Karena dalam menjalankan ibadah puasa kita dituntut menaruh kasih sayang kepada orang lain dan juga menjaga lisan kita untuk tidak berkata kotor.

 

Teks khutbah Jumat berikut ini mengajak kepada para jamaah untuk menjaga jalinan persaudaraan di tengah berbagai macam perbedaan. Adapun  tema khutbah adalah “Khutbah Jumat Bahasa Minang; Manjago Tali Pasaudaraan di Tangah Parbedaan”. Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat.

 

Khutbah I

 

  الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ. أَشْهَدُ أَن لاَّ إِلَهَ إِلاَّ الله وَحْدَهُ لَا شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى أٰلِهِ وَصَحْبِهِ وَمَنْ وَالاَهُ أَمَّابَعْدُ؛

 فَيَآ أَيُّهَا النَّاسُ، اتَّقُوا اللهَ حَقَّ تَقْوَاهُ كَمَا قَالَ تَعَالَى: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
قَالَ اللهُ تَعَالَى فِي كِتَابِهِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ، بِسْمِ اللهِ الرَّحْمَنِ الرَّحِيْمِ، اِنَّمَا الْمُؤْمِنُوْنَ اِخْوَةٌ فَاَصْلِحُوْا بَيْنَ اَخَوَيْكُمْ وَاتَّقُوا اللّٰهَ لَعَلَّكُمْ تُرْحَمُوْنَ. صَدَقَ اللهُ الْعَظِيْمِ

 

Kaum muslimin wal muslimat sidang jamaah Jumaik nan dimuliakan dek Allah SWT
Awal kalam bamulo kato, tiado kato nan patuik taucap di lisan kito, tiado syair nan labiah indah untuak kito dendangkan, malainkan mamuji dan mamuja Allah SWT. Kareno barakaik rahmat jo karunia Baliau, kito bisa malakukan aktivitas sahari-sahari. Ado nan ka parak, ado nan manggaleh dan ado pulo nan karajo di kantua.

 

Namun Allah agiah nikmaik lain kapado kito basamo, yaitu nikmaik kaimanan, sahinggo tagarak hati kito untuak mamanuahi panggilan Alllah untuak manunaikan ibadah Jumaik sacaro bajamaah. Tantangan  pado itu kaum muslimin, marilah kito basamo-samo basyukur mangucapkan alhamdulillahirabbil’alamiin, sagalo puji hanyo untuak Allah SWT.

 

Kamudian dari pado itu kaum muslimin, shalawaik barangkaikan salam, marilah sanantiaso kito basalawaik kapado junjungan alam, yaitu Nabi Muhammad SAW. Allaahumma shalli ‘alaa sayyidina Muhammad wa ‘ala aali sayyidinaa Muhammad. Kito samo-samo baharap dangan salawaik nan salalu mambasahi lidah jo bibia kito, mudah-mudahan kito dinobaikkan sabagai umaik nan barhak mandapek syafaat baliau di yaumil qiyamah nanti.

 

Kaum muslimin, khatib indak akan bosan-bosan mangajak kaum muslimin dan kaum muslimat, tarutamo kapado diri khatib pribadi, untuak sanantiaso maningkekkan katakwaan kito kapado Allah SWT. Yaitu dengan caro mangarajokan sagalo parintah dari Allah SWT dan maninggalkan sagalo bantuak larangan Baliau.

 

Kaum muslimin wal muslimat sidang jamaah Jumaik nan dimuliakan dek Allah SWT
Alah ganok sabulan lamonyo kito manunaikan ibadah puaso, bagitu pulo manunaikan sumbayang tarawiah jo witir sacaro jamaah di musajik-musajik atau surau-surau. Dan kini pun kito basamo-samo alah barado di panghujuang Syawwal. Itu artinyo alah ampia sabulan pulo kito maninggakan bulan suci Ramadan. Namun kaum muslimin, lai kah puaso nan alah kito karajoan salamo sabulan tu mambakeh dan bamanfaat bagi kito di lua bulan Ramadhan? Hal iko paralu kito inuak manuangi basamo-samo.

 

Bulan puaso mangajarkan kito banyak hal. Disampiang mangajakan kito untuak mandidik diri manjadi pribadi nan batakwa, bulan puaso juo mangajarkan kito untuak mampaarek raso badunsanak dan rukun antar sasamo. Tabukti salah satu amalan nan dianjurkan dek Nabi Muhammad  SAW kapado kito salamo bapuaso adolah mambarikan makanan jo pabukoan ka urang lain nan bapuaso. Rasulullah SAW basabda:

 

مَنْ فَطَّرَ صَائِمًا كَانَ لَهُ مِثْلُ أَجْرِهِ، غَيْرَ أَنَّهُ لَا يَنْقُصُ مِنْ أَجْرِ الصَّائِمِ شَيْئًا

 

"Siapo nan mambari makan urang nan bapuaso, mako baginyo pahalo saumpamo urang nan bapuasa itu, tanpa mangurangi pahalo urang nan bapuasa itu saketek pun." (HR Tirmidzi)

 

Hadis iko kaum muslimin, sacaro tasurek manjalehkan kautamaan bagi urang nan bamurah hati mambarikan pabukoan ka urang lain. Namun, kalau kito inuak manuangi sacaro mandalam, sacaro tasirek hadis ko manngingekkan kito basamo akan pantiangnyo manjago raso pasaudaraan antar sasamo kito, yaitu dengan caro babagi kapado sasamo. Hal iko akan dapek mamupuak raso basaudara dan persatuan diantaro kito dalam manjalani hiduik bamasyarakaik, baagamo dan banegara.

 

Di sampiang itu, dalam bapuaso kito sangaik dilarang dek Allah SWT untuak bakato kasa atau manyakiti parasaan urang lain. Sabab hal iko dapek mangurangi pahalo ibadah puaso kito. Rasulullah SAW basabda:

 

لَيْسَ الصِّيَامُ مِنْ الْأَكْلِ وَالشُّرْبِ فَقَطْ الصِّيَامُ مِنْ اللَّغْوِ وَالرَّفَثِ

 

"Puaso bukan sakadar manahan diri dari makan jo minum samiang, puaso adolah manahan diri dari kato-kato sio-sio jo buruak". (HR. al-Hakim dan al-Bayhaqi)

 

Syekh Zainuddin al-Malibari dalam Fathul Mu’in manjalehkan bahwasonyo urang nan bapuaso paralu manjago lisannyo dari bakato nan indak elok, sabab hal iko dapek mangurangi pahalo puasonyo. Oleh karno itu, dengan indak bakato kasa atau bakato kumuah ka urang lain, hal iko akan dapek mahindari kito dari musuah mamusuahi satu samo lain. Sahinggo, dapek kito pahami bahwasonyo sacaro indak langsuang puaso mangajarkan kito untuak mampakuaik raso pasaudaraan antaro sasamo kito.

 

Kaum muslimin wal muslimat sidang jamaah Jumaik nan dimuliakan dek Allah SWT
Agamo Islam sangaik manjunjuang tinggi raso persatuan dan kasatuan antaro umaik manusia, tarutamo antaro sasamo kito umaik nan baiman. Allah SWT bafirman dalam surek al-Hujurat ayaik 10 nan babunyi:

 

اِنَّمَا الْمُؤْمِنُوْنَ اِخْوَةٌ فَاَصْلِحُوْا بَيْنَ اَخَوَيْكُمْ وَاتَّقُوا اللّٰهَ لَعَلَّكُمْ تُرْحَمُوْنَ

 

“Sasungguahnya urang-urang mukmin itu badunsanak, karno itu damaikanlah kaduo saudara kalian (nan batikai) dan batakwalah kapado Allah supayo kalian dirahmati.”

 

Syekh Muhamad Thahir Ibnu ‘Asyur dalam tafsirnyo al-Tahrir wa al-Tanwir manjalehkan bahwasonyo ayaik ko manjadi dalil nan kuaik untuak manjalin pasaudaraan antaro umaik Islam. Dan pantiangnyo manjago pasaudaraan antaro umaik Islam iko alah dijalehkan dalam banyak ayaik al-Quran. Dalam rangko tawujuiknyo pasaudaraan nan damai dan rukun, dalam ayaik iko kito dihimbau untuak salalu mancari jalan kalua dari sagalo pamasalaan jo caro damai. Dan sado masalah pasti punyo jalan kalua. Sahinggo batua lah papatah urang tuo kito di Minangkabau mangatokan:

 

“Indak ado kusuik nan indak salasai.Indak ado karuah nan indak kajaniah.kusuik bulu ayam paruah manyalasaikan.Kusuik sarang tampuo api manyudahi.”

 

Kaum muslimin wal muslimat sidang jamaah Jumaik nan dimuliakan dek Allah SWT
Akhia-akhia iko kaum muslimin, kito acok bana dihadokkan jo masalah-masalah nan manyababkan kito babeda pandapek di tangah masyarakaik. Mulai dari masalah kaji agamo, sampai kapado masalah nan takaik jo politik.

 

Diantaro bantuak kasus masalah agamo nan jadi isu angek dek kito akhia-akhia kini adolah pamasalahan hari rayo. Sabagaimano nan jamak kito katahui bahwasaonyo sabagian dunsanak-dunsanak kito alah maumumkan bahwa satu Syawal jatuah pado Jumaik, 21 April 2023. Katatapan iko badasarkan metode hisab nan dianuik oleh baliau kasadonyo.

 

Sadangkan pemerintah kito malalui Kementrian Agamo manatapkan dalam sidang isbat bahwasonyo hilal alun taliek di di panghujuang sanjo tangga 20 April 2023, sahinggo pamarintah mamutuskan untuak mangganokkan Ramadan tahun iko manjadi 30 hari. Dan hasil sidang isbat manatapkan 1 Syawal jatuah pado hari Sabtu tanggal 22 April 2023. Dalam manghadapi masalah nan mode iko, kito sasamo umaik Islam dihimbau untuak saliang maharagoi sagalo bantuak beda pandapek. Sabab, masiang-masiang pandapek nan ado badasarkan kapado dalil-dalil nan muktabar dalam agamo.

 

Nabi Muhammad SAW sajo alah mancontohkan diri bagaimana baliau mahadapi pabedaan nan tajadi di kalangan sahabat parihal sumbayang asar. Dalam sabuah riwayaik Rasulullah SAW basabda:

 

لَا يُصَلِّيَنَّ اَحَدُكُمْ الْعَصْرَ اِلّا فِى بَنِى قُرَيْظَة

 

“Janganlah sakali-kali kalian ssumbayang Ashar, kacuali di Bani Quraizhah”. (HR. Bukhari)

 

Dalam mamahami sabda Nabi SAW iko, para sahabat tapacah manjadi duo kelompok. Nan patamu mamahami sabda Nabi SAW sacaro lahia lafaz hadis, yaitu mereka indak akan shalat asar sabalum sampai di bani Quraizah maskipun alah abih wukatu sumbayang asar.

 

Sadangkan kelompok kaduo mamahami sacaro tasirek. Manuruik mereka bahwa mukasuik Nabi SAW dalam hadis ko adolah Nabi SAW mamotivasi mereka untuak capek barangkek ka Bani Quraizah agar dapek manunaikan sumbayang asar di sinan. Sahinggo mereka manunaikan sumbayang asar di perjalanan meskipun alun sampai di Bani Quraizah.

 

Parbedaan pamahaman iko kamudian dilaporkan kapado Nabi SAW. Manariknyo kaum muslimin, Nabi SAW samo sakali indak manyalahkan dan marandahkan kaduo kelompok sahabat nan babeda ko. Kareno beda pamahaman adolah hal nan lumrah dan mungkin sajo tajadi.

 

Kaum muslimin wal muslimat sidang jamaah Jumaik nan dimuliakan dek Allah SWT
Dari riwayaik nan alah dicontohkan dek Nabi SAW tadi, mako kito sabagai umaik Islam indak buliah saliang manyalahkan dan mancemoohkan urang lain nan babeda pandapek dari kito. Masing-masing kito diparintahkan untuak saliang maharagoi dan mancari titik temu di tangah babagai perbedaan antaro kito, bukan malah mancaci maki dan mamacah balah jalinan persaudaraan nan alah kito jalin salamo ko. Kareno Rasulullah SAW basabda:

 

‌لَيْسَ ‌الْمُؤْمِنُ بِالطَّعَّانِ، وَلَا اللَّعَّانِ، وَلَا الْفَاحِشِ، وَلَا الْبَذِيءِ

 

“Urang mukmin bukanlah urang nan banyak mancela, bukan urang nan banyak malaknat, bukan urang nan keji, dan bukan pulo urang nan kumuah keceknyo”. (HR. Tirmidzi)

 

Bahkan dalam riwayaik nan lain Rasulullah SAW mangancam parilaku mancaci maki dunsanak kito nan muslim. Rasulullah SAW:

 

سِبَابُ ‌الْمُسْلِمِ فُسُوقٌ وَقِتَالُهُ كُفْرٌ

 

“Mancaci maki seorang muslim adolah bantuak kafasikan, dan mamaranginyo adolah bantuak kakapiran.” (HR. Bukhari)

 

Malalui hadis-hadis iko, dapek kito pahami bahwasonyo caci mancaci, laknaik malaknaik bukanlah carminan dari parilaku urang nan baiman. Dek karno itu kaum muslimin, wajib hukumnyo kito manjauahi parilaku-parilaku nan mode iko. Hal iko batujuan untuak mampataguah raso kasih sayang dan raso badunsanak diantaro kito. Sabab, manjalin raso kasih sayang dan pasaudaraan adolah hal nan sangaik disukoi dek Nabi SAW.

 

Tabukti dalam sajarah Nabi SAW, bahwasonyo nan patamu kali dilakukan dek Nabi SAW katiko hijrah ka Madinah adolah mampatauikkan jalinan badunsanak antaro urang muhajirin jo urang anshar. Artinyo, nan patuik kito kamukokan dan kito utamokan dalam hiduik iko adolah manambah dunsanak bukanlah manambah musuah ataupun manyerakkan minyak tanah.

 

Prinsip iduik nan diajakan dek Nabi SAW iko sangaik sasuai jo apo nan alah diwariskan dek tatuo-tatuo kito dulu dalam silek Minangkabau. Papatah dalam silek mangatokan:

 

“Musuah pantang dicari, basuo pantang diilakkan. Lahie silek mancari kawan, batin silek mancari lawan.”

 

Kaum muslimin wal muslimat sidang jamaah Jumaik nan dimuliakan dek Allah SWT
Marilah kito basamo-samo maningkekkan raso pasaudaraan kito antaro sasamo. Handaklah laku nan alah kito praktekkan salamo bulan puaso dengan mahindari kato-kato kasa dan mamupuak raso kasiah sayang antaro sasamo manjadi pagangan kito untuak manjalani hiduik untuak nan ka muko. Sahinggo kalau kito alah barhasil mampatahankan amal baiak sabulan panuah bapuaso dan kito terapkan pulo sasudah puaso, disitulah kito baru masuak ka dalam firman Allah SWT untuak manjadi urang nan baruntuang jo gelar ketakwaan.

 

Damikianlah khutbah kito pado saat kini, mudah-mudahan iko bisa manjadi bahan ranuangan dek kito basamo. Mudah-mudahan raso kuaik dan rajin baibadah ataupun baamal shaleh salamo bulan puaso ka patang bisa kito tarapkan di siso-siso nan tingga. Aamiin Yaa Rabbal ‘aalamiin.

 

بَارَكَ اللهُ لِي وَلَكُمْ فِي الْقُرْآنِ الْعَظِيْمِ وَنَفَعَنِي وَاِيِّاكُمْ بما فيه مِنَ الآيَاتِ وَالذِّكْرِ الْحَكِيْمِ. وَتَقَبَّلْ مِنِّيْ وَمِنْكُمْ تِلاوَتَهُ اِنّهُ هُوَ السَّمِيْعُ اْلعَلِيْمُ.. فَاسْتَغْفِرُوْا اِنَّهُ هُوَ اْلغَفُوْرُ الرَّحِيْمُ

 

Khutbah II

 

اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا أَمَّا بَعْدُ. فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا

 

 اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ 

 

 اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءِ مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيّن وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَأَعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتَن وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ

 

 رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ

 

 عِبَادَاللهِ ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ

 

Ustadz Abdul Kamil, alumnus Darus-Sunnah Ciputat dan Pegiat Kaji Surau