Khutbah Jumat Bahasa Sunda: Agama Islam Nyarek Zolim tur Ngaganggu Batur 

Islam sudah melarang umatnya berbuat zalim, baik kepada diri sendiri, sesama manusia, maupun sesama makhluk yang hidup di muka bumi ini. Orang yang berbuat zalim akan mendapat balasan yang cukup berat, mulai disulitkan rezeki, ditundanya ijabah doa dan ampunan, dijauhkan dari rahmat, hingga mendapat kutukan Allah.   

 

Maka khutbah Jumat bahasa Sunda ini berjudul, “Khutbah Jumat Bahasa Sunda: Agama Islam Nyarek Zolim tur Ngaganggu Batur”. Untuk mencetak khutbah ini, silakan klik fitur download berwarna merah di atas atau bawah artikel ini (pada tampilan desktop). Semoga bermanfaat! 

 

Khutbah I

 

اَلْحَمْدُ للهِ الَّذِيْ تَفَرَّدَ بِجَلَالِ مَلَكُوْتِهِ، وَتَوَحَّدَ بِجَمَالِ جَبَرُوْتِهِ وَتَعَزَّزَ بِعُلُوِّ أَحَدِيَّتِهِ، وَتَقَدَّسَ بِسُمُوِّ صَمَدِيَّتِهِ، وَتَكَبَّرَ فِي ذَاتِهِ عَنْ مُضَارَعَةِ كُلِّ نَظِيْرٍ، وَتَنَزَّهَ فِي صِفَاتهِ عَنْ كُلِّ تَنَاهٍ وَقُصُوْرٍ، لَهُ الصِّفَاتُ الْمُخْتَصَّةُ بِحَقِّهِ، وَالآيَاتُ النَّاطِقَةُ بِأَنَّهُ غَيْرُ مُشَبَّهٍ بِخَلْقِهِ، أَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيْكَ لَهُ، شَهَادَةَ مُوْقِنٍ بِتَوْحِيْدِهِ، مُسْتَجِيْرٍ بِحَسَنِ تَأْيِيْدِهِ. وَأَشْهَدُ أَنَّ سَيِّدِنَا مُحَمَّدًا عَبْدُهُ الْمُصْطَفَى، وَأَمِيْنُهُ الْمُجْتَبَي وَرَسُوْلُهُ الْمَبْعُوْثُ إِلَى كَافَةِ الْوَرَى، اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ، أَمَّا بَعْدُ: فَيَاأَيُّهَا النَّاسُ، اِتَّقُوا اللهَ مَااسْتَطَعْتُمْ، وَاجْتَنِبُوْا الظُّلْمَ، وَلِذَلِكَ قَالَ ﴿ أَلَا لَعْنَةُ اللّهِ عَلَى الظَّالِمِينَ ﴾ صَدَقَ اللهُ الْعَظِيْمُ 

 

Sidang Jumah anu mulya,    

Tipayun, hayu urang sami-sami manjatkeun puji kalih syukur ka Alloh Robbun Gofur. Sholawat sareng salam mugia salamina dilimpahkeun ka Panutan Alam, ya’ne Kangjeng Nabi Muhammad saw, miwah kulawargina, para sahabatna, para tabi’in, dugika urang sadayana salaku umatna.  

 

Sateuacan ngalajengkeun khutbah, khotib seja wasiat takwa khusus ka khotib pribadi, umum ka ahli jumah sadayana. Sabab, ukur katakwaan sareng kaimanan anu janten ukuran kamulyaan hiji hamba di payuneun Pangerannana. 

 

Sidang Jumah anu mulya,

Alloh swt parantos nyegah hamba-hamba-Na midamel kazoliman. Anapon bentukna naon wae, anu sifatnya ngarugikeun, nyilakakeun, oge ngaganggu ka diri utamina ka sasama. Akibat keur nu midamel kazoliman, numutkeun para ulama seueur pisan, kawit dirupekkeun tina rezeki, ditundana ijabah du’a, ditundana panghampura, dijauhkeun tina rohmat Allah, dugika bebendu sareng panyatru Mantenna, sakumaha anu parantos dicatut dina muqodimah di luhur: 

 

أَلَا لَعْنَةُ اللّهِ عَلَى الظَّالِمِينَ

 

Hartosna, “Sing inget, ari panyatru Alloh eta (ditibankeun) ka jalma-jalma anu zolim,” (QS. Hud: 18).

  

Di antawis rupa kazoliman anu bakal ditangguhkeun panghampurana nyaeta kazoliman ka papada jalma. Balesanna Alloh moal waka ngahampura anging eta nu midamelna silih hampura sareng jalmi anu dizolimna. Kitu sakumaha anu dijelaskeun ku Imam Anas bin Malik sapertos nu diuningakeun Syekh Zainuddin Al-Malaibari dina kitab Irsyadul Ibad, kaca 80.

 

Nalika  teu rengse di dunya, maka daek teu daek amal manehna ditarik ku jalma-jalma anu pernah dizolimna. Teu heran, di akherat bakal aya jalma anu dugika bangkrut alias seep balesan amal kahadeanna. Sanggeus seep amal kahadeannana, kagorengan jalma anu dizolim ditibankeun ka manehna. Kitu sakumaha anu kantos digambarkeun ku Kangjeng Rosul: 

 

إِنَّ الْمُفْلِسَ مِنْ أُمَّتِي مَنْ يَأْتِي يَوْمَ الْقِيَامَةِ بِصِيَامٍ وَصَلَاةٍ وَزَكَاةٍ، وَيَأْتِي قَدْ شَتَمَ عِرْضَ هَذَا، وَقَذَفَ هَذَا، وَأَكَلَ مَالَ هَذَا، فَيُقْعَدُ، فَيَقُصُّ هَذَا مِنْ حَسَنَاتِهِ، وَهَذَا مِنْ حَسَنَاتِهِ، فَإِنْ فَنِيَتْ حَسَنَاتُهُ قَبْلَ أَنْ يَقْضِيَ مَا عَلَيْهِ مِنَ الْخَطَايَا، أُخِذَ مِنْ خَطَايَاهُمْ فَطُرِحَتْ عَلَيْهِ، ثُمَّ طُرِحَ فِي النَّارِ   

 

Hartosna, “Saenya-enyana jalmi anu bangkrut ti umat kaula nyaeta jalma anu datang dina poe kiamah nyandak amal puasa, amal sholat, sareng amal zakat. Nanging, manehna datang saatos ngahina kahormatan si itu, nuduh si ieu, ngadahar harta si anu. Akhirna, manehna didiukkeun. Si ieu dibales tina kahadean-kahadeannana. Si ieu dibales tina kahadean-kahadeanana. Nalika kahadean-kahadeannana seep sateuacan ngalunasan sadayana kasalahan-kasalahannana, maka kesalahan-kesalahan jalma anu dizolim ditimpakeun ka manehna, dugika akhirna manehna dialungkeun kana naraka,” (HR. At-Tirmidzi).  

 

Sidang Jumah anu mulya,

Lamun seug nitenan kana prilaku sabagian dulur urang ayeuna, rupina tos kirang merhatoskeun kana hak, kahormatan, sareng kasalametan batur. Sahingga maranehna teu ragu-ragu deui ngaganggu katengtreman batur, ngarebut hak batur, dugika ngarogahala batur. Anu parahna deui, geus mah migawe karuksakan, katambih teu ngarasa migawe karuksakan. 

 

Mugia urang mah sing ditebihkeun tina sikap anu sapertos kitu. Sabab, jelas tur tetela, sikap anu sapertos kitu teh sifatan jalma anu munafek, sakumaha anu disebatkeun dina Al-Quran.

 

وَإِذَا قِیلَ لَهُمۡ لَا تُفۡسِدُوا۟ فِی ٱلۡأَرۡضِ قَالُوۤا۟ إِنَّمَا نَحۡنُ مُصۡلِحُونَ 

 

Hartosna, “Jeung nalika didugikeun ka maraneuha (nyaeta jalma-jalma munafek), ‘Ulah migawe karusakan aranjeun di muka bumi,’ maranehna ngajawab, ‘Saenya-enyana kaula sadaya teh jalma-jalma anu migawe kahadean,’” (QS Al-Baqarah [2]: 11). 

 

Padahal sasama muslim mah kedah silih salametkeun sareng silih raksa. Jauh tina kazoliman, imma anu diakibatkeun ku lisan atanapi ku perbuatan. Sumangga urang sami-sami titenan ku urang sadayana dawuhan kangjeng Rosul riwayat Imam Muslim ieu: 

 

اَلْمُسْلِمُ ‌مَنْ ‌سَلِمَ ‌الْمُسْلِمُونَ مِنْ لِسَانِهِ وَيَدِهِ

 

Hartosna, “Muslim anu sajati teh nyaeta jalmi anu jalmi-jalmi muslim nu aya di sagigireunnana salamet tina kajahatan lisan sareng leungeunna,” (HR. Muslim). 

 

Ku hal sakitu, ahli jumah sadayana, urang kudu sieun kana padamelan zolim, sabab dina poe Kiamah eta kazoliman teh bakal jadi kapoek keur urang sadayana. Kitu numutkeun dawuhan Kangjeng Rosul dina haditsna, unggelna kieu:  

 

اتَّقوا الظُّلْمَ . فإنَّ الظُّلْمَ ظُلُمَاتٌ يَوْمَ الْقِيَامَةِ

 

Hartosna, “Jauhan ku anjeun kazoliman sabab kazoliman teh jadi popoek dina poe kiamah,” (HR. Al Bukhari - Muslim).

 

Tibatan migawe kazoliman, anggur mah seueurkeun silih tulungan dina kasaean oge dina katakwaan. Sabab, dawuhan Kangjeng Rosul, ari muslim jeung muslim sanesna teh eta ibarat hiji wangunan anu kedah silih kuatan. Insyaalloh, ngalangkungan silih tulungan, Alloh bakal nulungan ka urang sadayana.

 

Sidang Jumah anu mulya,

Mudah-mudahan urang sadaya tiasa dijauhkeun tina sagala bentuk kazoliman, boh kana diri sorangan, boh ka batur. Sareng mugia urang tiasa ngajaga lisan sareng leungeun tina ngarugikeun sasama, sabab kitu ciri muslim anu sajati.

 

 بَارَكَ اللهُ لِي وَلَكُمْ فِي الْقُرْآنِ الْعَظِيْمِ. وَنَفَعَنِي وَاِيِّاكُمْ بِمَا فِيْهِ مِنَ الآيَاتِ وَالذِّكْرِ الْحَكِيْمِ. وَتَقَبَّلَ الله مِنِّي وَمِنْكُمْ تِلَاوَتَهُ اِنَّهُ هُوَ السَّمِيْعُ الْعَلِيْمُ. أقُوْلُ قَوْلِي هَذَا وَأسْتَغْفِرُوا اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ فَاسْتَغْفِرُوْهُ إنَّهُ هُوَ الْغَفُوْرُ الرَّحِيْمُ

 

Khutbah II     

 

اَلْحَمْدُ لِلّٰهِ حَمْدًا كَثِيْرًا كَمَا أَمَرَ، أَشْهَدُ أَنْ لَا اِلَهَ اِلَّا اللهُ وَحْدَهُ لَا شَرِيْكَ لَهُ إِرْغَامًا لِمَنْ جَحَدَ بِهِ وَكَفَرَ، أَشْهَدُ أَنَّ مُحَمَّدًا عَبْدُهُ وَرَسُوْلُهُ سَيِّدُ الْخَلَائِقِ وَالْبَشَرِ. اَيُّهَاالنَّاسُن، اِتَّقُوْا اللهَ وَاعْلَمُوْا اَنَّ اللهَ يُحِبُّ الْمُتَّقِيْنَ، إِنَّ اللهَ وَمَلَائِكَتَهُ يُصَلُّوْنَ عَلَى النَّبِيِّ، يٰأَيُّها الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ وَسَلِّمْ عَلَى سَيِّدَنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ 

 

اَللّهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ، اَلْأَحْياءِ مِنْهُمْ وَاْلاَمْوَاتِ. اَللَّهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتَنِ مَا ظَهَرَ مِنْهَا وَمَا بَطَنَ عَنْ بَلَدِنَا إِنْدُونِيْسِيَا خآصَّةً وَسَائِرِ بُلْدَانِ اْلمُسْلِمِيْنَ عامَّةً يَا رَبَّ اْلعَالَمِيْنَ، اَللّهُمَّ إِنَّا نَسْأَلُكَ مُوْجِبَاتِ رَحْمَتِكَ وَعَزَائِمَ مَغْفِرَتِكَ وَالسَّلاَمَةَ مِنْ كُلِّ إِثْمٍ وَالْغَنِيْمَةَ مِنْ كُلِّ بِرٍّ وَالْفَوْزَ بِالْجَنَّةِ وَالنَّجَاةَ مِنَ النَّارِ، رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. وَاَلْحَمْدُ لِلّٰهِ رَبِّ الْعٰلَمِيْنَ   

 

عِبَادَ اللهِ، اِنَّ اللّٰهَ يَأْمُرُ بِالْعَدْلِ وَالْاِحْسَانِ وَاِيْتَائِ ذِى الْقُرْبٰى وَيَنْهٰى عَنِ الْفَحْشَاءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ، وَاشْكُرُوْا عَلَى نِعَمِهِ يَزِدْكُمْ وَاسْأَلُوْهُ مِنْ فَضْلِهِ يُعْطِكُمْ ، وَلَذِكْرُاللهِ أَكْبَرُ

M. Tatam Wijaya, Penyuluh dan Petugas KUA Sukanagara-Cianjur, Jawa Barat.