Khutbah Jumat Bahasa Sunda: Lebaran Kasempetan Manjangkeun Silaturahim

Tidak afdol rasanya jika momen hari raya Idul Fitri atau lebaran tidak diisi dengan kegiatan siturahim. Maka dari itu, dalam kesempatan ini akan disajikan khutbah bahasa Sunda bertemakan silaturahim.

 

Semoga melalui kegiatan silaturahim di momen lebaran ini, kita termasuk orang yang meraih keutamaan dan kekhidmatannya. Untuk mencetak, silahkan klik download di atas atau di bawah naskah khutbah ini.

 

Khutbah I:

 

اَلْحَمْدُ للهِ الّذِيْ خَلَقَ مِنَ الْمَاءِ بَشَرًا فَجَعَلَهُ نَسَبًا وَصِهْرًا، وَأَوْجَبَ صِلَةَ الْأَرْحَامِ وَأَعْظَمَ فِي ذَلِكَ أَجْرًا وَأَشْهَدُ أَنْ لَا إِلَهَ إِلا اللهُ وَحْدَهُ لَا شَرِيْكَ لَهُ شَهَادَةً أَعَدَّهَا لِيَوْمِ الْقِيَامَةِ ذُخْرًا وَأَشْهَدُ أَنَّ مُحَمَّدًا عَبْدُهُ وَرَسُوْلُهُ أَعْظَمُ النَّاسِ قَدْرًا وَأَرْفَعُهُمْ ذِكْرًا صَلَّى اللهُ عَلَيْهِ وَعَلَى آلِهِ وَأَصْحَابِهِ الَّذِيْنَ قَامُوا بِالْحَقِّ وَكَانُوا بِهِ أَحْرَى وَعَلَى التّابِعِيْنَ لَهُمْ بِإِحْسَانٍ وَسَلَّمَ تَسْلِيْمًا. قَالَ اللهُ تَعَالَى فى الْقُرْآن الْعَظيم، أَعُوْذُ بالله منَ الشيطان الرجيم ، إِنَّمَا يَتَذَكَّرُ أُولُو الْأَلْبَابِ - الَّذِينَ يُوفُونَ بِعَهْدِ اللَّهِ وَلَا يَنْقُضُونَ الْمِيثَاقَ - وَالَّذِينَ يَصِلُونَ مَا أَمَرَ اللَّهُ بِهِ أَنْ يُوصَلَ وَيَخْشَوْنَ رَبَّهُمْ وَيَخَافُونَ سُوءَ الْحِسَابِ - وَالَّذِينَ صَبَرُوا ابْتِغَاءَ وَجْهِ رَبِّهِمْ وَأَقَامُوا الصَّلَاةَ وَأَنْفَقُوا مِمَّا رَزَقْنَاهُمْ سِرًّا وَعَلَانِيَةً وَيَدْرَءُونَ بِالْحَسَنَةِ السَّيِّئَةَ أُولَئِكَ لَهُمْ عُقْبَى الدَّارِ، صَدَقَ اللهُ الْعَظِيْمِ ، وَقَالَ النَّبِيِّ صَلَّى اللهُ عَلَيْهِ وَسَلَّمَ، تَعْبُدُ اللهَ لَا تُشْرِكُ بِهِ شَيْئًا، وَتُقِيمُ الصَّلَاةَ، وَتُؤْتِي الزَّكَاةَ، وَتَصِلُ ذَا رَحِمِكَ أما بعد: 

 

Sidang Jumah Rohimakumulloh 
Puji sareng syukur hayu urang sami-sami panjatkeun ka Gusti Anu Maha Suci, Allah Robbul Izzati. Alhamdulillah, kersaning irodah sareng inayah Mantenna, urang sadayana dugika waktos ayeuna masih dipaparin kasempetan kanggo ngabakti ka Mantenna, saba'dana ngalaksanakeun ibadah saum anu dipungkas ku ngarayakeun boboran idul fitri.

 

Solawat sareng salam anu utama mugi dilimpahkeun ka pang afdol-afdolna nabi, nyaeta Kangjeng Nabi Muhammad saw. Oge ka kulawargina, para sahabat, tabiin tabiatna, oge kalebet urang salaku umatna. Mudah-mudahan di yaomil jaza’ urang sing kenging syafaatna. Amin ya robbal alamin.

 

Hadirin Sadayana, sidang Jumah anu mulya 
Sateu acan ngalajengkeun ieu khutbah, khotib wasiat khusus ka diri pribadi, umum ka wargi sadayana, hayu urang sami-sami ningkatkeun katakwaan ka Alloh swt. Katakwaan nu janten tetekon anu kedah dihontal sadaya umat muslim anu parantos ngajalankeun ibadah saum. Katakwaan nu hartosna mingkin caket kanu Maha Nyiptakeun, mingkin sieun ku Nu Maha Uninga, mingkin taat ka Nu Maha Ngadamel.

 

Tah saparantosna rengse ngalaksanakeun ibadah saum sareng ngarayakeun boboran, urang ditungtut ngabubarkeun permusuhan di antawis papada urang. Sabab, inggis ku salah sawios katerangan, Alloh moal ngahampura dosa hiji jalma lamun eta jalma teu acan silih hampura sareng sasamana. Ku hal sakitu hayu urang saling bebaskeun dosa per dosa  antawis urang jeung papada urang ngalangkungan silatuirahim, silih hampura, jeung manjangkeun babarayaan. Katambih silaturahim teh mangrupakeun parentah agama anu dicepeng ku urang.

 

Hayu geura regepkeun ku urang sadayana dawuhan Alloh dina Al-Quran:

 
إِنَّمَا يَتَذَكَّرُ أُولُو الْأَلْبَابِ - الَّذِينَ يُوفُونَ بِعَهْدِ اللَّهِ وَلَا يَنْقُضُونَ الْمِيثَاقَ - وَالَّذِينَ يَصِلُونَ مَا أَمَرَ اللَّهُ بِهِ أَنْ يُوصَلَ وَيَخْشَوْنَ رَبَّهُمْ وَيَخَافُونَ سُوءَ الْحِسَابِ - وَالَّذِينَ صَبَرُوا ابْتِغَاءَ وَجْهِ رَبِّهِمْ وَأَقَامُوا الصَّلَاةَ وَأَنْفَقُوا مِمَّا رَزَقْنَاهُمْ سِرًّا وَعَلَانِيَةً وَيَدْرَءُونَ بِالْحَسَنَةِ السَّيِّئَةَ أُولَئِكَ لَهُمْ عُقْبَى الدَّارِ

 

Hartosna, “Ukur jalma anu gaduh akal sehat nu tiasa metik pelajaran.  (Nyaeta) jalma-jalma anu minuhan janji Allah sareng teu ngabatalkeun perjangjian. Oge jalma-jalma anu ngahubungkeun perkara anu ku Alloh diparentah ngahubungkeunna (nyaeta silaturahmi), sieun ka Pangeranna, oge sieun kana hisab anu goreng,” (QS. ar-Ra’du [13]: 19-21).

 

Kaistimewaan silaturahim teh oge luar biasa. Salah sawiosna janten amalan anu nganteurkeun urang lebet ka surgana Alloh oge tebih tina siksa seuneu naraka. Hal ieu saperti anu parantos didugikeun ku Kangjeng Rosul saw. nalika ditaros ku salah saurang pameget, “He Rosulalloh, carioskeun ka abdi amal naon anu matak ngalebetkeun abdi ka surga, oge ngajauhkeun abdi tina siksa seuneu naraka?” Dawuhan Kangjeng Rosul:

 

تَعْبُدُ اللهَ لَا تُشْرِكُ بِهِ شَيْئًا، وَتُقِيمُ الصَّلَاةَ، وَتُؤْتِي الزَّكَاةَ، وَتَصِلُ ذَا رَحِمِكَ

 

Hartosna, “Anjeun ibadah ka Alloh, henteu miduakeun Mantenna sareng nanaon, ngadegkeun solat, ngaluarkeun zakat, sareng nyambungkeun silaturahim,” (HR. Muslim).

 

Sanes kanten ti eta, silaturahim teh janten sabab panjang yuswa sareng jembar rezeki, sakumaha anu didugikeun ku Kanjeng Nabi: “Sing saha-saha jalma anu hoyong dijembarkeun rezeki, sareng dipanjangkeun yuswa, maka sambungkeun tali silaturahim," (HR. Al-Bukhori).

 

Dijelaskeun ku para ulama, hartos panjang silaturahim di dieu, tiasa panjang sacara hakiki. Ngandung hartos yuswa urang dipanjangkeun bilangannana. Tiasa oge panjang secara maknawi. Ngandung hartos, sanaos urang tos ngalih ka alam kubur, tapi kasean urang masih disebat-sebat ku jalmi anu masih di alam dunya. Eta oge hartos panjang umur keneh. Contohna para wali sareng para ulama. Sanaos marantenna parantos teu aya, tapi maqomna masih seueur anu ngaziarahan. Manakib, sejarah, sareng kasaeannan, masih dicaritakeun ku para santrina.

 

Malihan, sakumaha anu diuningakeun ku Kangjeng Nabi, silaturahim teh langkung pohara ganjarannana tibatan ngamerdekakeun budak.

 

Hadirin sidang jumah sadayana
Nanging dipraktekna silaturahim teh masih salah kaprah. Seueur di antawis urang anu nyambungkeun silaturahim sareng kaum kerabat salami eta kerabat teh nyambungkeunna silaturahim sareng urang. Padahal mah hal sarupa kieu teh sanes silaturahim anu dianggap utama ku agama. Sebab, bentukna model kitu mah ngabales kahadean anu tos dibikeun ku batur. Jeungna deui perkara saperti kitu geus jadi fitrah anu wajar aya di satiap jalma. Matak hayu urang regepkeun dawuhan Kangjeng Rosul:

 

لَيْسَ الْوَاصِلُ بِالْمُكَافِئِ، وَلَكِنَّ الْوَاصِلَ مَنْ إِذَا قُطِعَتْ رَحِمُهُ وَصَلَهَا

 

Hartosna, “Anu nyambung silaturahim teh lain anu ngabales silaturahim batur, nanging anu nyambung silaturahim teh nalika dipegatkeun silaturahimna, anjeuna buburu nyambungkeunna deui.” (HR. Al-Bukhari dan Muslim). 

 

Ku sabab kitu, urang kedah sieun kalebet jamli anu megatkeun silaturahim, sabab megatkeun silaturahim teh sabab ngundang laknat sareng siksa Alloh. Hayu urang sami-sami dangukan pidawuh Alloh dina Al-Quran:

 

 فَهَلْ عَسَيْتُمْ إِنْ تَوَلَّيْتُمْ أَنْ تُفْسِدُوا فِي الْأَرْضِ وَتُقَطِّعُوا أَرْحَامَكُمْ - أُولَئِكَ الَّذِينَ لَعَنَهُمُ اللَّهُ فَأَصَمَّهُمْ وَأَعْمَى أَبْصَارَهُمْ

 

Hartosna, “Naha saupamina gaduh kakawasaan, anjeung bakal nyieun karusakan di muka bumi jeung mutuskeun hubungan kukulawargaan?  Maranehna teh jalma-jalma anu dilaknat ku Alloh. Teras Anjeunna norekkeun (kukupingan), sareng ngalolongkeun paningali maranehna,” (QS. Muhammad [47]: 22-23).

 

Kalebet megatkeun silaturahim nyaeta milaraan ka indung bapa.  Sedengkeun milaraan sareng megatkeun kasaean ka indung bapa, kalebet dosa ageung saatos dosa syirik atanapi midua pangeran.

 

Hiji waktos Kangjeng Rosul naros ka para sahabat, “Naha aranjeung hoyong diwartosan ku kaula dosa anu pang ageungna? Dugika tilu kali Kangjeng Rosul naros kitu. Para sahabat ngawaler, “Kantenan, ya Rosulalloh.” Kangjeng Rosul ngalajengkeun, “Nyaeta syirik sareng doraka ka indung-bapa.”

 

Sidang Jumah anu mulya
Matak hayu urang tingal kaayaan urang sadayana, hayu urang perhatoskeun hubungan urang sareng kulawarga sareng kerabat urang. Naha urang teh tos nyambungkeun silaturahim sareng maranehna? Naha urang teh tos nembongkeun budi anu beresih ka aranjeuna? Naha urang teh tos someah nalika tepang jeung aranjeuna? Naha urang teh tos ngamulyakeun sareng mikahormat aranjeuna? Naha urang sering silaturahim sareng aranjeuna? Naha urang sering ngalongok aranjeuna nalika aranjeuna teu damang? Sareng sajabina.

 

Tah eta pertarosan kedah diwaler ku urang. Tos dilaksanakeun ku urang atanapi teu acan. Kantenan panginten dina danget ieu urang nembe pisan ngalangkungan boboran idul fitri. Ieu kasempetan urang kanggo ngiatkeun deui tali silaturahim, kanggo ngaraketkeun deui tali duduluran. Peupeuriheun dina waktos-waktos biasa urang sering joledar ka aranjeuna, cik atuh dina waktos Idul Fitri sapertos keui mah. Sakedahna memang urang saban waktos nepangan oge silaturahim ka aranjeuna. Nanging patali sareng kasibukan biasana urang tara tiasa ngalaksanakeunnana.

 

Meungpeung panto panghampura di buka salebar-lebarna ku Alloh, hayu urang silih bebaskeun dosa oge silih hampura antawis urang sareng urang. Terutami ka indung bapa sareng urang. Komo indung mah tungul rahayu, bapa tangkal darajat. Nu araya keneh, nu teu aya oge urang ulah hilap ngadu’akeun sareng ngaziarahan kuburna. Sakali deui urang kedah emut kana katerangan. Alloh moal ngahampura hiji jalma, lamun eta jalma can silih hampura sareng sasamana.

 

Sedengkeun seueur pisan ku zaman ayeuna anu anu tos nolotelerkeun indung bapana, kulawarga, sareng kerabatna. Malah teu saalit jalma anu doraka jeung nganyerikeun ka indung bapana.  Padahal parentah silaturahim tos jelas dina Al-Quran. Nyakitu keneh parentah bakti oge nyambungkeun silaturahim ka indung bapa jelas tur tetela dina Al-Quran. Urang sing emut, tong boro ngalawan ka indung sareng bapa, ngucapkeun “ah” oge tos dicegah pisan ku Al-Quran.

 

وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تَنْهَرْهُمَا وَقُلْ لَهُمَا قَوْلًا كَرِيمًا

 

Hartosna “Pangeran anjeun parantos netepkeun yen anjeun ulah nyembah ka sasaha anging ka anjeuna (Alloh), sareng netepkeun yen ka indung bapa anjeun kudu nyieun kahadean. Lamun salah saurang di antara indung bapa anjeun atanapi duanana tos dugi kana usia sepuh, maka ulah rek ngucapkeun anjeun kata-kata “ah”, ulah rek nyentak aranjeuna. Justru ucapkeun ku anjeun ucapan anu hade,” (QS. al-Isra’ [17] 23).

 

Tah sapertos kitu pentingna urang silaturahim. Mudah-mudahan urang kalebet jalmi anu salawasna manjangkeunnana. Kalayan mugia, ngalangkungan silaturahim, dipanjangkeun yuswa, dijembarkeun rezeki, oge kenging panghampura ti Allah swt. Amin ya robbal alamin.

 

عِبَادَ اللهِ: اِتَّقُوا اللهَ تَعَالَى وَصِلُوا أَرْحَامَكُمْ وَاحْذَرُوا مِنْ قَطِيْعَتِهِمْ وَاسْتَحْضِرُوا دَائِمًا مَا أَعَدَّ اللهُ تَعَالَى لِلْوَاصِلِيْنَ مِنَ الثَّوَابِ وَلِلْقَاطِعِيْنَ مِنَ الْعِقَابِ، أَقُوْلُ قَوْلِي هَذَا وَأَسْتَغْفرُ اللهَ لِي وَلَكُمْ فَاسْتَغْفرُوْهُ إِنَّهُ هُوَ الْغَفُوْرُ الرَّحِيْمِ.

 

Khutbah II: 

   

اَلْحَمْدُ لِلَّهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا .. وَصَلَّى الله عَلَى سَيِّدَنَا وَمَوْلَانَا مُحَمَّدٍ وَعَلَى آلِهِ وَصَحْبِهِ وَسَلَّمَ

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِوَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتْ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ

 

اللَّهُمَّ إِنَّا نَعُوذُ بِكَ مِنْ عَذَابِ جَهَنَّمَ وَنَعُوذُ بِكَ مِنْ عَذَابِ الْقَبْرِ وَنَعُوذُ بِكَ مِنْ فِتْنَةِ الْمَسِيحِ الدَّجَّالِ وَنَعُوذُ بِكَ مِنْ فِتْنَةِ الْمَحْيَا وَالْمَمَاتِ، اللَّهُمَّ إِنَّا نَعُوذُ بِكَ مِنْ الْهَمِّ وَالْحَزَنِ وَنَعُوذُ بِكَ مِنْ الْعَجْزِ وَالْكَسَلِ وَ نَعُوذُ بِكَ مِنْ الْجُبْنِ وَالْبُخْلِ وَنَعُوذُ بِكَ مِنْ غَلَبَةِ الدَّيْنِ وَقَهْرِ الرِّجَالِ ، رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

    

عِبَادَ اللهِ، إِنَّ اللهَ يَأْمُرُكُمْ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

Ustadz M Tatam Wijaya, Penyuluh dan Petugas KUA Sukanagara-Cianjur, Jawa Barat.