Khutbah Jumat Bahasa Sunda: Opat Hamba nu Dijantenkeun Hujjah Alloh di Akherat 

Tidaklah Allah menciptakan jin dan manusia kecuali untuk beribadah dan menghamba kepada-Nya. Di akhirat mereka akan dimintai pertanggungjawaban tentang ibadahnya. Sesungguhnya, tak ada alasan bagi mereka untuk membela diri dan beralasan sibuk, sehingga tak sempat beribadah. Sebab, Yang Maha Kuasa telah menyiapkan empat hamba yang akan menjadi hujjah-Nya di hadapan mereka. 

 

Khutbah Jumat bahasa Sunda ini berjudul, “Opat Hamba Nu Dijantenkeun Hujjah Alloh di Akherat.” Untuk mencetak silahkan klik fitur download warna merah pada desktop bagian atas naskah khutbah. (Semoga bermanfaat). 

 

Khutbah I  

 

اَلْحَمْدُ لِلّٰهِ الَّذِيْ تَفَرَّدَ بِجَلَالِ مَلَكُوْتِهِ، وَتَوَحَّدَ بِجَمَالِ جَبَرُوْتِهِ وَتَعَزَّزَ بِعُلُوِّ أَحَدِيَّتِهِ، وَتَقَدَّسَ بِسُمُوِّ صَمَدِيَّتِهِ، وَتَكَبَّرَ فِي ذَاتِهِ عَنْ مُضَارَعَةِ كُلِّ نَظِيْرٍ، وَتَنَزَّهَ فِي صِفَائِهِ عَنْ كُلِّ تَنَاهٍ وَقُصُوْرٍ، لَهُ الصِّفَاتُ الْمُخْتَصَّةُ بِحَقِّهِ، وَالآيَاتُ النَّاطِقَةُ بِأَنَّهُ غَيْرُ مُشَبَّهٍ بِخَلْقِهِ 

 

وَأَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيْكَ لَهُ، شَهَادَةَ مُوْقِنٍ بِتَوْحِيْدِهِ، مُسْتَجِيْرٍ بِحَسَنِ تَأْيِيْدِهِ. وَأَشْهَدُ أَنَّ سَيِّدَنَا مُحَمَّداً عَبْدُهُ الْمُصْطَفَى، وَأَمِيْنُهُ الْمُجْتَبَي وَرَسُوْلُهُ الْمَبْعُوْثُ إِلَى كَافَةِ الْوَرَى اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ مَصَابِيْحِ الدُّجَى، وَعَلَى أَصْحَابِهِ مَفَاتِيْحِ الْهُدَى، وَسَلَّمَ تَسْلِيْمًا كَثِيْراً

 

أَمَّا بَعْدُ: أَيُّهَا النَّاسُ، اِتَّقُوا اللهَ وَاعْبُدُوْهُ، فَإِنَّ اللهَ خَلَقَكُمْ، لِذَلِكَ قَالَ تَعَالَى: ﴿وَمَا خَلَقْتُ الْجِنَّ وَالْاِنْسَ اِلَّا لِيَعْبُدُوْنِ﴾ وَقَالَ: صَدَقَ اللهُ الْعَظِيْمِ وَصَدَقَ رَسُوْلُهُ الْحَبِيْبُ الْكَرِيْمُ وَنَحْنُ عَلَى ذَلِكَ مِنَ الشَّاهِدِيْنَ وَالشّاكِرِيْنَ وَالْحَمْدُ للهِ رَبِّ الْعَالَمِيْنَ

 

Sidang Jumah anu dimulyakeun ku Alloh 

Puji syukur sumangga urang sami-sami panjatkeun ka hadirat Alloh SWT anu parantos maparin kanikmatan iman sinareng Islam, sahingga dugika danget ieu urang sadayana masih tiasa ngalaksanakeun salah sawios kawajiban urang, nyaeta ibadah jum’ah kalayan berjamaah. 

 

Solawat sinareng salam mugia tetep dicurah-limpahkeun ka junjungan urang sadayana, nyaeta Kangjeng Nabi Muhammad SAW, miwah kulawargina, para sahabat, para tabi’in, tabi tabi’inna, anu satia satuhu ka mantenna kalebet urang sadayana dugika akhir jaman.  

 

Dina ieu kasempetan, khotib seja ngadugikeun wasiat khususna kanggo pribadi, umumna mah ka jama’ah jum’ah sadayana, hayu urang sami-sami ningkatkeun kaimanan sareng katakwaan ka Alloh SWT ku cara ngalaksanakeun sagala rupi parentah-Na sareng nebihan sagala rupi larangan-Na supados kenging rido ti Mantenna.   

 

Sidang Jumah anu dimulyakeun ku Alloh   

Teu pati-pati Alloh nyiptakeun jin jeung manusa anging supaya ibadah sareng ngabakti ka Alloh. Di akherat urang sadayana bakal disuhunkeun pertanggung-jawaban: naha urang teh ibadah atanapi henteu. Saenya-enyana, urang teh teu aya alesan kanggo ngabela diri sareng alesan sibuk atanapi teu kaburu ibadah. Sabab, Alloh parantos nyiapkeun opat hamba anu bakal janten hujjah-Na di payuneun urang sadayana. Kaopat hamba eta nyaeta: 

 

Nu kahiji, Alloh bakal ngahujjah jalma-jalma beunghar dina poe Kiamat ku Nabi Sulaiman ‘alaihissalam. Urang sadayana tangtos ngadangu yen Nabi Sulaiman ‘alaihissalam kasohor nabi sakaligus panguasa pang beungharna di muka bumi, kakayaanna ngalimpah, sareng perhiasan emas-perakna teu kajumlah, sareng tinggal di istana nu super megah. 

 

Tah jaga di akherat, Alloh bakal naros ka hamba-hamba-Na ti golongan panguasa sareng agniya,

 

“Kunaon sawaktu di dunia, aranjeun teu ibadah ka Kaula?” 

 

Aranjeunna ngawaler, “Abdi sadaya sibuk, ya Alloh, ku kakayaan sareng jabatan.” 

 

Nanging, Allah ngahujjah, “Aya teu kakawasaan anu leuwih pohara, sareng aya teu kakayaan anu leuwih rea tinimbang kakayaan sareng kakawasaan Sulaiman? Sanajan kitu, Sulaeman teu pernah ngalaleykeun parentah Kaula sareng teu pernah ninggalkeun ibadah.” 

 

Akibatna, para hamba ti golongan panguasa sareng jalmi-jalmi berharta ngabetem teu tiasa ngawaler sareng teu gaduh alesan deui.  

 

Sidang Jumah anu dimulyakeun ku Alloh 

Kadua, Alloh ngahujjah hamba-Na nu ti golongan budak sareng jalmi-jalmi anu sibuk ngaaulaan dunungannana ku Nabi Yusuf ‘alaihissalam. Sakumaha kauninga, Nabi Yusuf ‘alaihissalam teh hamba atanapi budak Al-‘Aziz panguasa Mesir sareng istrina. Sadidintenna sibuk ngaulaan tuanna. Sanaos kitu, Nabi Yusuf teu pernah laley ngajalankeun parentah Alloh sareng teu pernah lalawora ngajalankeun ibadah. 

 

Tah jaga teh Alloh bakal naros ka hamba-hamba-Na, para palayan, sareng para buruh, “Kunaon sawaktu di dunya aranjeun teu aribadah?” 

 

Aranjeuna ngawaler, “Ya Alloh, abdi sadaya teh sibuk ngaulaan tuan-tuan abdi, sahingga teu kabujeng ibadah.” 

 

Alloh teras ngahujjah, “Saenya-enyana hamba Kaula Yusuf aya dina kakawasaan panguasa Mesir sareng istrina. Nanging, anjeuna teu pernah ngalaleykeun parentah sareng ninggalkeun ibadah.”       

 

Katilu, Alloh ngahujjah para hamba-Na anu diuji ku panyakit kalayan Nabi Ayyub alaihissalam. Sakumaha kauninga, Nabi Ayyub ’alaihissalam nyaeta nabi anu diuji ku panyakit beurat sareng lami. Hiji-hiji karabat sareng wargi caketna ngajauhan sareng ngasingkakeun, kalebet istri anu asalna satia ngarencangan. Nanging, anjeuna tetep sobar nampi ujian sareng teu kaluar tina perintah. Anjeuna narima ujian dugika Alloh nyehatkeunnana deui saatos 18 tahun. Matak pantes mantenna nyandang gelar pamingpin jalma-jalma anu sabar.   

 

Jaga dina poe Kiamat, Alloh bakal naros ka jalma-jalma anu sawaktos di dunyana repot ku rupi-rupi ujian, “Kunaon aranjeun teu aribadah?” 

 

Aranjeuna ngawaler, “Abdi sadaya teh sibuk, ya Alloh, ku ujian anu nimpa. Abdi sadaya repot ku panyakit.” 

 

Nanging, Alloh ngahujjah, “Hamba Kaula Ayyub diuji ku panyakit anu beurat. Ngan, anjeuna teu pernah lengah ngalaksanakeun parentah sareng ngalaleykeun ibadah.”     

 

Kaopat, Alloh menghujjah kaum papa sareng jalmi-jalmi fakir ku Nabi Isa ‘alaihissalam. Kauninga, Nabi Isa ‘alaihissalam teh hamba anu paling fakir di alam dunya. Saking fakirna, anjeuna teu gaduh harta saalit-alit acan. Malahan istri sareng bumi ge anjeuna mah teu gaduheun.  

 

Jaga di akherat, Alloh bakal naros ka jalma-jalma fakir nu laley kana ibadah, “Kunaon salami di dunya, aranjeun teu ibadah?” 

 

Aranjeunna ngawaler, “Abdi sadaya repot ku kakirangan sareng kafakiran, ya Alloh. Sahingga teu kabujeng ibadah.” 

 

Nanging, Alloh ngahujjah aranjeunna, “Terang teu aranjeun ka hamba-Kaula Isa anu pang fakirna saalam dunya? Ku miskin-miskinna, anjeunna teu gaduh harta saalit-alit acan. Nyakitu keneh istri sareng tempat tinggal. Nanging, anjeuna tetep ibadah sareng teu ninggalkeun parentah.”      

 

Tah eta opat hamba Alloh anu janten hujjah Mantenna di payuneun hamba-hamba-Na, sakumaha anu disarikan tina kitab Nashoiihul ‘Ibad kagungan Syekh Nawawi, kaluaran Darul Kitab Al-Islami, halaman 24.  

 

Mugia wae urang kalebet hamba-hamba anu leres-leres toat ka Alloh sahingga di akherat urang kalebet jalmi anu salamet teu mayunan hujatan Alloh.  

 

بَارَكَ اللهُ لِي وَلَكُمْ فِي الْقُرْآنِ الْعَظِيْمِ. وَنَفَعَنِي وَاِيِّاكُمْ بمَا فِيْهِ مِنَ الآيَاتِ وَالذِّكْرِ الْحَكِيْمِ. وَتَقَبَّلَ اللهُ مِنِّي وَمِنْكُمْ تِلاوَتَهُ اِنَّهُ هُوَ السَّمِيْعُ الْعَلِيْمُ. أَقُوْلُ قَوْلِي هَذَا وَأَسْتَغْفِرُوا اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ فَاسْتَغْفِرُوْهُ إنَّهُ هُوَ الْغَفُوْرُ الرَّحِيْمُ

 

Khutbah II

 

اَلْحَمْدُ لِلّٰهِ الَّذِيْ بِنِعْمَتِهِ تَتِمُّ الصَّالِحَاتُ، وَبِفَضْلِهِ تَتَنَزَّلُ الْخَيْرَاتُ وَالْبَرَكَاتُ، وَبِتَوْفِيْقِهِ تَتَحَقَّقُ الْمَقَاصِدُ وَالْغَايَاتُ. أَشْهَدُ أَنْ لَا إِلَهَ إِلَّا اللهُ وَحْدَهُ لَاشَرِيْكَ لَهُ وَأَشْهَدُ أَنْ مُحَمَّدًا عَبْدُهُ وَرَسُوْلُهُ لَانَبِيَّ بَعْدَهُ. اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ المُجَاهِدِيْنَ الطَّاهِرِيْنَ 

 

أَمَّا بَعْدُ، فَيَا آيُّهَا الحَاضِرُوْنَ أُوْصِيْكُمْ وَإِيَّايَ بِتَقْوَى اللهِ وَطَاعَتِهِ لَعَلَّكُمْ تُفْلِحُوْنَ. يَا أَيُّهَا الَّذِينَ آمَنُوا اتَّقُوا اللّٰهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ، وَتَزَوَّدُوا فَإِنَّ خَيْرَ الزَّادِ التَّقْوَى.أَعُوْذُ بِاللهِ مِنَ الشَّيْطَانِ الرَّجِيْمِ. إنَّ اللهَ وَمَلَائِكَتَهُ يُصَلُّونَ عَلَى النَّبِيِّ يَا أيُّهَا الَّذِيْنَ ءَامَنُوا صَلُّوا عَلَيْهِ وسَلِّمُوا تَسْليمًا ، اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ، اَللَّهُمَّ آمِيْن يَارَبَّ الْعَالَمِيْنَ

 

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدّعَوَاتِ. اَللَّهُمَّ اغْفِرْلَنَا ذُنُوْبَنَا وَذُنُوْبَ وَالِدَيْنَا وَارْحَمْهُمَا كَمَا رَبَّيَانَا صِغَارًا ،رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلّاً لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ ، اللَّهُمَّ أَصْلِحْ لَنَا دِينَنَا الَّذِي هُوَ عِصْمَةُ أَمْرِنَا، وأَصْلِحْ لَنَا دُنْيَانَا الَّتي فِيْهَا مَعَاشُنَا، وَأَصْلِحْ لَنَا آخِرَتَنا الَّتِي إِلَيْهَا مَعَادُنَا، وَاجْعَلِ الْحَيَاةَ زِيَادَةً لَنَا فِي كُلِّ خَيْرٍ، وَاجْعَلِ الْمَوْتَ رَاحَةً لَنَا مِنْ كُلِّ شَرٍّ، رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

 

عِبَادَ اللهِ، إِنَّ اللهَ يَأْمُرُ بِالْعَدْلِ وَالْإِحْسَانِ وَإِيْتَاءِ ذِي الْقُرْبَى، وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ، وَأَقُوْلُ قَوْلِي هَذَا وَأَسْتَغْفِرُ اللهَ الْعَظِيْمَ لِي وَلَكُمْ فَاسْتَغْفِرُوْهُ إِنَّهُ هُوَ الْغَفُوْرُ الرَّحِيْمُ

 

Ustadz M Tatam Wijaya, Penyuluh dan Petugas KUA Sukanagara-Cianjur, Jawa Barat.