Khutbah Idul Adha Bahasa Sunda: Kurban Nembongkeun Kataatan, Rereongan, jeung Pangorbanan   

Hari Raya Idul Adha merupakan momentum yang tepat bagi kita untuk mengekspresikan rasa syukur kepada Allah swt, sekaligus menunjukkan ketaatan, kebersamaan, dan pengorbanan. 

 

Khutbah Idul Adha Bahasa Sunda ini berjudul, “Kurban Nembongkeun Kataatan, Rereongan, jeung Pangorbanan.” Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat! (Redaksi)

 

Khutbah I

اَللهُ أَكْبَرُ اَللهُ أَكْبَرُ اَللهُ أَكْبَرُ. اَللهُ أَكْبَرُ اَللهُ أَكْبَرُ اَللهُ أَكْبَرُ. اَللهُ أَكْبَرُ اَللهُ أَكْبَرُ اَللهُ أَكْبَرُ

اللهُ أَكْبَرُ كَبِيْرًا، وَالْحَمْدُ للهِ كَثِيْرًا، وَسُبْحَانَ اللهِ بُكْرَةً وَأَصِيْلًا. لَا إِلَهَ إِلَّا اللهُ وَحْدَهُ، صَدقَ وَعْدَهُ، وَنَصَرَ عَبْدَهُ، وَأَعَزَّ جُنْدَهُ، وَهَزَمَ الْأَحْزَابَ وَحْدَهُ. لَا إِلَهَ إِلَّا اللهُ وَلَا نَعْبُدُ إِلَّا إِيَّاهُ، مُخْلِصِيْنَ لَهُ الدِّيْنَ وَلَوْ كَرِهَ الْكَافِرُونَ. لَا إِلَهَ إِلَّا اللهُ وَاللهُ أَكْبَرُ، اللهُ أكبرُ وللهِ الْحَمْدُ

اَلْحَمْدُ للهِ حَاكِمِ الْحُكَّامِ، جَاعِلِ النُّوْرِ وَالظَّلَامِ، وَجَعَلَ هَذَا الْيَوْمَ عِيْدًا لِلْإِسْلَامِ، وَحَرَّمَ عَلَيْنَا الصِّيَامِ. أَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيْكَ لَهُ، اَلَّذِى أَمَرَناَ بِذَبِيْحَةِ الْقُرْباَنِ، اِتِّبَاعًا لِسَيِّدِنَا إِبْرَاهِيْمُ عَلَيْهِ الصَّلَاةُ وَالسَّلَامُ. وَأَشْهَدُ أَنَّ سَيِّدَنَا وَنَبِيَّنَا مُحَمَّدًا عَبْدُهُ وَرَسُوْلُهُ أَفْضَلُ الْأَنَامِ وَمِصْبَاحُ الظَّلَامِ. اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ الْكِرَامِ، صَلَاةً وَسَلَامًا دَائِمَيْنِ مُتَلَازِمَيْنِ عَلَى مَمَرِّ الدُّهُوْرِ وَالْأَيَّامِ

أَمَّا بَعْدُ، فَيَا عِبَادَ اللهِ اِتَّقُوا اللهَ وَأَطِيْعُوهُ وَكَبِّرُوْهُ ، وَتَفَكَّرُوْا فِي نِعَمِ رَبِّكٌمْ وَاشْكُرُوْهُ، وَاذْكُرُوا آلَاءَ اللهِ وَتَحَدَّثُوا بِفَضْلِهِ وَلَا تَكْفُرُوْهُ، قَالَ اللهُ تَعَالَى فِي الْقُرْآنِ الْعَظِيْمِ، ﴿إِنَّا أَعْطَيْنَاكَ الْكَوْثَرَ ، فَصَلِّ لِرَبِّكَ وَانْحَرْ ، إِنَّ شَانِئَكَ هُوَ الْأَبْتَرُ﴾، صَدَقَ اللهُ الْعَظِيْمِ 

اَللهُ أَكْبَرُ، اَللهُ أَكْبَرُ، اَللهُ أَكْبَرُ، لَا إِلَهَ إِلَّا اللهُ وَاللهُ أَكْبَرُ، اَللهُ أَكْبَرُ وِللهِ الْحَمْدُ

 

Jamaah Idul Adha rohimakumulloh

Ti kawit magrib kamari urang sadayana ngadangu gema takbir, tahmid, sareng tahlil nyambut sumpingnya dinten nu agung nyaeta dinten Lebaran Idul Adha anu euyeub ku kabarokahan. Kumargi kitu, syukur alhamdulillah, urang masih dipaparin kasempetan kanggo patepang deui sareng dinten anu mulya ieu dina kaayaan sehat wal ‘afiat. 

 

Mugia wae lengkah sampean urang hadir kana ieu patempatan sing janten tawis dina poe kiamah jaga kalayan janten wujud syukur kana sagala rupi ni’mat, terutami ni’mat kasehatan sareng keimanan, dua ni’mat anu kalintang ageung nilaina, sahingga teu tiasa digantikeun ku ni’mat anu sejenna.  

 

Dinten ieu urang aya dina dintenan lebaran Idul Adha. Disebat idul adha sabab dina dinten ieu sareng tilu dinten saatosna, anu biasa disebat dinten tasyrik, urang sadayana digero ku Alloh supados motong hewan kurban anu sakaligus janten wujud katundukan sareng kapasrahan urang ka Allah swt. Panggero eta sakumaha kauninga aya dina serat al-Kautsar: 

 

فَصَلِّ لِرَبِّكَ وَانْحَرْ

 

Hartsona, “Pek geura solat anjeun ka Pangeran anjeun, sareng potong hewan kurban.” (QS. Al-Kautsar: 2). 

 

Numutkeun mazhab Syafi’i, motong hewan kurban teh hukumna sunnah muakkadah. Hartosna sunnah nu dikukuhkeun, malahan imam madzhab anu sanes mah aya nu ngawajibkeun. Hukum wajib eta rupina dumasar kana dalil dawuhan Kangjeng Rosul: 

 

مَنْ كَانَ لَهُ سِعَةٌ فَلَمْ يُضْحِ فَلاَ يَقْرَبَنَّ مُصَلاَّنَا

 

Hartosna, “Sing saja jalma anu gaduh kamampuan (kurban) tapi teu ngalaksanakeun maka ulah reuk deuekeut-deuekeut ka tempat sholat kaula.” 

 

Kulantaran kitu, tos salayakna tur sapantesna keur jalma anu gaduh kamampuan mah kanggo ngalaksanakeun kurban.

 

Jamaah Idul Adha rohimakumulloh

Kurban anu dilaksanakeun ku umat Islam dina dinten Lebaran Adha ieu, salian ti wujud kapatuhan sareng kapasrahan ka Alloh sakaligus tarekah keur ngadeukeutkeun diri ka Mantenna, oge ngandung rupi-rupi hikmah anu kalintang ageungna kanggo kamaslahatan umat manusa pada umumna. Di antara hikmah eta nyaeta:

 

1. Nulad kana kasobaran Nabi Ibrahim sareng Nabi Ismail dina raraga nampi parentah Alloh. 
2. Ngahirupkeun kadarmawanan, kamanusaan, sikap saling mantuan, sikap rereongan, sikap saling pikanyaah, sareng papada jalmi. 
3. Ngahirupkeun sumangat korban.

 

Hikmah nu kahiji, nyaeta nulad kasobaran oge kataatan Nabi Ibrahim sareng Nabi Ismail dina raraga nampi cobaan sareng parentah Alloh. Sakumaha kauninga dina Alquran yen Nabi Ibrahim teu acan dipaparin wae putra sanaos tos sepuh.

 

Ku hal sakitu, Nabi Ibrohim hoyong pisan gaduh murangkalih anu soleh sahingga teras-terasan ngadoa supados cita-citana dikobul ku Alloh Ta’ala. Dina doana, Nabi Ibrohom munajat:

 

رَبِّ هَبْ لِي مِنَ الصَّالِحِيْنَ

 

Hartosna, “He Pangeran abdi, paparin abdi murangkalih anu soleh,” (QS as-Shaffat: 100). 

 

Akhirna Alloh ngaijabah kana doa nabi-Na. Siti Hajar nu teu aya sanes istrina Nabi Ibrohim kakandungan teras ngalahirkeun hiji murangkalih pameget anu kalintang soleh tur sabarna. Kasolehan sareng kasobaran putrana eta katinggal jelas nalika nu janten ramanya ngimpen nampi parentah kanggo ngurbankeun nu janten murangkalihna. Kitu pisan sakumaha dina Al-Quran:

 

فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَى فِي الْمَنَامِ أَنِّي أَذْبَحُكَ فَانْظُرْ مَاذَا تَرَى قَالَ يَا أَبَتِ افْعَلْ مَا تُؤْمَرُ سَتَجِدُنِي إِنْ شَاءَ اللَّهُ مِنَ الصَّابِرِينَ

 

Hartosna, “Nalika eta murangkalih dugi kana yuswa remaja, Nabi Ibrohim nyarios, “He anak Ama, saenya-enyana Ama ningal dina impenan yen Ama meuncit hidep. Mangga pek emutan kumaha pangemut hidep!” Eta murangkalih ngawaler, “He Ama, prak geura pidamel naon anu diparentahkeun ka Ama; Insyaalloh Ama bakal ningal abdi kalebet jalmi-jalmi anu sobar,” (QS ash-Shaffat : 102). 

 

Ngurbankeun murangkalih anu meujeuh lucu-lucuna, anu sapalih riwayat waktos harita Ismail masih keneh yuswa 9-11 tahun, tangtos teu gampang kitu wae, kantenan keur jalmi anu lami ngadambakan gaduh murangkalih. 

 

Tapi Nabi Ibrahim mah teu kitu. Eta perintah Alloh ditampi kalayan pinuh karidoan tur kataatan. Sikap anu sapertos kitu moal mungkin muncul kecuali tina kaimanan total ka Allah dina manahna, yen eta parentah teh teu aya sanes ujian kanggo dirina sakaligus kasadaran yen eta murangkalih oge mung sakadar titipan. Dirina sadar ukur sasampiran, awak ukur sasampayan, jalma mah teu ngaboga-boga.  

 

Nanging, salaku sepuh anu bijak, Nabi Ibrahim runding sareng nu janten murangkalihna. Hiji sikap keur picontoeun kanggo para orangtua kanggo musyawarah sareng nu janten murangkalih nalika aya hiji perkara. 

 

Nalika Nabi Ibrahim tos siap bade meuncit nu janten murangkalihna, Allah saenggalna ngagentos Ismail ku hiji domba anu ageung. Kitu sakumaha dina Al-Quran:

 

وَفَدَيْنَاهُ بِذِبْحٍ عَظِيمٍ

 

Hartosna, “Jeung kaula ganti anak eta ku hiji peupeuncitan anu gede,” (QS ash-Shaffat: 103-107).

 

Di dieu pisan kapasrahan sareng katundukan Nabi Ibrohim miwah Nabi Ismail dina nampi sareng ngajalankeun parentah Alloh swt janten conto istimewa kanggo urang sadayana. 

 

Ku hal sakitu, ngalangkungan lebaran Idul Adha khotib umajak ka sadayana, hayu urang nyonto Nabi Ibrahim sareng Nabi Ismail dina nampi jeung ngajalankeun parentah Alloh swt. Kalayan pinuh ku kapasrahan sareng kataatan.

 

اللهُ أكْبَرُ (×3) لَا إِلَهَ إِلَّا اللهُ وَاللهُ أَكْبَرُ، اللهُ أَكْبَرُ وللهِ الْحَمْدُ

 

Jamaah Idul Adha rohimakumulloh

Hikmah ibadah kurban anu kadua nyaeta ngahirupkeun sikap saling mantuan, rereongan antara papada manusa, khususna sasama Muslim. Cindekna, motong hewan kurban ulah ditingal samata-mata tina motongna hungkul. Tapi oge kedah ditingal yen eta pamotongan teh janten simbol perilaku kadermawanan sareng solidaritas sosial nu aya di antara umat manusia. Sing emut pidawuh Kangjeng Rosul saw.

 

مَثَلُ الْمُؤْمِنِيْنَ فِى تَوَآدِّهِمْ وَتَرَاحُمِهِمْ وَتَعَاطُفِهِمْ كَمَثَلِ الْجَسَدِ 

 

Hartosna, “Perumpamaan jalma-jalma mu’min dina hubungan silih pikaasih sareng pikanyaah lir ibarat hiji jasad,” (HR al-Bukhari-Muslim).

 

Kangjeng Rosul parantos nyontokeun pentingna solidaritas di antara papada muslim, salah sawiosna ngalangkungan solidaritas anu diwangun di antara para sahabat Muhajirin sareng Anshar. Malahan mah, para sahabat Anshar langkung mentingkeun kaperyogian sahabat Muhajirin tinimang kaperyogian dirina.

 

وَيُؤْثِرُونَ عَلَى أَنْفُسِهِمْ وَلَوْ كَانَ بِهِمْ خَصَاصَةٌ

 

Hartosna, “Jeung maranehna ngutamakeun (sahabat Muhajirin) tinimang diri maranehna. Sakalipun maranehna merlukeun (perkara anu maranehna bikeun).”

 

Tah kalintang saena, upami kurban urang oge disumbangkeun ka jalmi-jalmi anu meryogikeun, sapertos wargi-wagi urang nu aya di Palestina atanapi nu kena musibah bencana. Tangtos eta bakal saalit ngaringankeun kasusah oge kapayahan aranjeuna. Kurban urang tiasa disalurkeun ka lembaga-lembaga anu amanah supados tiasa dugi ka aranjeuna.

 

اللهُ أكْبَرُ (×3) لَا إِلَهَ إِلَّا اللهُ وَاللهُ أَكْبَرُ، اللهُ أَكْبَرُ وللهِ الْحَمْدُ

 

Jamaah Idul Adha rohimakumulloh

Hikmah ibadah kurban anu katilu nyaeta ngahirupkeun sumanget korban, khususnya di kalangan kaom muslimin. Sabab, tanpa pangorbanan teu mungkin tiasa ngahontal perkara anu diharepkeun. Ningal kana mangsa nu tos katukang, kamerdekaan nagara urang teu leupas tina jerih payah sareng pengorbanan para pajuang. Nyakitu deui nalika urang ngejar cita-cita hoyong rido Alloh.

 

Mudah-mudahan urang tiasa metik pelajaran tina Lebaran Adha ieu, anu dipamrih urang tiasa ngaronjatkeun katakwaan sareng kataatan ka Alloh, tiasa ngawangun sikap rereongan antawis papada manusa, sareng tiasa nguatkeun sumanget korban demi ngahontal rido Alloh. Amin ya robbal alamin.

 

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَّلَ اللهُ منِّيْ وَمِنْكُمْ تَلاَوَتَهُ إِنّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ، لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ, فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمِ

 

Khutbah II

اللهُ أَكْبَرُ اللهُ أَكْبَرُ اللهُ أَكْبَرُ  اللهُ أَكْبَرُ  اللهُ أَكْبَرُ  اللهُ أَكْبَرُ  اللهُ أَكْبَرُ وَلِلّٰهِ الْحَمْد

اَلْحَمْدُ لِلّٰهِ حَمْدًا كَثِيْرًا كَمَا أَمَرْ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ إِرْغَاماً لِمَنْ جَحَدَ بِهِ وَكَفَرْ. وَأَشْهَدُ أَنَّ سَيِّدَنَا مُحَمَّداً عَبْدُهُ وَرَسُوْلُهُ سَيِّدُ الخَلاَئِقِ وَالْبَشَرْ. اَللَّهُمَّ صَلِّ وَسَلِّمْ عَلَى سَيِّدِنَا وَمَوْلاَنَا مُحَمَّدٍ، وَعَلَى آلِهِ وأَصْحَابِهِ وَمَنْ تَبِعَهُمْ إِلَى يَوْمِ الْمَحْشَرْ

أَمَّا بَعْدُ، فَيَا عِبَادَ اللهِ! اِتَّقُوْا اللهَ حَقَّ تُقَاتِهِ وَطَاعَتِهِ لَعَلَّكُمْ تُفْلِحُوْنَ. فَقَالَ اللهُ تَعَالَى فِيْ كِتَابِهِ الْكَرِيْمْ، إِنَّ اللّٰهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا. اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ، وَعَلَى آلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنْ

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِوَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتْ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْن، اَللّهُمَّ إِنَّا نَسْأَلُكَ إِيْمَانًا كَامِلاً وَيَقِيْنًا صَادِقًا وَرِزْقًا وَاسِعًا وَقَلْبًا خَاشِعًا وَلِسَانًا ذَاكِرًا وَحَلاَلاً طَيِّبًا وَ تَوْبَةً نَصُوْحًا. اَللّهُمَّ اجْعَلْ حَجَّنَا حَجًّا مَبْرُوْرًا وَسَعْيًا مَشْكُوْرًا وَذَنْبًا مَغْفُوْرًا وَعَمَلاً صَالِحًا مَقْبُوْلاً وَتِجَارَةً لَنْ تَبُوْرَ يَا عَالِمَ مَا في الصُّدُوْرِ أَخْرِجْنَا مِنَ الظُّلُمَاتِ إِلَى النُّوْرِ ، اللّهُمَّ قَنِّعْنَا بِمَا رَزَقْتَنَا وَبَارِكْ لَنَا فِيْمَا أَعْطَيْتَنَا وَاخْلُفْ عَلَيْنَا كُلَّ غَائِبَةٍ لَنَا مِنْكَ بِخَيْرٍ بِرَحْمَتِكَ يآ أَرْحَمَ الرَّاحِمِيْنَ

رَبَّنَا آتِنَا فِي الدُّنْيَا حَسَنَةً وَفِي اْلآخِرَةِ حَسَنَةً وَقِنَا عَذَابَ النَّارِ. آمِيْنَ يَا مُجِيْبَ السَّائِلِيْن

وَصَلَّى اللهُ عَلَى نَبِيِّنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ، وَالْحَمْدُ لِلَّهِ رَبِّ الْعَالَمِيْنَ

 

Ustadz M Tatam Wijaya, Penyuluh dan Petugas KUA Sukanagara-Cianjur, Jawa Barat.