Khutbah Jumat Bahasa Madura: Larangan Ngaggep Bulen Sappar Kalaben Kasialan

Khutbah Jumat ini menegaskan bahwa sial dan tidaknya setiap orang tidak bergantung pada hari dan suatu bulan tertentu. Anggapan beberapa orang tentang bulan Safar yang diyakini sebagai bulan sial merupakan anggapan yang salah, bahkan anggapan sebagai bulan sial merupakan prasangka buruk kepada Allah. Karena itu, dalam khutbah ini akan diuraikan larangan beranggapan sial di bulan ini.

Naskah khutbah Jumat berikut ini berjudul, “Khutbah Jumat Bahasa Madura: Larangan Ngaggep Bulen Sappar Kalaben Kasialan.” Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat!

---

Khutbah I

إنَّ الحَمْدَ لِلهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَتُوْبُ إِلَيْهِ وَنَتَوَكَّلُ عَلَيْهِ، وَنَعُوْذُ بِهِ مِن شُرُورِ أنفُسِنَا وَمِنْ سيئاتِ أعْمَالِنا. مَنْ يَهْدِهِ اللهُ فَلاَ مُضِلَّ لَهُ، ومن يُضْلِلْ فَلا هَادِي لَهُ. أَشْهَدُ أنْ لا إلَهَ إلا اللهُ وَحْدَهُ لا شَرِيكَ لَهُ، لَهُ الْمُلْكُ وَلَهُ الْحَمْدُ، أَنْزَلَ الْقُرْآنَ هُدًى لِلْعَالَمِيْنَ وَشِفَاءً لِلْقُلُوْبِ، وَمَوْعِظَةً لِلْبَشَرِيَّةِ جَمِيْعًا، وَجَعَلَهُ نُوْرًا لِكُلِّ إِنْسَانٍ ضَلَّ عَنِ الطَّرِيْقِ. وأشهدُ أنَّ مُحَمَّدًا عبْدُهُ ورَسُولُهُ. اللهم صَلِّ عَلَى سَيِّدِنَا مُحَمَّدٍ وَعَلىَ آلِهِ وَأَصْحَابِهِ وَسَلِّمَ تَسْلِيْمًا كَثِيْراً

أَمَّا بَعْدُ: فَيَا عِبَادَ اللهِ أُوْصِيْكُمْ وَاِيَايَ أَوَّلاً بِتَقْوَى اللهِ تعالى وَطَاعَتِهِ بِامْتِثَالِ أَوَامِرِهِ وَاجْتِنَابِ نَوَاهِيْهِ. قَالَ اللهُ تَعَالَى فِي الْقُرْاَنِ الْكَرِيْمِ: مَا أَصَابَ مِنْ مُصِيبَةٍ فِي الْأَرْضِ وَلا فِي أَنْفُسِكُمْ إِلَّا فِي كِتَابٍ مِنْ قَبْلِ أَنْ نَبْرَأَهَا إِنَّ ذَلِكَ عَلَى اللَّهِ يَسِيرٌ.

Ma’asyiral Muslimin jamaah Jumat se e molje aki sareng Alloh

Alhamdulillahi rabbil alamin, sebagai permulaan deri pertemuan saat samangken kakdintoh atas sadejeh nikmat sareng papareng deri ajunan epon Alloh, khusus epon nikmat sehat sareng iman se teros netep e delem ateh, mogeh-mogeh teros tamba sae sampek mateh. Sholawet sareng salam ngireng atoraki dek ajunan epon gusteh Nabi Muhammad saw. Mugeh-mugeh Alloh nipe aki kasalametten ben kasaean dek keluarganah, sohabetteh, sareng sadejeh ummatteh. Amin.

Selanjut epon, ngireng kuleh sareng ajunan sadejeh kuat aki iman sareng takwe dek ajunan epon Alloh swt, kalaben teros ningkat aki sadejeh amal ibede ben kapekusen se bisa e lakonih untuk teros aningkat aki iman kakdintoh. Sebeb, iman sareng takwe aropa aki sala sittung sanguh se paleng sae untuk epektah dek akherat, hal kakdintoh akdih se ampon eteges aki delem Al-Qur’an, enggi kakdintoh:

وَتَزَوَّدُوا فَإِنَّ خَيْرَ الزَّادِ التَّقْوَى وَاتَّقُونِ يَا أُولِي الأَلْبَابِ

Artinya, “Gibe’eh sanguh, karena saonggunah paling pekusseh sanguh enggi kakdintoh takwe. Ben takwe’eh dek Sengkok wahai oreng-oreng se andik akal sehat." (QS Al-Baqarah [2]: 197).

Ma’asyiral Muslimin jamaah Jumat se e molje aki sareng Alloh

Saat samangken kuleh sareng ajunan sadejeh bedeh e delem bulen Sappar. Sala sittung bulen se muljeh tor pekus, namun sayangah bennyak oreng se tak paham tor tak ngerteh dek hakekat bulen kakdintoh, bahkan bennyak se nganggep jhek bulen Sappar nikah aropa aki bulen kesialan. Bennyak se ngaggep jeh sadejeh kalakoan tak pekal tettih sae manabi e kalakoh e bulen panikah.

Anggepen panikah tentoh tak sesuai sareng ajeren Islam se e anut sareng kuleh sampean sadejeh, karena oreng se nganggep kalaben anggepen panikah hakekatteh ageduen panyana se jubek (su’udzan) dek ajunan epon Alloh swt. Delem sala sittung hadits epon, Nabi Muhammad saw adebu aki dek kuleh sampean tentang hal kakdintoh:

لا عَدْوَى، وَلا طِيَرَةَ، وَلا هَامَةَ، وَلا صَفَرَ، وَفِرَّ مِنَ الْمَجْذُومِ كَمَا تَفِرُّ مِنَ الأسَدِ

Arte epon, “Tadek wabah (kalaben abek tibik ing tanpa e kasokanih Pangiran), tadek jugen ramalan sial, tadek (jugen) manuk ben tak bedeh (kesialan) e delem bulen Sappar. Majeueh kakeh deri penyaket judem, sebagaimana kakeh majeu deri singa.” (HR Bukhari)

Bedenah hadits kakdintoh pada hakekatteh aropa aki panegges dek sadejeh manussah bahwa kayekinan sareng anggepen-anggepen tak patot e bulen Sappar nikah aropa aki kayekinan se kaleroh ben tak pender. Sebeb, tadek sittung kalakoan se terjadi e dunnyak nikah salaen ampon eksokanih sareng ajunan epon Alloh. Hal kakdintoh akadih se ampon e sebut aki delem Al-Qur’an, enggi kakdintoh:

مَا أَصَابَ مِنْ مُصِيبَةٍ فِي الْأَرْضِ وَلا فِي أَنْفُسِكُمْ إِلَّا فِي كِتَابٍ مِنْ قَبْلِ أَنْ نَبْرَأَهَا إِنَّ ذَلِكَ عَلَى اللَّهِ يَسِيرٌ

Arte epon, “Sadejeh bencana se tebeh e bumih ben se tebeh abek eng kakeh tibik, kappi jiah ampon e toles delem Ketab (Lauh Mahfuzh) sebelum Kami atettiyaki. Sungguh, se ngak jiah chek gempangah begi Alloh.” (QS Al-Hadid [57]: 22)

Ayet panikah ajellasaki dek kuleh sampean sadejeh jhek musibe sareng kasialan nikah tak ageduen sangkut paut sareng sala sittung bulen deri du belles bulen se bedeh, khusus epon bulen Sappar akdih se ampon eyekinih sareng bennyak oreng. Sadejeh se ampon terjadi e dunnyak, nikah ampon e ksokanih sareng gusteh Alloh, baik se terjadi e bulen Sappar otabeh bulen-bulen se laen.

Bennyak bukteh se nottu aki jhek Sappar nikah benne bulen kasialan, sala sittung peristiwa hijranah nabi deri Makkah dek Madinah enggi bulen Sappar. Sohabet Usamah e parenta sareng nabi untuk ngadep dek Raja Romawi enggi jugen terjadi e bulen Sappar, ben bennyak contoh-contoh se laen se elakonih sareng nabi e bulen kakdintoh.

Milanah deri nikah, Syekh Zainuddin ad-Dimisyqi delem ketab Lathaiful Ma’arif fima Li Mawasimil ‘Alm minal Wazhaif negges aki bahwa bulen kesialan nikah enggi setiap bulen se e guna aki untuk amaksiat dek ajunan epon Alloh, ben bulen kaontongan kakdintoh enggi setiap bulen se e guna aki untuk ngalakonih kataaten,

فَكُلُّ زَمَانٍ شَغَلَهُ المُؤْمِنَ بِطَاعَةِ الله فَهُوَ زَمَانٌ مُبَارَكٌ عَلَيْهِ وَكُلُّ زَمَانٍ شَغَلَهُ العَبْدَ بِمَعْصِيَةِ الله فَهُوَ مَشْؤُمٌ عَلَيْهِ

Arte epon, “Maka setiap wektoh se masibuk umat Islam untuk ngalakonih kataaten dek Alloh, maka wektoh kaiyeh aropa aki wektoh se e barokaeh, ben setiap wektoh se masibuk umat Islam untuk ngalakonih kamaksiaten, maka wektoh kaiyeh aropa aki kasialan.”

Ma’asyiral Muslimin jamaah Jumat se e molje aki sareng Alloh

Sakakdinoh bedenah khutbah Jumat tentang larangan nganggep bulen Sappar kalaben kasialan. Mugeh-mugeh bedenah khutbah kakdintoh bisa apektah manfaat tor barokah dek kuleh sareng ajunan sadejeh, serta bisa tettih panyebeb untuk bisa ningkat aki ibedeh ben ketakwaan dek ajunan epon Alloh swt. Amin ya rabbal alamin.

بَارَكَ اللهُ لِيْ وَلَكُمْ فِيْ هَذَا الْيَوْمِ الْكَرِيْمِ، وَنَفَعَنِيْ وَاِيَاكُمْ بِمَا فِيْهِ مِنَ الصَّلَاةِ وَالصَّدَقَةِ وَتِلَاوَةِ الْقُرْاَنِ وَجَمِيْعِ الطَّاعَاتِ، وَتَقَبَّلَ مِنِّيْ وَمِنْكُمْ جَمِيْعَ أَعْمَالِنَا إِنَّهُ هُوَ الْحَكِيْمُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، اِنَّهُ هُوَ الْغَفُوْرُ الرَّحِيْمُ

Khutbah II

اَلْحَمْدُ لِلهِ حَمْدًا كَمَا أَمَرَ. أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ، اِلَهٌ لَمْ يَزَلْ عَلَى كُلِّ شَيْءٍ وَكِيْلًا. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَحَبِيْبُهُ وَخَلِيْلُهُ، أَكْرَمِ الْأَوَّلِيْنَ وَالْأَخِرِيْنَ، اَلْمَبْعُوْثِ رَحْمَةً لِلْعَالَمِيْنَ. اللهم صَلِّ وَسَلِّمْ عَلَى سَيِّدِنَا مُحَمَّدٍ وَعَلىَ أَلِهِ وَأَصْحَابِهِ وَمَنْ كَانَ لَهُمْ مِنَ التَّابِعِيْنَ، صَلَاةً دَائِمَةً بِدَوَامِ السَّمَوَاتِ وَالْأَرْضِيْنَ.

أَمَّا بَعْدُ: فَيَا أَيُّهَا الْحَاضِرُوْنَ اتَّقُوا اللَّهَ حَقَّ تُقَاتِهِ وَذَرُوْا الْفَوَاحِشَ مَا ظَهَرَ مِنْهَا وَمَا بَطَنَ. وَحَافِظُوْا عَلَى الطَّاعَةِ وَحُضُوْرِ الْجُمْعَةِ وَالْجَمَاعَةِ وَالصَّوْمِ وَجَمِيْعِ الْمَأْمُوْرَاتِ وَالْوَاجِبَاتِ. وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ بِنَفْسِهِ. وَثَنَى بِمَلَائِكَةِ الْمُسَبِّحَةِ بِقُدْسِهِ. إِِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً.

اللهم صَلِّ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ فِيْ العَالَمِيْنَ اِنَّكَ حَمِيْدٌ مَجِيْدٌ. اللهم اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اَلْأَحْيَاءِ مِنْهُمْ وِالْأَمْوَاتِ. اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَةً وَمِنْ بُلْدَانِ الْمُسْلِمِيْنَ عَامَةً، اِنَّكَ عَلَى كُلِّ شَيْءٍ قَدِيْرٌ

عِبَادَ اللهِ، اِنَّ اللهَ يَأْمُرُكُمْ بِالْعَدْلِ وَالْاِحْسَانِ وَاِيْتَاءِ ذِيْ الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذْكُرُوْا اللهَ الْعَظِيْمَ يَذْكُرُكُمْ وَلَذِكْرُ اللهِ أَكْبَرُ

Sunnatullah, Pengajar di Pondok Pesantren Al-Hikmah Darussalam Durjan Kokop Bangkalan Jawa Timur