Khutbah Jumat Bahasa Sunda: Romadon Bulan Ngalap Barokah Al-Quran

Pada kesempatan kali ini naskah khutbah Jumat bahasa Sunda mengangkat tema tentang keberkahan Ramadhan, termasuk di dalamnya adalah keberkahan Al-Quran, kitab petunjuk yang harus selalu dipedomani umat Islam dalam kehidupan sehari-hari. 

Semoga kita termasuk orang yang tekun beribadah di bulan Ramadhan ini sehingga menuai keberkahan di dalamnya. Tak terkecuali keberkahan dari Al-Quran.  

Khutbah I

إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَمِن سَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ ، أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن

اَمَّا بَعْدُ فَيَاأَيُّهَا الْحَاضِرُوْنَ. اِتَّقُوا اللهَ حَقَّ تُقَاتِهِ وَلَا تَمُوْتُنَّ اِلَّا وَأَنْتُمْ مُسْلِمُوْنَ.  قَالَ اللهُ تَعَالَى فِي الْقُرْآنِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ، يَاأَيّهَا الّذَيْنَ آمَنُوْا اتَّقُوا اللهَ حَقَّ تُقَاتِهِ وَلاَ تَمُوْتُنّ إِلَّا وَأَنْتُمْ مُسْلِمُوْنَ، وَقَالَ، يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ، وَقَالَ: شَهْرُ رَمَضَانَ الَّذِي أُنْزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ، صَدَقَ اللهُ الْعَظِيْمُ

Hadirin sidang Jumah anu mulya 

Puji sareng syukur hayu urang sami-sami panjatkeun ka Allah swt. Solawat sareng salam anu utama mugia tetep dilimpahkeun ka Panutan Alam, nyaeta Kangjeng Nabi Muhammad saw. 

Alhamdulillah, dugika waktos ieu urang sadayana masih dipaparin rupi-rupi ni’mat, terutami ni’mat iman, islam, ihsan, oge ni’mat panjang yuswa, sahingga urang masih tiasa ngalaksanakeun ibadah puasa dina Romadon tahun ieu. Mudah-mudahan sapapaosna ibadah urang sing ngengingkeun rido oge panghampura Mantenna. Amin ya robbal alamin.   

Teu hilap, ngalangkungan ieu minbar, khatib umajak ka sadaya sidang jumah, hayu urang sami-sami ningkatkeun kaimanan jeung katakwaan ka Alloh swt. Takwa anu hartos tumut ka parentah Gusti Alloh, jauh tina larangan Gusti Alloh, waspada dina sagala laku-lampah anu matak ngondang bebendu Gusti Alloh swt.  

Saenya-enyana katakwaan nungtun urang ka jalan anu dipika rido ku Alloh, oge takwa anu bakal jadi pang sae-saena bekel kanggo mayunan perjalanan urang sadayana menuju alam kalanggengan. Kitu numutkeun dawuhan Allah dina Al-Quran. 

وَتَزَوَّدُوْا فَاِنَّ خَيْرَ الزَّادِ التَّقْوٰىۖ وَاتَّقُوْنِ يٰٓاُولِى الْاَلْبَابِ

Hartosna, “Anjeun sadayana kudu bebekelan, ngan sahade-hadena bekel nyaeta takwa. Oge kudu takwa aranjeun ka Kaula, he jalma-jalan anu ngagaduhan akal sehat,” (QS. Al-Baqoroh [2]: 197). 

Sidang Jumah anu mulya

Bulan Romadon teh kedah janten kasempetan kanggo urang keur ningkatkeun kualitas jeung kuantitas ibadah urang sadayana. Terutami, di sasih anu mulya ieu, urang dipaparin kabarokahan anu luar biasa. Pahala ibadah oge dilipatgandakeun. Amal sunahna wae ngabanding pahala ibadah fardu. Kantenan ibadah anu farduma. Walhasil, bulan Romadon teh bulan anu kacida istimewa, benten ti bulan-bulan anu sanesna. 

Kalih ti eta, bulan Romadon teh bulan anu euyeub ku kabarokahan anu kedah  leres-leres ku urang dihontal. Tujuanna supaya urang janten pribadi anu takwa sakumaha nu janten hikmah ibadah puasa. 

Kabarokahan Romadon bukti tur nyata tina diturunkeunnana Al-Quran anu janten tuntunan umat manusa dina kahirupan sapopoe, kalam Alloh anu maha suci, oge anu janten pangbeda antawis hak jeung batil, sakumaha dawuhan Al-Quran:  

شَهْرُ رَمَضَانَ الَّذِيْٓ اُنْزِلَ فِيْهِ الْقُرْاٰنُ هُدًى لِّلنَّاسِ وَبَيِّنٰتٍ مِّنَ الْهُدٰى وَالْفُرْقَانِۚ

Hartosna, “Bulan Romadon teh (bulan) anu di jerona diturunkeun Al-Qur’an salaku pituduh keur manusa oge penjelasan-penjelasan pituduh eta sarta pangbeda (antara anu hak sareng batil),” (QS. al-Baqoroh [2]: 185). 

Dina sababaraha kitab tafsir diuningakeun, yen bulan Romadon teh bulan anu di jerona ngawitan diturunkeun Al-Qur'an, tepatna dina lailatul qadar, peuting kamulyaan, anu mana eta Al-Quran teh mangrupikeun pituduh keur sakabeh jalma. 

Tumali sareng hal ieu, aya sababaraha informasi Al-Qur’an anu tiasa dijadikeun patokan keur netepkeun waktos turunna wahyu. Di antawisna surah al-Qadar ayat 1, anu ngisyaratkeun yen saenya-enyana Al-Qur’an dilungsurkeun di wengi anu pinuh ku kamuliaan nyaeta lailatulqadar tea.  

اِنَّآ اَنْزَلْنٰهُ فِيْ لَيْلَةِ الْقَدْرِ

Hartosna, “Saenya-enyana Kaula tos nurunkeunna (Al-Qur’an) dina Lailatul qadar,” (QS. al-Qadar [97]: 1).

Salajengna surah Ad-Dukhān ayat 3, anu ngisyaratkeunna Al-Quran dilungsurkeun dina wengi anu diberkahi, sakumaha dawuhan Alloh:

اِنَّآ اَنْزَلْنٰهُ فِيْ لَيْلَةٍ مُّبٰرَكَةٍ اِنَّا كُنَّا مُنْذِرِيْنَ

Hartosna, “Saenya-enyana Kaula (mulai) nurunkeunna (Al-Quran) dina malem anu dibarokahkeun (Lailatulqadar). Saenya-enyana Kaula anu mere peringatan.” (QS. ad-Dukhon [44]:3). 

Tina sababaraha ayat anu tos diuningakeun, para ulama netepkeun yen Al-Quran ngawitan diwahyukeun dina Lailatulqadar, nyaeta malem anu pinuh ku kamulyaan, malem anu pinuh ku kabarokahan, anu bertepatan sareng kaping 17 Romadon. 

Ma’asyiral Muslimin rahimakumullah

Saparantosna emut yen Al-Qur’an pinuh ku kabarokahan oge diturunkeun dina bulan anu dibarokahkeun, maka urang tangtosna kedah langkung caket tur langkung cinta kana Al-Qur’an. Di antawis tujuannana kanggo ngengingkeun kabarokahannana. 

Usaha urang kanggo ngengingkeun kabarokahan eta nyaeta ngalangkungan ngaos, ngajarkeun, nitenan, tur ngamalkeun kandungan Al-Qur’an dina sarengkak paripolah padamelan urang sadayana. 

Ku hal sakitu, hayu urang kerepan aosan Al-Quran urang sadayana di sasih Romadon ieu, naha ngaosna mah bade nyalira, atanapi bade sasarengan mangrupikeun tadarus. Urang sing emut, yen tiap huruf Al-Quran anu ku urang daos teh aya 10 nilai kasaean, kalayan pang sae-saena ibadah umat urang Rosul nyaeta ngaos Al-Quran, sakumaha dawuhan Kangjeng Rosul ngalangkungan hadits riwayat an-Nu‘man ibn Basyir:

أَفْضَلُ عِبَادَةِ أُمَّتِي قِرَاءَةُ الْقُرْآنِ

Hartosna, “Panghade-hadena ibadah umat kaula nyaeta ngaos Al-Qur’an.” (HR. Al-Baihaqi).

Maka, hayu urang tingkatkeun ngaos Al-Qur’an urang. Insyaallah, ngalangkungan Al-Quran, urang sadayana dikiatkeun kaimanan, tambih sieun ku Allah swt. Saenya-enyana, ngaos Al-Quran teh tiasa nyucikan diri urang zohir sareng batina, terutami tina akhlak talajak anu kirang sae. Salian ti eta, ngaos Al-Quran disarengan ku kaimanan sareng rasa sieun ka Allah swt. bakal nyandak kamaslahatan kanggo kahirupan urang, terutami bakal nyalametkeun urang sadayana di akhirat. 

Ma’asyiral Muslimin rahimakumullah

Sanes kanten ti ngaosna, urang oge peryogi ngamalkeun nilai-nilai Al-Qur’an ngalangkungan majelis-majelis elmu sareng kajian. Margi salian ti ngaos teh, ngaji oge ngajarkeun Al-Qur’an teh seueur keutamaan. Hal ieu sapertos anu didawuhkeun ku Kangjeng Nabi saw. anu diriwayatkeun ku Imam Al-Bukhori:

خَيركُم مَنْ تَعَلَّمَ القُرْآنَ وَعلَّمهُ

Hartosna, “Pangsae-saena di antara aranjeun nyaeta anu diajar Al-Qur’an sareng ngajarkeunnana.”

Hadirin sidang Jumah rahimakumullah

Langkung utami ti eta, nilai-nilai Al-Qur’an tangtos kedah janten hal utami anu peryogi diwujudkeun dina kahirupan urang sadidinten. Ulah dugika urang ningal Al-Quran ukur sebatas teksna hungkul. Nanging kedah ku urang dipahami salaku firman Alloh swt. anu ditampi leres-leres kalayan diamalkeun kanggo nebarkeun kasaean ka papada makhluk oge ka papada jalma. Hartosna, dina beragama teh, urang ulah mentingkeun tampilan luarna hungkul, tapi kedah ngadarah daging, lahir sareng batinna. 

Mudah-mudah di sasih Romadon ieu, urang sing tiasa leres-leres ngengingkeun kabarokahan Al-Quran ngalangkungan rupi-rupi aosan, ngejarkeun oge ngamalkeunna kandungannana. Kalayan mugi urang oge kulawargi urang sing kalebet ahli Al-Quran anu tiasa ngamalkeun nilai-nilai Al-Qur’an dina kahirupan sadidinten, khususna dina sasih Romadon ieu. Amin ya robbal alamin. 

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ

Khutbah II

اَلْحَمْدُ لِلَّهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ

اَمَّا بَعْدُ فَيَاأَيُّهَا الْحَاضِرُوْنَ. اِتَّقُوا اللهَ حَقَّ تُقَاتِهِ وَلَا تَمُوْتُنَّ اِلَّا وَأَنْتُمْ مُسْلِمُوْنَ.  قال تعالى اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا .. وَصَلَّى الله عَلَى سَيِّدَنَا وَمَوْلَانَا مُحَمَّدٍ وَعَلَى آلِهِ وَصَحْبِهِ وَسَلَّمَ

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِوَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتْ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ.

اللَّهُمَّ إِنَّا نَعُوذُ بِكَ مِنْ عَذَابِ جَهَنَّمَ وَنَعُوذُ بِكَ مِنْ عَذَابِ الْقَبْرِ وَنَعُوذُ بِكَ مِنْ فِتْنَةِ الْمَسِيحِ الدَّجَّالِ وَنَعُوذُ بِكَ مِنْ فِتْنَةِ الْمَحْيَا وَالْمَمَاتِ، اللَّهُمَّ إِنَّا نَعُوذُ بِكَ مِنْ الْهَمِّ وَالْحَزَنِ وَنَعُوذُ بِكَ مِنْ الْعَجْزِ وَالْكَسَلِ وَ نَعُوذُ بِكَ مِنْ الْجُبْنِ وَالْبُخْلِ وَنَعُوذُ بِكَ مِنْ غَلَبَةِ الدَّيْنِ وَقَهْرِ الرِّجَالِ رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ.    

عِبَادَ اللهِ، إِنَّ اللهَ يَأْمُرُكُمْ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

Ustadz M Tatam Wijaya, Penyuluh dan Petugas KUA Sukanagara-Cianjur, Jawa Barat.