Khutbah Jumat Bahasa Sunda: Kasalahan Nu Samar dina Diri Ahli Ibadah 

Menjadi ahli ibadah dan dekat dengan Allah tentu menjadi dambaan setiap mukmin. Namun, jangan merasa aman dan nyaman dulu sebelum menghembuskan nafas terakhir dalam keadaan membawa keimanan dan keislaman. Sebab, setan tidak tidur. Ia akan selalu menggoda dan mengajak manusia untuk mengikuti langkah-langkahnya.

 

Dalam khutbah yang berjudul, “Kasalahan Nu Samar dina Diri Ahli Ibadah," ini diuraikan tiga kesalahan ahli ibadah yang tak disadari.  Ini penting dihadirkan agar kita senantiasa waspada dan penuh kehati-hatian dari segala hal yang merusak keutamaan ibadah kita.

 

Untuk mencetak, silahkan klik fitur download di bagian atas atau bawah naskah khutbah ini.

 

Khutbah I

 

الْحَمْدُ لِلّٰهِ الْمُنْعِمِ عَلَى مَنْ أَطَاعَهُ وَاتَّبَعَ رِضَاهُ، الْمُنْتَقِمِ مِمَّنْ خَالَفَهُ وَعَصَاهُ، الَّذِى يَعْلَمُ مَا أَظْهَرَهُ الْعَبْدُ وَمَا أَخْفَاهُ، الْمُتَكَفِّلُ بِأَرْزَاقِ عِبَادِهِ فَلاَ يَتْرُكُ أَحَدًا مِنْهُمْ وَلاَيَنْسَاهُ، أَحْمَدُهُ سُبْحَانَهُ وَتَعَالَى عَلَى مَاأَعْطَاهُ. أَشْهَدُ أَنْ لآ إِلٰهَ إِلاَّ اللهُ وَحْدَهُ لاَشَرِيْكَ لَهُ شَهَادَةَ عَبْدٍ لَمْ يَخْشَ إِلاَّ اللهَ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِي اخْتَارَهُ اللهُ وَاصْطَفَاهُ. اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ وَمَنْ وَالاَهُ

 

 أَيُّهَا النَّاسُ، اِتَّقُوا اللهَ ، وَتَفَكَّرُوْا فِي نِعَمِ رَبِّكٌمْ وَاشْكُرُوْهُ، وَاذْكُرُوا آلَاءَ اللهِ وَتَحَدَّثُوا بِفَضْلِهِ وَلَا تَكْفُرُوْهُ، قَالَ اللهُ تَعَالَى فِي الْقُرْآنِ الْعَظِيْمِ وَهُوَ أَصْدَقُ الْقَائِلِيْنَ، أَعُوْذُ بِاللهِ مِنَ الشَّيْطَانِ الرَّجِيْمِ بِسْمِ اللهِ الرَّحْمٰنِ الرَّحِيْم، ﴿ وَلَا تَتَّبِعُوا خُطُوَاتِ الشَّيْطَانِ إِنَّهُ لَكُمْ عَدُوٌّ مُبِينٌ ﴾،صَدَقَ اللهُ الْعَظِيْمِ وَصَدَقَ رَسُوْلُهُ الْحَبِيْبُ الْكَرِيْمُ وَنَحْنُ عَلَى ذَلِكَ مِنَ الشَّاهِدِيْنَ وَالشّاكِرِيْنَ وَالْحَمْدُ للهِ رَبِّ الْعَالَمِيْنَ، أَمَّا بَعْدُ

 

Hadirin sidang jumah rohimakumulloh
Teu aya kalimat anu pang sae-saena anu kedah dikedalkeun ku urang sadayana di danget ieu anging Alhamdulillah. Puji syukur kanu Alloh Robbun Gofur. Dzat anu maha nyipta sareng ngatur sadayana alam. Dzat anu teu weleh-weleh maparin ni’mat ka urang dugika waktos ieu pisan, terutami ni’mat taufiq sareng hidayah. Sahingga urang tiasa kempel di tempat anu mulya ieu dina raraga turut tumut kana salah sawios parentah-Na nyaeta solat jumah berjamaah.

 

Solawat sareng anu utama mugia tetep dilimpahkeun ka panutan alam, yakne Kangjeng Nabi Muhammad saw. anu diutus janten rohmat ka sadayana alam. Solawat sareng salam oge mugia dilimpahkeun ka para sahabatna, para tabiin, sareng para tabi tabiin, dugika urang sadayana anu ngarep-ngarep syafaatna di yaomil jaza.

 

Hadirin sadayana
Sateu acan ngalajengkeun ieu khutbah, sakumaha biasa, khotib bade wasiat khusus ka diri pribadi, umum ka sadayana sidang jumah, hayu urang sami-sami ningkatkeun kaimanan sareng katakwaan, wireh takwa mangrupakeun pang sae-saena bekel lumampah mayunan kahirupan dunya sareng akherat. Takwa nu janten benteng urang sadayana dina raraga ngajalankeun paranteh Alloh sareng nebihan sagala rupi panyegah-Na. Mugia urang sadayana sing diwuwuh taufik sareng hidayah ku Alloh swt. dina sagala laku lampah urang sadayana.

 

Hadirin anu mulya 
Dina kitab ‘Uyubun Nafsi, Syekh Muhammad bin al-Husain an-Naisaburi nguningakeun yen aya sababaraha kasalahan nu teu katingal sareng nu teu karaos ku jalmi-jalmi ahli ibadah. Ku hal sakitu, rupina kedah dijelaskeun supados urang sadayana langkung waspaos sareng terhindar tina eta kasahalan. Sabab, mun teu uninga mah sanes mustahil urang bakal tisoledat kana eta kasalahan. Nu antukna urang-urang keneh anu rugi. Kalih ti eta, urang teu hoyong ibadah urang teh sia-sia tanpa aya nilaina di payuneun Alloh swt.

 

Dina eta kitab teu kirang ti 10 kasalahan ahli ibadah anu kadang teu disadari ku ahli ibadah. Nanging, jalaran samporetna waktos mung tilu kasalahan anu bakal dijelaskeun dina ieu khutbah.

 

Kahiji, gaduh prasangka sareng gede hate yen diri urang pasti salamet lamun getol ibadah. Teu saeutik jalmi di tengah-tengah urang anu tos getol ibadah ngarasa reueus jeung bangga hatena yen dirina bakal salamet di akherat. Malahan aya di antarana anu terus ngarasa leuwih unggul sareng istimewa tibatan jalma-jalma nu aya di sagigireunnana.

Anjeuna ngarasa tos deukeut sareng aya di jalan Alloh. Anjeuna poho yen kamampuan ibadah teh samata taufik sareng pertulungan Alloh. Kamampuan dzikir ka Alloh oge pitulung Alloh. Kamampuan istigfar oge samata-mata kamurahan ti Alloh. Kitu oge anjeuna mah teu terang naha amalna ditampi tur dipika rido ku Alloh atanapi henteu?

 

Matak pantes Siti Rabiah al-Adawiyah kantos ngadawuh, “Istigfar urang anu tos kalangkung kedah diistigfaran deui". Mungkin ku sabab istigfar urang anu tos diucapkeun teu acan disadari yen eta teh pitulung Alloh. Istigfar urang nu kalangkung mung sabatas lisan, teu acan disarengan ku kasadaran sareng katekunan kanggo babalik pikir sareng uih ka Alloh.

 

Makana urang mah kedah sadar yen iblis sareng setan teh salamina moal eureun ngagoda sareng mengparkeun urang tina ti arah mana wae, sakumaha ikrarna eta iblis dina Al-Quran:

 

ثُمَّ لَآتِيَنَّهُمْ مِنْ بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَنْ شَمَائِلِهِمْ وَلَا تَجِدُ أَكْثَرَهُمْ شَاكِرِينَ

 

Hartosna, “Satuluyna kaula rek ngadatangan maranehna ti hareup, ti tukang, ti arah katuhu, jeung ti kenca maranehna,” (Q.S. al-A‘raf [7]: 17).

 
Padahal, sateu acan ngaleupaskeun nyawa sareng ngaluarkeun nafas terakhir bari nyandak iman, urang teu pantes ngarasa nyaman sareng aman tina tipu daya setan.

 

Sabab, teu aya anu terang, dina detik-detik terakhir, urang malah kaluar tina kaimanan, kaluar tina jalan Alloh, kaluar tina rido Alloh, oge ningalkeun alam dunya ieu bari dina kaayaan su’ul khotimah. Na'udzu billah.

 

Ieu hartosna, jalma anu tekun ibadah oge nasibna teu acan pasti, komo deui jalma anu ngalalaworakeun kana ibadah.

 

Kaitan hal ieu, Ibnu Abi Dunya kantos nyarios, “Ulah rek miharep bangkit sementara anjeun teu daek ngomean kasalahan. Ulah rek miharep salamet sementara anjeun teu daek ninggalkeun dosa. Maka tinggalkeun ku anjeun kasalahan jeung dosa. Terus tempuh jalan pituduh jeung jalan takwa”.

 

Kaom Muslimin anu mulya
Kadua, teu ngasaan ni’matna ibadah. Hal ieu diakibatkeun ku kasalahan urang-urang keneh nu hayang jadi ahli ibadah, nyaeta ningali ibadah masih keneh mangrupakeun kawajiban, lain ningal hiji kabutuhan. Akibatna, kataatan anu dibangun lain dina kasadaran sareng kapasrahan ka Alloh anu marentah ibadah, bakal tereh bosen jeung moal karasa ni’matna.

 

Kahadean nu dijalankeun masih keneh loba dipangaruhan makhluk, sanes dijalankeun dina dasar katulusan sareng kaikhlasan ka Alloh, maka lain mustahil kahadean eta bakal hangus deui ku sifat riya jeung hayang katangar batur. Bisa jadi, kahadean anu dijalankeunna ukur hayang kapandang, dipuji, sareng diperhatikeun makhluk.

 

Sahingga pantes ibadah anu dipidamel ku urang di satukangeun makhluk teu karaos ni'matna.

 

Nalika teu aya anu muji, pasti urang kuciwa sareng teu sumanget. Malahan sanes mustahil, saatosna terus ibadah urang bosen jeung hoream ibadah. Matakna Alloh nungtun hamba-Na supaya ibadah teh ikhlas ka Mantenna, sakumaha ayat:

 

وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ وَيُقِيمُوا الصَّلَاةَ وَيُؤْتُوا الزَّكَاةَ وَذَلِكَ دِينُ الْقَيِّمَةِ

 

Hartosna, “Maranehna teu diparentah kacuali supaya nyembah Alloh kalayan ngamurnikeun kataatan ka Anjeunna dina (ngajalankeun) agama anu lempeng,” (QS. Al-Bayyinah [85]: 5).

 

Jalan kaluarna nyaeta terus nyalindung ka Alloh, nyuhunkeun pitulung Alloh, ulah leupas tina dzikir ka Alloh, ulah luput ngaos kitab-Na, ulah hilap ngadu’a supaya Alloh mukekeun jalan kaikhlasan jeung lawang kani’matan ibadah ka Alloh.

 

Sadarkeun hate yen makhluk teu wasa nanaon, rek ngadatangkeun manfaat atanapi nolak madarat. Matak kunaon kudu gumantung ka makhluk? Ku naon kudu ibadah ka makhluk?

 

Hadirin ahli jumah rohimakumulloh   
Katilu, gagabah dina nunuturkeun gerentes hate. Biasana, ku sabab  tos ngarasa getol ibadah, urang sok nganggap anu kagerentes dina hate pasti bener jeung pantes diturutkeun. Memang bener hate anu beresih mah sok mineng dieunteupan gerentes anu hade. Gerentes hade eta biasa disebut firasat, ilham, atawa lammah. Sumber datangna tiasa ti malaikat atanapi langsung ti Alloh. Nanging, teu salami gerentes anu asup kana hate datangna ti Alloh sareng malaikat.  Tiasa wae eta gerentes teh datangna ti setan, tina nafsu, atawa mangrupakeun istidraj, khidzlan, atawa panyungkun ti Alloh.

 

Urang kedah emut, keur nipu ahli ibadah, setan oge sok ngaharewosan perkara hade kana hate. Padahal mah eta teh langkah setan anu teu disadari supaya dituturkeun ku urang. Matak ngalangkungan ayat Al-Quran Alloh parantos maparin pepeling ka urang sadayana kade ulah nuturkeun langkah-langkah setan.  Sabab, ka dituna tos pasti nyilakakeun.

 

وَلَا تَتَّبِعُوا خُطُوَاتِ الشَّيْطَانِ إِنَّهُ لَكُمْ عَدُوٌّ مُبِينٌ

 

Hartosna, “Aranjeun ulah nuturkeun langkah-langkah setan. Saenya-enyana, setan keur anjeun mangrupakeun musuh anu nyata,” (QS. al-Baqarah [2]: 168).

 

Teu saeutik urang ngadangu jalma anu ngaku tos kenging ngadangu sora goib, rek ti kalangan ahli ibadah, ti ahli dzikir, malahan ti jalma anu ngalalaworakeun ibadah. Manehna ngaku tos panggih jeung ruh para nabi, para malaikat, atanapi khodam. Manehna poho yen iblis teu pernah sare keur nyilakakeun manusa. Tong boro ning pantar urang anu lalawora kana ibadah, pangkat wali Alloh Syekh Abdul Qodir teu luput tina panggoda iblis.  Iblis pernah menta ka Syekh Abdul Qodir “Anjeun mah tos cukup teu kudu  ibadah.”

 

Hadirin sadayana
Kanggo ngantisipasina, urang kedah teras dzikir eling ka Alloh sareng muntang tulung ka Anjeuna. Sing emut yen setan moal jauh tina hate manusa. Mun urang eling, setan cengkat tina ngagodana. Lamun urang poho ka Alloh, setan mulai ngagoda deui. Kitu  sakumaha unggel  aya  Al-Quran:

 

قُلْ أَعُوذُ بِرَبِّ النَّاسِ ، مَلِكِ النَّاسِ ، إِلَهِ النَّاسِ ، مِنْ شَرِّ الْوَسْوَاسِ الْخَنَّاسِ ، الَّذِي يُوَسْوِسُ فِي صُدُورِ النَّاسِ ، مِنَ الْجِنَّةِ وَالنَّاسِ 

 

Hartosna, “Dugikeun (ku anjeun Muhammad), ‘Kaula nyalindung ka Pangertan Manusa, Raja Manusia, Sembaheun manusa, tina kajahatan setan tukang ngaharewos anu sok nyumput, anu ngaharewosan (kajahatan) kana dada manusia, tina golongan jin jeung manusa,’” (QS. an-Nas [114]: 1-6).

 

Satuluyna, timbang sing hade satiap gerentes hate. Lamun sajalan sareng nafsu, maka buburu jauhkeun. Lamun tabrakan jeung aturan syare’at, buburu kepeskeun. Sabab, teu saeutik kasalahan manusia anu dimimitian ku gerentes hatena. Hal ieu akur sareng anu didugikeun ku Ibrohim Khowash, “Dosa munggaran dimulai tina gerentes hate. Lamun gerentes hatena kanyahoan kunu bogana, maka manehna bakal salamet. Ngan lamun teu kanyahoan, manehna bisa wae tigebrus kana  kama’siatan. Dina waktu nu sami, akal jeung elmu oge teu bisa nanaon.”

 

Sidang jumah anu mulya
Ku sabab kitu, urang salaku hamba Alloh anu ngeureuyeh diajar ibadah, kedah ati-ati. Sabab, jelas jeung tetela setan teu pernah eureun ngagoda manusa samemeh eta manusa tumut ka manehna. Sanajan geus getol ibadah, urang ulah waka reueus jeung bangga. Urang ulah waka aman jeung nyaman bakal salamet di akherat samemeh ngaleupaskeun nyawa dina kaayaan nyandak iman, islam, sareng ihsan. Mugia wae urang kalebet hamba ahli ibadah anu diraksa ku  sahingga tiasa istiqomah dina ibadah sareng teu beunang kagoda ku pang wujuk nafsu jeng setan. Amin ya robbal alamin.

 

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ

 

Khutbah II:

 

اَلْحَمْدُ لِلَّهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا .. وَصَلَّى الله عَلَى سَيِّدَنَا وَمَوْلَانَا مُحَمَّدٍ وَعَلَى آلِهِ وَصَحْبِهِ وَسَلَّمَ

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِوَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتْ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ.  اللَّهُمَّ إِنَّا نَعُوذُ بِكَ مِنْ عَذَابِ جَهَنَّمَ وَنَعُوذُ بِكَ مِنْ عَذَابِ الْقَبْرِ وَنَعُوذُ بِكَ مِنْ فِتْنَةِ الْمَسِيحِ الدَّجَّالِ وَنَعُوذُ بِكَ مِنْ فِتْنَةِ الْمَحْيَا وَالْمَمَاتِ، اللَّهُمَّ إِنَّا نَعُوذُ بِكَ مِنْ الْهَمِّ وَالْحَزَنِ وَنَعُوذُ بِكَ مِنْ الْعَجْزِ وَالْكَسَلِ وَ نَعُوذُ بِكَ مِنْ الْجُبْنِ وَالْبُخْلِ وَنَعُوذُ بِكَ مِنْ غَلَبَةِ الدَّيْنِ وَقَهْرِ الرِّجَالِ ، رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

 

عِبَادَ اللهِ، إِنَّ اللهَ يَأْمُرُكُمْ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

Ustadz M Tatam Wijaya, Penyuluh dan Petugas KUA Sukanagara-Cianjur, Jawa Barat.