Khutbah

Khutbah Jumat Bahasa Sunda: 3 Perkara nu Ngaruksak Pahala di Akhirat  

Kamis, 30 Januari 2025 | 17:00 WIB

Khutbah Jumat Bahasa Sunda: 3 Perkara nu Ngaruksak Pahala di Akhirat  

Ilustrasi jalan menuju surga dan neraka. (Foto: NU Online)

Tak disangka, ternyata banyak manusia yang akan mengalami kebangkrutan di akhirat. Mereka adalah orang-orang yang melakukan kebaikan saat di dunia namun pahalanya habis tak bersisa karena pada saat yang sama, mereka melakukan perkara yang membuatnya rugi bahkan sampai bangkrut.

 

Naskah Khutbah Jumat ini berjudul, “3 Perkara nu Ngaruksak Pahala di Akhirat.” Untuk mencetak silahkan klik fitur download warna merah pada desktop di bagian atas naskah khutbah ini. Semoga bermanfaat!

 

Khutbah I

 

اَلْحَمْدُ لِلّٰهِ الْمُنْعِمِ عَلَى مَنْ أَطَاعَهُ وَاتَّبَعَ رِضَاهُ، الْمُنْتَقِمِ مِمَّنْ خَالَفَهُ وَعَصَاهُ، أَشْهَدُ أَنْ لَا إِلٰهَ إِلَّا اللهُ وَحْدَهُ لاَشَرِيْكَ لَهُ شَهَادَةَ عَبْدٍ لَمْ يَخْشَ إِلَّا اللهَ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِي اخْتَارَهُ اللهُ وَاصْطَفَاهُ. اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ وَمَنْ وَالَاهُ

 

 أَيُّهَا النَّاسُ، اِتَّقُوا اللهَ ، وَتَفَكَّرُوْا فِي نِعَمِ رَبِّكُمْ وَاشْكُرُوْهُ، وَاذْكُرُوا آلَاءَ اللهِ وَتَحَدَّثُوا بِفَضْلِهِ وَلَا تَكْفُرُوْهُ، قَالَ اللهُ تَعَالَى فِي الْقُرْآنِ الْعَظِيْمِ وَهُوَ أَصْدَقُ الْقَائِلِيْنَ: وَما أُمِرُوا ‌إِلَّا لِيَعْبُدُوا اللَّهَ ‌مُخْلِصِينَ لَهُ الدِّينَ حُنَفاءَ،صَدَقَ اللهُ الْعَظِيْمُ 

 

Sidang Jumah rohimakumulloh 

Ti payun hayu urang sasarengan manjatkeun puji kalih syukur ka Alloh Robbun Gofur. Solawat miwah salam mugia salamina dikucurkeun ka Jungjunan Alam, ya’ne Kangjeng Nabi Muhammad saw. miwah kulawargi, para sahabat, para tabi'in, dugika urang sadayana salaku umatna.


 
Teu hilap ngalangkungan ieu mimbar, pribados salaku khotib umajak ka sadaya ahli Jumah, hayu urang sami-sami ningkatkeun kaimanan sareng katakwaan ka Allah swt. Margi, ukur iman jeung takwa nu janten bekel kanggo urang ngamaksimalkeun katoatan ka Alloh swt. oge nebihan sagala rupi panyegah-Na.

 

Sidang Jumah rohimakumulloh

Satiap amal ibadah anu ku urang dilakonan, sakedahna mah didadasaran ku kaikhlasan ka Alloh swt. Hal ieu luyu sareng parentah Alloh:

 

وَما أُمِرُوا ‌إِلَاّ لِيَعْبُدُوا اللَّهَ ‌مُخْلِصِينَ لَهُ الدِّينَ حُنَفاءَ

 

Hartosna, “Maranehna teu diparentah kecuali keur nyembah Alloh kalayan ngaikhlaskan katoatan ka Mantenna oge hanif (istiqomah),” (QS. Al-Bayyinah [98]: 5).

 

Dijelaskeun ku Imam Muqatil bin Sulaiman dina tafsir-na, maksad lafaz mukhlisin dina ayat ieu teh nyaeta nauhidkeun Alloh swt. Konsekuensina, satiap amal anu ku urang dilakonan teh teu ditujukeun ka sasaha anging ka Mantenna. Teu aya anu diharepkeun salian ti ridho-Na.

 

Sidang Jumah rohimakumulloh 

Di sagigireun migawe amal kalayan ikhlas, urang oge kedah ngajagi amal urang tina sagala hal anu ngaruksak pahala sareng balesannana. Sabab kacida rugina urang atos migawe amal, tapi teu aya nilaina di payuneun Alloh.

 

Sakumaha anu tos sering ku khotib didugikeun, di antara anu ngagugurkeun atanapi ngahapus pahala amal urang teh nyaeta panyakit riya sareng hasud. Sifat riya teh hartosna rasa urang atos amal dina hate sabari ngarepkeun peunteun sareng pamuji makhluk.

 

Makana, panyakit riya ieu teh disebutkeun ku Kangjeng Rosul saw. salaku syirik leutik malahan panyakit anu pang dipikamelangna ti umatna. Hal ieu teh sakumaha anu diuningakeun dina hadits:

 

إنَّ أخْوَفَ مَا أَخَافُ عَلَيْكُمُ ‌الشِّرْكُ ‌الأَصْغَرُ ‌الرّياءُ يَقُولُ اللَّهُ يَوْمَ القيَامَةِ إِذا جَزَى النّاسَ بأَعْمالِهِمْ اذْهَبُوا إِلَى الَّذِينَ كُنْتُمْ تُرَاؤُونَ فِي الدُّنْيا فانْظُرُوا هَلْ تَجِدُونَ عِنْدَهُمْ جَزَاءً

 

Hartosna, “Perkara anu pang dipikasieun ku kaula ti aranjeun teh syirik leutik, nyaeta riya. Jaga dina poe kiamah, nalika ngabales amal-amal manusa, Alloh bakal cumarios, ‘Arindit kadituh aranjeun ka jalma-jalma anu baheula sawaktu di dunya aranjeun ngarepkeun pahalana! Perhatikeun naha aranjeun ningal aya balesan di maranehna?’” (HR. Ahmad).

 

Sidang Jumah rohimakumulloh 

Salajengna anu ngaruksak pahala amal urang teh nyaeta sifat hasud. hartosna, perasaan kotor dina hate urang anu miharep leungitna ni’mat anu aya di batur. Salah sarupi cara keur ningali panyakit ieu dina hate urang nyaeta ayana rasa sedih nalika ningal batur senang, sabalikna senang lamun ningal batur sedih. Lamun masih keneh aya sifat kitu dina hate urang, tah eta teh hartosna hate urang masih dieunteupan ku sifat hasud sahingga kedah buburu dibersihkeun.

 

Urang kedah sadar kumaha bahayana sifat ieu, sakumaha anu tos diuningakeun ku Kangjeng Rosul saw. ka urang sadayana:

 

إِيَّاكُمْ وَالْحَسَدَ؛ فَإِنَّ ‌الْحَسَدَ يَأْكُلُ الْحَسَنَاتِ كَمَا تأكُلُ النَّارُ الْحَطَبَ

 

Hartosna, “Jauhan sifat hasud! Saenya-enyana panyakit hasud bakal ngalalab (pahala) amal kahadean, sakumaha seuneu ngalentag suluh,” (HR. Abu Dawud).

 

Jadi kacida ngarugikeunana panyakit hasud. Sabab eta panyakit bisa ngagugurkan balesan amal kahadean anu ku urang dilakukeun. Rugi kacida amal balesan urang teu kenging balesan nanaon di payuneun Alloh.

 

Makana hayu urang bersihkeun hate urang tina dua penyakit ngabahayakeun ieu. Salah sawios carana ku nyeueurkeun rasa syukur sareng rasa ridho kana sagala rupi karunia ti Alloh. Sabab, sifat hasud atau dengki ieu teh seringna mah datang tina hate anu teu puas kana ancak sareng pamasihan Pangeran.

 

Sidang Jumah rohimakumulloh 

Teu eleh bahayana ti panyakit riya sareng hasud, nyaeta padamelan zolim ka papada makhluk. Bedana, lamun hasud sareng riya langsung ngagugurkan pahala amal, sementawis padamelan zolim mah ngakibatkeun nu migawena kaleungitan balesan amal hadena sabab dianggo mayar kazoliman nana.


  
Saenya-enyana, pagawean zolim bakal ngagagalkeun pahala amal urang jaga di payuneun Alloh. Sabab, dina poe kiamat mah, sadaya amal bakal dipertangung-jawabkeun. Kalebet lamun aya hak batur anu pernah dirampas kedah dipulangkeun ku cara masihkeun amal kahadean urang ka pihak anu dizoliman.


 
Matakna di akherat bakal aya golongan anu muflis atanapi bangkrut. Hartosna, golongan anu pahala kasaeannana se’ep dianggo kazoliman dirina. Saatos kasaenanana seep, maka kaawonana anu dizolim bakal ditimpakeun ka dirina. Tah eta nu disebat jalmi bangkrut di akherat.

 

Ku hal sakitu, sagala rupi kazoliman, terutama anu nyangkut sareng hak batur, tos diwanti-wanti ku Kangjeng Rosul:

 

فَإِنَّ ‌الْمُفْلِسَ مِنْ أُمَّتِي مَنْ يَأْتِي يَوْمَ الْقِيَامَةِ بِصَلَاةٍ وَزَكَاةٍ وَصِيَامٍ، قَدْ شَتَمَ هَذَا، وَقَذَفَ هَذَا، وَأَكَلَ مَالَ هَذَا، وَسَفَكَ دَمَ هَذَا، وَضَرَبَ هَذَا، فَيُقْضَى هَذَا مِنْ حَسَنَاتِهِ، وَهَذَا مِنْ حَسَنَاتِهِ، فَإِنْ فَنِيَتْ حَسَنَاتُهُ قَبْلَ أَنْ يُقْضَى مَا عَلَيْهِ، أُخِذَ مِنْ خَطَايَاهُمْ فَطُرِحَتْ عَلَيْهِ، ثُمَّ طُرِحَ فِي النَّارِ

 

Hartosna, “Jalma muflis di kalangan umat kaula nyaeta jalm anu datang dina poe kiamat nyandak amal shalat, zakat, sareng puasa, ngan manehna pernah nyaci si anu, nuduh si anu, ngadahar harta si anu, numpahkan darah si anu, neungeul si anu. Sahingga anu ieu dibayar ku kahadean ieu. Anu itu dibayar ku kahadean itu. Saatos sadaya kasaean seep, sateuacan rengse ngalunasan kawajibannana, maka kagorengan jalma anu dizolim dicandak teras dilimpahkeun ka manehna, hingga manehna kedah kaalungkeun ka naraka.”


 
Tah eta tilu panggugur sareng panglebur pahala amal anu matak bangkrut nu migawena sareng teu gaduh pahala amal kasaean di akherat. Nu matak, jamaah sadayana, hayu urang sasarengan berusaha nebihan tilu perkara tadi supaya amal urang tetep utuh dugika payuneun Alloh. Amal urang sanes ukur catetannana, tapi oge natrat sareng balesannana.

 

Mugia wae urang sadayana kalebet golongan anu tiasa mertahankeun amal kasaean cacap dugika surgana Alloh swt. Amin ya robbal alamin.

 

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَّلَ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمُ

 

Khutbah II

 

اَلْحَمْدُ لِلّٰهِ الَّذِيْ أَمَرَنَا بِالْاِتِّحَادِ وَالْاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لَا إِلَهَ إِلَّا اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاهُ نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا .. اَللَّهُمَّ صَلِّ وَسَلِّمْ عَلَى سَيِّدَنَا وَمَوْلَانَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ ، اَللّهُمَّ إِنَّا نَسْأَلُكَ إِيْمَانًا كَامِلًا وَيَقِيْنًا صَادِقًا وَرِزْقًا وَاسِعًا وَقَلْبًا خَاشِعًا وَلِسَانًا ذَاكِرًا وَحَلَالًا طَيِّبًا وَتَوْبَةً نَصُوْحًا. اَللّهُمَّ إِنَّا نَسْأَلُكَ مُوْجِبَاتِ رَحْمَتِكَ وَعَزَائِمَ مَغْفِرَتِكَ وَالسَّلاَمَةَ مِنْ كُلِّ إِثْمٍ وَالْغَنِيْمَةَ مِنْ كُلِّ بِرٍّ وَالْفَوْزَ بِالْجَنَّةِ وَالنَّجَاةَ مِنَ النَّارِ، اَللَّهُمَّ يَا مُيَسِّرَ كُلِّ عَسِيْرٍ ، وَيَا جَابِرَ كُلِّ كَسِيْرٍ ، وَيَا صَاحِبَ كُلِّ فَرِيْدٍ ، وَيَا مُغْنِيَ كُلِّ فَقِيْرٍ ، وَيَا مُقَوِّيَ كُلِّ ضَعِيْفٍ ، وَيَا مَأْمَنَ كُلِّ مَخِيْفٍ ، يَسِّرْ عَلَيْنَا كُلَّ عَسِيْرٍ ، فَتَيْسِيْرُ الْعَسِيْرِ عَلَيْكَ يَسِيْرُ ، رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

 

عِبَادَ اللهِ، إِنَّ اللهَ يَأْمُرُكُمْ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

M. Tatam Wijaya, Penyuluh dan Petugas KUA Sukanagara-Cianjur, Jawa Barat.