Khutbah Jumat Bahasa Sunda: Tabeat Goreng Manusa numutkeun Al-Quran 

Allah telah menggambarkan dalam Al-Quran sejumlah sifat, tabiat, dan kelemahan yang ada dalam diri manusia. Sebenarnya hal ini bisa menjadi peringatan bagi umat Islam, namun terkadang banyak orang yang lupa dan tidak menyadari pada karakter dasarnya tersebut.

 

Khutbah Jumat bahasa Sunda ini berjudul, “Tabeat Goreng Manusa numutkeun Al-Quran.” Untuk mencetak silahkan klik fitur download berwarna merah di desktop pada bagian atas naskah khutbah ini. Semoga bermanfaat!

 

Khutbah I

 

اَلْحَمْدُ لِلّٰهِ الْمُنْعِمِ عَلَى مَنْ أَطَاعَهُ وَاتَّبَعَ رِضَاهُ، الْمُنْتَقِمِ مِمَّنْ خَالَفَهُ وَعَصَاهُ، أَشْهَدُ أَنْ لَا إِلٰهَ إِلَّا اللهُ وَحْدَهُ لَاشَرِيْكَ لَهُ شَهَادَةَ عَبْدٍ لَمْ يَخْشَ إِلَّا اللهَ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِي اخْتَارَهُ اللهُ وَاصْطَفَاهُ. اَللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ وَمَنْ وَالَاهُ

 

 أَيُّهَا النَّاسُ، اِتَّقُوا اللهَ، وَتَفَكَّرُوْا فِي نِعَمِ رَبِّكُمْ وَاشْكُرُوْهُ، وَاذْكُرُوْا آلَاءَ اللهِ وَتَحَدَّثُوْا بِفَضْلِهِ وَلَا تَكْفُرُوْهُ، قَالَ اللهُ تَعَالَى فِي الْقُرْآنِ الْعَظِيْمِ وَهُوَ أَصْدَقُ الْقَائِلِيْنَ، إِنَّ ٱلۡإِنسَٰنَ خُلِقَ هَلُوعًا ، إِذَا مَسَّهُ ٱلشَّرُّ جَزُوعٗا ، وَإِذَا مَسَّهُ ٱلۡخَيۡرُ مَنُوعًا، صَدَقَ اللهُ الْعَظِيْمِ وَصَدَقَ رَسُوْلُهُ الْحَبِيْبُ الْكَرِيْمُ وَنَحْنُ عَلَى ذَلِكَ مِنَ الشَّاهِدِيْنَ وَالشّاكِرِيْنَ وَالْحَمْدُ للهِ رَبِّ الْعَالَمِيْنَ

 

Hadirin Sidang Jumah rahimakumullah 

Puji sareng syukur urang sami-sami panjatkeun ka Alloh swt. Dzat anu maha ngatur sareng maparin ni’mat ka sadaya makhluk-Na, kalebet urang sadayana, sahingga dina siang anu berkah ieu, urang sadayana tiasa kempel berjamaah dina raraga ngalaksanakeun netepan Jumah. Mugia amaliah urang dina danget ieu sing kalebet amal ibadah anu kenging rido Mantenna.

 

Sholawat sareng salam anu utami mugi tetep ka pang afdol-afdolna nabi, nyaeta Kangjeng Nabi Muhammad saw anu diutus janten rohmat ka sadaya alam, sakaligus anu nyandak cahaya hidayah di tengah poekna kasyirikan. Sholawat sareng salam oge mugi dilimpahkeun ka kulawargina, para sahabatna, para tabiin sareng tabiaatna, dugika urang sadayana anu sapapaosna miharep syafaat di yaomil jaza.

 

Hadirin Sidang Jumah rahimakumullah 

Urang salaku manusia kadang teu sadar kana tabeat asli jeung kelemahanna diri. Akibatna, urang teu bisa leupas tina tabeat jeung kalemahanna eta. Padahal ti anggalna, Alloh tos ngagambarkeun kumaha sifat, tabeat, sareng kalemahan urang. Di antara sifat jeung tabiat eta parantos ditetelakeun ku Alloh dina Al-Quran:

  
إِنَّ ٱلۡإِنسَٰنَ خُلِقَ هَلُوعًا ، إِذَا مَسَّهُ ٱلشَّرُّ جَزُوعٗا ، وَإِذَا مَسَّهُ ٱلۡخَيۡرُ مَنُوعًا

 

Hartosna, “Saenya-enyana manusa diciptakeun kalayan sifat resep ngeluh. Nalika ditimpa kagorengan (kasusahan), manehna sok aduh arah. Nalika manggih kabungah (harta), manehna sok koret,” (QS. Al-Ma’arij [70]: 19-21).

 

Pertarosananana, saha anu dimaksad “manusa” di eta ayat? Imam Al-Qurthubi parantos nguningakeun yen manusa di dieu teh nyaeta jalma anu kufur. Nanging, Imam Baghawi ngutip pamendak adh-Dhahak anu sabalikna, nyaeta manusa di dinya teh manusa anu koret. Mangga tiasa diparios dina kitab Ma’alim at-Tanzil fil-Quran Jilid 5, kaca 153.

 

Nanging rupina, maksad manusa dina ayat di luhur condong ka manusa anu iman sabab dina ayat ke-saatosna, disebutkeun “kecuali jalma-jalma anu sholat.” Jalma anu sholat teh tangtos kalebet jalma anu iman. Sedengkeun makna kufur dina Tafsir al-Qurthubi, maksadna kufur dina hartos kufur ni’mat alias teu syukur.

 

Hadirin Sidang Jumah rahimakumullah

Pang saalitna aya tilu sifat anu disebatkeun dina ayat di luhur, nyaeta halu’a, jazu’a, sareng manu’a. Kahiji halu‘a nyaeta sifat ingkar, teu pernah wareg, gampang bosen, jeung teu sabar, sakumaha dina tafsir ayat:

 

إِنَّ ٱلۡإِنسَٰنَ خُلِقَ هَلُوْعًا

 

Imam Qurthubi dina kitab Tafsirna kaca 289 nyebatkeun, makna halu‘a di dieu nyaeta ‘kufur’ hartosna ingkar, teu syukur, sareng teu ngaku ni’mat Alloh. Salajengna Imam Qurthubi ngajelaskeun, sacara bahasa, numutkeun Mujahid sareng Qatadah mah, kecap halu’a teh hartosna kahayang anu ngagedur sareng sifat ngeluh anu goreng.

 

Aya deui anu ngama’naan halu’a teh hartosna teu sabar lamun hayang meunangkeun kahadean, sehingga gampang ngalakukeun perkara anu teu pantes. Saterasna numutkeun Ikrimah, kecap halu’a teh hartosna babari bosen jeung babari cape, sementawis numutkeun adh-Dhahak mah, hartosna teu pernah wareg.

 

Kadua, manusa nggaduhan sifat jazu’a, hartosna resep ngeluh, terutama nalika ditimpa kasusah, sakumaha dina tafsir ayat:

 

إِذَا مَسَّهُ ٱلشَّرُّ جَزُوْعٗا

 

Dina ayat ieu Alloh ngajelaskeun sifat manusa anu sejenna, nyaeta ngagaduhan sifat jazu’a. Numutkeun Tsa’lab, penjelasan sifat halu’a teh nyaeta  manusa nalika ditimpa kagorengan atawa kasusah, resep ngeluh, ngadu, protes, sareng teu syukur, sinareng teu sabar.

 

Tah eta sifat-sifat manusa: kufur, ingkar, resep ngeluh, gampang bosen, teu sabar, utamina nalika ngagedurna kahayang sareng harepan. Manehna kacangcang ku kahayangna sorangan. Akibatna, lamun kahayangna teu kahontal, manehna sok frustasi atawa nyalahkeun saha wae.

 

Hadirin Sidang Jumah rahimakumullah 

Katilu, manusia ngagaduhan sifat manu’a, nyaeta nalika dibere kasaean, manehna koret, pelit, sareng teu syukur.

 

وَإِذَا مَسَّهُ ٱلۡخَيۡرُ مَنُوعًا

 

Masih numutkeun Tsa’lab, lamun meunang kahadean, nikmat, atawa anugrah, manusia sok koret, teu daek babagi, malahan teu inget kanu masihanana.

 

Walhasil, sepertos anu dikiatkeun ku Ibnu Kaisan, manusa teh diciptakeun dina kaayaan loyog kana perkara anu anu dipikaresep sareng nu dipika rido ku nafsuna, sarta ngajauhan perkara anu teu dipikaresep. Padahal, Alloh parantos marentah keur nginfakkeun perkara anu dipika resep sareng sabar mayunan perkara anu teu dipika resep. Sahingga teu heran, numutkeun Abu ‘Ubaidah, lamun ditimpa kahadean, manusa jadi teu syukur oge nalika ditimpa kasusah teu daek sabar.

 

Manusa kadang poho, dirina ukur boga kahayang, anu nangtukeun mah tetap Alloh. Sagede kumaha kahayangna, kaputusannana tetep kedah saluyu sareng irodah miwah kahoyong Alloh. Sakuat kumaha usaha, moal mampu nembus benteng takdir. Kitu sakumaha anu parantos diuningakeun ku Syekh Ibnu ‘Athaillah dina Hikam kaca 6:

 

سَوَابِقُ الْهِمَمِ لَا تَخْرِقُ أَسْوَارَ الْأَقْدَارِ 

 

Hartosna, “Ngagedurna kahayang moal mampu norobos benteng takdir.”

 

Hadirin Sidang Jumah rahimakumullah

​​​​​​​Obat tina sadayana sifat sareng tabeat goreng di luhur teh nyaeta balik kana sakumaha anu tos diterangkeun ku Alloh dina ayat salajengna, nyaeta:

 

 إِلَّا ٱلۡمُصَلِّيْنَ ، ٱلَّذِيْنَ هُمۡ عَلَىٰ صَلَاتِهِمۡ دَآئِمُوْنَ ، وَالَّذِيْنَ فِيْٓ اَمْوَالِهِمْ حَقٌّ مَّعْلُوْمٌۖ، لِّلسَّآئِلِ وَٱلۡمَحۡرُوْمِ ، وَٱلَّذِيْنَ يُصَدِّقُونَ بِيَوۡمِ ٱلدِّينِ ،وَٱلَّذِينَ هُم مِّنۡ عَذَابِ رَبِّهِم مُّشۡفِقُونَ، اِنَّ عَذَابَ رَبِّهِمْ غَيْرُ مَأْمُوْنٍۖ، وَّالَّذِيْنَ هُمْ لِفُرُوْجِهِمْ حٰفِظُوْنَۙ، اِلَّا عَلٰٓى اَزْوَاجِهِمْ اَوْ مَا مَلَكَتْ اَيْمَانُهُمْ فَاِنَّهُمْ غَيْرُ مَلُوْمِيْنَۚ

 

Hartosna, “…kecuali jalma-jalma anu ngalaksanakeun sholat, maranehna anu tetep setia ngalaksanakeun sholatna, sareng jalma-jalma anu dina hartana disiapkeun bagean anu tangtu keur jalma (miskin) nu menta-menta sareng anu teu menta-menta, sareng jalma-jalma anu percaya kana poe pembalesan, sareng jalma-jalma anu sieun kana adzab Pangeran, saenya-enyana kana adzab Pangeran maranehna teu aya hiji jalma anu ngarasa aman (tina kadatanganana), sareng jalma-jalma anu ngaraksa rarangannana, kecuali ka istri-istri maranehna atawa ka hamba sahaya milik maranehna maka saenya-enya maranehna teu dicela,” (QS. Al-Ma’arij [70]: 22-30).

 

Ngalangkungan ayat-ayat anu neme, Alloh masihan landong keur sadayana sifat sareng tabiat goreng manusia, kalebet urang sadayana. Landongna teh nyaeta: (1) sholat kalayan istiqomah, (2) misahkeun sabagian harta keur jalma-jalma anu teu mampu, (3) ngabenerkeun poe pembalesan, (4) ngarasa sieun sareng teu aman kana siksaan Alloh, (5) ngajaga rarangan sorangan kecuali ka pasangan anu sah.  

 

Tah kitu tabiat goreng manusia teh, nu tangtosna mah tabiat urang tea, manga geura landongan ku urang supaya ulah kalalanyoan. Mugia urang sadayana kalebet jalma-jalma anu mampu ngajauhan sadayana sifat goreng eta.

 

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ

 

Khutbah II

 

اَلْحَمْدُ لِلّٰهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ، أَشْهَدُ أَنْ لَا إِلٰهَ إِلَّا اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاهُ نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ، اَللّٰهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ، إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا. وَصَلَّى اللهُ عَلَى سَيِّدَنَا وَمَوْلَانَا مُحَمَّدٍ وَعَلَى آلِهِ وَصَحْبِهِ وَسَلَّمَ

 

اَللّٰهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتِ، إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ. اَللّٰهُمَّ يَا مُيَسِّرَ كُلِّ عَسِيْرٍ ، وَيَا جَابِرَ كُلِّ كَسِيْرٍ ، وَيَا صَاحِبَ كُلِّ فَرِيْدٍ، وَيَا مُغْنِيَ كُلِّ فَقِيْرٍ ، وَيَا مُقَوِّيَ كُلِّ ضَعِيْفٍ ، وَيَا مَأْمَنَ كُلِّ مَخِيْفٍ، يَسِّرْ عَلَيْنَا كُلَّ عَسِيْرٍ، فَتَيْسِيْرُ الْعَسِيْرِ عَلَيْكَ يَسِيْرُ ، رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

 

عِبَادَ اللهِ، إِنَّ اللهَ يَأْمُرُكُمْ بِالْعَدْلِ وَاْلإِحْسَانِ وَإِيْتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

Ustadz M. Tatam Wijaya, Penyuluh dan Petugas KUA Sukanagara-Cianjur, Jawa Barat.