Khutbah Jumat Bahasa Sunda: Tilu Sumanget Kapahlawanan Keur Ngeusian Kamerdekaan

Peringatan HUT ke-78 RI hendaknya menjadi momentum bagi kita untuk melihat kembali nilai-nilai perjuangan dari para pejuang kemerdekaan, untuk selanjutnya kita aplikasikan dalam menjalani kehidupan sehari-hari. Setidaknya, dengan meningkatkan rasa syukur kepada Allah, sekaligus berpikir bagaimana melanjutkan dan mengisi kemerdekaan ini dengan hal-hal yang positif, baik bagi diri pribadi, masyarakat, maupun bagi bangsa dan negara.

 

Teks khutbah Jumat Bahasa Sunda ini berikut ini berjudul “Tilu Sumanget Kapahlawanan Keur Ngeusian Kamerdekaan”. Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat!

 

Khutbah I:

 

الْحَمْدُ لِلّٰهِ الْمُنْعِمِ عَلَى مَنْ أَطَاعَهُ وَاتَّبَعَ رِضَاهُ، الْمُنْتَقِمِ مِمَّنْ خَالَفَهُ وَعَصَاهُ، الَّذِى يَعْلَمُ مَا أَظْهَرَهُ الْعَبْدُ وَمَا أَخْفَاهُ، الْمُتَكَفِّلُ بِأَرْزَاقِ عِبَادِهِ فَلاَ يَتْرُكُ أَحَدًا مِنْهُمْ وَلاَيَنْسَاهُ، أَحْمَدُهُ سُبْحَانَهُ وَتَعَالَى عَلَى مَاأَعْطَاهُ. أَشْهَدُ أَنْ لآ إِلٰهَ إِلاَّ اللهُ وَحْدَهُ لاَشَرِيْكَ لَهُ شَهَادَةَ عَبْدٍ لَمْ يَخْشَ إِلاَّ اللهَ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِي اخْتَارَهُ اللهُ وَاصْطَفَاهُ. اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ وَمَنْ وَالاَهُ

 

 أَيُّهَا النَّاسُ، اِتَّقُوا اللهَ ، وَتَفَكَّرُوْا فِي نِعَمِ رَبِّكٌمْ وَاشْكُرُوْهُ، وَاذْكُرُوا آلَاءَ اللهِ وَتَحَدَّثُوا بِفَضْلِهِ وَلَا تَكْفُرُوْهُ، قَالَ اللهُ تَعَالَى فِي الْقُرْآنِ الْعَظِيْمِ وَهُوَ أَصْدَقُ الْقَائِلِيْنَ، أَعُوْذُ بِاللهِ مِنَ الشَّيْطَانِ الرَّجِيْمِ، ﴿ وَلَا تَهِنُوا وَلَا تَحْزَنُوا وَأَنْتُمُ الْأَعْلَوْنَ إِنْ كُنْتُمْ مُؤْمِنِينَ﴾، وَقَالَ النَّبِيُّ صَلَّى اللهُ عَلَيْهِ وَسَلَّمَ، إِذَا أَحَبَّ اللَّهُ قَوْمًا ابْتَلَاهُمُ اللَّهُ، فَمَنْ صَبَرَ فَلَهُ الصَّبْرُ، وَمَنْ جَزِعَ فَلَهُ الْجَزَعُ صَدَقَ اللهُ الْعَظِيْمِ وَصَدَقَ رَسُوْلُهُ الْحَبِيْبُ الْكَرِيْمُ وَنَحْنُ عَلَى ذَلِكَ مِنَ الشَّاهِدِيْنَ وَالشّاكِرِيْنَ وَالْحَمْدُ للهِ رَبِّ الْعَالَمِيْنَ، أَمَّا بَعْدُ

 

Sidang jumah rohimakumulloh 
Hiji kaniscayaan keur urang salaku hamba anu dipaparin anugrah kamerdekaan oge ni’mat-ni’mat sejenna ku Alloh, kanggo manjatkeun puji sareng syukur ka Alloh swt. Robun Gofur, Dzat anu teu weleh-weleh maparin kasaean ka urang sadayana ti kawit urang gubrag ka alam dunya dugika danget ayeuna. Teu kakantun ni’mat taufiq sareng hidayah sahingga dina danget ieu urang tiasa kempel di tempat mulya dina raraga ngalaksanakeun netepan jumah berjamaah.

 

Solawat kalih salam mugia tetep dikucurkan ka panutan alam, panghulu para nabi, yakne Kangjeng Nabi Muhammad saw. Teu kakantun ka kulawargina, para sahabat, para tabi’in, para tabi’ tabi’in, dugika urang sadayana anu mugi-mugi dipaparin kakiatan kanggo turut-tumut kana ajaran mantenna, kalayan di akherat urang kenging syafaatna.

 

Hadirin anu dimulyakeun ku Alloh 
Sateuacan ngalajengkeun ieu khutbah, khotib wasiat khusus ka diri khotib pribadi, umum ka jamaah sadayana, hayu urang sami-sami ningkatkeun katakwaan ka Alloh swt. Sabab, takwa mangrupakeun kagindingan keur kaimanan urang. Takwa mangrupakeun tameng keur urang ngalaksanakeun sagala parentah Alloh, sareng nebihan larangan-Nana. Mugia urang sadayana sing digolongkeun ku Alloh salaku jalmi-jalmi anu iman sareng takwa kalayan di akherat bagja ngengingkeun rohmat sareng rido-Na. Amin ya robbal alamin. 

 

Hadirin kaom Muslimin sidang Jumah anu mulya 
Di antara sa antero ni’mat anu dianugrahkeun ku Alloh ka urang nyaeta ni’mat kabebasan sareng kamerdekaan. Dina kayaan merdeka ieu, urang tiasa ngajalankeun aktivitas dina kaayaan ayem jeung tengtrem. Kalih ti eta, urang ge tiasa ibadah ka Nu Maha Kawasa kalayan khusyu sareng teu kaganggu ku peperangan anu matak nyangsarakeun. Urang teu tiasa ngabayangkeun kumaha dulur-dulur urang nu aya di daerah konflik peperangan saperti di sababaraha nagara dina waktos ayeuna. Maranehna tangtos dina kaayaan susah payah, tong boroning ibadah, aktivitas biasa oge bakal kacida balangsakna. Ledakan bom, densingan peluru, sareng gempuran sanjata sanesna, bakal jadi ancaman kana nyawa jeung kasalametan. 

 

Tah kaayaan anu sarupi kitu teh kantos kaalaman ku para pahlawan urang baheula nalika ngarebut kamerdekaan ti kaum penjajah. Situasi peperangan tangtosna ngaganggu pisan kana aktivitas aranjeuna, kalebet aktivitas ibadah. Matak aranjeuna ngorbankeun jiwa jeung raga keur ngawujudkeun kamerdekaan supaya kahirupan bangsa tiasa normal sareng ibadah tiasa tenang.  

 

Ku sabab sakitu, urang perlu sadar anu saleres-leresna yen kani’matan sareng kaamanan dina ibadah oge dina aktivitas sanesna, eta teh mangrupikeun anugrah ti Alloh swt ngalangkungan wasilah sareng andil para pejuang sareng pahlaawan bangsa.  

 

Salaku hamba anu mawas diri, sakedahna sareng sapantesna urang nyukuran sareng ngamumule ni’mat kamerdekaan ieu supaya dirasakeun ku anak incu urang, sanes kanten urang ngalebetannana ku rupi-rupi hal positif sasuai sareng kapasitas sareng kamampuan masing-masing. Ulah dugika urang janten pamicu permusuhan sareng perpecahan sasama anak bangsa anu kadituna matak ngaruksak kamerdekaan. Para pahlawan tos masihan contoh perjuangan anu luar biasa kanggo urang keur ngahontal kamerdekaan. Tah tugas urang ayeuna ngamumule, ngarawat, sareng merjuangkeun kamerdekaan anu langkung hakiki. Nyaeta merdeka tina kabodoan, merdeka tina kamiskinan, merdeka tina hawa nafsu anu matak ngajongklokkeun kana kasangsaraan dunya sareng akherat.

 

Hadirin kaom Muslimin sidang Jumah anu mulya 
Dina raraga berjuang mertahankeun jeung ngamumule kamerdekaan anu tos diwariskeun para pahlawan sareng para pejuang ieu, urang tiasa nyonto sumanget aranjeuna oge nerapkeunnana dina kahirupan sapopoe. Di antara sumanget kahiji nyaeta kateguhan dina nyepengan prinsip. Para pahlawan urang ku Alloh dipasihan kateguhan, kakiatan, sareng kaistiqomahan berjuang. Aranjeuna teu gampang digoyahkeun ku propaganda sareng iming-iming para penjajah. Nilai-nilai eta saleresna mah saluyu sareng dawuhan Alloh: 

 

فَاسْتَقِمْ كَمَا أُمِرْتَ وَمَنْ تَابَ مَعَكَ 

 

Hartosna, “Kudu tetep aranjeun dina jalan anu bener, sakumaha diparentahkeun ka anjeun sareng ka jalma jalma anu tobat,” (QS. Hud [‘11]: 112).       

 

Tah sikap ieu teh kedah ditiru ku urang di era modern ayeuna supaya teu gampang kaombang-ambing ku banjirna informasi anu suliweran di media, utamana media sosial. Urang ulah gampang kaprovokasi ku rupa-rupa kabar anu matak munculkeun permusuhan sareng ngaruksan stabilitas nagara, beh dieuna stabilitas lingkungan masyarakat. 

 

Malahan sanes ukur anu terkait sareng informasi anu umum, informasi anu patali sareng elmu agama oge urang kedah waspada lamun bersumber ti tempat-tempat anu teu jelas. Urang kedah bener-bener nyepeng elmu anu tos dipaparinkeun ku para ulama sareng guru anu tos jelas sanad kaelmuannana. Ulah dugika kahasut ku sagelintir kelompok anu resep nyebarkeun paham anu nyunut perpecahan. 

 

Salaku ikhtiar batin, hayu urang seueurkeun ngaos doa anu kalintang masyhurna sareng termaktub dina Al-Quran:

 

رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ    

 

Hartosna, “He Pangeran abdi sadaya, ulah rek nyondongkeun hati abdi sadaya kana kasesatan, saatosna Gusti masihan pituduh ka abdi sadaya, sareng pasihan abdi sadaya rohmat ti sisi Gusti, sabab saenya-enyana Gusti Dzat anu  Maha masihan,” (QS. Ali Imran [3]: 8). 

 

Masyirol Muslimin rohimakumulloh    
Sumanget anu kadua anu kedah ku urang diconto ti para pahlawan nyaeta kaberanian. Zaman baheula, anu matak gentar kaum penjajah nyaeta kawani para pajuang dina merjuangkeun kamerdekaan. Sanajan kur modal awi seukeut, samentara para penjajah ngagunakeun senjata modern, bahkan mariam, tapi para pahlawan teu gimir jeung teu mundur najan sasiku ngejat satunjang beas. 

 

Tah kawani ieu kudu diconto ku urang dina raraga mertahankeun jeung ngeusian kamerdekaan, sakumaha anu parantos ditegaskeun dina dawuhan Alloh. 

 

وَلَا تَهِنُوا وَلَا تَحْزَنُوا وَأَنْتُمُ الْأَعْلَوْنَ إِنْ كُنْتُمْ مُؤْمِنِينَ 

 

Hartosna, “Ulah rek lemah jeung ulah rek sedih anjeun, sabab anjeun jalma-jalma anu paling luhur darajatna, lamun aranjeung ariman,” (QS. Ali Imron [3]: 138). 

 

Sidang jumah anu mulya 
Sumanget anu katilu eta kasobaran dina ngahontal tujuan. Urang perlu nyadari yen para pahlawan nye’epkeun waktu aranjeuna demi kamerdekaan sanes ukur dina hitungan sataun dua taun, tapi dugika itungan ratusan taun. Aranjeuna butuh waktu anu sakitu lamina, malihan ti generasi ka generasi. Aranjeuna teu putus asa sareng teu ngenal lelah berjuang demi kamerdekaan. Tah nilai-nilai kasobaran ieu anu anu kedah dipelakeun sareng diterapkeun dina manah generasi urang ayeuna, dina raraga mayunan tantangan perobahan zaman. 

 

Kasobaran bisa diibaratkeun sapertos obat atawa jamu pait nalika mimiti dicoba, tapi lami-kalamian bakal ngabuah amis. Paitna obat ukur karasa paitna di baham, ngan khasiatna bakal amis jeung sumarambah ka badan. Nyakitu keneh dina sifat sabar. Sabar bakal karasa pait di awal, tapi bakal amis di tungtung. Maka kacida untungna keur jalma-jalma anu bisa nahan gejolak jiwana, sareng sabar dina satiap usaha anu dilakukeun sareng takdir anu nimpa. Lamun urang jadi sosok anu sabar, Alloh swt. tos negeskeun bakal jadi hamba anu dipika cinta. Dawuhan Alloh dina surah Ali Imron 146: 

 

وَاللّٰهُ يُحِبُّ الصّٰبِرِيْنَ

 

Hartosna, “Saenya-enyana Alloh mika cinta jalma-jalma anu sabar.”

 

Masyirol muslimin anu mulya       
Kateguhan, kaberanian, sareng kasobaran ieu anu tiasa diconto tina nilai-nilai perjuangan anu dilakukeun ku para pejuang bangsa urang.  Tangtos masih seueur nilai sareng sumanget sanesna anu tiasa diconto oge dijantenkeun modal urang dina raraga mertahankeun sareng ngeusian kamerdekaan. 

 

Mudah-mudahan urang sadayana tiasa ngamalkeunnana. Amin ya robbal alamin.

 

وَالْعَصْرِ ، إِنَّ الْإِنْسَانَ لَفِي خُسْرٍ ، إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ

   

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ

 

Khutbah II:

 

اَلْحَمْدُ لِلَّهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا .. وَصَلَّى الله عَلَى سَيِّدَنَا وَمَوْلَانَا مُحَمَّدٍ وَعَلَى آلِهِ وَصَحْبِهِ وَسَلَّمَ

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِوَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتْ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ.  اللَّهُمَّ إِنَّا نَعُوذُ بِكَ مِنْ عَذَابِ جَهَنَّمَ وَنَعُوذُ بِكَ مِنْ عَذَابِ الْقَبْرِ وَنَعُوذُ بِكَ مِنْ فِتْنَةِ الْمَسِيحِ الدَّجَّالِ وَنَعُوذُ بِكَ مِنْ فِتْنَةِ الْمَحْيَا وَالْمَمَاتِ، اللَّهُمَّ إِنَّا نَعُوذُ بِكَ مِنْ الْهَمِّ وَالْحَزَنِ وَنَعُوذُ بِكَ مِنْ الْعَجْزِ وَالْكَسَلِ وَ نَعُوذُ بِكَ مِنْ الْجُبْنِ وَالْبُخْلِ وَنَعُوذُ بِكَ مِنْ غَلَبَةِ الدَّيْنِ وَقَهْرِ الرِّجَالِ ، رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ، رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

 

عِبَادَ اللهِ، إِنَّ اللهَ يَأْمُرُكُمْ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

Ustadz M Tatam Wijaya, Penyuluh dan Petugas KUA Sukanagara-Cianjur, Jawa Barat.