Khutbah Jumat Bahaso Minang: Puaso Asyuro, Ajang Maningkekkan Raso Syukur kapado Allah 

Teks khutbah Jumat berikut ini mengajak kepada para jamaah untuk menjadikan momentum hari Asyura sebagai ajang untuk meningkatkan rasa syukur kepada Allah swt, baik itu dalam bentuk ibadah individual  maupun ibadah sosial.

Adapun judul khutbah Jumat ini adalah “Khutbah Jumat Bahasa Minang: Puaso Asyuro, Ajang Maningkekkan Raso Syukur kapado Allah." Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat.

---

Khutbah I

اَلْحَمْدُ لِلّٰهِ ذِي الْجَلَالِ وَالْإِكْرَامِ، الَّذِيْ أَعَزَّنَا بِالْإِسْلَامِ، وَأَكْرَمَنَا بِالْإِيْمَانِ، وَنَوَّرَ قُلُوْبَنَا بِالْقُرْاٰنِ، أَشْهَدُ أَنْ لَا اِلَهَ إِلَّا الله وَحْدَهُ لا شَرِيك لَه، ذُو اْلجَلالِ وَالإكْرام، وَأَشْهَدُ أَنّ سَيِّدَنَا وَنَبِيَّنَا مُحَمَّدًا عَبْدُهُ وَ رَسولُه. اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى أٰلِهِ وَصَحْبِهِ وَمَنْ وَالاَهُ
أَمَّابَعْدُ؛ فَيَآ أَيُّهَا النَّاسُ، اتَّقُوا اللهَ حَقَّ تَقْوَاهُ كَمَا قَالَ تَعَالَى: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ.
قَالَ اللهُ تَعَالَى فِي كِتَابِهِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ، بِسْمِ اللهِ الرَّحْمَنِ الرَّحِيْمِ، يٰٓاَيُّهَا الَّذِيْنَ اٰمَنُوْا تُوْبُوْٓا اِلَى اللّٰهِ تَوْبَةً نَّصُوْحًاۗ. صَدَقَ اللهُ الْعَظِيْمِ

Kaum muslimin wal muslimat sidang jamaah Jumaik nan dimuliakan dek Allah SWT

Awal kalam bamulo kato, tiado kato nan patuik taucap di lisan kito, tiado syair nan labiah indah untuak kito dendangkan, malainkan mamuji dan mamuja Allah swt. Kareno barakaik rahmat jo karunia Baliau, kito bisa malakukan aktivitas sahari-sahari. Ado nan ka parak, ado nan manggaleh dan ado pulo nan karajo di kantua. 

Namun Allah agiah nikmaik lain kapado kito basamo, yaitu nikmaik kaimanan, sahinggo tagarak hati kito untuak mamanuahi panggilan Alllah untuak manunaikan ibadah Jumaik sacaro bajamaah. Tantangan  pado itu kaum muslimin, marilah kito basamo-samo basyukur mangucapkan alhamdulillahirabbil’alamiin, sagalo puji hanyo untuak Allah swt.

Kamudian dari pado itu kaum muslimin, shalawaik barangkaikan salam, marilah sanantiaso kito basalawaik kapado junjungan alam, yaitu Nabi Muhammad saw. Allaahumma shalli ‘alaa sayyidina Muhammad wa ‘ala aali sayyidinaa Muhammad. Kito samo-samo baharap dangan salawaik nan salalu mambasahi lidah jo bibia kito, mudah-mudahan kito dinobaikkan sabagai umaik nan barhak mandapek syafaat baliau di yaumil qiyamah nanti.

Kaum muslimin, khatib indak akan bosan-bosan mangajak kaum muslimin dan kaum muslimat, tarutamo kapado diri khatib pribadi, untuak sanantiaso maningkekkan katakwaan kito kapado Allah swt. Yaitu dengan caro mangarajokan sagalo parintah dari Allah dan maninggalkan sagalo bantuak larangan Baliau.

Kaum muslimin wal muslimat sidang jamaah Jumaik nan dimuliakan dek Allah swt

Hari ko adolah hari ‘Asyura, yaitu hari nan sangaik dimuliakan dek Allah . Sahinggo di dalam Islam, Allah mangajak hamba-Nyo untuk mampabanyak ibadah di hari nan mulia ko. Salah satu amalan nan disuruah dek Allah kapado kito untuak manunaikannyo adolah puaso ‘Asyura.

Puaso ‘Asyura adolah puaso nan disunaikkan dek Rasulullah kapado umaiknyo. Puaso ko marupokan salah satu puaso sunaik nan paliang disukoi dek Rasulullah. Hal iko sabagaimano nan alah disabdakan dek Rasulullah di dalam hadisnyo nan babunyi:

أَفْضَلُ الصِّيامِ، بَعْدَ رَمَضانَ، شَهْرُ اللهِ المُحَرَّمُ، وأَفْضَلُ الصَّلاةِ، بَعْدَ الفَرِيضَةِ، صَلاةُ اللَّيْلِ.

Artinya: “Puaso nan paliang utamo sasudah puaso Ramadhan adolah puaso di bulan Allah Muharram, dan sumbayang nan paliang utamo sasudah sumbayang fardhu adolah sumbayang malam.” (HR. Muslim)

Imam Nawawi manyabuikkan di dalam kitabnyo al-Minhaj syarah Sahih Muslim bahwasonyo hadis ko marupokan panjalehan bahwasonyo bulan Muharram adolah bulan nan paliang utamo untuak bapuaso manuruik Rasulullah. Hal iko indak lapeh apo nan alah dijalehkan di ayaik al-Quran ataupun riwayaik lain takaik kamuliaan bulan Muharram. 

Kaum muslimin sidang jamaah Jumaik nan dirahmati dek Allah.

Kalau kito marujuak kapado hadis nan manjalehkan anjuran mangarajokan puaso ‘Asyura ko, mako kito akan mangatahui apo sabananyo nan manjadi hikmah sarato mukasuik Rasulullah dalam manyuruah kito bapuaso di hari nan ka sapuluah di bulan Muharram ko. 

Di dalam sabuah hadis dijalehkan sabagai barikuik:

إِنَّ النَّبِيَّ صَلَّى اللَّهُ عَلَيْهِ وَسَلَّمَ قَدِمَ الْمَدِينَةَ فَوَجَدَ الْيَهُودَ يَصُومُونَ عَاشُورَاءَ وَقَالُوا إِنَّ مُوسَى صَامَهُ وَإِنَّهُ الْيَوْمُ الَّذِي نَجَوْا فِيهِ مِنْ فِرْعَوْنَ وَغَرِقَ فِرْعَوْنُ فَصَامَهُ النَّبِيُّ صَلَّى اللَّهُ عَلَيْهِ وَسَلَّمَ وَأَمَرَ بِصِيَامِهِ وَقَالَ نَحْنُ أَحَقُّ بِمُوسَى مِنْهُمْ

Artinya: “Sasungguahnyo Nabi saw tibo di Madinah. Lalu baliau mandapek i urang Yahudi puaso di hari ‘Asyura. Dan urang yahudi tu bakato; “sasungguanyo Musa alah puaso di hari ko. Kareno sasungguahnyo hari ko adolah hari dimano Nabi Musa dan kaumnyo disalamaikkan dari Firaun dan firaun karam di dalam lauik.” Dek itu, Nabi saw pun puaso di hari Asyura dan mamarintahkan umaiknyo juo ikuik puaso, sarayo Nabi Basabda; “Kito labiah berhak maikuti Nabi Musa dari pado mereka.” (HR. Muslim)

Di dalam hadis ko, dijalehkan bahwasonyo umaik Yahudi malakukan puaso ‘Asyura dikarenokan mereka ingin basyukur ateh kasalamatan nan dibarikan dek Allah Swt kapado Nabi Musa dari intaian Firaun. Malalui hadis ko mako ko kito akan paham akan hikmah dan tujuan utamo dari disyariatkannyo puaso ‘Asyura ko kapado kito kaum muslimin. Yaitu sabuah bantuak wujuik raso syukur kapado Allah Swt.

Kaum muslimin sidang jamaah Jumaik nan dimuliakan Allah .

Puaso ‘Asyura maingekkan kito tantang syukur kapado Allah. Hal nan paliang utamo kito syukuri adolah nikmaik kaimanan nan diamanahkan kapado kito. Kito bisa bayangkan kaum muslimin, jikok kito indak dikaruniai nikmaik kayakinan itu dek Allah, niscayo kito hari kito indak akan bisa manikmati dan marasokan lamaknyo sumbayang dan baibadah kapado Allah swt. Dek kareno itu, mako nikmaik iman marupokan nan paliang gadang dibarikan Allah kapado kito.

Dalam kitab Hilyatul Auliya karya Abu Nu’aim al Ashbahani disabuikkan:

كن لنعمة الله في دينك أشكر منك لنعمة الله عليك في دنياك

Artinya: “Jadilah kalian basyukur ateh nikmaik Allah pado agamo (iman) malabiahi syukur kalian ateh nikmaik Allah kapado kalian barupo materi duniawi.”

Kaum muslimin sidang jamaah Jumaik nan dimuliakan Allah Swt

Di sampiang masyukuri nikmaik kaimanan, kito paralu juo masyukuri nikmaik nan basipaik materi nan alah dicurahkan Allah Swt kapado kito. Mungkin suatu kali kito pernah marasokan sagalo harato dan pitih nan kito dapek itu adolah barasal dari jariah payah kito surang. Sahinggo kito lupo untuak babagi kapado urang lain. Padohal di dalam harato kito itu ado hak urang lain nan wajib kito tunaikan. Allah bafirman di dalam surek al-Baqarah ayaik tigo nan babunyi:

وَمِمَّا رَزَقْنَاهُمْ يُنفِقُونَ

Artinya: “(dan tando-tando urang baimana itu adolah) namuah mainfakkan sabagian ransaki nan alah Kami barikan kapadonyo.”

Kaum muslimin sidang jamaah Jumaik nan dimuliakan Allah Swt.

Mako dek kareno itu kaum muslimin mari kito jadikan bulan Muharram ko sabagai momentum untuk maningkekkan ibadah kito kapado Allah Swt dalam bantuak puaso maupun dalam bantuak babagi kapado urang lain. Kareno bulan Muharram adolah bulan istimewa. Sahinggo sagalo amal ibadah akan dilipat gandokan jikok kito lai namuah mangarajokannyo.

Imam al-Qurthubi manyabuikkan di dalam tafsirnyo sabagai barikuik:

فيضاعف فيه العقاب بالعمل السيء، كما يضاعف الثواب بالعمل الصالح

Artinya: “Mako dilipek gandokan iqab atau azab di bulan muhaaram kareno amal buruak sabagaimano dilipekgandokan pahalo amal saliah.”

Di sampiang itu, kito paralu juo ingek kaum muslimin bahwasonyo syukur kapado Allah ko adolah pakaro nan pantiang. Dek syukur, Allah akan janjikan manambah nikmaik-Nyo kapado kito. Namun, kalau kito kufur indak namuah basyukur, mako Allah akan baleh kito jo azab nan padiah. Allah  bafirman di dalam surek Ibrahim ayaik 7:

لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِي لَشَدِيدٌ

Artinya: “Sungguah jikok kalian namuah basyukur, mako akan Ambo tambah nikmaik kapado kalian. Namun jikok kalian kufur, mako ingeklah kalau azab Ambo sangaik lah padiah.”

Kaum muslimin sidang jamaah Jumaik nan dirahmati Allah Swt.

Di akhia katubah ko, khatib sakali lai ingin mangajak kapado kaum muslimin untuak manjadikan momentum puaso ‘Asyura ko sabagai ajang untuak maningkekkan raso syukur kito kapado Allah. Kito harus mampabaharui raso syukur kito itu dengan caro manjalankan parintah Allah dan manjauahi larangan-Nyo. Di sampiang itu, kito musti pulo untuak indak hanyo fokus basyukur dengan caro manunaikan ibadah mahdhah, tapi kito harus pulo mamupuak ibadah sosial kito antar sasamo.

Damikianlah khutbah kito pado saat kini, mudah-mudahan iko bisa manjadi bahan ranuangan dek kito basamo. Mudah-mudahan sagalo doso nan alah kito dipabuek diampuni dek Allah dan tobaik nan kito lakukan ditarimo dek Allah. Aamiin Yaa Rabbal ‘aalamiin.

بَارَكَ اللهُ لِي وَلَكُمْ فِي الْقُرْآنِ الْعَظِيْمِ وَنَفَعَنِي وَاِيِّاكُمْ بما فيه مِنَ الآيَاتِ وَالذِّكْرِ الْحَكِيْمِ. وَتَقَبَّلْ مِنِّيْ وَمِنْكُمْ تِلاوَتَهُ اِنّهُ هُوَ السَّمِيْعُ اْلعَلِيْمُ.. فَاسْتَغْفِرُوْا اِنَّهُ هُوَ اْلغَفُوْرُ الرَّحِيْمُ

Khutbah II

اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا أَمَّا بَعْدُ. فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.
 اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ .
 اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءِ مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيّن وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَأَعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتَن وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ.
 رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ.
 عِبَادَاللهِ ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرُ

Abdul Kamil, Pegiat kajian tafsir dan hadits, tinggal di Jakarta