Khutbah Jumat Bahasa Minang: Adab jo Akhlak Dalam Batetangga 

Islam merupakan agama yang menjunjung tinggi kedamaian dan kasih sayang antar sesama. Sebagai muslim, kita diperintahkan untuk senantiasa berbuat baik kepada tetangga. Seorang muslim dilarang menyakiti dan menciptakan pertikaian dengan tetangga yang hidup di sekitarnya. Oleh karena itu, di dalam Islam ada beberapa adab dan tata krama yang mesti diterapkan oleh setiap muslim dalam menjalani kehidupan bersama tetangga.

 

Teks khutbah Jumat berikut ini mengajak kepada para jamaah untuk menerapkan adab dan akhlak dalam bertetangga. Adapun  tema khutbah adalah “Khutbah Jumat Bahasa Minang; Adab dan Akhlak Dalam Bertetangga”. Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat.

 

Khutbah I

 

اَلْحَمْدُ لِلّٰهِ ذِي الْجَلَالِ وَالْإِكْرَامِ، الَّذِيْ أَعَزَّنَا بِالْإِسْلَامِ، وَأَكْرَمَنَا بِالْإِيْمَانِ، وَنَوَّرَ قُلُوْبَنَا بِالْقُرْاٰنِ، أَشْهَدُ أَنْ لَا اِلَهَ إِلَّا الله وَحْدَهُ لا شَرِيك لَه، ذُو اْلجَلالِ وَالإكْرام، وَأَشْهَدُ أَنّ سَيِّدَنَا وَنَبِيَّنَا مُحَمَّدًا عَبْدُهُ وَ رَسولُه. اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى أٰلِهِ وَصَحْبِهِ وَمَنْ وَالاَهُ

أَمَّابَعْدُ؛ فَيَآ أَيُّهَا النَّاسُ، اتَّقُوا اللهَ حَقَّ تَقْوَاهُ كَمَا قَالَ تَعَالَى: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

قَالَ اللهُ تَعَالَى فِي كِتَابِهِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ، بِسْمِ اللهِ الرَّحْمَنِ الرَّحِيْمِ، يٰٓاَيُّهَا الَّذِيْنَ اٰمَنُوْا تُوْبُوْٓا اِلَى اللّٰهِ تَوْبَةً نَّصُوْحًاۗ. صَدَقَ اللهُ الْعَظِيْمِ

 

Kaum muslimin wal muslimat sidang jamaah Jumaik nan dimuliakan dek Allah SWT

Awal kalam bamulo kato, tiado kato nan patuik taucap di lisan kito, tiado syair nan labiah indah untuak kito dendangkan, malainkan mamuji dan mamuja Allah SWT. Kareno barakaik rahmat jo karunia Baliau, kito bisa malakukan aktivitas sahari-sahari. Ado nan ka parak, ado nan manggaleh dan ado pulo nan karajo di kantua. 

 

Namun Allah agiah nikmaik lain kapado kito basamo, yaitu nikmaik kaimanan, sahinggo tagarak hati kito untuak mamanuahi panggilan Alllah untuak manunaikan ibadah Jumaik sacaro bajamaah. Tantangan  pado itu kaum muslimin, marilah kito basamo-samo basyukur mangucapkan alhamdulillahirabbil’alamiin, sagalo puji hanyo untuak Allah SWT.

 

Kamudian dari pado itu kaum muslimin, shalawaik barangkaikan salam, marilah sanantiaso kito basalawaik kapado junjungan alam, yaitu Nabi Muhammad SAW. Allaahumma shalli ‘alaa sayyidina Muhammad wa ‘ala aali sayyidinaa Muhammad. Kito samo-samo baharap dangan salawaik nan salalu mambasahi lidah jo bibia kito, mudah-mudahan kito dinobaikkan sabagai umaik nan barhak mandapek syafaat baliau di yaumil qiyamah nanti.

 

Kaum muslimin, khatib indak akan bosan-bosan mangajak kaum muslimin dan kaum muslimat, tarutamo kapado diri khatib pribadi, untuak sanantiaso maningkekkan katakwaan kito kapado Allah SWT. Yaitu dengan caro mangarajokan sagalo parintah dari Allah SWT dan maninggalkan sagalo bantuak larangan Baliau.

 

Kaum muslimin wal muslimat sidang jamaah Jumaik nan dimuliakan dek Allah SWT.

Agamo Islam sangaik manjunjuang tinggi raso badunsanak antaro umaik manusia, baiak itu nan saagamo jo awak ataupun nan babeda agamo jo awak. Islam malarang umaiknyo untuak saling musuah-mamusuahi antaro sasamo kito. Dan Allah Swt alah mahimbau kito untuak turun tangan dalam mandamaikan pakaro nan tajadi di antaro sasamo.

 

Allah Swt alah bafirman di dalam Surek al-Hujurat ayaik 10 nan babunyi:

 

إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ

 

“Sasungguahnyo urang baiman tu adolah badunsanak, mako damaikanlah pakaro nan tajadi antaro kalian, dan batakwalah kapado Allah Swt, supayo kalian dirahmati.” 

 

Dari ayaik iko kito bisa pahami bahwasonyo Islam manjunjuang tinggi sumangaik untuak manciptakan raso damai jo rukun antaro umaik manusia. Untuak itu kaum muslimin, jan sampai kito biakan dan indak mau tau jo sangketo nan tajadi antaro dunsanak awak. Awak harus bisa manjadi juru pandamai di tangah sangketo nan tajadi di tangah masyrakaik, dan jan sampai kito nan mambuek pacah atau manjadi minyak tanah.

 

Salah satu wujuik nyato dalam manciptakan kadamaian si ateh dunia, Islam alah mangatur baa akhlak ataupun adab awak hiduik dalam batatanggo. Iko sangaik pantiang karno kito indak akan bisa manciptakan kadamaian dalam jangko nan labiah gadang katiko kito surang indak bisa rukun jo dunsanak ataupun karabat nan iduik dakek rumah awak atau di kampuang awak.

 

Allah Swt alah manyuruah umaik Islam supayo babuek baiak kapado dunsanak nan tingga di sakitar rumah awak. 

 

Allah Swt bafirman dalam surek an-Nisa ayaik 36 nan babunyi:

 

وَاعْبُدُوا اللّٰهَ وَلَا تُشْرِكُوْا بِهٖ شَيْـًٔا وَّبِالْوَالِدَيْنِ اِحْسَانًا وَّبِذِى الْقُرْبٰى وَالْيَتٰمٰى وَالْمَسٰكِيْنِ وَالْجَارِ ذِى الْقُرْبٰى وَالْجَارِ الْجُنُبِ وَالصَّاحِبِ بِالْجَنْۢبِ وَابْنِ السَّبِيْلِۙ وَمَا مَلَكَتْ اَيْمَانُكُمْ ۗ اِنَّ اللّٰهَ لَا يُحِبُّ مَنْ كَانَ مُخْتَالًا فَخُوْرًاۙ

 

“Dan sambahlah Allah dan jangan sakutukan Baliau jo apopun, dan kapado kaduo urang tuo mako babuek baiaklah, dan baitu pulo (balaku baiaklah) kapado karik karabaik, anak yatim, urang miskin, tetangga nan dakek ataupun nan jauah, konco arek, anak jalanan sarato budak nan kalian miliki. Sasungguahnyo Allah indak manyukoi urang nan sombong dan mambanggakan diri.” 

 

Kaum muslimin sidang jamaah nan dimuliakan dek Allah Swt.

 

Syekh Abu Bakar Jabar al-Jazairi di dalam kitabnyo Minhajul Muslim alah manjalehkan babarapo adab nan harus awak panuahi dalam hiduik batatanggo:

 

1. Indak Manyakiti Tetangga
Manyakiti nan dimukasuik disiko adolah babuek jahek kapado tetangga, baiak itu dalam bantuak tingkah laku ataupun dalam bantuak lisan. Rasulullah Saw basabda:

 

مَن كانَ يُؤْمِنُ باللَّهِ واليَومِ الآخِرِ فلا يُؤْذِ جارَهُ

 

“Barangsiapo nan lai baiman kapado Allah dan hari akhir, mako jan lah sakiti tetangga.” (HR. Bukhari)

 

Hadis ko manjalehkan kapado kito indak samparono iman awak kalau awak manyakiti tetangga nan iduik di sakitar awak. Mako marilah kito jago tingkah laku sarato lisan kito agar urang nan iduik di dakek awak indak maraso risih jo a nan wak karajokan. Sabab, keislaman ataupun keimanan awak indak akan samparono kalau awak masih sajo kasa atau jaek ka urang sakitar awak.

 

Dalam sabuah hadis, Rasulullah Saw manggambarkan bantuak muslim sajati, yaitu urang nan lai mamaliharo lisan jo parilakunyo dari manyakiti urang lain. Rasulullah Saw basabda:

 

المسلم من سلم المسلمون من لسانه ويده

 

“Urang Islam nan sajati tu adolah urang nan lain salamaik urang lain dari lisan jo parangainyo.” (HR. Bukhari)

 

Kaum muslimin sidang jamaah Jumaik nan dimuliakan dek Allah Swt.

 

2. Mampalukukan Tetangga jo saelok-eloknyo

Sabagaimano firman Allah Swt di surek an-Nisa ayaik 36 tadi, Allah Swt mamarintahkan kapado kito untuak babuek baiak kapado tetangga, baiak na jauah ataupun nan dakek. 

 

Di sampiang itu, babuek baiak iko indak hanyo untuak tetangga nan saagamo jo awak, tapi ka urang nan beda agamo jo awak pun, awak masih disuruah babuek baiak. Kareno mereka itu mampunyoi hak tetangga ateh awak.

 

Dalam sabuah hadis Rasulullah Saw basabda:

 

‌الْجِيرَانُ ‌ثَلَاثَةٌ جَارٌ لَهُ حَقٌّ وَهُوَ الْمُشْرِكُ لَهُ حَقُّ الْجِوَارِ وَجَارٌ لَهُ حَقَّانِ وَهُوَ الْمُسْلِمُ لَهُ حَقُّ الْجِوَارِ وَحَقُّ الْإِسْلَامِ وَجَارٌ لَهُ ثَلَاثَةُ حُقُوقٍ مُسْلِمٌ لَهُ رَحِمٌ لَهُ حَقُّ الْجِوَارِ وَالْإِسْلَامِ وَالرَّحِمِ

 

“Tetangga tu ado tigo; tetangga nan mampunyoi ciek hak, yaitu urang musyrik, mako mereka ado hak tetangga ateh awak. Lalu tetangga nan mamiliki duo hak. Yaitu urang muslim. Mereka mandapaek hak sabagai tetangga dan dan juo hak kareno baagamo Islam. Nan katigo tetangga nan punyo tigo hakm yaitu dunsanak dakek. Mereka mandapaek hak tetangga, hak Islam dan hak bakarik.” (HR. Thabrani)

 

3. Baragiah dan indak mancimeeh paragiahan urang
Salah satu adab dan parilaku nan harus awak tanamkan dalam iduik jo tetangga adalah murah baragiah ka mereka. Rasulullah Saw alah manjalehkan batapo pantiang nyo baragiah ko ka tetangga di sakitar awak.

 

Dalam sabuah hadis Rasulullah Saw manyuruah Abu Zar untuak malabiahkan kuah katiko mamasak gulai, Rasulullah Saw basabda:

 

يَا أَبَا ذَرٍّ! إذا ‌طبخت ‌مرقة، فأكثر ماءها، وتعاهد جيرانك

 

“Wahai Abu Zar, jikok angku mamasak gulai, mako pabanyaklah kuahnyo, dan bagikanlah ka tetangga angku.” (HR. Muslim)

 

Di sampiang itu kaum muslimin, katiko awak di agiah misalnyo kuah gulai, kolak ataupun makanan lainnyo dek dunsanak atau tetangga awak, mako awak indak buliah mancacek atau mancimeeh a nan mereka agiah, walaupun paragiahan tetangga tu saketek atau indak awak sukoi.

 

Rasulullah Saw basabda dalam hadisnyo:

 

يا نِساءَ المُسْلِماتِ، لا تَحْقِرَنَّ جارَةٌ لِجارَتِها، ولو فِرْسِنَ شاةٍ

 

"Wahai padusi nan muslim, jan lah kalian mahino pambarian tetangga kalian, walaupun (pambarian mereka tu) hanyo barupo ujuang ujuang kaki kambiang.” (HR. Bukhari Muslim)

 

Manuruik Imam Nawawi, makna hadis ko adolah Rasulullah Saw malarang padusi untuak baragan mambarikan sadaqah atau hadiah ka tetangga dek kareno nan kadiagiahkan tu saketek. Barikuik kato Imam Nawawi:

 

وَمَعْنَاهُ لَا تَمْتَنِعُ جَارَةٌ مِنَ الصَّدَقَةِ وَالْهَدِيَّةِ لِجَارَتِهَا لِاسْتِقْلَالِهَا وَاحْتِقَارِهَا الْمَوْجُودَ عِنْدَهَا بَلْ تَجُودُ بِمَا تَيَسَّرَ وَإِنْ كَانَ قَلِيلًا كَفِرْسِنِ شَاةٍ وَهُوَ خَيْرٌ مِنَ الْعَدَمِ

 

“Dan maknanyo adolah indak buliah baragan seorang tetangga dari sadaqah atau hadiah kapado tetangganyo dek karno saketek atau dek takuik tetangganyo ndk suko. Tapi mambarikan seorang tetangga samampunyo walaupun saketek, mode kaki kambiang, itu labiah baiak dari pado indak samo sakali.” (Imam Nawawi, al-Minhaj Syarh Sahih Muslim, [Beirut, Dar Ihya Turas al-‘Arabi: 1392H], jilid. 7, halaman. 120)

 

Kaum muslimin sidang jamaah Jumaik nan babahagia.

 

4. Maharagoi dan mahormati tetangga
Sabagai muslim, kito haruslah mahormati tetangga di sakitar awak. Karno tetangga itu ibaraik lah hampia jadi dunsanak dek awak. Sahinggo dalam sabuah hadis dijalehkan bahwasonyo pakaro tetanggo sangaik pantiang, saakan-akan inyo alah mode ahli waris bagi awak.

 

عَنْ عَائِشَةَ رَضِيَ اللَّهُ عَنْهَا عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ مَا زَالَ يُوصِينِي جِبْرِيلُ بِالْجَارِ حَتَّى ظَنَنْتُ أَنَّهُ سَيُوَرِّثُهُ. رواه البخاري

 

“Dari Aisyah r.a., dari Nabi Saw basabda; sanantiaso Jibril mawasiatkan pakaro tetangga ka Ambo, sampai-sampai ambo kiro tetangga ko adolah ahli waris.” (HR. Bukhari)

 

Kaum muslimin sidang jamaah Jumaik nan di muliakan dek Allah Swt

 

Kesimpulan 
Di akhia katubah ko, khatib sakali lai ingin maingekkan kito basamo bahwasonyo mamaliharo adab jo akhlak dalam iduik jo tetangga sangaiklah pantiang. Marilah kito jago raso badunsanak jo tetangga nan ado di sakitar kito. Karno mereka tu mampunyoi hak nan harus kito panuahi. Jan sampai kito manjadi urang nan indak disanangi dek tetangga atau urang nan iduik di sakitar kito. Kareno Islam mangajarkan kadamaian dan kasiah sayang dalam hiduik antaro sasamo manusia.

 

Damikianlah khutbah kito pado saat kini, mudah-mudahan iko bisa manjadi bahan ranuangan dek kito basamo. Mudah-mudahan kito manjadi tetangga nan baiak di hadapan manusia dan di sisi Allah Swt. Aamiin.

 

بَارَكَ اللهُ لِي وَلَكُمْ فِي الْقُرْآنِ الْعَظِيْمِ وَنَفَعَنِي وَاِيِّاكُمْ بما فيه مِنَ الآيَاتِ وَالذِّكْرِ الْحَكِيْمِ. وَتَقَبَّلْ مِنِّيْ وَمِنْكُمْ تِلاوَتَهُ اِنّهُ هُوَ السَّمِيْعُ اْلعَلِيْمُ.. فَاسْتَغْفِرُوْا اِنَّهُ هُوَ اْلغَفُوْرُ الرَّحِيْمُ

 

Khutbah II

 

اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا أَمَّا بَعْدُ. فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا

 

 اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ

 

 اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءِ مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيّن وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَأَعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتَن وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ

 

 رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ

 

 عِبَادَاللهِ ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرُ

 

Ustadz Abdul Kamil, Pegiat kajian tafsir dan hadits, tinggal di Jakarta