Khutbah Jumat Bahasa Minang: Mangutamokan Akhlak Mulia Manuju Pemilu

Pesta demokrasi merupakan momentum penting bagi bangsa Indonesia. Berkaca kepada pemilu sebelumnya, pada saat masa kampanye semua orang sibuk dalam hiruk pikuk, jelek-menjelekkan serta caci maki antara pendukung para calon presiden dan wakil presiden. 

Teks khutbah Jumat berikut ini mengajak kepada para jamaah untuk mengendepankan akhlak mulia dalam memasuki tahun-tahun politik. Adapun judul khutbah Jumat ini adalah “Khutbah Jumat Bahasa Minang: Mangutamokan Akhlak Mulia Manuju Pemilu 2024”. Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat.

---

Khutbah I 

اَلْحَمْدُ للهِ اْلحَمْدُ للهِ الّذي هَدَانَا سُبُلَ السّلاَمِ، وَأَفْهَمَنَا بِشَرِيْعَةِ النَّبِيّ الكَريمِ، أَشْهَدُ أَنْ لَا اِلَهَ إِلَّا الله وَحْدَهُ لا شَرِيك لَه، ذُو اْلجَلالِ وَالإكْرام، وَأَشْهَدُ أَنّ سَيِّدَنَا وَنَبِيَّنَا مُحَمَّدًا عَبْدُهُ وَ رَسولُه. اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى أٰلِهِ وَصَحْبِهِ وَمَنْ وَالاَهُ . أَمَّابَعْدُ؛ فَيَآ أَيُّهَا النَّاسُ، اتَّقُوا اللهَ حَقَّ تَقْوَاهُ كَمَا قَالَ تَعَالَى: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ. قَالَ اللهُ تَعَالَى فِي كِتَابِهِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ، بِسْمِ اللهِ الرَّحْمَنِ الرَّحِيْمِ، لَّقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا. صَدَقَ اللهُ الْعَظِيْمِ

Kaum muslimin wal muslimat sidang jamaah Jumaik nan dimuliakan dek Allah SWT

Awal kalam bamulo kato, tiado kato nan patuik taucap di lisan kito, tiado syair nan labiah indah untuak kito dendangkan, malainkan mamuji dan mamuja Allah SWT. Kareno barakaik rahmat jo karunia Baliau, kito bisa malakukan aktivitas sahari-sahari. Ado nan ka parak, ado nan manggaleh dan ado pulo nan karajo di kantua. 

Namun Allah agiah nikmaik lain kapado kito basamo, yaitu nikmaik kaimanan, sahinggo tagarak hati kito untuak mamanuahi panggilan Alllah untuak manunaikan ibadah Jumaik sacaro bajamaah. Tantangan  pado itu kaum muslimin, marilah kito basamo-samo basyukur mangucapkan alhamdulillahirabbil’alamiin, sagalo puji hanyo untuak Allah SWT.

Kamudian dari pado itu kaum muslimin, shalawaik barangkaikan salam, marilah sanantiaso kito basalawaik kapado junjungan alam, yaitu Nabi Muhammad SAW. Allaahumma shalli ‘alaa sayyidina Muhammad wa ‘ala aali sayyidinaa Muhammad. Kito samo-samo baharap dangan salawaik nan salalu mambasahi lidah jo bibia kito, mudah-mudahan kito dinobaikkan sabagai umaik nan barhak mandapek syafaat baliau di yaumil qiyamah nanti.

Hhatib indak akan bosan-bosan mangajak kaum muslimin dan kaum muslimat, tarutamo kapado diri khatib pribadi, untuak sanantiaso maningkekkan katakwaan kito kapado Allah SWT. Yaitu dengan caro mangarajokan sagalo parintah dari Allah SWT dan maninggalkan sagalo bantuak larangan Baliau. 

Kaum muslimin wal muslimat sidang jamaah Jumaik nan dimuliakan dek Allah SWT

Indak lamo lai, kito akan masuak kapado tahun politik. Tahun dimano dikenal sabagai pesta demokrasi untuak bangso Indonesia. Kareno pado tahun itu kito akan dibarikan hak suaro untuak mamiliah wakil rakyaik dan presiden jo wakilnyo nan ka manjadi panyambuang aspirasi kito di ranah pemerintahan. Tantu pesta demokrasi ko mesti manjadi salah satu momen nan indak buliah kito lewatkan bagitu sajo.

Hal nan indak bisa lapeh dari momentum pamiliahan umum adolah maso kampanye. Pado maso kampanye para calon legislatif sarato capres jo cawapres dibarikan kesempatan untuak manyampaikan visi misinyo dan mangajak masyarakaik untuak mamiliahnyo sabagai wakil rakyaik. Dalam proses kampanye, iko biasonyo indak hanyo malibaikkan para calon, namun juo malibaikkan para masyarakaik nan ikuik sato sabagai tim sukses paro kandidat. 

Bacamin kapado tahun sabalumnyo, mako kito akan mancaliak banyaknyo caci maki dan dan kato-kato kasa nan bisa mamicu konflik dan pasalisiahan antaro masyarakaik. Masiang-masiang pandukuang akan manonjolkan urang nan nyo dukuang sarato manjatuahkan urang nan jadi lawan politiknyo dengan babagai caro, diantaronyo adolah jo mamfitnah, caci maki dan manyebarkan barita hoak.

Kaum muslimin sidang jamaah Jumaik nan dirahmati Allah Swt

Sabagai umaik Islam, kito harus manjadi masyarakaik nan bisa manjadi contoh untuak pemilu nan damai dan baakhlak. Sabab, umaik Islam diajarkan untuak manjago lisan dari kato-kato kasa dan kumuah. Hal iko tabukti bagaimano Nabi Saw diutuih kapado umaiknyo dalam rangko mampajuangkan akhlak nan mulia. Rasulullah Saw basabda:

إنما بُعثتُ لأتمم مكارم الأخلاق

Artinyo, “Sasungguahnyo Ambo diutuih (dek Allah) untuak manyamparonokan akhlak nan mulia.” (HR. Ahmad)

Oleh karno itu, Nabi Muhammad Saw marupokan figur pantiang di dalam kahidupan awak, baiak itu dalam pakaro dunia maupun akhiraik. Allah Swt alah manjalehkan di dalam al-Quran bahwasonyo di dalam diri Rasulullah Saw ado contoh nan elok nan masti kito tiru dalam manjalani iduik. Allah Swt bafirman:

لَّقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا

Artinyo, “Sungguh di dalam diri Rasulullah Saw tadapek contoh tauladan nan baiak untuak urang nan baharok kapado Allah dan hari akhir dan banyak mangingek Allah Swt.” (al-Ahzab: 21)

Kaum muslimin sidang jamaah Jumaik nan dimuliakan dek Allah Swt

Akhlak nan mulia indak hanyo dicontohkan dek Nabi Saw kapado sasamo umaik Islam. Namun tauladan nan elok juo ditunjuakkan dek Nabi Saw kapado musuahnyo surang dalam suatu pataruangan. Walaupun urang kapia sangaik mamusuahi Nabi Saw, namun Nabi Saw indak pernah manaruah raso dandam saketekpun kapado mereka. Namun baliau mangamukokan sipaik pamaaf kapado sado urang. Hal iko sasuai sabdanyo barikuik:

وَمَا زَادَ اللهُ عَبْدًا بِعَفْوٍ إِلاَّ عِزًّا

Artinya: “Dan tidaklah Allah menambah kepada seorang hamba yang pemaaf kecuali kemuliaan." (HR Muslim)

Labiah dari pado itu, Nabi Saw alah mambarikan contoh bagaimano akhlak nan harus dilakukan katiko bahadapan jo urang nan balawan jo baliau. Hal iko sabagaimano dicaritokan dalam sajarah katiko Nabi Saw bahadapan jo urang Thaif nan banci ka baliau. Pado waktu itu Malaikaik lah maminta kapado Nabi untuak maminta mereka mahancuakan panduduak Thaif nan alah malempari Nabi jo batu jo cirik taranak. Namun Nabi Muhammad Saw samo sakali indak satuju jo usulan itu, dan indak namuah mangutuak mereka jo kato-kato kasa. 

Justru wakatu itu Nabi Saw malah maangkek tangannyo dan mandoakan panduduak Thaif itu. Kamudian Nabi Saw bakato sarayo badoa:

إِنَّ اللهَ لَمْ يَبْعَثْنِي طَعَّانًا وَلَا لَعَّانًا وَلَكِنْ بَعَثَنِيْ دَاعِيًا وَرَحْمَةً، اللهم اهْدِ قَوْمِيْ فَإِنَّهُمْ لَا يَعْلَمُوْنَ

Artinyo, “Sasungguahnyo Allah indak mangutusku manjadi tukang hancuaan dan indak pulo tukang laknaik. Namun Baliau mangutusku untuak mangajak dan mambari rahmat. Ya Allah barikanlah hidayah kapado kaum ambo, sasungguahnyo mereka itu indak tau.” (HR. al-Baihaqi)

Kaum muslimin sidang jamaah Jumaik nan dimuliakan dek Allah Swt

Dari fakta di ateh, mako kito bisa pahami bahwa Nabi Saw sanantiaso manjadi sosok ramah walaupun itu ka urang nan mambancinyo. Harusnyo iko bisa manjadi pukulan dek awak basamo nan babeda di dalam piliahan politik. Nabi Muhammad sajo, nan alah dibae jo batu dek urang, masih nio basikap ramah. Lalu baa dengan kito nan babeda piliahan malah mangujar kabancian jo caci maki.

Padahal Rasulullah Saw alah manjalehkan kalau muslim itu dilarang bakato kasa, dilarang untuak manyakiti urang lain baiak jo lidah maupun jo parangai. Rasulullah Saw basabda:

المُسْلِمُ مَنْ سَلِمَ المُسْلِمُونَ مِنْ لِسَانِهِ وَيَدِهِ

Artinyo, “urang muslim nan sajati itu adolah urang nan bisa salamaik muslim nan lain dari lidah jo tangannyo.” (HR. Bukhari)

Imam al-Qasthalani mambarikan panjalehan takaik hadis iko di dalam kitabnyo Irsyad as-Sari Syarah Sahih Bukhari. Manuruiknyo, dalam hadis ko urang muslim sajati tu indak hanyo manjago lisa jo parangainyo dari urang muslim sajo, tapi juo manjago dari manyakiti urang non muslim. Barikuik surahan baliau:

وكذا المسلمات وأهل الذمة إلا في حد أو تعزير أو تأديب

Artinyo, “Dan baitu pulo (salamaik muslim nan lain) balaku kapado non muslim dan kafir zimmi, kecuali dalam pakaro had, ta’zir dan bab mandidik.” [al-Qasthalani, Irsyad as-Sari Syarah Sahih Bukhari, (Mesir, al-Mathba’ah al-Kubra al-Amiriyah, 1323 H), jilid. 1, halaman 94].

Kaum muslimin sidang jamaah Jumaik nan dimuliakan dek Allah Swt.

Di akhia katubah iko, khatib ingin sakali maingekkan kapado kaum muslimin untuak sanantiaso mangadepankan akhlak nan mulia di dalam manyambuik tahun politik. Kito masti baraja dari akhlak Rasulullah Saw nan sangaik ramah kapado siapopun. Sadangkan Nabi Saw bisa basikap lambuik ka urang nann jadi musuahnyo, kanapo indak dengan kito nan hanyo bahadapan jo dunsanak kito juo walau babeda pandangan politik? 

Damikianlah khutbah kito pado saat kini, mudah-mudahan iko bisa manjadi bahan ranuangan dek kito basamo. Mudah-mudahan di pemilu di 2024 mandatang bangso kito sanantiaso dijago dari partikaian dengan sanantiaso mangadepankan sikap ramah jo lamah lambuik antar satu samo lain.  Aamiin Yaa Rabbal ‘aalamiin.

بَارَكَ اللهُ لِي وَلَكُمْ فِي الْقُرْآنِ الْعَظِيْمِ وَنَفَعَنِي وَاِيِّاكُمْ بما فيه مِنَ الآيَاتِ وَالذِّكْرِ الْحَكِيْمِ. وَتَقَبَّلْ مِنِّيْ وَمِنْكُمْ تِلاوَتَهُ اِنّهُ هُوَ السَّمِيْعُ اْلعَلِيْمُ.. فَاسْتَغْفِرُوْا اِنَّهُ هُوَ اْلغَفُوْرُ الرَّحِيْمُ

Khutbah II 

اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا أَمَّا بَعْدُ. فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.
 اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ .
 اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءِ مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيّن وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَأَعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتَن وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ.
 رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ.
 عِبَادَاللهِ ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرُ

Abdul Kamil, Pegiat kajian tafsir dan hadits, tinggal di Jakarta