Khutbah Jumat Bahasa Sunda: Nunjukkeun Bukti Kaimanan Diri 

Rasulullah ﷺ melalui sabdanya telah mengabarkan bahwa keimanan itu memiliki banyak cabang atau bukti. Adapun bukti yang tertinggi dari keimanan adalah kalimah thayyibah: Lailahaillallah, sedangkan bukti yang terendah adalah menyingkirkan gangguan di jalan. 

 

Khutbah Jumat Sunda kali ini berjudul, “Khutbah Jumat Bahasa Sunda: Nunjukkeun Bukti Kaimanan Diri.” Untuk mencetak silahkan klik fitur download warna merah (pada tampilan desktop) di bagian atas naskah khutbah ini. Semoga bermanfaat!        

 

Khutbah I

 

إِنّ الْحَمْدَ لِلّٰهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَمِن سَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْ فَلَا هَادِيَ لَهُ، أَشْهَدُ أَنْ لَا إِلٰهَ إِلَّا اللهُ وَأَشْهَدُ أَنَّ مُحَمّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلى آلِهِ  وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن، 

 

أَمَّا بَعْدُ ، فَيَا أَيُّهَا الْحَاضِرُوْنَ، أُوْصِيْكُمْ وَنَفْسِي بِتَقْوَى اللهِ فَقَدْ فَازَ الْمُتَّقُوْنَ، قَالَ اللهُ تَعَالَى فِي الْقُرْآنِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ ، بِسْمِ اللهِ الرَّحْمَنِ الرَّحِيْمِ، فَمَنْ يَعْمَلْ مِثْقَالَ ذَرَّةٍ خَيْرًا يَرَهُ ، وَمَنْ يَعْمَلْ مِثْقَالَ ذَرَّةٍ شَرًّا يَرَهُ، صَدَقَ اللهُ الْعَظِيْمُ 

 

Sidang Jum’ah anu dimulyakeun ku Alloh

 

Kanjeng Rosul ﷺ parantos nguningakeun ka urang sadayana yen kaimanan teh gaduh tujuh puluh bukti langkung. Bukti anu pang luhurna nyaeta kalimah thayyibah, Lâilâhaillallâh, sedengkan bukti anu pang handapna nyaeta nyingkirkeun cucuk di jalan. Hal ieu saluyu sareng salah sawios dawuhannana:  

 

الْإِيمَانُ بِضْعٌ وَسَبْعُونَ، أَوْ بِضْعٌ وَسِتُّونَ شُعْبَةً، فَأَفْضَلُهَا قَوْلُ : لَا إِلَهَ إِلَّا اللَّهُ، وَأَدْنَاهَا إِمَاطَةُ الْأَذَى عَنِ الطَّرِيقِ

 

Hartosna, “Kaimanan teh aya tujuh atanapi genep puluh cabang langkung. Anu pang utamana nyaeta ucapan Lâ ilâha illallâh, oge anu pang handapna nyaeta nyingkirkeun gangguan di jalan,” (HR. Al-Bukhari-Muslim).  

 

Patali sareng bukti kaimanan anu pang handapna, Kangjeng Rosul ﷺ parantos nyarioskeun, aya hiji pameget anu dilebetkeun ka surga ku Alloh ku sabab nyingkirkeun dahan kayu cucukan di jalan anu sok dilangkungan ku jalma jalma seueur.   

 

Hadits anu nyarioskeunnana nyaeta:   

 

مَرَّ رَجُلٌ بِغُصْنِ شَجَرَةٍ عَلَى ظَهْرِ طَرِيقٍ، فَقَالَ: وَاللهِ لَأُنَحِّيَنَّ هَذَا عَنِ الْمُسْلِمِينَ لَا يُؤْذِيهِمْ فَأُدْخِلَ الْجَنَّةَ

 

Hartosna, “Dicarioskeun aya hiji pameget anu ngalangkungan dahan tangkal di tengah jalan. Anjeuna teras sasauran, ‘Demi Allah, kaula bakal nyingkirkeun ieu dahan supaya teu ngahalangan jalma-jalma Muslim.’ Berkat eta amal, anjeunna dilebetkeun ka surga,” (HR. Muslim). 

 

Sidang Jum’ah anu dimulyakeun ku Alloh 

Ngalangkungan hadits anu neme, urang sadayana uninga yen eta pameget teh tos midamel hiji amal sanaos alit, tapi berkat eta amal, anjeunna dibales ku Alloh ku balesan anu ageung tur istimewa. Kalintang ageung sareng jembarna rohmat kurnia Alloh. Pantesan Kangjeng Rosul ngemutan, “Singkirkeun cucuk ti jalan jalma-jalma Muslim.” Kitu sakumaha pidawuhna dina riwayat Muslim.  

 

Nanging sagigireun ti eta, Kangjeng Rosul ngemutan urang sadayana supados ulah nganganggu sumawona lamun nyilakakeun sasama muslim, sakumaha dawuhannana: 

 

مَنْ ضَارَّ ، ضَارَّ اللّٰهُ بِهِ، وَمَنْ شَاقَّ ، شَقَّ اللّٰهُ عَلَيْهِ

 

Hartosna, “Sing saha jalma anu ngabahayakeun (jalma sejen), maka Alloh bakal nimpakeun bahaya ka manehna. Oge sing saha jalma anu ngabeuratkeun jalma sejen, maka Alloh bakal nimpakeun kasusahan ka manehna,” (HR. Abu Dawud).  

 

Oge masih sueuer deui kisah oge riwayat anu sarupi anu nyirioskeun perkawis ieu, sapertos kisah anu dialaman ku Sahabat Umar bin Khathab anu kenging ridho Alloh ku sabab ngaleupaskeun manuk anu dicepeng ku budak leutik. 

 

Salajengna, aya carios Imam Al-Ghazali anu ngengingkeun ridho Alloh ku sabab ngarasa nyaah kana laleur anu nginum tinta anu bade dianggo nyerat. Malahan, aya oge lalakon hiji istri tukang serong anu kenging panghampura Alloh ku sabab amalna masihan cai nginum ka anjing anu keur hanaang. Oge masih seueur pisan lalakon sanesna. 

 

Intina, sadayana nunjukkeun kalintang mulyana jalmi Muslim anu mengamalkan kasaean salami didadasaran ku kaimanan ka Alloh. Sahingga tos sepantesna, urang sadayana nyebar kasaean sanajan alit jeung teu sapira. Sing emut yen sakumaha alitna amal kasaean, bakal katingal jaga di payuneun Alloh, sakumaha eusi dina suroh az-Zalzalah ayat 7-8.   

 

فَمَنْ يَعْمَلْ مِثْقَالَ ذَرَّةٍ خَيْرًا يَرَهُ ، وَمَنْ يَعْمَلْ مِثْقَالَ ذَرَّةٍ شَرًّا يَرَهُ

 

Hartosna, “Sing saha jalma anu midamel kasaean sanajan sagede siki sasawi, maka manehna jaga bakal ningal eta kasaean. Nyakitu, jalmi anu midamel kaawonan, sanajan sagede siki sasawi, maka anjeunna bakal ningal eta kaawonan.” 

 

Cindekna, tibatan ngaganggu sareng nyusahkeun batur, urang kedah ngagampangkeun urusan batur. Jeung tibatan ngotoran jalan jalan, sahadena urang ngajaga kabersihan. Sabab, eta pisan anu diajarkeun ku Kangjeng Rosul ﷺ. 

 

Sidang Jumah anu dimulyakeun ku Alloh

Tina bahasan hadits di luhur, ku urang tiasa ditarik kasimpulan sareng sababaraha atikan anu sae keur urang, di antarana: 

 

1. Bukti keimanan pang luhurna teh nyaeta ngucapkeun kalimah tauhid Lailahaillallah, sedengkeun bukti pang ringanna nyaeta nyingkirkeun cucuk di jalan.    
2. Kalintang ageungna keutamaan amal hade sanajan ngan ukur nyingkirkeun cucuk atanapi runtah di jalan.  
3. Kalintang jembarna rohmat Alloh oge kalintang agungna balasen Mantenna. Mantenna teu kagok maparin balesan surga ka hamba-Na anu takwa tur getol migawe kasaean. Sanajan eta kasaean teh alit jeung teu pira.   
4. Hanjakalna, masih seueur jalma di sakuriling urang anu kurang riksa kana kabersihan jalan. Malahan, aya nu sangeunahna miceun runtah ka jalan.  
5. Tatangkalan anu ngaganggu tiasa dituar, dipangkas, atanapi dirapihkeun. Sementawis tangkal anu mere mangfaat, seperti tangkal anu jadi pangiuh atanapi pamantes jalan, kedah dijaga. 
6. Teu meunang sawenang-wenang kana alam jeung tutuwuhan. Sabab, dampak gorengna bakal balik deui ka urang, saperti longsor, banjir, sareng hese cai bersih nalika usum halodo.  
7. Ulah rek nyapirakeun amal kahadean, sanajan leutik, bade ka sasama muslim, papada manusa, atanapi makhluk.  Sebab, Alloh teu ningal leutikna amal tapi ningal dasar kaimanannana. 
8. Karidhoan Alloh teh dirusiahkeun. Bisa wae amal leutik ngondang kasiridhoan Alloh. Langkung jelasnya, tiasa ditingal kitab Nashoihul Ibad, kagungan Syekh Nawawi, kaca 39.  

 

Sakitu khutbah dina waktos ieu. Mugia urang sadayana dipaparin kakiatan iman kalayan tiasa ngabuktikeunana ngalangkungan amal-amal kasaean. Amin ya robbal alamin. 

 

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمُ 

Khutbah II

 

اَلْحَمْدُ لِلّٰهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لَا إِلٰهَ إِلَّا اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلٰى آلِهِ وَأَصْحَابِهِ أَجْمَعِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ، إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا، اَللَّهُمَّ صَلِّ وَسَلِّمْ عَلَى سَيِّدَنَا وَمَوْلَانَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ اَلاَحْيَاءِ مِنْهُمْ وَالْاَمْوَاتْ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ،  اللَّهُمَّ إِنَّا نَعُوذُ بِكَ مِنْ عَذَابِ جَهَنَّمَ وَنَعُوذُ بِكَ مِنْ عَذَابِ الْقَبْرِ وَنَعُوذُ بِكَ مِنْ فِتْنَةِ الْمَسِيحِ الدَّجَّالِ وَنَعُوذُ بِكَ مِنْ فِتْنَةِ الْمَحْيَا وَالْمَمَاتِ، اللَّهُمَّ إِنَّا نَعُوذُ بِكَ مِنْ الْهَمِّ وَالْحَزَنِ وَنَعُوذُ بِكَ مِنْ الْعَجْزِ وَالْكَسَلِ وَ نَعُوذُ بِكَ مِنْ الْجُبْنِ وَالْبُخْلِ وَنَعُوذُ بِكَ مِنْ غَلَبَةِ الدَّيْنِ وَقَهْرِ الرِّجَالِ ، رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا، رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

 

إِنَّ اللهَ يَأْمُرُ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ، فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

M Tatam Wijaya, Penyuluh dan Petugas KUA Sukanagara-Cianjur, Jawa Barat.