Khutbah Jumat Bahasa Sunda: Opat Perkara nu Ditaros di Akherat

Setiap mukmin pasti mendambakan keselamatan di akhirat. Namun, seberapa besar keberhasilan atas keselamatan itu? Salah satunya ditentukan oleh seberapa mampu ia menjawab pertanyaan-pertanyaan persidangan di hadapan Allah. Lantas pertanyaan perihal apa saja yang akan ia hadapi? Rasulullah saw. dalam haditsnya sudah memberikan gambaran pertanyaan-pertanyannya.

Maka khutbah Jumat bahasa Sunda ini berjudul, “Opat Perkara nu Ditaros di Akherat.” Di dalamnya diuraikan, kisi-kisi pertanyaan yang akan dihadapi setiap manusia kelak sebelum melangkah menuju tahapan berikutnya. Untuk mencetak, silakan klik fitur download berwarna merah di desktop pada bagian atas naskah khutbah ini. Semoga bermanfaat!  
     
 
Khutbah I

اَلْحَمْدُ لِلّٰهِ الْمُنْعِمِ عَلَى مَنْ أَطَاعَهُ وَاتَّبَعَ رِضَاهُ، الْمُنْتَقِمِ مِمَّنْ خَالَفَهُ وَعَصَاهُ، أَشْهَدُ أَنْ لَآ إِلٰهَ إِلَّا اللهُ وَحْدَهُ لاَشَرِيْكَ لَهُ شَهَادَةَ عَبْدٍ لَمْ يَخْشَ إِلاَّ اللهَ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِي اخْتَارَهُ اللهُ وَاصْطَفَاهُ. اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ وَمَنْ وَالاَهُ

 أَيُّهَا النَّاسُ، اِتَّقُوا اللهَ ، وَتَفَكَّرُوْا فِي نِعَمِ رَبِّكُمْ وَاشْكُرُوْهُ، وَاذْكُرُوا آلَاءَ اللهِ وَتَحَدَّثُوا بِفَضْلِهِ وَلَا تَكْفُرُوْهُ، قَالَ اللهُ تَعَالَى فِي الْقُرْآنِ الْعَظِيْمِ وَهُوَ أَصْدَقُ الْقَائِلِيْنَ، أَعُوْذُ بِاللهِ مِنَ الشَّيْطَانِ الرَّجِيْمِ، إِنَّ إِلَيْنا إِيَابَهُمْ، ثُمَّ إِنَّ عَلَيْنَا ‌حِسَابَهُمْ، وَقَالَ ثُمَّ لَتُسۡـَٔلُنَّ يَوۡمَئِذٍ عَنِ ٱلنَّعِيمِ. صَدَقَ اللهُ الْعَظِيْمُ 

Maasyirol Muslimin, Sidang Jumah Rohimakumulloh 

Puji sinareng syukur hayu urang sami-sami panjatkeun ka Alloh Robbun Gofur, Dzat anu maha welas asih, ngatur tur ngarezekian sadaya makhluk, kalebet urang sadayana, sahingga dina siang anu berkah ieu, urang kenging kasempetan berjamaah dina raraga ngalaksanakeun ibadah Jumah. Mugia wae amaliah urang dina danget ieu sing kalebet amal ibadah anu kenging ridho Mantenna. Amin ya robbal alamin.   

Sholawat sareng salam anu utami mugia tetep ka pang afdol-afdolna nabi, nyaeta Kangjeng Nabi Muhammad saw. anu diutus janten rohmat ka sadaya alam, miwah ka kulawargina, para sahabatna, para tabiin sareng tabiatna, dugika urang sadayana anu sapapaosna miharep syafaatna di yaomil jaza. 

Teu hilap, ngalangkungan mimbar anu mulya ieu, khotib ngahaturkeun kagegelan wasiat takwa, khusus ka diri khotib pribadi, umum ka sadayana ahli Jumah. Malah mandar sapaosna urang tiasa napak dina jalan kahadean keur ngahontal kasalametan, dunya rawuh akherat. Amin ya robbal alamin.        

Sidang Jumah Rohimakumulloh 

Urang sadayana tangtos miharep kasalametan di akherat. Nanging, naha urang atos saleres-leresna ngusahakeun keur ngahontal eta kasalematan di alam dunya anu nuju dialaman ieu? Di antara usaha anu kedah ku urang dilakonan teh nyaeta nyiapkan jawaban kango pertarosan anu bakal diajengkeun ka urang jaga. 

Tah kajadian balikna urang ka akherat, tegesna ka Alloh, sareng mayunan akibat tur pamariksaan di payuneun Alloh teh parantos jelas diuningakeun ku Al-Quran, sakumaha dina ayat: 

أَعُوْذُ بِاللهِ مِنَ الشَّيْطَانِ الرَّجِيْمِ، إِنَّ إِلَيْنا إِيَابَهُمْ ، ثُمَّ إِنَّ عَلَيْنا ‌حِسَابَهُمْ

Hartosna, “Saenya-enyana, ka Kaula maranehna bakal balik, teras saenya-enyana (kawajiban) Kaula ngadamel perhitungan keur maranehna,” (QS. Al-Ghasyiyah [88]: 24-25). Kitu sakumaha anu ditetelakeun dina kitab Tafsir Muqatil bin Sulaiman, Cetakan daru Ihyait-Turats, Beirut, taun 2022, jilid 4, kaca 675.  

Sidang Jumah anu mulya

Pertarosanna, perkawis naon wae anu kedah ku urang dipersiapkeun jaga dina poe kiamah? Dina leresan ieu, Kangjeng Rosul parantsos maparin gambaran kango urang, yen aya opat pertarosan utama anu bakal disodorkeun ka urang teh. Sahingga dampal sampean urang moal tiasa ngejat atanapi ngalangkah sateuacan lulus ngawaler opat pertarosan anu eta. Kitu sakumaha dawuhan nabi urang sadayana:  

لَا تَزُولُ ‌قَدَمَا ‌عَبْدٍ يَوْمَ الْقِيَامَةِ، حَتَّى يُسْأَلَ 

Hartosna, “Moal waka ngeser dua dampal sampean hiji abdi dina poe kiamah dugika eta abdi teh ditaros,”  (HR. At-Tirmidzi).  

Eta opat pertarosanna teh nyaeta, nu kahiji: 

عَنْ عُمْرِهِ فِيمَا أَفْنَاهُ 

“Perkawis umurna, diseepkeun kana naon eta umurna?” 

Janten jelas tur atra, yen umur anu diamanatkeun ku Alloh ka urang teh kedah ditangelwalerkeun dina poe kiamah. Naha urang atos sadar dugika palebah dinya? Sedengkeun tos sabaraha puluh tahun yuswa urang ayeuna? Mungkin aya anu 30 taun, aya anu 40 taun, malihan aya nu tos 60 taun? Naha dianggo naon eta yuswa ku urang? Naha seueuer dianggo taat, naha seueur dianggo masiat? Naha seueur dianggo eling ka Alloh, naha seueur di anggo poho ka Alloh? 

Bade kumaha waleran urang jaga nalika yuswa urang seueur dianggo doraka ka Alloh? Rupina mah ku hiji pertarosan eta wae urang tos bingung. Kumaha bade mayunan pertarosan sanesna. Ku hal sakitu, jamaah sadayana, hayu ti kawit ayeuna sesa yuswa anu aya ku urang anggo toat ka Alloh, dianggo nyeueurkeun kasaean, sakaligus meungpeung masih aya kasempetan, urang tobat kana dosa anu tos kaliwat. Mugia aya dina hampura Mantennna. Langkung paosna, sumangga titenan kitab Faidhul-Qadir kagungan Syekh Abdur-Rouf Al-Manawi, Cetakan Maktabah At-Tijariyah Al-Kubro, Mesir, jilid ka-5, kaca 352. 

Sidang Jumah anu mulya 

Pertarosan anu kadua nyaeta: 

عَنْ عِلْمِهِ مَا فَعَلَ بِهِ

“Perkawis elmuna, naon anu tos dipidamel ku elmuna?” 

Janten geuning elmu urang teh kedah ditangelwalerkeun di payuneun Alloh dina poe kiamah. Nu matak bagea keur jalma anu ngagaduhan elmu tur diamalkeun elmuna. Naon pangna kedah diamalkeun, supados ringan ngawaler pertarosan jaga dina poe kiamah. Sabalikna, cilaka jalmi anu ngagaduhan elmu, nanging padamelannana teu acan saluyu sareng nu dipika hoyong ku elmu. Tah eta pisan anu matak ngondang bebendu Alloh, sakumaha anu diuningakeun dina Al-Quran: 

كَبُرَ مَقْتًا عِنْدَ اللّٰهِ اَنْ تَقُوْلُوْا مَا لَا تَفْعَلُوْنَ

Hartosna, “Kalintang ageungna bebendu mungguh Allah nyaeta anjeun ngucapkeun perkara (elmu) anu teu acan dipidamel ku anjeun,” (QS. Ash-Shaff [61]: 3).
Nu matak, urang kudah janten ahli elmu, sabab kitu amanat Kangjeng Rosul dina dawuhannana. 

‌كُنْ ‌عَالِمًا أَوْ مُتَعَلِّمًا أَوْ مُحِبًّا أَوْ مُتَّبَعًا ، وَلَا تَكُنِ الْخَامِسَ فَتَهْلِكَ 

Hartsona, “Anjeun kedah janten jalmi alim, atanapi anu nungtut elmu, atanapi anu mikacinta kana elmu, atanapi anu nurutkeun kana elmu. Nanging ulah janten anu kalima, maka anjeun cilaka,”  (HR. al-Baihaqi). 

Saatos janten ahli elmu, maka kedah midamel amal sae nganggo eta elmu. Supados urang hampang-himping mayunan pertarosan di akherat. 

Jamaah Jumah anu dimulyakeun ku Alloh

Pertarosan anu katilu nyaeta: 

عَنْ مَالِهِ مِنْ أَيْنَ اكْتَسَبَهُ، وَفِيمَا أَنْفَقَهُ

“Perkawis hartana,  ti mana eta harta dikeningkeun, sareng dikana naonkeun eta harta diifakkeun?”

Masya Alloh, urang baris mayunan pertarosan perkawis harta urang anu kalintang beuratna. Beurat margi pertarosnana oge sanes sarupi, tapi dua pertarosan sakaligus, tapi timana harta urang dikengingkeun, sareng diinfakkeun kana naon? Hal ieu tangtos emutaneun kango urang waktos ayeuna, naha harta urang teh dikengingkeun ngalangkungan jalan anu halal atanapi nu teu halal? Saatos urang kenging harta, naha tos dianggo dina jalan anu dipakiridho ku Alloh atanapi teu acan. 

Pantes Alloh ngemutan urang sadayana, yen satiap harta, oge satiap ni’mat anu dipaparinkeun ka urang, eta teh bakal ditaroskeun jaga dina yaomil akhir.  

ثُمَّ لَتُسۡـَٔلُنَّ يَوۡمَئِذٍ عَنِ ٱلنَّعِيمِ

Hartosna, “Saterasna, anjeun sabener-benerna bakal ditanya dina poe eta perkawis kani’matan (anu megah di dunia tea),” (QS. At-Takatsur [102]: 8). 

Jamaah Jumah sadayana, pertarosan terakhir kanggo urang dina poe kiamah teh nyaeta: 

عَنْ جِسْمِهِ، فِيمَا أَبْلَاهُ

“Perkawis awakna, kana naon eta awakna diruksakkkeun?”

Ieu oge pertarosan beurat kanggo urang. Kadang mah urang teu sadar, yen badan anu diamanatkeun ka urang ieu teh bakal disu’al. Badan anu dipasrahkeun ka urang ti kawit gubrag ka alam dunya, utamana ti kawit akil balig, kedah ditangel-walerkeun di payuneun Gusti Alloh. 

Matak hayu geura persiapkeun ku urang kango piwalereunnana, matak geura mangfaatkeun ieu awak urang kana jalan Alloh, geura mangfaatkeun ieu sesa yuswa urang, geura amalkeun elmu urang, geura tasoruf-keun harta urang kana jalan nu dipika ridho ku Alloh, supados urang hampang-himping mayunan hisaban Alloh dina poe kiamah. Mugia Alloh ngahisab urang sadayana kalayan hisaban anu saringan-ringanna. 

رَبِّ حَاسِبْنِي حِسَابًا يَسِيْرًا، بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمُ

Khutbah II

اَلْحَمْدُ لِلّٰهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لَآ إِلَهَ إِلَّا اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اللّٰهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا، اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ أَجْمَعِيْنَ  

اللّٰهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتْ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ، اَللَّهُمَّ يَا مُيَسِّرَ كُلِّ عَسِيْرٍ، وَيَا جَابِرَ كُلِّ كَسِيْرٍ، وَيَا صَاحِبَ كُلِّ فَرِيْدٍ، وَيَا مُغْنِيَ كُلِّ فَقِيْرٍ، وَيَا مُقَوِّيَ كُلِّ ضَعِيْفٍ، وَيَا مَأْمَنَ كُلِّ مَخِيْفٍ، يَسِّرْ عَلَيْنَا كُلَّ عَسِيْرٍ، فَتَيْسِيْرُ الْعَسِيْرِ عَلَيْكَ يَسِيْرُ، حَاجَاتُنَا إِلَيْكَ كَثِيْرٌ، يَا مَنْ لَا يَحْتَاجُ إِلَّا الْبَيَانِ وَالتَّفْسِيْرِ،  أَنْتَ عَالِمٌ بِهَا وَبَصِيْرٌ، رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّار

عِبَادَ اللهِ، إِنَّ اللهَ يَأْمُرُكُمْ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

M. Tatam Wijaya, Penyuluh dan Petugas KUA Sukanagara-Cianjur, Jawa Barat.