Khutbah Jumat Bahasa Sunda: Opat Permata Mulya dina Diri Manusia 

Manusia adalah makhluk mulia. Namun, tak banyak yang tahu bahwa kemuliaan dirinya terletak pada empat hal, yaitu akal, agama, rasa malu dan amal saleh. Sehingga saking pentingnya empat hal itu, Rasulullah saw. sampai mengistilahkannya sebagai permata berharga yang ada pada diri manusia. 

 

Teks khutbah Jumat ini berjudul: "Khutbah Jumat Bahasa Sunda: "Opat Permata Mulya dina Diri Manusia". Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat! 

 

Khutbah I

 

 الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَمِن سَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ ، أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن، أمَّا بَعْدُ، فَيَاعِبَادَ الرَّحْمٰنِ، فَإنِّي أُوْصِيْكُمْ وَنَفْسِي بِتَقْوَى اللهِ المَنَّانِ، الْقَائِلِ فِي كِتَابِهِ الْقُرْآنِ: أَعُوْذُ بِاللهِ مِنَ الشَّيْطَانِ الرَّجِيْمِ ، يَاأَيّهَا الّذَيْنَ آمَنُوْا اتَّقُوا اللهَ حَقَّ تُقَاتِهِ وَلاَ تَمُوْتُنّ إِلَّا وَأَنْتُمْ مُسْلِمُوْنَ، وَقَالَ، وَلَقَدْ ‌كَرَّمْنا بَنِي آدَمَ وَحَمَلْناهُمْ فِي الْبَرِّ وَالْبَحْرِ وَرَزَقْناهُمْ مِنَ الطَّيِّباتِ وَفَضَّلْناهُمْ عَلى كَثِيرٍ مِمَّنْ خَلَقْنا تَفْضِيلاً ، صَدَقَ اللهُ الْعَظِيْمُ وَصَدَقَ رَسُوْلُهُ الْحَبِيْبُ الْكَرِيْمُ وَنَحْنُ عَلَى ذَلِكَ مِنَ الشَّاهِدِيْنَ وَالشَّاكِرِيْنَ وَالْحَمْدُ للهِ رَبِّ الْعَالَمِيْنَ  

 

Hadirin sidang Jumah anu mulya 
Puji kalih syukur hayu urang panjatkeun ka Alloh nu maha gofur. Alhamdulillah, berkat kucuran rohmat sareng inayah-Na, urang sadudulur masih dipaparin kasempetan tur rupi-rupi kani’matan, terutami ni’mat iman sareng Islam. Teu aya kajabi ni’mat kakiatan, sahingga dina ieu danget urang masih kapanggil ngalaksanakeun salah sawios parentah-Na, nyaeta ibadah jumah.  Mugia wae urang sadayana sapapaosna dipaparin kakiatan sareng hidayah kanggo istiqomah ngabakti ka Mantenna. Amiin ya robbal alamin. 
 

Solawat miwah salam mugia sing salawasna sing dikucurkeun ka Panutan Alam, ya’ne Habibana wa Nabiyyana Muhammad saw. anu mangrupikeun sosok istimewa taya papadana anu nganteurkeun urang sadayana kana jalan kaimanan miwah katakwaan. Solawat miwah salam oge mugia sing dikucurkeun ka kulawargina, ka para sahabatna, tabiin tabiat-na, dugika urang sadayana salaku umatna anu miharep diangken umatna kalayan jaga kenging syafaatna. Amiin ya robbal alamin.  

 

Hadirin anu mulya 

Salajengnya, ngalangkungan ieu minbar anu mulya, khotib seja ngadugikeun wasiat, khusus ka diri pribadi, umum ka sidang jumah sadayana, hayu urang sami-sami ningkatkeun kaimanan sareng katakwaan ka Gusti Alloh Robbul Izzati. 

 

Nanging tangtos, ningkatkeun kaimanan sareng katakwaan di zaman sapertos kieu, dimana godaan sareng tantangan datang ti ditu ti dieu, sanes perkara anu mudah. Tapi, sakirang-kirangna kaimanan anu tos aya kedah tiasa dijaga ulah dugika leupas. Urang kedah sing emut, yen teu aya deui musibah jeung karugian anu pang ageung-ageungna anging dina ngaleupaskeun nyawa alias maot ngarana, urang teu nyandak iman sareng Islam. Naudzu billlah.   

 

Sidang Jumah anu mulya 

Manusia teh makhluk Allah Swt anu diciptakeun dina wujud anu pang hadena, tur bentuk fisik pang endahna, sareng dipaparin perangkat lunak anu pang canggihna, nyaeta akal, pikiran, rasa, sareng karsa. 

 

Pantes Alloh parantos ngadawuh dina Al-Quran:  

 

وَلَقَدْ ‌كَرَّمْنا بَنِي آدَمَ وَحَمَلْناهُمْ فِي الْبَرِّ وَالْبَحْرِ وَرَزَقْناهُمْ مِنَ الطَّيِّباتِ وَفَضَّلْناهُمْ عَلى كَثِيرٍ مِمَّنْ خَلَقْنا تَفْضِيلاً

 

“Temen-temen tos ngamulyakeun Kaula ka turunan Adam, sareng Kaula tos nyandak maranehna di daratan tur di lautan, sareng Kaula tos maparin rezeki ka maranehna tina perkara-perkara anu hade, sareng Kaula tos ngaunggulkeun maranehna di sadaya makhluk anu diciptakeun ku Kaula kalayan pirang-pirang kaunggulan,” (QS. Al-Isro [17]: 70). 
 
 

Manusa oge beda jeung makhluk anu sejenna. Buktina, malaikat ukur dibekelan akal hente dipasihan syahwat sareng nafsu. Hewan ukur dibekelan syahwat sahingga hirupna terus nuturkeun kahayang jeung kabutuh awakna, saperti barang dahar, nginum, sare, kawin, jeung nyumponan kahayang jasmaniah sejenna. Samentara setan ukur dibekelan hawa nafsu sahingga sapanjang hirupna ingkar kana ni’mat Pangerannana.    

 

Sedengkeun manusa mah diciptakeun lengkep kalayan akal, syahwat, sareng hawa nafsu. Akibatna, hirupna langkung dinamis, sabab berjuang dina tarikan tiluannana. Sahingga manusia dina kataatannana bisa leuwih ti malaikat mulyana, dina ngalajur kahayang jasmanina bisa leuwih ti hewan, tuluy dina ingkarna bisa leuwih ti setan.

 

Sidang Jumah anu mulya

Salaku makhluk ciptaan Alloh anu pang hadena, manusia dipaparin opat perkara mulya dina dirina. Opat perkara mulya eta disebatkeun ku Kangjeng Rosul dina hadisna, sakumaha anu dikutip ku Imam al-Ghazali dina Ihya’ Ulumiddin.

 

 قَالَ رَسُوْلُ اللهِ صلى الله عليه وسلم أَرْبَعَةُ جَوَهِرَ فِيْ جِسْمِ بَنِيْ اَدَمَ يُزَلُهَا اَرْبَعَةُ أَشْيَاءَ اَمَّا الْجَوَاهِرُ فَالْعَقْلُ وَالدِّيْنُ وَالْحَيَاءُ وَالْعَمَلُ الْصَّالِحُ

 

Rasulullah saw. parantos ngadawuh, “Aya opat permata dina diri manusia anu bisa  leungit karana opat perkara. Opat permata eta nyaeta akal, agama, sifat era, sareng amal soleh.” 

 

Ari akal eta alat keur mahami jeung ngajalankeun agama. Teras agama eta rambu-rambu anu mere arah keur ka manusa, kaera eta kendali keur manusia, terakhir amal saleh nyaeta buah tina akal mahami agama kalayan kendali rasa era tadi. Akal jadi pamingpin dina awak manusia keur nganyahokeun mana anu hak jeung mana anu batil, mana anu pantes sarta mana anu teu pantes, jeung sajabana. Tah ta’rifan akal ieu teh sami pisan sareng anu didugikeun ku Syekh Ibnu Hajar al-Asyqalani dina kitab Nashaihul Ibad:

 

جَوْهَرٌ رُوْحَانِيٌّ خَلَقَهُ اللهُ تَعَالَى مُتَعَلَّقًا بِبَدْنِ الاِنْسَانِ يُعْرَفُ بِهِ الْحَقُّ وَالْبَاطِلُ 

“Ari akal teh eta permata ruhani damelan Alloh anu aya dina jasad manusia keur nganyahokeun perkara anu hak jeung batil.”

 

Sidang Jumah anu mulya 

Teras permata anu kadua dina diri manusia nyaeta agama. Tah eusina agama teh nyaeta aturan anu ngarahkan akal keur narima naon rupa hal anu hade, alus jeung pantes. Agama oge jadi padoman kumaha manusa ngajalankeun kahirupannana; kumaha ngendalikeun syahwat jeung nafsuna. Akal sehat bakal ngarahkan urang keur narima agama anu hanif (lempeng), agama anu mampu mere katenangan zohir jeung batin kalayan mampu ngalahirkeun sifat kendali nyaeta era tadi anu kadituna ngabuahkeun kana amal hade.   
 
 

Katiluna permata mulya dina diri manusia teh rasa era. Tah ieu sifat teh mangrupakeun sifat anu dikembangkeun ku agama keur ngendalikan perilaku manusa, anu bisa ngabedakeun urang jeung hewan. Ku sabab kitu, Ibnu Hajar al-Asqalani tos ngabagi sifat era ieu jadi dua, ya’ne haya’un nafsiyyun sareng haya’un imaniyyun. Haya’un nafsiyyun nyaeta rasa era anu dipasihkeun ku Allah ka satiap manusa, seperti rasa era ningalikeun aurat jeung sajabina. Sifat era anu ieu teu dibikeun ka hewan. 

 

Sementara haya’un imaniyyun nyaeta:

 

أَنْ يَمْنَعَ المُؤْمِنُ مِنْ فِعْلِ الْمَعَاصِي خَوْفًا مِنَ اللهِ

“Nalika hiji mu’min mampu nyegah dirina tina pagawean ma’siat ku sabab sieun ku Allah.” 

 

Tah sifat ieu ukur dipasihkeun ka jalma mu’min anu mampu ngagunakeun akalna keur mahami parentah sareng larangan Alloh. Ku hal sakitu, wajar pami Kangjeng Rosul kantos ngawasiatkeun ka para sahabatna:

 

اَلْحَيَاءُ مِنَ الْاِيْمَانِ

“Ari sifat era eta sabagian tina iman.”

 

Hartosna era migawe ma’siat, era ninggalkeun parintah agama, era teu migawe hade sareng sajabina.

 

Sidang Jumah anu mulya 

Permata anu terakhir anu dipimilik ku manusia nyaeta amal soleh, hartosna satiap perbuatan anu pantes jeung hade nurutkeun aturan agama. Lian ti eta, amal soleh teh nyaeta buah tina kamampuan akal mahami agama, ngajalankan parentah agama, sarta kamampuan urang ngendalikan kahayang syahwat jeung nafsu. Kadang loba jalma anu ngarti kana elmu agama, tapi teu ngendalikeun syahwat jeung hawa nafsuna, sahingga manehna teu ngabogaan kaera nu akhirna pagaweannana ukur nuturkeun kahayang nafsuna bahkan teu saeutik anu ngarugikan sasamana.  
 

 

Sidang Jumah anu mulya

Salajengna, Kangjeng Rosul parantos ngemutan urang sadaya kana bahaya anu bakal ngancam opat permata nu dipimilik ku manusa tadi.

 

فَالْغَضَبُ يُزِيْلُ الْعَقْلَ وَالْحَسَدُ يُزِيْلُ الدِّيْنَ وَالطَّمَعُ يُزِيْلُ الْحَيَاءَ وَالْغِيْبَةُ يُزِيْلُ الْعَمَلَ الصَّالِحَ 

“Ari nafsu amarah eta bisa ngahilangkeun akal, teras sifat hasud eta bisa ngahilangkan agama, teras sifat sarakah bisa ngahilangkeun sifat era, oge pagawean gibah eta bisa ngahilangkeun amal soleh.

 

Mugia wae urang sing dipaparin taufiq sareng hidayah kanggo ngamaksimalkeun peran akal kanggo mahami aturan agama sahingga ngabuahkeun amal soleh tur mampu ngajauhkeun sagala rupa padamelan anu nganafikeun sifat kaera. Amin ya robbal alamin. 

 

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ  

Khutbah II

 
اَلْحَمْدُ  ِللهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا .. وَصَلَّى الله عَلَى سَيِّدَنَا وَمَوْلَانَا مُحَمَّدٍ وَعَلَى آلِهِ وَصَحْبِهِ وَسَلَّمَ  

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِوَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتْ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتْ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ.  اللَّهُمَّ إِنَّا نَعُوذُ بِكَ مِنْ عَذَابِ جَهَنَّمَ وَنَعُوذُ بِكَ مِنْ عَذَابِ الْقَبْرِ وَنَعُوذُ بِكَ مِنْ فِتْنَةِ الْمَسِيحِ الدَّجَّالِ وَنَعُوذُ بِكَ مِنْ فِتْنَةِ الْمَحْيَا وَالْمَمَاتِ، اللَّهُمَّ إِنَّا نَعُوذُ بِكَ مِنْ الْهَمِّ وَالْحَزَنِ وَنَعُوذُ بِكَ مِنْ الْعَجْزِ وَالْكَسَلِ وَ نَعُوذُ بِكَ مِنْ الْجُبْنِ وَالْبُخْلِ وَنَعُوذُ بِكَ مِنْ غَلَبَةِ الدَّيْنِ وَقَهْرِ الرِّجَالِ ، رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

 

إِنَّ اللهَ يَأْمُرُكُمْ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

M Tatam Wijaya, Penyuluh dan Petugas KUA Sukanagara-Cianjur, Jawa Barat.