Khutbah Jumat Sunda: Ngaraketkeun Duduluran Dina Mangsa Lebaran             

Tak afdol rasanya jika pada momen lebaran Idul Fitri 1446 H ini kita tidak pulang kampung atau tidak berkunjung ke rumah orang tua, saudara, kerabat, kolega atau sahabat. Dengan demikian, lebaran menjadi kesempatan terbaik untuk  menyambung silaturahim, persahabatan, atau ikatan yang sudah lama terputus.   

 

Khutbah Jumat ini berjudul, “Khutbah Jumat Sunda: Ngaraketkeun Duduluran Dina Mangsa Lebaran”. Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat!

 

Khutbah I

 

اَلْحَمْدُ ِللهِ الّذِيْ خَلَقَ مِنَ الْمَاءِ بَشَرًا فَجَعَلَهُ نَسَبًا وَصِهْرًا، وَأَوْجَبَ صِلَةَ الْأَرْحَامِ وَأَعْظَمَ فِي ذَلِكَ أَجْرًا، وَأَشْهَدُ أَنْ لَا إِلٰهَ إِلّا اللهُ وَحْدَهُ لَا شَرِيْكَ لَهُ شَهَادَةً أَعَدَّهَا لِيَوْمِ الْقِيَامَةِ ذُخْرًا وَأَشْهَدُ أَنَّ مُحَمَّدًا عَبْدُهُ وَرَسُوْلُهُ أَعْظَمُ النَّاسِ قَدْرًا وَأَرْفَعُهُمْ ذِكْرًا ، اَللَّهُمَّ صَلِّ وَسَلِّمْ عَلَى سَيِّدِنَا مُحَمّدٍ وَعَلَى آلِهِ وَصَحْبِه ِوَسَلِّمْ تَسْلِيْمًا 

 

أَمَّا بَعْدُ، فَيَا أَيُّهَا النَّاسُ، اِتَّقُوا اللهَ حَقَّ تُقَاتِهِ. وَسَارِعُوا إِلَى مَغْفِرَتِهِ، قَالَ اللهُ تَعَالَى فِي الْقُرْآنِ الْعَظِيْمِ  أَعُوْذُ بِاللهِ مِنَ الشَّيْطَانِ الرَّجِيْمِ، بِسۡمِ ٱللَّهِ ٱلرَّحۡمَٰنِ ٱلرَّحِيمِ ﴿ وَالَّذِينَ يَصِلُونَ مَا أَمَرَ اللّٰهُ بِهِ أَنْ يُوصَلَ وَيَخْشَوْنَ رَبَّهُمْ وَيَخَافُونَ سُوءَ الْحِسَابِ ﴾صَدَقَ اللهُ الْعَظِيْمُ 

 

Sidang Jumah anu dimulyakeun ku Alloh 

Saparantosna rengse urang ngalaksanakeun ibadah saum sareng ngarayakeun lebaran, urang ditungtut ngabubarkeun mumusuhan di antawis urang jeung papada manusa. Sabab, inggis ku salah sawios katerangan, Alloh moal ngahampura dosa hiji jalma lamun eta jalma teu acan silih hampura sareng sasamana. 

 

Ku hal sakitu hayu urang saling bebaskeun dosa per dosa  antawis urang  ngalangkungan silaturahim, silih hampura, jeung ngaraketkeun deui duduluran. Katambih silaturahim atanapi nepungkeun duduluran teh mangrupakeun parentah agama.  

 

Sumangga urang sam-sami regepkeun ku urang sadayana dawuhan Alloh dina Al-Quran:

 

إِنَّمَا يَتَذَكَّرُ أُولُو الْأَلْبَابِ

 

Hartosna, “Ukur jalma anu gaduh akal sehat nu tiasa metik pelajaran,” (QS. ar-Ra’du [13]: 19).   

 

Salajengna saha ari golongan ulul albab teh? Diwaler dina ayat salajengna:

 

 وَالَّذِينَ يَصِلُونَ مَا أَمَرَ اللَّهُ بِهِ أَنْ يُوصَلَ وَيَخْشَوْنَ رَبَّهُمْ وَيَخَافُونَ سُوءَ الْحِسَابِ 

 

Hartosna, “Nyaeta jalma-jalma anu ngahubungkeun perkara anu ku Alloh diparentah   ngahubungkeunna (silaturahim), sieun ka Pangeranna, oge sieun kana hisab anu goreng,” (QS. ar-Ra’du [13]: 21). 

 

Dumasar kana ayat eta, silaturahim teh kalintang ahengna. Salah sawios kautamiannana janten amalan anu tiasa nganteurkeun urang lebet ka surgana Alloh oge tebih tina siksa seuneu naraka. 

 

Hal ieu saperti anu parantos didugikeun ku Kangjeng Rosul saw. nalika ditaros ku salah sawios pameget, “He Rosulalloh, carioskeun ka abdi amal naon anu matak ngalebetkeun abdi ka surga, oge ngajauhkeun abdi tina siksa seuneu naraka?” Ku Kangjeng Rosul diwaler: 

 

تَعْبُدُ اللهَ لَا تُشْرِكُ بِهِ شَيْئًا، وَتُقِيمُ الصَّلَاةَ، وَتُؤْتِي الزَّكَاةَ، وَتَصِلُ ذَا رَحِمِكَ

 

Hartosna, “Anjeun kedah ibadah ka Alloh, henteu miduakeun Pangeran sareng nanaon, ngadegkeun sholat, ngaluarkeun zakat, sareng nyambungkeun silaturahim,” (HR. Muslim).  

 

Sidang Jumah anu dimulyakeun ku Alloh 

Kalih ti eta, silaturahim sareng ngaraketkeun duduluran teh janten sabab panjang yuswa sareng jembar rezeki, sakumaha anu didugikeun ku Kangjeng Rosul: 

 

‌مَنْ أَحَبَّ أَنْ ‌يُبْسَطَ لَهُ فِي رِزْقِهِ وَأَنْ يُنْسَأَ لَهُ فِي أثَرِه فَلْيَصِلْ رَحِمَهُ

 

Hartosna, “Sing saha-saha jalma anu hoyong dijembarkeun rezeki, sareng dipanjangkeun yuswa, maka sambungkeun tali silaturahim, “ (HR. Al-Bukhori). 

 

Dijelaskeun ku para ulama, diantawisna Syekh as-Samarqondi dina kitab Tanbihul Ghofilin, kaca 47 yen hartos panjang yuswa di dieu, tiasa panjang sacara maknawi, tiasa sacara hakiki. Sacara maknawi, panjang yuswa tiasa ngandung hartos panjang bilangannana. Seuer kisah anu nguningakeun hal ieu.

 

Tiasa oge ngandung hartos hakiki. Janten, sanaos urang tos ngalih ka alam barzakh, tapi kasean urang masih disebat-sebat ku jalmi anu aya di alam dunya. Eta oge hartos panjang yuswa keneh.

 

Buktos para wali sareng para ulama. Sanaos marantenna parantos teu aya di alam dunya, tapi maqomna masih seueur anu ngaziarahan. Manakib, sejarah, sareng kasaeannana, masih dicaritakeun ku para santrina.      

 

Malihan, sakumaha anu diuningakeun ku Kangjeng Nabi, silaturahim teh langkung pohara ganjarannana tibatan ngamerdekakeun budak.  

 

Sidang jumah anu dimulyakeun ku Alloh  

Nanging dipraktekna silaturahim teh masih salah kaprah. Seueur di antawis urang anu nyambungkeun silaturahim sareng kaum kerabat salami eta kerabat teh nyambungkeunna silaturahim sareng urang. 

 

Padahal mah hal sarupa kieu teh sanes silaturahim anu dianggap utama ku agama. Sebab, bentukna kitu mah ngabales kahadean anu tos dibikeun ku batur ka urang. Jeungna deui perkara saperti kitu mah geus ilahar tur wajar nu aya di satiap jalma. Matak dina leresan ieu hayu urang regepkeun dawuhan Kangjeng Rosul: 

 

لَيْسَ الْوَاصِلُ بِالْمُكَافِئِ، وَلَكِنَّ الْوَاصِلَ مَنْ إِذَا قُطِعَتْ رَحِمُهُ وَصَلَهَا

 

Hartosna, “Anu nyambung silaturahim teh lain anu ngabales silaturahim batur, nanging anu nyambung silaturahim teh nalika dipegatkeun silaturahimna, anjeuna buburu nyambungkeunna deui,” (HR. Al-Bukhari dan Muslim). 

 

Ku sabab kitu, urang kedah sieun kalebet jamli anu megatkeun silaturahim, Margi megatkeun silaturahim teh matak ngondang kana laknat sareng siksa Pangeran. Kitu sakumaha pidawuh Alloh dina Al-Quran: 

 

فَهَلْ عَسَيْتُمْ إِنْ تَوَلَّيْتُمْ أَنْ تُفْسِدُوا فِي الْأَرْضِ وَتُقَطِّعُوا أَرْحَامَكُمْ - أُولَئِكَ الَّذِينَ لَعَنَهُمُ اللَّهُ فَأَصَمَّهُمْ وَأَعْمَى أَبْصَارَهُمْ

 

Hartosna, “Naha saupamina gaduh kakawasaan, anjeung bakal nyieun karusakan di muka bumi jeung mutuskeun hubungan kukulawargaan? Maranehna teh jalma-jalma anu dilaknat ku Alloh. Teras Anjeunna norekkeun (kukupingan), sareng ngalolongkeun paningali maranehna,” (QS. Muhammad [47]: 22-23). 

 

Dina pandangan agama, kalebet pagawean megatkeun silaturahim nyaeta doraka jeung milaraan ka  indung bapa. Sedengkeun milaraan sareng megatkeun kasaean ka indung bapa, kalebet dosa ageung saatos dosa syirik atanapi midua Pangeran. 

 

Diriwayatkeun, hiji waktos Kangjeng Rosul naros ka para sahabat, “Naha aranjeun hoyong diwartosan ku kaula dosa anu pang ageungna?" Dugika tilu kali Kangjeng Rosul naros kitu. Para sahabat ngawaler, “Kantenan, ya Rosulalloh.” Kangjeng Rosul ngalajengkeun, “Nyaeta syirik sareng doraka ka indung-bapa.”  

 

Sidang Jumah anu dimulyakeun ku Alloh  

Matak hayu urang perhatoskeun hubungan urang sadayana. Naha silaturahim urang sareng sepuh oge dulur urang tos nyambung atanapi teu acan. Naha urang tos tiasa nembongkeun budi anu beresih ka aranjeuna atanapi teu acan. Naha urang teh tos ngamulyakeun sareng ngahormat aranjeuna. Nalika tos lami teu pendak, naha urang sok nepangan aranjeunna. Nalika aranjeuna teu damang, naha urang osok ngalongok. Tah eta pertarosan kedah diwaler ku perbuatan urang.

 

Kantenan panginten dina danget ieu urang nembe pisan ngalangkungan boboran Idul Fitri. Ieu kasempetan urang kanggo ngiatkeun deui tali silaturahim, oge ngaraketkeun tali duduluran. Peupeuriheun dina waktos-waktos biasa urang sering joledar ka aranjeuna. Nanging patali sareng kasibukan biasana urang tara tiasa ngalaksanakeunnana.        

 

Meungpeung panto panghampura di buka salebar-lebarna ku Alloh, hayu urang silih bebaskeun dosa oge silih hampura antawis urang sareng urang. Terutami ka indung-bapa sareng dulur-dulur urang. Komo indung mah tungul rahayu, bapa tangkal darajat. Nu araya keneh, nu teu aya oge urang ulah hilap ngadu’akeun sareng ngaziarahan kuburna. 

 

Sidang Jumah anu dimulyakeun ku Alloh

Tah sapertos kitu pentingna urang silaturahim. Mudah-mudahan urang kalebet jalmi anu salawasna manjangkeunnana. Kalayan mugia, ngalangkungan silaturahim sareng ngaraketkeun duduluran, urang dipanjangkeun yuswa, dijembarkeun rezeki, oge kenging panghampura ti Nu Maha Kawasa. Amin ya robbal alamin.  

 

عِبَادَ اللهِ، اِتَّقُوا اللهَ تَعَالَى وَصِلُوا أَرْحَامَكُمْ وَاحْذَرُوا مِنْ قَطِيْعَتِهِمْ وَاسْتَحْضِرُوا دَائِمًا مَا أَعَدَّ اللهُ تَعَالَى لِلْوَاصِلِيْنَ مِنَ الثَّوَابِ وَلِلْقَاطِعِيْنَ مِنَ الْعِقَابِ، أَقُوْلُ قَوْلِي هَذَا وَأَسْتَغْفرُ اللهَ لِي وَلَكُمْ فَاسْتَغْفرُوْهُ إِنَّهُ هُوَ الْغَفُوْرُ الرَّحِيْمِ

 

Khutbah II   

 

اَلْحَمْدُ لِلّٰهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ، أَشْهَدُ أَنْ لَا إِلَهَ إِلَّا اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاهُ نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا، اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ

 

اللَّهُمَّ إِنَّا نَعُوذُ بِكَ مِنْ عَذَابِ جَهَنَّمَ وَنَعُوذُ بِكَ مِنْ عَذَابِ الْقَبْرِ وَنَعُوذُ بِكَ مِنْ فِتْنَةِ الْمَسِيحِ الدَّجَّالِ وَنَعُوذُ بِكَ مِنْ فِتْنَةِ الْمَحْيَا وَالْمَمَاتِ، اَللَّهُمَّ إِنَّا نَعُوذُ بِكَ مِنْ الْهَمِّ وَالْحَزَنِ وَنَعُوذُ بِكَ مِنْ الْعَجْزِ وَالْكَسَلِ وَ نَعُوذُ بِكَ مِنْ الْجُبْنِ وَالْبُخْلِ وَنَعُوذُ بِكَ مِنْ غَلَبَةِ الدَّيْنِ وَقَهْرِ الرِّجَالِ، رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

 

عِبَادَ اللهِ، إِنَّ اللهَ يَأْمُرُ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

M Tatam Wijaya, Penyuluh dan Petugas KUA Sukanagara-Cianjur, Jawa Barat.