Khutbah Bahasa Sunda: Nitenan Musibah nu Tumiba ka Manusa

Beberapa hari ke belakang, saudara kita di Bogor dan Bekasi dilanda musibah banjir. Selain kita harus menunjukkan kepedulian, juga tidak kalah pentingnya kita memetik hikmah dan pelajaran dari peritiwa tersebut. Tujuannya agar kita selalu belajar memperbaiki dan mendekatkan diri kepada Yang Maha Kuasa.

 

Maka khutbah Jumat bahasa Sunda ini berjudul, “Khutbah Bahasa Sunda: Nitenan Musibah nu Tumiba ka Manusa”. Untuk mencetak khutbah ini, silakan klik fitur download berwarna merah di atas atau bawah artikel ini (pada tampilan desktop). Semoga bermanfaat!

 

Khutbah I

 

اَلْحَمْدُ للهِ الَّذِي ظَهَرَ لِأَوْلِيَائِهِ بِنُعُوْتِ جَلَالِهِ. وَأَنَارَ قُلُوْبَ أَصْفِيَائِهِ بِمُشَاهَدَةِ صِفَاتِ كَمَالِهِ. أَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيْكَ لَهُ، وَلَا مُعِيْنَ فِي تَدْبِيْرِهِ وَأَفْعَالِهِ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، نَبِيٌّ أَنْعَمَ اللهُ عَلَى جَمِيْعِ أَهْلِ الْأَرْضِ بِبَعْثِهِ وَإِرْسَالِهِ. اَللَّهُمَّ صَلِّ عَلَى عَبْدِكَ وَرَسُوْلِكَ مُحَمَّدٍ، وَعَلَى جَمِيْعِ أَصْحَابِهِ وَآلِهِ، وَسَلِّمْ تَسْلِيْمًا كَثِيْرًا

 

أَمَّا بَعْدُ، فَيَاعِبَادَ الرَّحْمٰنِ، فَإنِّي أُوْصِيْكُمْ وَنَفْسِي بِتَقْوَى اللهِ المَنَّانِ، الْقَائِلِ فِي كِتَابِهِ الْقُرْآنِ: أَعُوْذُ باللهِ مِنَ الشَّيْطَانِ الرَّجِيْمِ، بِسۡمِ ٱللَّهِ ٱلرَّحۡمَٰنِ ٱلرَّحِيمِ ، وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ، صَدَقَ اللهُ العَظِيْمُ

 

Hadirin rohimakumulloh 

Ti payun hayu urang sasarengan manjatkeun puji kalih syukur ka Alloh swt. Sholawat miwah salam mugia salamina dikucurkeun ka Jungjunan Alam, ya’ne Kangjeng Nabi Muhammad saw. miwah kulawargi, para sahabat, para tabiin, dugika urang sadayana salaku umatna.

 

Teu hilap ngalangkungan ieu mimbar, pribados salaku khotib umajak ka sadaya ahli Jumah, hayu urang sami-sami ningkatkeun kaimanan sareng katakwaan ka Allah swt. Margi, ukur iman sareng takwa nu janten bekel utama kanggo urang ngamaksimalkeun katoatan ka Alloh swt. oge nebihan sagala rupi panyegah-Na.

  

Hadirin rohimakumulloh 

Dina sababaraha dinten kapengker, sabagian dulur urang nu aya di daerah Jabodetabek, utamina Bogor sareng Bekasi, nuju katibanan musibah banjir. Mun seug ku urang dititenan, sabab eta musibah tiasa wae gara-gara manusa keneh anu ngolah ieu alam. Sapertosna alam tos murka kana tingkah jeung kasarakahan manusa anu teu eureun-eureun ngalaan hasilna.

 

Tangtos katingal ku urang sadayana, ayeuna tos seueur leuweung anu robah fungsi janten lahan industri atanapi pamukiman. Seuseur tatangkalan anu ditebang. Akibatna seueur gunung anu lenang, cai hujan nu teu kaserep jeung teu wadahan.             

 

Nanging lepas tina sagala tingkah jeung kasalahan manusa, Al-Qur’an parantos nganyatakeun, yen sadayana nu tumiba parantos digariskeun ku Alloh swt. Sakumaha dawuhan-Nana dina serat At-Taubah ayat 51:

 

قُلْ لَنْ يُصِيْبَنَا إلاَّ مَا كَتَبَ اللهُ لَنَا هُوَ مَوْلاَنَا وَعَلَى اللهِ فَلْيَتَوَكَّلِ اْلمُؤْمِنُوْنَ

 

Hartosna, “Dugikeun (Muhammad): Sama sakali moal nimpa kaula salian ti perkara anu tos ditetepkeun ku Alloh ka kaula. Anjeunna nu nangtayungan kaula, jeung ukur ka Allah jalma-jalma anu iman kudu tawakal.”

 

Dina ayat anu neme, Alloh ngajelaskeun yen satiap anu tumiba tos digariskeun ku Alloh. Sahingga dina leresan ieu urang kedah ridho kana papasten ti Alloh. Sareng kedah hungkul ka Alloh, urang nyuhunkeun pitulung. Urang kedah sing sabar, kumaha nu sabar teh? Saur Alloh nalika ditibanan musibah, ngucapkeun:

 

إِنَّا لِلّهِ وَإِنَّا إِلَيْهِ رَاجِعونَ

 

Pertarosannana kunaon Gusti Alloh nimpakeun musibah. Waleranna sabab di sapengkereun musibah anu nimpa aya hikmah sareng pelajaran anu kalintang ageungna.

 

Ku hal sakitu, dulur-dulur urang anu katiban musibah mugi sadayana sing dipaparin kasobaran. Nyakitu deui urang anu teu keuna ku musibah sing tiasa metik pelajaran tina eta musibah. Anu salajengna urang sing tiasa ngamanfaatkeun eta musibah keur ngomean diri sareng tingkah ibadah kanu Alloh swt.

 

Hadirin rohimakumulloh 

Urang terkadang mandang musibah teh hiji perkara anu kirang sae, pikasediheun, pikabeurateun, sareng matak nyangsarakeun. Padahal mah di sapengkereun musibah teh seueur hikmah jeung kasaean. Janten urang ulah waka awon sangki ka Pangeran, kantenan upamina su’ul adab mah.

 

Di antawis hikmah lungsurna ujian teh, kahiji musibah teh jadi ujian kaimanan jeung kasobaran keur hiji hamba. Jadi urang ulah waka ngaku jadi jalma anu iman samemeh dipaparin ujian atanapi cocobi. Hal itu saluyu sareng dawuhan Alloh:

 

أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ

 

Hartosna, “Naha manusa ngira yen maranehna diantep ngucapkeun ‘Kaula geus iman’, sedengkeun maranehna teu acan diuji,” (QS. Al-‘Ankabut [29]: 2-3).

 

Ayat ieu ngisyaratkeun yen ujian mangrupakeun kaniscayaan keur jalma-jalma anu ariman. Sahingga, teu heran keur jalma anu geus apal kana hakekat musibah, musibah teh bakal jadi perkara anu berharga keur nganelan kasabaran, kayakinan, jeung kaimanan ka Alloh swt.

 

Kadua, musibah teh wujud kanyaah sareng kadeudeuh Alloh. Teu seueur nu uninga yen musibah teh cara Alloh keur mikanyaah hamba-Na. Hal ieu saluyu jeung salah sawios dawuhan nabi urang sadayana:

 

مَنْ يُرِدِ اللَّهُ بِهِ خَيْرًا يُصِبْ مِنْهُ

 

Hartosna, “Sing saha jalma anu dikersakeun kenging kahadean, maka anjeuna sok ditimpa ku musibah,” (HR. Al-Bukhari).

 

Dina hadits sanesna, diuningakeun yen musibah teh cara Alloh keur nikelkeun pahala hamba-Na, sakumaha dawuhan Kangjeng Rosul.

 

إِنَّ عِظَمَ الْجَزَاءِ مَعَ عِظَمِ الْبَلاَءِ وَإِنَّ اللَّهَ إِذَا أَحَبَّ قَوْمًا ابْتَلاَهُمْ فَمَنْ رَضِىَ فَلَهُ الرِّضَا وَمَنْ سَخِطَ فَلَهُ السَّخَطُ 

 

Hartosna, “Balesan anu gede teh di sagigireun ujian anu beurat. Saenya-enyana Alloh, nalika mikaresep ka hiji kaum, maka Alloh bakal mere ujian ka maranehna. Sing saha anu ridho, maka manehna berhak meunang ridho-Na. Sing saja anu ngewa, maka manehna bakal meunang bebendu-Na,” (HR. At-Tirmidzi).

 

Sapalih katerangan nyebatkeun, yen musibah teh kanyaah sareng cara Alloh rek ngangkat harkat sareng martabat hamba-Na.

 

Katilu, musibah teh salah sawios cara Allah kanggo ngahapus atanapi ngifaratan dosa-dosa hamba-Na. Hal ieu sakumaha anu ditetelakan ku Kangjeng Rosul:

 

مَا مِنْ مُسْلِمٍ يُصِيبُهُ أَذًى مِنْ مَرَضٍ، فَمَا سِوَاهُ إِلَّا حَطَّ اللهُ بِهِ سَيِّئَاتِهِ

 

Hartosna, “Teu pati-pati hiji jalma muslim ditimpa musibah penyakit atawa musibah sanesna kecuali ku musibah eta Alloh ngahapus kasalahan-kasalahanana,”  (Abu Dawud).

 

Hal ieu anu kadang teu disadari ku urang sadayana, yen teu aya perkara anu awon anu sumping ti Alloh. Kalebet musibah anu saur urang mah teu raoseun, nanging tiasa wae janten tetebus dosa urang, atanapi tiasa wae janten jalan diangkatnya darajat urang.

 

Hadirin rohimakumulloh 

Di sagigireun ti tilu hikmah nu eta, urang kedah emut yen musibah tiasa wae janten teguran, khususnya keur jalma-jalma anu laley kana parentah Alloh. Salian ti urang kedah yakin yen satiap musibah anu tumiba di bumi atanapi kana diri saha wae hakekatna papasten Alloh.

 

Hal ieu loyog sareng dawuhan Alloh dina surah Al-Hadid ayat 22:

 

مَا أَصَابَ مِنْ مُصِيبَةٍ فِي الْأَرْضِ وَلَا فِي أَنْفُسِكُمْ إِلَّا فِي كِتَابٍ مِنْ قَبْلِ أَنْ نَبْرَأَهَا

 

Hartosna, “Teu aya hiji bencana anu nimpa di muka bumi jeung nu nimpa kana diri aranjeun, kecuali geus ditulis dina kitab (lauh Mahfuzh) samemeh Kaula nyiptakeunnana,”  (QS. Al-Hadid [56]: 22).

 

Walhasil, musibah naon wae anu tumiba ka urang atanapi ka dulur urang, teu leupas tina hikmah. Nyakitu keneh musibah banjir anu tumiba ka dulur urang anu di Bogor sareng di Bekasi.

 

Dina leresan ieu, hayu urang gotong-royong, rempug jukung sauyunan, nembongkeun duduluran tur kapedulian ka sasama. Tembongkeun sanajan sakamampuan. Bade harta, bade harti, atanapi emutannana. Bade ageung atanapi alitna urang sami-sami laksanakeun. Insya Alloh, Alloh bakal nulungan hamba-Na salami eta hamba nulungan dulurna.

 

بَارَكَ اللهُ لِي وَلَكُمْ فِي الْقُرْآنِ الْعَظِيْمِ. وَنَفَعَنِي وَاِيِّاكُمْ بِمَا فِيْهِ مِنَ الآيَاتِ وَالذِّكْرِ الْحَكِيْمِ. وَتَقَبَّلَ الله مِنِّي وَمِنْكُمْ تِلاوَتَهُ اِنَّهُ هُوَ السَّمِيْعُ الْعَلِيْمُ. أقُوْلُ قَوْلِي هَذَا وَأسْتَغْفِرُوا اللهَ الْعَظِيْمَ لَيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ فَاسْتَغْفِرُوْهُ إنَّهُ هُوَ الْغَفُوْرُ الرَّحِيْمُ

 

Khutbah II

 

اَلْحَمْدُ لِلّٰهِ حَمْدًا كَثِيْرًا كَمَا أَمَرَ، أَشْهَدُ أَنْ لَا اِلَهَ اِلَّا اللهُ وَحْدَهُ لَا شَرِيْكَ لَهُ إِرْغَامًا لِمَنْ جَحَدَ بِهِ وَكَفَرَ، أَشْهَدُ أَنَّ مُحَمَّدًا عَبْدُهُ وَرَسُوْلُهُ سَيِّدُ الْخَلَائِقِ وَالْبَشَرِ. إِنَّ اللهَ وَمَلَائِكَتَهُ يُصَلُّوْنَ عَلَى النَّبِيِّ، يٰأَيُّها الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَهُمَّ صَلِّ وَسَلِّمْ عَلَى سَيِّدَنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ

 

اَللّهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ، اَلْأَحْياءِ مِنْهُمْ وَاْلاَمْوَاتِ. اَللَّهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتَنِ مَا ظَهَرَ مِنْهَا وَمَا بَطَنَ عَنْ بَلَدِنَا إِنْدُونِيْسِيَّا خآصَّةً وَسَائِرِ بُلْدَانِ اْلمُسْلِمِيْنَ عامَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. وَاَلْحَمْدُ لِلّٰهِ رَبِّ الْعٰلَمِيْنَ

 

عِبَادَ اللهِ، اِنَّ اللّٰهَ يَأْمُرُ بِالْعَدْلِ وَالْاِحْسَانِ وَاِيْتَائِ ذِى الْقُرْبٰى وَيَنْهٰى عَنِ الْفَحْشَاءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ، وَاشْكُرُوْا عَلَى نِعَمِهِ يَزِدْكُمْ وَاسْأَلُوْهُ مِنْ فَضْلِهِ يُعْطِكُمْ ، وَلَذِكْرُاللهِ أَكْبَرُ

 

M. Tatam Wijaya, Penyuluh dan Petugas KUA Sukanagara-Cianjur, Jawa Barat.