Khutbah Jumat Bahasa Sunda: 5 Perkara nu Kudu Dipikasieun ku Jalma Mukmin 

Rasa takut adalah salah satu sifat alami manusia yang tidak dapat dihindari. Rasa ini bisa membawa dampak beragam pada manusia, yaitu bisa membahayakan namun bisa juga menyelamatkan. Adapun rasa takut yang menyelamatkan adalah takut pada sesuatu yang dipandang baik oleh agama. Maka, umat Islam diharuskan untuk takut pada 5 perkara.

 

Khutbah Jumat ini berjudul, “Khutbah Jumat Bahasa Sunda:5 Perkara nu Kudu Dipikasieun ku Jalma Mu’min”. Untuk mencetak silahkan klik fitur download berwarna merah di desktop pada bagian atas naskah khutbah ini. Semoga bermanfaat!

 

Khutbah I

 

اَلْحَمْدُ لِلّٰهِ الْمُنْعِمِ عَلَى مَنْ أَطَاعَهُ وَاتَّبَعَ رِضَاهُ، الْمُنْتَقِمِ مِمَّنْ خَالَفَهُ وَعَصَاهُ، أَشْهَدُ أَنْ لَا إِلٰهَ إِلَّا اللهُ وَحْدَهُ لاَشَرِيْكَ لَهُ شَهَادَةَ عَبْدٍ لَمْ يَخْشَ إِلَّا اللهَ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِي اخْتَارَهُ اللهُ وَاصْطَفَاهُ. اَللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ وَمَنْ وَالَاهُ

 

 أَيُّهَا النَّاسُ، اِتَّقُوا اللهَ ، وَتَفَكَّرُوْا فِي نِعَمِ رَبِّكُمْ وَاشْكُرُوْهُ، وَاذْكُرُوا آلَاءَ اللهِ وَتَحَدَّثُوا بِفَضْلِهِ وَلَا تَكْفُرُوْهُ، قَالَ اللهُ تَعَالَى فِي الْقُرْآنِ الْعَظِيْمِ وَهُوَ أَصْدَقُ الْقَائِلِيْنَ، أَعُوْذُ بِاللهِ مِنَ الشَّيْطَانِ الرَّجِيْمِ، بِسْمِ ٱللَّهِ ٱلرَّحْمَـٰنِ ٱلرَّحِيمِ ﴿ فَلَا تَخَافُوْهُمْ وَخَافُوْنِ اِنْ كُنْتُمْ مُّؤْمِنِيْنَ﴾،صَدَقَ اللهُ الْعَظِيْمُ

 

Sidang Jumah rohimakumulloh

Puji sareng syukur urang sami-sami panjatkeun ka Alloh Robbun Gofur. Dzat anu Maha Welas tur Maha Asih, Dzat anu Maha Ngatur sareng maparin ni’mat ka sadaya makhluk-Na. Sholawat sareng salam anu utami mugi tetep ka pang afdol-afdolna Nabi, nyaeta Kangjeng Nabi Muhammad saw. sareng ka kulawargina, para sahabatna, para tabiin sareng tabiatna, dugika urang sadayana anu sapapaosna miharep syafaat di yaomil jaza.

 

Teu hilap, ngalangkungan mimbar anu mulya ieu, khotib seja ngadugikeun kagegelan wasiat, hayu urang sami-sami ningkatkeun bangunan katakwaan sareng kaimanan ka Alloh swt. Sabab, teu aya jalan keur ngahontal kabagjaan dunya rawuh akherat anging iman sareng takwa ka Alloh swt.

 

Sidang Jumah rohimakumulloh

Ari rasa sieun teh eta tos jadi salah sahiji sifat manusa. Jadi atuh nalika urang manggih perkara anu pikasieunan, urang wajar ngarasa sieun. Nanging, salaku jalma mu’min, aya nu leuwih pantes ku urang dipikasieun tibatan perkara-perkara sejenna.

 

Tah dina kitab Nashoihul Ibad kaca 44, Syekh Nawawi ngutip pendapatna Syekh Ibnu Hajar al-Asqalani, rehna aya genep perkara anu sakuduna dipikasieun ku jalma mu’min.

 

Kahiji, perkara anu sakuduna dipika sieun ku urang teh nyaeta, sieun Allah mecatkeun kaimanan tina hate urang nalika ruh urang pisah jeung jasad. Ku hal sakitu, hayu urang sami-sami ngiatkeun kaimanan sareng katakwaan ka Alloh swt, malah mandar jaga nalika urang ninggalkeun alam dunya tetep bari nyandak iman, Islam, sareng ihsan.

 

Kalih ti eta, urang oge peryogi nyeueurkeun du’a ka Alloh swt. supados dikuatkeun iman nalika sakarotul maot. Salah sawiosna ku du’a anu sering diaoskeun ku Ibnu Mas’ud:

 

اللَّهُمَّ إِنِّي أَسْأَلُكَ ‌إِيمَانًا ‌لَا ‌يَرْتَدُّ، وَنَعِيمًا لَا يَنْفَدُ، وَمُرَافَقَةَ نَبِيِّكَ مُحَمَّدٍ فِي أَعْلَى جَنَّةِ الْخُلْدِ

 

Hartosna, “Ya Alloh, abdi nyuhunkeun ka Salira, kaimanan anu teu ngabingbangkeun, kani’matan anu teu aya seep-seepna, sareng dipaparin kasempetan ngarencangan Nabi Salira, Muhammad saw. di surga pang luhurna anu lana.”

 

Peryogi kauninga, teu aya musibah pang ageung-ageungna, nyaeta maot bari teu nyandak iman. Naon pangna panggede-gedena musibah, sabab nalika maot teu nyandak iman, teu aya harepan keur diangkat tina siksa akherat, sahingga bisa lana sareng salawasna dina siksa-Na. Naudzu billah. Nanging, saupamina nyandak iman mah sanajan kedah mayunan hukuman Alloh, tangtosna aya harepan diangkat tina siksa akherat teras dilebetkeun kana surgana Alloh swt.

 

Sidang Jumah rohimakumulloh 

Kadua, perkara anu sakedahna dipikasieun ku urang teh nyaeta, sieun ku malaikat nu nyatet amal, nyaeta malaikat Roqib jeung Atid, nyatetkeun amal-amal anu pika isineun sareng pika wirangeun dina poe kiamah. Sedengkeun kawirang di dunya mah teu sabaraha dibanding kawirang akherat.

 

‌فُضُوحُ ‌الدُّنْيَا أَهْوَنُ مِنْ فُضُوحِ الآخِرَةِ

 

Hartosna, “Kawirang di dunya mah leuwih ringan tibatan kawirang di akherat.”

 

Hadirin sadayana, urang kedah sing emut, di payuneun Alloh mah teu aya anu tiasa disumputkeun. Naon perkara anu ku urang dipidamel di dunya teh bakal nemrak sadayana, saena atanapi awonna. Kitu sakumaha pidawuhna dina Al-Quran:

 

فَمَنْ يَعْمَلْ مِثْقَالَ ذَرَّةٍ خَيْرًا يَرَهُ، وَمَنْ يَعْمَلْ مِثْقَالَ ذَرَّةٍ شَرًّا يَرَهُ

 

Hartosna, “Sing saha anu midamel kasaean sanajan sagede siki sasawi, maka manehna bakal ningal, nyakitu deui sing saha jalma anu midamel kaawonan sanajan sagede siki sasawi, maka anjeunna bakal ningal.” (QS Az-Zalzalah [99]: 7).

 

Sidang Jumah rohimakumulloh

Katilu, perkara anu sakedahna dipikasieun ku urang teh nyaeta, sieun setan ngaruksak amal soleh urang. Ku hal sakitu, urang kedah waspada bisi amal urang teh sia-sia teu aya nilaina di payuneun Alloh, jalaran diruksak ku setan. Ari carana setan ngaruksak amal urang, tiasa wae ku cara ngawurkeun sifat sombong, riya, jeung sifat hasud dina hate urang. Akibatna, urang meunang capena hungkul, nalika cengcelengan amal urang dibuka, pek mah lapur teu aya anu ngari. Na'udzubillah.

 

Kaopat, perkara anu sakedahna dipikasieun ku urang teh nyaeta dicabut nyawa dina kaayaan poho atawa ma’siat ka Alloh. Sedengkeun, urang tos pada uninga, yen maot teh datangna teu mere nyaho, ngageretek taya tempo. Nya kitu deui urang teu terang tempat sareng carana.

 

Nu dipika paur ku urang teh, urang maot keur doraka ka Alloh, nu antukna mawa dosa nu acan katobatan nu kadituna matak ngondang bebendu Pangeran. Matakna, urang ulah kajongjonan di alam dunya, ulah ngaberung teuing kana kahayang nafsu, kudu eling kana pang balikkan, eling kana pisahna ruh jeung jasad, maot pingaraneunnana. Dina leresan ieu, Kangjeng Rosul parantos ngelingan urang sadayana:

 

أَكْثِرُوا مِنْ ‌ذِكْرِ ‌هَاذِمِ اللَّذَاتِ الْمَوْتِ

 

Hartosna, “Seuuerkeun ku anjeun eling kana perkara anu matak ngancurkeun sagala kani’matan, nyaeta maot!” (HR. Ahmad).

 

Ari hikmahna urang seueur eling kana maot nyaeta, hiji matak giat kana tobat, sumanget kana ibadah, sareng sieun kana milampah dosa.

 

Sidang Jumah rohimakumulloh

Terakhir, perkara anu sakedahna dipika sieun ku urang teh nyaeta, urang sieun disibukeun ku dunya barana sareng ku kulawarga urang, nu akibatna urang poho ka Alloh sareng poho ka akherat. Urang sing emut kana pidawuh Alloh:

 

اِعْلَمُوْٓا اَنَّمَا الْحَيٰوةُ الدُّنْيَا لَعِبٌ وَّلَهْوٌ وَّزِيْنَةٌ وَّتَفَاخُرٌۢ بَيْنَكُمْ وَتَكَاثُرٌ فِى الْاَمْوَالِ وَالْاَوْلَادِۗ 

 

Hartosna, “Kedah uninga aranjeun yen kahirupan dunya teh ukur kaulinan, kaheureuyan, perhiasan, sareng ajang mewah-mewahan di antara aranjeun sarta ajang saling paloba-loba harta jeung katurunan,” (QS. Al-Hadid [57]:20).

 

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمُ

 

Khutbah II

 

اَلْحَمْدُ لِلَّهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لَا إِلٰهَ إِلَّا اللهُ وَحْدَهُ لَاشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللّٰهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا، اَللَّهُمَّ صَلِّ وَسَلِّمْ  عَلَى سَيِّدِنَا وَمَوْلَانَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ، اَللَّهُمَّ أَصْلِحْ لَنَا دِيْنَنَا الَّذِي هُوَ عِصْمَةُ أَمْرِنَا، وأَصْلِحْ لَنَا دُنْيَانَا الَّتي فِيهَا مَعَاشُنَا، وَأَصْلِحْ لَنَا آخِرَتَنا الّتِي إِلَيْهَا مَعَادُنَا، وَاجْعَلِ الْحَيَاةَ زِيَادَةً لَنَا فِي كلِّ خَيْرٍ، وَاجْعَلِ الْمَوْتَ رَاحَةً لَنَا مِنْ كُلِّ شَرٍّ، ، رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

 

عِبَادَ اللهِ، إِنَّ اللهَ يَأْمُرُ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

M. Tatam Wijaya, Penyuluh dan Petugas KUA Sukanagara-Cianjur, Jawa Barat.